Sunday, May 22, 2011

කනිමෝසී හිරේ ගියාට අපේ බබීලා බය වෙන්න එපා.......අප්පුච්චා ඒවා බලාගනී

ඉන්දියානු ෆෙඩරල් පාර්ලිමේන්තුවේ මන්ත්‍රීවරියක් මෙන්ම මන්මෝහන් සිංගේ හවුල් රජයේ බලසම්පන්න පංගුකරුවෙකු වන තමිල්නාඩුවේ හිටපු මහ ඇමති කරුණානිධිගේ දියණියද වන කනිමෝසී ඊයේ නව දිල්ලියේදී පැවැත්වුනු විශේෂ නඩු විභාගයකදී ඇප ප්‍රතික්ශේප වී සිරගත කෙරුනාය. මවක් හා පාර්ලිමේන්තු මන්ත්‍රීවරියක් බැවින් ඇයට ඇප ලබාදෙන ලෙස ඇයගේ නීතිඥවරයා කරතිබුණු ඉල්ලීම අධිකරණය ප්‍රතික්ශේප කලේය. ඇයගේ නීතිඥයින් ඇප අයදුම්පත සමග ඉදිරිපත්කොට තිබුණු කරුණු පිලිබඳව දීර්ඝව කරුණු දැක්වූ විනිසුරුවරයාගේ ප්‍රකාශය ඉතා වැදගත්ය.

මේ තීන්දු ප්‍රකාශය ඉන්දියාවේ අධිකරනයට ඇති ස්වාධීනව තීන්දුගැනීමේ හැකියාව ඉතා හොඳින් පෙන්නුම් කරයි. අධිකරණ විනිසුරු ඕ.පී සායිනී මහතා කනිමෝසිගේ ඇප අයදුම් පත ප්‍රතික්ශේප කිරීමට හේතු ඉතා සවිස්තරව දක්වා සිටියේය.

"සැක කාරියට එල්ලවී ඇති චෝදනාවල බරපතල භාවය හා එයින් රටේ භාන්ඩාගාරයට සිදුවී ඇති දැවැන්ත පාඩුව දෙසත්, සැකකාරියගේ දේශපාලන හා ව්‍යාපාරික බලපුලුවන්කාරකම් සලකන විටත්, දැනටම ඉදිරිපත් වී ඇති සාක්ශි සලකාබලන විටත්, සැකකාරියට මේ නඩුවේ සාක්ශිකරුවන් හට බරපතල බලපෑම් එල්ල කල හැකි බව අධිකරණයේ මතයයි.

සැකකාරිය මවක්, කාන්තාවක් හා උත්තරීතර පාර්ලිමේන්තුවේ මන්ත්‍රීවරියක් යන කරුණු සලකා වුවද ඇයට සහනයක් දීමට අධිකරණයට නොහැකි වන්නේ මේ චෝදනාවල ඇති බරපතල ස්වභාවය නිසාමය. ඇයට යම් සහනයක් දීමට පෞද්ගලිකව මට කැමැත්තක් තිබුණත් නීතිමය රාමුව තුල එවැනි සහනයකට ඉඩක් නැත. මේ නිසා ඇය කිසිදු විශේෂ සැලකිල්ලක් නොමැතිව සාමාන්‍ය රිමාන් සිරකරුවෙකු ලෙස සැලකිය යුතුය...."

කනිමෝසී සිරගත කිරීමත් සමගම කුප්‍රකට "2G Scam" ලෙස හැඳින්වෙන සෙලියුලර් තරංග වෙන්දේසියේදී සිදුවී ඇතැයි පැවසෙන අති දැවැන්ත වංචාවේ පලමුවටයේ චූදිතයන් 12දෙනාගෙන් 11කුම දැන් සිරගත කොට ඇත. මොවුන්ගෙන් පලමුවෙන්ම සිරගත කෙරුණේ මන්මෝහන් සිං අගමැතිවරයාගේ කැබිනෙට්ටුවේ සංනිවේදනය පිලිබඳව කැබිනට් අමාත්‍යධූරය දැරූ කරුණානිධිගේ ඩී.ඇම්.කේ පක්ශයේ ඒ.රාජා කැබිනට් ඇමතිවරයාය.

