There was an error in this gadget

Sunday, May 13, 2012

අධිරාජ්‍යවාදී හුබස් බිය වැලදුන ජාතිවාදී රෝගීන්

Rate this post 

අමෙරිකාව ප‍‍්‍රමුඛ බටහිර රටවල් විසින් පනවනු ලබන ආර්ථික සම්බාධකවලට ශී‍‍්‍ර ලංකාව දැන් සිටම සූදානම් විය යුතු බව චින්තන පර්ෂදයේ සභාපති මහාචර්ය නලීන්ද සිල්වා මහතා අවධාරණය කරයි.


ජාතික සංවිධාන එකමුතුව විසින් ‘ජිනිවා යෝජනා පිළිගන්නවාද නැද්ද‘ යන මැයෙන් කොළඹ ඊයේ (08* පැවැති සම්මන්ත‍‍්‍රණයකට එක්වෙමින් නලීන්ද සිල්වා මහතා එබව සදහන් කළේය.
එක්සත් ජාතීන්ගේ මානව හිමිකම් කමිටුවේදී සම්මත වූ යෝජනා කි‍‍්‍රයාත්මක නොකිරීම නිසා අමෙරිකාව ප‍‍්‍රමුඛ බටහිර රටවල් විසින් අනිවාර්යෙන්ම ශ‍්‍රී ලංකාවට ආර්ථික සම්බාධක පනවනු ඇති බවත්, ඊට අප මුහුණ දුනහොත් යුධමය ලෙස අප ආක්‍‍්‍රමණය කරනු ඇති බවත් ඒ මහතා පෙන්වා දුන්නේය.


මෙම සම්මන්ත‍‍්‍රණය ඇමතු දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර කියා සිටියේ, ආණ්ඩුව තුළත් කුමන්ත‍‍්‍රණකරුවන් සිටින බවයි. ආසන පටි නීතිය හරහාද ආණ්ඩුව අපහසුතාවට පත්කිරීමේ ක්‍‍්‍රියාවලියක් තිබිය හැකි බව ඔහු පැවසිය.


ජිනීවා යෝජනා සම්බන්ධයෙන් මෙන්ම උගත් පාඩම් සහ ප‍‍්‍රතිසන්දෘන කොම්සන් වාර්තාව සම්බන්ධයෙන් රට තුල විවෘත මහජන සංවාදයක් ආරම්භ කර ඒ සම්බන්ධයෙන් වන නිදහස් මහජන මතයට සවන් දිය යුතු බව වසන්ත බණ්ඩාර මහතා වැඩිදුරටත් පැවසිය.


මෙහිදී, දේශහිතෛෂී ජාතික ව්‍යාපාරයේ සභාපති ආචාර්ය ගුණදාස අමරසේකර මහතා පැවසුවේ, ඉදිරියේ පැවැත්වෙන පළාත් සභා මැතිවරණය ආණ්ඩුවට ජයගත හැකි වනු ඇති බවත් එම ජයග‍‍්‍රහණය පෙන්වා ජනපති වටේ ඉන්නා උපදේශකයන් විසින් 13 වන ව්‍යවස්ථා සංශෝධනය ක්‍‍්‍රියාත්මක කිරීම සඳහා එය යොදාගන්නා ලෙස ජනාධිපතිවරයා පොළඹවනු ඇති බවයි. එම දුෂ්ඨ උපදෙස් පරිදි ජනාධිපතිවරයා විසින් බලය බෙදීමේ යෝජනා ක්‍‍්‍රියාත්මක කරන්නේ නම් එතැන් සිට ජාතික බලවේග ඔහු හැර යන බවද ඒ මහතා පැවසීය.


උපුටාගැනීම : 3mana.com/අධිරාජ්‍යවාදී-හුබස්-බිය/







No comments: