Thursday, August 26, 2010

මුන්නේස්වරම් බිළිපූජා විරෝධය හෙවත් සංඝ සම්මේලනයට නව සතුරෙකු ඕනෑවීම.

සංඝ සම්මේලනයට හදිස්සියේම චිරාත් කාලයක් බිලිපූජා කරගෙන ගිය මුන්නේස්වරම් කෝවිලේ මැරෙන සත්තු ගැන දුකක් ඇතිවුනේ කොහොමද? මෙච්චරකල් මුන්නේස්වරමේ සත්තු මරනවා කියන එක උන්නාන්සේලා දැනගෙන හිටියේ නැද්ද?

අනිත් එක සත්තු බිලි දෙන්නේ මුන්නේස්වරමේ විතරද? එතකොට අර කළුතර තියෙන මුස්ලිම් පල්ලි දෙකේත් ඔයවගේම වාර්ශිකව මහා එළු ඝාතන සිදුවෙනවානේද? ඒ පැත්තේ උපවාසයක් කරලා සිහල මුස්ලිම් වලියක් ඇද ගත්තොත් නරකද?

මොකක්ද මේ සඟගණ කරන්නට යන්නේ? වසර සිය ගණක් සතුන් බිලිපූලාවලට බිලිදුන් මුන්නේස්වරම ගැන ඇයි මේ හදිස්සි කැක්කුමක්?

මට හිතන විධියට මේකයි හේතුව : ප්‍රභාකරන් මැරිලා, ඇල්ටීටීය විනාශවුනාට පස්සේ දේශපාලන සංඝ සමාජයට සතුරෙකු නැතිවෙලා තියෙනවා. අපි දන්න විධියට ඕනෑම දේශපාලන ප්‍රවාහයක පැවැත්මට, අනුගාමිකයින්, දායකයින් එක් රොක් කරගැනීමට සතුරෙකු අවශ්‍යමයි. ආණ්ඩුව කරන්නේත් ඒ ටිකමයි. ප්‍රභාකරන් සතුරා නැතිවුනාට පස්සේ ආණ්ඩුව බැන්කීමූනා එක්ක, EU/UN එක්ක හැප්පෙන්නේත් සතුරෙකු මවා ගැනීමේ දේශපාලන අවශ්‍යතාවය නිසාමයි.
මේ සිද්ධාන්තය සංඝ සම්මේලනයටත් පොදුයි. ඔවුනේ චිරාත්කාලීන සතුරා නොහිතපු විධියට මි‍යෑදුන නිසා ඒගොල්ලන්ටත් දැන් දායකයෝ, උවැසියෝ රඳවාගන්න අමාරුවෙනවා ඇති,  ඒ නිසා දැන් සතුරෙකු මවාගත යුතුයි.

මේ සංඝයාගේ මේ සත්ව ප්‍රේමයත් හරියටම රාජපක්ශ ආණ්ඩුවේ බොරු දේශප්‍රේමය වගේමයි. ආන්ඩුව බොරු දේශප්‍රේම පාට් දාන්නේ සතුරෙකු මවාගන්න වගේම දානෙට චිකන් කන හාමුදුරුවරු ඔතන බිලිපූජාවලට එරෙහිව දඟලන්නෙත් සතුරෙක් මවාගන්න ඕනෑ හින්දයි. ආණ්ඩුව සිංහලෙන් සුද්දන්ට, බැන්කීමූනාට, EU කාරයින්ට පස්පඩංගුවේ බැන බැන කාටත් නොතේරෙන්න ඉන්ග්‍රීසියෙන් වැඳවැටෙනවා, සල්ලි ඉල්ලලා හිඟමනේ යනවා.