බලයේ සිටින රජයක කැබිනට් ඇමතිවරයෙක් දේශපාලන නොවන හේතුවක් මත එම රජයේම වංචා දුශණ විමර්ශණ කොමිසම මගින් අත් අඩංගුවට ගෙන කිසිදු අනවශ්‍ය බලපෑමකින් තොඅරව අධිකරණ ක්‍රියාවලියට ඉඩදී අවශ්‍යනම් සිරගත කිරීමේ හැකියාව ඉන්දියාවේ ඇත. A.රාජා/කනිමෝසි ගේ සොරකම් පිලිබඳව සොයාබලන ඉන්දියානු මධ්‍යම විමර්ශණ කොමිසමේ (CBI) නිළධාරීන්හට  මන්මෝහන් සිංගේ හෝ කරුනානිධිලාගේ කිසිදු බලපෑමක් නැත. එසේ බලපෑමක් නැත්තේ මන්මෝහන් සිං කෙසේ වෙතත් කරුණානිධි අවංක, නීතිය අකුරට පිලිපදින, තමන්ගේ දුව වුනත් හොරකම් කරානම් හිරේ ගියාදෙන් යයි සිතාගෙන ඉන්නා මහත්මයෙකු නිසා නොව ඉන්ධියාවේ අධිකරණ පද්ධතියයටත්, රජයේ නිළධාරීන්ට හා ජනමාධ්‍යවලටත් ඇති බලපෑම්වලට යටත් නොවී නිදහසේ නීතිය ක්‍රියාත්මක කිරීමට, දූශණයට එරෙහිව කථාකිරීමටත්, ක්‍රියාකිරීමටත් ඇති හැකියාවයි. මේ හැකියාව නිසා කරුනානිධිලාට කට පුක පියාගෙන  හොඳ ලෝයර්ලා අල්ලනවා හැරෙන්නට වෙන කරන්නට දෙයක් නැත.

මේ අතඩංගුවට ගැනීම් දේශපාලක සොරුන්ගෙන් නතරවන්නේ නැත. පලමුවන වටයේ දේශපාලන සොරුන් හා ඔවුනේ අතවැසියන් සිරගත කෙරුණු අතර හෙට අනිද්දා මේ 2G සොරකමේ ව්‍යාපාරික මොලකාරයින්ද අත් අඩංගුවට ගැනෙනු ඇත. 

ඒ රාජා ඇමතිවරයා හට අල්ලස් පිදේනි ලබාදී කුණුකොල්ලයට සෙලියුලර් තරංග අයිතිය ලබාගත් සමාගම් අතර රිලයන්ස් කොමියුණිකේශන් ආයතනය හා එයට අනුබද්ධ ස්වෝන් ටෙලිකොම්  නම් ආයතනයක් ද වෙයි. මේ අනුව සමාගම් දෙකේම සභාපතිවන ප්‍රකෝටිපති අනිල් අම්බානිවද ප්‍රශ්නකිරීම සඳහා අත්ඩංගුවට ගැනීමට ඉන්දියානු CBI ආයතනය බලාපොරොත්තු වන බව නිළනොවන ආරංචිමාර්ග පවසයි. 

අනිල් අම්බානි සතු ධනස්කන්ධය හා ව්‍යාපාරික බලය දෙස බලන විට ලංකාවේ මහා සල්ලිකාරයින් ලෙස පිම්බී සිටින, රටේ නීතිය තමන්ට අදාල නැතුවාමෙන් සල්ලි විසිකරමින් ඕනෑම දෙයකින් ගැලවෙන, ආණ්ඩු වෙනස්කරන්නට වුවද තමන්ට හැකියාවක් ඇතැයි සිතාගෙන සිටින සුමල් පෙරේරලා, හැරී ජයවර්ධනලා, සුමතිපාලලා, ඊ.ඒ.පී එදිරිසිංහ සමාගම් සමූහයේ සෝමා එදිරිසිංහලා අම්බානිගේ සපත්තු පිසදමන, තේ ගේන, අතුපතුගාන සුලුසේවකයින්ට සමානය. 

