There was an error in this gadget

Monday, May 21, 2012

ෆොන්සේකාගේ නිදහස II - විෂදළ ගලවා එලියට දැමීම

Rate this post 
තමා ෆොන්සේකා මහතාව නිදහස් කරන්නේ විෂදළ ගලවා දමා බවත්, හොඳ නයිනටවන්නෙකුට දළගැලවූ ෆොන්සේකා නයාව භාර දී ඇති බවත් බැරිවුනොත් යලි පෙට්ටියට දමන ආකාරය තමා දන්නා බව පැවසූ බවත් එක්තරා වෙබ් අඩවියක ප්‍රථම පුවත ලෙස දක්වා තිබුණි.

වෙබ් අඩවිය කියන ආකාරයටම ජනපති රාජපක්ශ එසේ කීවදැයි අපි නොදනිමු, උපකල්පණයක් සිදුකරන්නේනම් ඇත්තටම එවැනි කතාවක් කියන්නට නැතැයි සිතිය හැකිය.

එහෙත්.....

සැළස්ම එයම නොවේයයි සිතිය හැක්කේ හුදෙක් දේශපාලන මන්දබුද්ධිකයෙකුට පමණකි. ෆොන්සේකා මහතාට වසර ගණනාවක් හැරෙන්නටත් තහනම් ලෙස නීති රෙකුලාසි වලින් බැඳදැමූ නිදහසක් සමග එතුමා එලියට බසින බව සැබෑවකි. ත්ත්වය කෙතරම් දරුණුදැයි හෙට අනිද්දාට බලාගත හැකිය.

ටිරාන් අලස්ගේ භූමිකාව සැක නැතුවම බෲටස්ගේ භූමිකාව විය යුතුය. ටිරාන් අලස්ට ෆොන්සේකාගේ නිදහසට වඩා වැඩි ගැටලු ඇත. ෆොන්සේකා කුදලාගෙන ගොස් හිරේ දැමූ රෙජිමයට ටිරාන් අලස් කුදලාගෙන ගොස් හිරකිරීමට ඇවැසි සාක්කි ලෙස ඕනෑ තරම් ඇටසැකිලි  අලස්ලාගේ පෙට්ටගම් තුලින් සොයාගත හැකිය. ඔහුගේ ව්‍යාපාරද, තාත්තාගේ ජාත්‍යන්තර පාසැල් ව්‍යාපාරයද ෆොන්සේකාගේ නිදහසට වඩා වැදගත් බව නොකිව මනාය. ඒ අනුව ටිරාන් අලස් කැමැත්තෙන්හෝ නොකැමැත්තෙන් ෆොන්සේකා නටවන නයිනටවන්නා ලෙස රාජපක්ශ ජනපති විසින් පත් කොට ඇත. ඒ අනුව අලස් කරන්නේත් දැලි පිහියෙන් කිරි කන්නා වැනි වැඩකි. වැරදුන හොත් ෆොන්සේකාට වුනාට වඩා අන්ත යමක් අලස්ට සිදුවිය හැකිය. එනයින් ටිරාන් අලස් මහතාට බෲටස් භුමිකාව රැඟීම හැරෙන්නට වෙන මගක් නැත.

ෆොන්සේකා සිදුකල යුත්තේ කුමක්ද?

සැබැවින්ම විශේෂ යමක් නැත! ෆොන්සේකාගේ භූමිකාව වන්නේ සියලු විපක්ශ බලවේග එකමුතු කරනා සංකේතාත්මක නායක්ත්වයක භූමිකාවය. මෙම භූමිකාව රඟදැක්වීම සඳහා දැවැන්ත ක්‍රියාමාර්ග ගැනීම අනවශ්‍යය. අවශ්‍යය වන්නේ පොදු හඬක් නැති, ජනතාවගේ විශ්වාසය බිඳගත් විපක්ශයේ නව ප්‍රතිරූපය වීම පමණකි.

රාජපක්ශට වැරදුන තැන

රාජපක්ශගේ සියලු ක්‍රියාන්විතයන්වල ඉලක්කය ෆොන්සේකා ක්‍රියාකාරී දේශපාලනයට ඒම වැලැක්වීමයි. රාජපක්ශලාට වරදින්නේ ෆොන්සේකා මහතාට විපක්ශයට නායකත්වය දීම සඳහා ක්‍රියාකාරි දේශපාලනයට බැසීම අනවශ්‍ය බව තේරුම් නොගැනීම නිසාය. ජන මනස තුල ෆොන්සේකා යනු යුධ වීරයෙකි. බඩ පැලී බඩවැල් එලියට එල්ලෙද්දී ඒවා අතින් අල්ලාගෙන වේදනාව දරාගෙන බෝම්බ පහරේ කම්පණයෙන් තෝන්තුවී සිටි සෙබලුන්ට අණදිය හැකි නායකයෙකි. එවැනි නායකයෙකුට තවත් ප්‍රදර්ශණය කරන්නට නායකත්වයක් අවශ්‍ය නැත.

නෙල්සන් මැන්ඩෙලාලා, අව්සාන් සූකී ලා නායකත්වය දුන්නේ මහපාරේ නොව සිර ගෙවල් වල දුක් විඳිමිනි.









2 comments:

බුවාගේ සිතුවිලි ! | Buwage Sithuvili ! said...

//නෙල්සන් මැන්ඩෙලාලා, අව්සාන් සූකී ලා නායකත්වය දුන්නේ මහපාරේ නොව සිර ගෙවල් වල දුක් විඳිමිනි//

බොහොම හරි , බලාගෙන ඉමු මොකෝ වෙන්නේ කියලා

Sabith said...

ජනතාව වෙනුවෙන් හඬ නැගිය හැකි විපක්ෂයක් යුගයේ අවශ්‍යතාවක්!විසිරී තිබෙන එය අටවා ගැනීමට ඔහුට හැකි වේවා!