ඔය වගේමයි මේ සංඝයාගේ සත්ව ප්‍රේමය. ගිණි අව්වේ ඉඳගෙන බිලිපූජා නවත්වන්න කියලා ඉඳගෙන උපවාස කරාට, හොඳට තුන පහ, ලුණු ගම්මිරිස් දාලා රසට හදපු චිකන් කරියක්, එළුමස් කරියක් දානයට ගෙනත් දුන්නොත්, ඔය උපවාස කරන උන්නාන්සේලාගෙන් කීදෙනෙක් ප්‍රතිපත්තියේ විධියට මස් නොකා ඉඳයිද? කී දෙනෙක් තළු මරමර පින් දිදී මස් කුට්ටි ටික ගිල දායිද? ඇහුවොත් කියයි "දායකයෝ දෙන නිසා කනවා නැත්නම් දායකයාගේ දාන පාරමිතාව සම්පූර්ණවෙන්නේ නෑනෙ"   කියලා. හැබැයි දායකයෝ කියන්නේ හාමුරුවන්ට අපි බලෙන් චිකන් දෙන්නේ නෑ, ආසාවෙන් කන නිසා දෙනවා කියලා.

තිබහට වතුරටිකක් හොයාගන්න බඩගින්නට කන්න දංකුඩ ටිකක් හොයාගෙන පංසල් වත්තට රිංගන බලු නකුටෙකුටවත් ඔය උන්නාන්සේලා ගල් කැටයකින් ගහලා එලවන්නේ නැතුව කාරුණිකව සළකනවානම් ඒ ඇති.

අනිත් එක, මුන්නේස්වරමේ බිලිපූජා දෙන්නේ අවුරුද්දකට එකපාරයි. බයිරහා ෆාම්ස්ලා, ක්‍රිස්තෝම්බුලා, උඩු පුස්සැල්ලාවලා, නෙල්නා ෆාම්ස් ලා industrial scale එකෙන් සතියේ දවස් 5-6ක් සතුන් සිය දහස් ගණනක් මරන්නේ නැත්ද? ඒ මැරෙන්නේ සත්තු නෙමෙයිද? මුන්නේස්වරමේ මැරිල්ල නවත්වන්න ඉස්සෙල්ලා චිකන් ෆාම් කාරයෝ දිනපතා සිදුකරන මේ සමූළඝාතන නවත්තලා හිටියොත් හොඳයි නේද?

ඒවා නවත්තලා කොහොමද කටට රහට චිකන් කෑල්ලක්වත් වලඳන්නේ? නේද හාමුදුරුවනේ? දෙමෙල්ලුන්ගේ බිලිපූජාව නවත්වන එක තමයි යුගයේ අවශ්‍යතාවය.

අනේ මෙහෙමත් ආත්ම වංචනික බොරුකාරයෝ

3 comments:

Anonymous said...

මෙතන බිලි දෙන්න සතුන් ගෙන යන්නේ දෙමලු විතරක් නෙවෙයි

Unknown said...

thamath me rate sinhalayo innawa, e wageema bwuddayoth innawa...barapathala widiyata weradi wena kota e wata wirudda wena eka wereddak da? oya kiyana widiyata kalutara muslim palli wala sathwa gathana wenawanam e bawa ratta publish kale neththe ei.....ratata aadaraya karana minissu issarahata enakota adabaalayo mewage news blogs wala pala karanawa.... mewa nonjal weda.. kondak tiyenawanam weraddata wiruddawa satan karapan.. !!! theruwan saranai!!!

Dhanu said...

@ buddhika: Den oyaa oya kiyana Sinhala bauddhayo saththu maranne nadda? mas malu kanne nadda? (mas malu kana eka aniyam aakaarayata saththwa ghaathanayata anubala deemak hetiyata salakanna puluwani). Ratata aadare ayata karanna meeta wadaa weda one tharam thiyenawaa. Meeta wadaa wshaala barapathala weradi thiyenawaa. mulin ewa nathara karalaa inna kiyanna. Me article eke thiyena, Bairaha farmas, Nelna farms gena kathaa walata oyaa sadda naa neda? Kaluthara muslim palli wala witharak nemeyi, aanduwe mas madu wala sathiyata dethun paarak meeta wadaa wishaala gananin saththu (eluwo, harak, uuro) marenawaa...ewa kawuruth danna dewal. (oyaa danne nathi unaata!). Ewa gena kiwwe naththe mokada kiyalaa nikam babaa hukun prashna ahanna awashya nehe. Me article eke thiyena eka aththa. Haamuduruwanta uwamanaa welaa thiyenne awadhaanaya labaa geneeme uwamanaawak. Echcharayi. Niyama saththwa premayak wath, deshapremayakwath methana nehe. Nikam boru sobanayak pamanayi. Ape modayantath ithin mewwa habaa!!!