ඉහත නම් කියූ ශ්‍රී ලාංකික කෝටිපතියන් සියලුදෙනාගේම වාර්ශික ව්‍යාපාර ආදයාම් සියල්ල එකතුකර ගත්තත් ඒ මුදල රිලයන්ස් සමාගම් සමූහයේ එක එක් මාසයක ආදායමට වඩා අඩුබව සංඛ‍යාලේඛන නොමැතිවුවත් මට කිසිදු බියක් සැකක් නොමැතිව කිව හැක්කේ ලංකාවේ සිටින පාඨකයින් නොදන්නවා වුනාට රිලයන්ස් සමාගම් සමූහයේ විශාලත්වය හා ආදයම් තත්වය ව්‍යාපාර අධ්‍යයනය  හා කළමණාකරනය  උගන්වන මා හොඳින්ම දන්නා නිසාය.

ව්‍යාපාර ආදායම් පසෙක තැබුවත් අනිල් අම්බානිගේ පෞද්ගලික ධනස්කන්ධය (ව්‍යාපාරවල ආදායම නොව) පමණක් 2011වසරේ ආදයම් බදු වාර්තාවලට අනුව ඩොලර් බිලියන 8.8කි ඩොලර් බිලියනයක් යනු මිලියන 1000ක් නිසා ඩොලර් මිලියන වලින් නම් මිලියන 8800කි. ඔය ඉලක්කම ලංකා රුපියල්වලට හරවන්නට නම් තවත් රුපියල් 109කින් වැඩිකල යුතුය. එනම් රුපියල් මිලියන 959,200කි. මේ ඉලක්කම්, සල්ලි නිසා තමුන් මහා ලොක්කන් යයි සිතාගෙන ඉන්නා සුමල්ලාට, එදිරිසිංහලාට, සුමතිපාලලාට, හැරීලාට මුත්‍රා බර හැදෙන ඉලක්කම් බව නොඅනුමානය. 

එහෙත් හෙට අනිද්දාට ඉන්දියාවේ CBIඑක කට උත්තර ගැනීම සඳහා අනිල් අම්බානි අත් අඩංගුවට ගන්නට අවසර දෙන්න යයි උසාවියෙන් අවසර ඉල්ලා සිටියහොත් නඩුකාරයාට සිය අනුමැතිය සඳහා සලකා බලන්නට සිදුවෙන්නේ CBI ආයතනයේ ඉල්ලීම නීතිප්‍රකාරව සාධාරණද, යුක්තියුක්තද යන්න පමනකි. අනිල්ගේ ලාංකේය රුපියල් මිලියන නවලක්ශයේ සල්ලි මල්ල ගැන හෝ අනිල් අම්බානිගේ බලසම්පන්න නැදෑ හිතමිතුරන් ගැන, අනිල් මන්මෝහන් සිංගේ චන්ද වියාපාරෙට සල්ලි වීසිකරාද නැද්ද යන්න ගැන සිතන්නට අවශ්‍ය නැත.

CBIඑකේ නිළධාරින්හටද අනිල් අල්ලන්නට ගොස් ඇසිඩ් කන්නට වේදැයි, නැත්නම් ගෙදර සේවිකාව දූශණ කලායයි අනිල් අම්බානිගෙන් යැපෙන පොලිස් ලොක්කෙකු තමන්ම ගෙන්වාගත් පැමිණිල්ලකට අනුව අත් අඩංගුවට  ගැනෙන්නට පුලුවන් නේදැයි යනුවෙන් බියවන්නට උවමනා නැත. රාජ උදහසට ලක්වී අව්වේ කරවෙන රාජස්තාන් කාන්තාරයට හෝ සීතලේ වෙවුලන ලඩාක් ග්ලැසියරයට මාරුවක් ලැබේවීදෝ යයි ලතවෙන්නට උවමනාවන්නේද නැත. කොන්ද කෙලින් තබාගෙන රාජකාරිය කල හැක.

ඒ ඉන්දියාවේය. ලංකාවේ බේබීලාටනම් බයවෙන්නට දෙයක් නැත්තේ අප්පුචා/හිච්චි බාප්පී/මහප්පී ඉන්නා නිසාය. මල් බේබීට හරි ඒයාගේ ස්ත්‍රී දූශක මිතුරෙකුට හරි විරුද්දව වචනයක් කියවුනොත් ඇසිඩ් බෝම්ම ශුවර්ය. ඕනෑම කොන්තරත්තුවකට මල්බේබිගේ කෙනෙකු, බාප්පිගේ, මහප්පිගේ හෝ අප්පුච්චාගේ කෙනෙකු ඉල්ලුම් කරොත් අනික් අය කරබාගෙන සිටිය යුතුය නැහ්නම් බිස්නස් කරලා ඉවරය.

