There was an error in this gadget

Thursday, May 24, 2012

විමල් ඔබ කොයිද? සිටිනා තැනකින් එලියට පැන සිංහනාද කරනු!

Rate this post 

විමල් ඔබ කොයිද? 
නිදිද? බුදිද? 
නිවාඩුවට ඇමරිකාවේවත් ගියාද? 
සීගිරි නගින්නට ගොස් බඹරු ඇන්නාවත්ද?

කාලෙකින් ඔබගේ ශ්‍රී මුඛයෙන් ගොන් කතාවක් අසාගන්නට නොලැබීම නිසා දෙකන් පුස්කා ඇත.

එම්බල විමල සිටිනා සිරියහන් ගබඩාවකින් හොස්ස පොවා ලොව බලනු මැනවි. ෆොන්සේකයා නිදහස් වී ඇවිත් දින දෙකෙන් දේසද්‍රෝහී ප්‍රොකාසයක් කර ඇත. ඒවා නෑසෙන්නේ ඔබේ දෙකන් අගුල් වැටී නිසාද? 

නැතහොත් මිසිස් සලාකා හුටපටයට නිසා බිරින්දෑ දුම්මල වරම ගෙන ඇති බැවින් දෙකනේ පුලුන් ඔබාගෙන අතපය වකුටුකොරගෙන සිටිත්ද?

නැතහොත් හිරුණිකාගේ අනාගතය ගැන වොරි කරන නිසා (ගොසිප්ලා කියන විදියට) රට ජාතිය ගැන වොරි කරන්නට වෙලාවක් නැති තරමට බිසීද?

විමල ඔබ මොන හෙයියම්මාරුවක වැටී සිටියත් කමක් නැත, මේ ලකුණු ටිකක් දමාගන්නට කාලයයි. එලියට පැන කෑකෝ ගසන්න. ෆොන්සේකා යලිත් අත් අඩංගුවට ගත යුතුයයි රජයට බල කරමින් බිස්කට් උපවාසයක් වැනි සංදර්ශණයක් වහ වහා ඕගනයිස් කරන්න. රජයේ මාද්දිය ෆුල් ඩම් දමා ඔබගේ ගොන් පාට් වලට බකප් එක දෙනු ඇත.

දේසද්‍රෝහී ෆොන්සේකා හා අවි අමෝරාගෙන පලමුවෙන් සටනට පනින මිහින් සෙනෙවියා (බලු ගැත්තා) ඔබ විය යුතුය. හාමුදුරුපාටියේ එවුන් ෆොන්සේකා ගැන තප්පුලන්නට කලියෙන් ඔබ ෆොන්සේකා විරෝධී අරගලය කරට ගතයුතුය. අනෙක් හාල්මැස්සන්ට ෆොන්සේකා දේසද්‍රෝහී ප්‍රකාසවලින් ලකුණු දාගැනීමට ඉඩ නොදිය යුතුය. මේ සඳහා ෆොන්සේකා විරෝධී මහා අරගලයක් දියත් කරන්න.

ඔබගේ කුණු රෙදි සේදීමේ සේවාව යලිත් මවුබිමට ...සමාවන්න....මිහින්ලන්තයට අවශ්‍යවෙමින් ඇත. ෆොන්සේකාගේ බ්‍රේක් නැති කටට රිටර්න් එක දෙන්නට ඔබගේ කානු කට දැන් විවර කල යුතුය.

බඩු ගැන නොසිතා ...සමාවන්න....... බඩ ගැන නොසිතා රට ගැන සිතන්න. ජීවන බර නිසා ලේ නරක්වී සිටිනා මිහින්ලන්ත වැසියන්ට ලේ පිරිසිදු කරගැනීමට ටිකක් හිනාවෙන්නට කුමක් හෝ ගොන් පාට් එකක් ඉක්මණින් රඟදක්වන්න.

1 comment:

Anonymous said...

කණ්ඩුල කුණු රෙදි හේදිල්ල පටන් අරන් වගේ