මොන හොරකම කෙරුවත් අප්පුච්චා, මල්බේබි, බාප්පී මහප්පී, සෙනරත් අංකල් ඉන්නවානම් අඩුම ගණනේ භාණ්ඩාගාරයේ පී.බී අංකල්වත් ශේප්නම් බයවෙන්නට දෙයක් නැත. හොරකම් නොකලත් අප්පුච්චාට එගේන්ස්ට් නම් ඉඳලා හමාරය. දරුමල්ලන්ට වුවද නිවනක් නැත. තාත්තා අප්පුච්චාට එගේන්ස්ට් නිසා දුවලාගේ කසාද කැඩී, සැමියන් අතුරුදහන්වී, එයාපෝර්ට් එකට එනවිට එලාම් වදින්නටද පටන්ගනී. මෙහෙ හැටි එහෙමය.

මල් බේබි විතරක් නෙමේය ඊටත් වඩා ගොඩක් "දුප්පත්" සල්ලිකාර බබාලාට බබීලාට වුනත් ලයිසන් නැතුව මහපාරේ කාර් රේස් තියලා අහිංසකයෙක් යටවුනාම ඩ්‍රයිවර් එලෙව්වේ කියලා ෆොලිස් බොස්ලාට ඩැඩී ලව්වා කියවලා ශේප්මන්ට් එකක් දාගන්නට පුලුවන. දවස් දෙකෙන් ඩැයිවර් උන්නැහේද ඇප ලැබී ගෙදර එන අතර ලයිසන් එකද ආපසු ලැබෙනු ඇත.

තමුන් ආසා කරන ලස්සන කෙල්ලෙකුගේ  පෙම්වතා අබ්බගාතයෙක් කරන්නට, උගේ රස්සාවට කෙලවන්නට වැනි අන්ත අසමජ්ජාති වැඩ වුවද කරගන්නට මේ new-age බබීලාට පුලුවන. මේ සමහර සල්ලිකාර ගඩ්ඩන්ගේ වයස 18ක් 20ක් වත් නැත. ඒත් මල් බේබී සහ සමාගම සමග උන් බිස්නස් කරයි, ඩීල් දායි, නැත්නම් දාන බව ප්‍රචාරය කරයි. පම්පෝරි ගසයි.

වල් වැදුනු නීතිය නිසා පස්ස කසා ගන්නට නියපොත්තවත් නොවැඩුනු, ඒත් මල් බේබිගේ ෆේස් බුක් ෆ්‍රෙන්ඩ්ස් ලාවෙන, පාටිවලදී මල් බේබී එක්ක ඩාන්ස් කරන්න පින් ලැබී තිබෙන, මල් බේබිගේ ප්‍රයිවෙට් සෙල් නම්බර් ෆෝන් ඇඩ්රස් බුක් එකේ තියෙන හුජ්ජ කොල්ලන්ට ලැබී ඇති හයිය පුදුමාකාරය. ලපටි වයසේදීම   මුන් තමන්ට සල්ලි බලයෙන් ඕනෑම වලත්ත වැඩක්, අසමජ්ජාති වැඩක්, හොරකමක් වංචාවක් කොට  එය එක ටෙලිෆෝන් කෝල් එකකින්, විනාඩි පහක මීටින් එකකින් ශේප් කරන්නට හැකි බව අවබෝධකරගෙන ඇත. මේ නිසා මුන් කිසිදාක සාධාරණ ව්‍යාපාරිකයින් වෙන්නේ නැත, දේශපාලනයට ආවිට තත්වය වඩාත් දරුණුවේ.

ඉන්දියාවේද මෙවැනි සල්ලිකාර ඉහඳ පණුවන් ඕනෑ තරම් සිටී එහෙත් මෙහේ ඇති වෙනස නම් අහුවුනවිට ගැලවීමක් නොමැතිවීමයි. මාට්ටුවුන විට මන්මෝහන් සිං ලොකු සීයා වුනත්, සෝනියා ගාන්ධී නෑකමට නැන්දී වුනත් වැඩක් නැත. ටින්කිරි පෙම්වතෙක් ඉන්නා හිරකූඩුවකට ගාල්වීම අනිවාර්‍යයෙන්ම සිදුවේ.

ඉන්දියාවේ සිටින්නේ වඳුරන් හා බමුණන් යයි ඉන්දියාවට ගරහන රාජපාක්ශිකයෝ නිතරම කියති. කියමින් ඔච්චම් කරති, සිනාසෙති. මෙහි වඳුරන් මෙන්ම බමුණන්ද සිටින බව සැබෑවකි.  මෙහි බමුණන් මෙන්ම බමුණු කුළයේ ඇත්තන්ද අඩුකුලයේ උන් තම නිවසට පවා වද්දාගන්නේ නැත. උන් කන තැන්වල කන්නේ බොන්නේද නැත. උන් දිහා බලන්නේද නැත. බමුණන් තමන්ටම වෙන්වූ කොළණිවලට වී අඩුවයස් දැරියන් නාකින් හට විවාහකරදෙමින් බමුණු කුළ ආරක්ශාකර ගනිද්දී බමුණන් නොවන, බමුණුවත් පිලිකෙව් කරන කෝටි සංඛ්‍යාත ජනයා නිදහසේ ජීවත්වෙති,  මහන්සිවී වැඩකරමින්, ව්‍යාපර අරඹමින් ධනවත් වෙති.

බමුණන්ට තේ කඩයක්, ඉඩ්ලි වඩේ තට්ටුවක්වත් හරියට කල නොහැකිය. බමුණන්ට බිස්නස් කල නොහැක්කේ බිස්නස් කරනවිට අඩු කුලයේ එකාටද සමානව සැලකිය යුතු නිසාය. ඒ නිසා ඉන්දියාවේ බමුණන් කෙමෙන් කෙමෙන් වඳවෙමින් සිටී. බමුණු කුළය වඳවෙමින් කුළය කුමක්වුවත් මොළයට හා හැකියාවට තැනදෙන meritocratic සමාජයක් සෙමෙන් එහෙත් ස්ථිරසාරව බිහිවෙමින් පවතී.

ඉන්දියාවේ හින්දු දහම ආශ්‍රිතව බිහිවුනු බමුණුකුළය වඳවෙමින් යද්දී බමුණුවත් පිලිකෙව් කල ගෞතම බුදුන්ගේ අනුගාමිකයින් යයි කියාගන්නා ශ්‍රිලාංකේය භික්ශූන්ද උපත හා කුළය වෙනුවට ධනය මත පදනම් වූ බමුණු කුළයක් බිහිකරමින් පවතී. පැරණි ඉන්දියාවේ බමුණන් හට නීතිය අදාල නැත. ඒ උන් උසස්ම කුලයේ නිසාය. නීතිය අදාල වෙන්නේ අනෙක් උන්ට පමණකි.

ශ්‍රි ලංකාවේ භික්ශූන්ද ඔවුන් නිර්මාණය කරමින් සිටින නූතන බමුණු කුලයට ඇතුලත් කරගන්නා මුදල් තිබෙන නොමිනිසුන් නීතියට ඉහලින් සිටිනා බව විශ්වාස කරණු පෙනේ. අධ්‍යාපනය, සුදුසුකම්, හැකියාව යන මේ කිසිවකින් වැඩක් නැති සමාජයක් ශ්‍රී ලංකාව තුල බිහිවෙමින් පවතින බව කණගාටුවෙන් වුවද කිවයුතුය. සියල්ල ලැබෙන්නේ නූතන බමුණු කුළයටය. ඉන්දියාවේ බමුණන් මෙන්ම මුන්ද දවල්ට බණ දේශණාකරමින් සිට රෑට සොරකමේ යයි නැතිනම් වෙසඟනුන් සොයා යයි.

භික්ශූන්ට පහරදෙන, ප්‍රසිද්ධියේ අවලම් කතා කියන, මිනිසුන් ගස් බඳින, මත් ද්‍රව්‍ය විකුණන, කප්පම් ගන්න මහා වානරයා බමුණු කුළයට ඇතුලත් වන්නේ බෞද්ධයෙන්ගේ මුදුන් මල්කඩක් වන අනුරාධපුරයේ ආරාමාධිපති භික්ශුවකට කුඩු සල්ලි චෙක්පතක් දීමෙනි. දැන් මැරයා නිළවශයෙන් උපාසක බමුණෙකි. සෑසනයට මහත්සේ උපකාර කරන මේ මැර බමුණාට විරුද්ධව චෝදනාකරන්නේ ක්‍රිස්තියානි මිසනාරිකාරයින්ය.

නූතන බෞද්ධ භික්ශූන් තරම් මැරයන්හට මිනීමරුවන් කුඩුකාරයින් හට සෙවන දෙන, උන්ගේ පව් කඳු වසාගන්නට මල්වට්ටි දෙන, උන්ගේ ලේ තැවරුණු කළු සල්ලි සුදුකරගන්නට උපකාරීවෙන වෙනත් සමාජකුළකයක් නැති තරම්ය. මේ භික්ශු කුළකයද අද දිනයේදී සිය බලය ලබාගන්නේ මල් බේබීගේ අප්පුච්චාගෙනි. ඒ සඳහා ඔවුන් සිය භික්ශූත්වය රජ ඉදිරියේ පාවාදී ඇත. අතීතයේ සිටම රජුන්ට අවාදානුසාසනා කොළායයි වහසිබස් කියන මුන්නාන්සේලා අද රජ අණ පිලිපදින්නන්, පවුකාරයින්ගේ පව් වසන්නන් බවට පත්වී ඇත්තේ තමුන්ගේ නිවටකම, ජාතිවාදය, කුළවාදය මෙන්ම මුදලට හා බලයට ඇති ගිජුකම නිසාය.

බලයට හා කුමන ආකාරයක හෝ ප්‍රසිද්ධියට ඇති ගිජුකම නිසා කෝටි ගණන් පින් කැටවලට සල්ලිවැටෙන අනුරාධපුරයේ ආරාමාධිපතිලා කුඩු සල්ලි චෙක්පත් භාරගෙන රිසිට් පතක් වෙනුවට නම්බුනාමයක් දී පුවත්පත්වලට ප්‍රකාශද නිකුත් කරන්නේ සේල්ස් රෙප්ලාටත් අන්ත විධියටය. ටොපි විකුණමින් මුදලාලිලා ඉදිරියේ දෙකට නැමෙන සේල්ස් රෙප් මල්ලිලා වුනත් චෙක් පතකට සිය ආත්මය පාවාදෙන්නේ නැත. ආරාමාධිපතිලාට එවැනි ගැටලු නැත්තේ ආත්මයක් හෝ ආත්ම ගරුත්වයක් නැති නිසා වන්නට ඇත

මේ අනුව සමාජයේ ඉහල සිට පහලටම සියලු ස්ථරයන් පුරා වංචාව දූශණය අපරාධ සාමාණ්‍යකරනය වී ඇත. මුදල් ඇත්නම් ඕනෑම මිනිමරුවෙකු උපාසකයෙකු කරන්නට, නම්බුනාම දෙන්නට භික්ශුවක් ඉදිරිපත්වෙනු ඇති අතර මෙලෙස උපාසකයෙකු ලෙස වෙස් ගැන්වෙන අපරාධකාරයා කැබිනට් ඇමතියෙක්,  නියෝජ්‍ය ඇමතියෙක්, මහ ඇමතියෙක්, ආණ්ඩුකාරයෙක්, මංත්‍රීවරයෙක්, ජනාධිපති උපදේශකයෙක් වන්නට ගතවෙන කාලය ඉතාම කෙටිය. අප්පුච්චා, බාප්පී, මහප්පී , සෙනරත්, පී.බී, කබ්රාල් වැනි මෙකී නොකී කුළවන්තයන්ගේ අනුග්‍රයන් අපරාධකාරයා කෙටි පාරෙන් පාර්ලිමේන්තුවට, පලාත්  සභාවට, ආණ්ඩුකාර නිළනිවසට, වෙනයම් වැදගත් අමාත්‍යාංශයකට නැතිනම් රජ ගෙදරට හෝ එයි. ස්ත්‍රීදූශක සිල්වා, එවැනි පාහරයන් අහලකටවත් වැද්ද නොගතයුතු, ත්‍රිවිධ හමුදාව හා පොලීසිය පාලනය කරන  අමාත්‍යාංශයට සෙට් වෙන්නේද සල්ලිඅනුහසින් බමුණු කුළයට ඇතුලත්වීමෙනි.

බමුණන් සිටින ඉන්දියාවේ හොරකම් කල කැබිනට් ඇමතිලා, මංත්‍රී නෝනලා හිරේ ගියාට මේ පාපතර දේශප්‍රේමී රාජ්‍යයේ   හොරකම් මැරකම් අපරාධ කරමින් වැජඹෙන බබාලාට, බබීලාට මෙන්ම වයස්ගත හොරුන්ටද බියවෙන්නට දෙයක් නැත. සියල්ලන්ටම අප්පුච්චාගේ සරණ ඇත.




9 comments:

බුවාගේ සිතුවිලි ! | Buwage Sithuvili ! said...

මෙහෙම ලියන්න ඉතින් ලංකාවෙන් පිටම ඉන්න නිසා හොඳයි , ඔය කිව්ව ලංකාවෙ ව්‍යාපාරික ලයිස්තුවට තවත් එක්කෙනෙක් අඩුයි මං දන්න තරමින් මේ වෙනකොට එයා අමාත්‍යාංශ ලේකම් කෙනෙක්

Anonymous said...

ඇගේ නම කනිමොසී නව කනිමොළී ය. දෙමළ ழ் අකුර ඉන්ග්ර්සියෙන් ලිවීමේදි zh ඒ සදහා යොදා ගනී. උදා: Tamizh (Tamil)

http://www.indopedia.org/index.php?title=Tamil_language

රංචාගොඩ මුදියන්සේ said...

@ Anno;

Thanks

lama said...

මම නම් හිතන්නේ නෑ ඉන්දියාවේ ආණ්ඩුවට පක්ශ කෙනෙක් කවදාවත් හිරේ යයි කියලා. ලංකාව, ඉන්දියාව, ඇමරිකාව කොහෙත් එකයි. බලපුලුවන්කාරයෝ ගොඩ. මෑත කාලයේ නියම නීතිගරුක මම දැකපු එකම රට සින්ගප්පූරුව. ඒකත් දැන් කොහොමද දන්නේ නෑ

Traitor said...

Maxa machan. Mamath issara oya wage agressive blog ekak liwwa. Eth ewa kiyawana bahutharaya 'deshapremi' mati mollu nisath, unta mala pannama banun ahanna wenne ape asarana demawpiyanta nisath mama wade atha arala damma. Namuth (raten pita indan hari) mehema liyanna obata thiyana shakthiyata mage aachaaraya!

indika said...

meeeeeeeeeeee mama meka issellama kiyanne ithama wedagath seyak liwwa ape mahaththatai. ape mahaththaya liwwa dee haru asawen kiyawala iwarai den mama oba thuma kiyala thiyana dee isa mudunin piligannawa. mama asai ekata namut ponnayo karana weda karanna epa lrhutu sipaiyyo. thooooo ochchara honda deyak liyana athare bola use karala stick eka hangagena ehema behe. thoooo gena tharahak ethi une eken ponnaq lehutu sipayyo thoo mokatada ahinsaka widiyata thaman karana rassawen hamba karan kana apeee minissunta niga dena widiyata katha karanne. mata therenawa thoge ara deka nahe ee wagema stick eka '1' inch neda awaqlama. thoge eka wakyakata mee kiwweee. kiri kalayata goma binduwai wetune lehuttto..

Anonymous said...

muuu liyala thiyena samahara dewal attha unath ewa minissunta piliganna hithennne nathi widihata liyala thiyenne. muu amu pissek. no journalism

ප්‍රගීත් එක්නැලිගොඩ said...

හොඳයි, හොඳයි, කොල්ලනේ, මං හැංගුණාට උඹලා වැඩේ කර ගෙන යනවා. පොලිටිකල් අසයිලම් ගන්න් හැංගෙන්න ඕන වුණොත් මට කියාපල්ලකො, මම කරල දෙන්නම්

Anonymous said...

Mekata kunuharupen benala thiyenne kawadath maharajata kade yana moda hetta ... unta, maha eka ewilla unge ammawa aran giyath mara 'desapremayak' thiyenne ...logically me tharka bindinna beri wenakota kunu harupen baninawa ... lankawa modayo 75% ohoma thama ...ekane munge anduwa chanda walin dinanne ...ekane rata me tharam wala pallata yanne