There was an error in this gadget

Saturday, January 8, 2011

හිට්ලර් යුන්ඩ්

Rate this post 
සියලු යව්වනයින් නායකයාට සේවය කරනු ඇත..   
හිට්ලර් යුන්ඩ් යනු 1933දී නට්සී ජර්මනියේ බලය අල්වාගත් පසු ආරම්භ කරන ලද තරුණ නාසි ව්‍යාපාරයයි. හිට්ලර් යුන්ඩ් හෙවත් හිටලර් ගේ තරුණ කැළ ලෙස නම් කරන ලද මේ ව්‍යාපාරයට 1935 පමණ වනවිට ජර්මනියේ අවුරුදු 10න් ඉහල ළමා ජනගහනයෙන් 60%ක් පමණ බඳවාගෙන තිබුණි.

දැඩි විනය,ආත්ම පරිත්‍යාගය, හිට්ලර් හා නාසි පක්ශය වෙනුවෙන් දිවි හිමියෙන් කැපවීම යන මූළධර්ම මත හිට්ලර්ගේ තරුණ ව්‍යාපාරය ගොඩනගා තිබුණි.

1935දී සිදුකල දේශණයකදී හිට්ලර් පවසා සිටියේ "තරුණ බලවේග පාලනය කරන්නා අනාගතය පාලනය කරයි" යනුවෙනි. මෙසේ ජර්මනියේ මුලු මහත් අනාගතයම නාසි මතවාදයට ගොදුරු කරගෙන තරුණ පරම්පරාවේ මොල සේදීමට උපයෝගි කරගත් ආයතනික ව්‍යුහය හිට්ලර් යුන්ඩ් ව්‍යාපාරයයි. හිට්ලර් යුන්ඩ් තරුණ පුහුණු කඳවුරු වලදී හොඳින් පුහුණුව ලබන දක්ශ තරුණයින්ගේ ඊළඟ නවාතැන වුනේ "SS" යනුවෙන් හැඳින්වුනු නාසි පැරාමිලිටරි සංවිධානයයි. නට්සි ජර්මනියේ සෑම අංගයක්ම පාලණය වුනේ SS නිළධාරීන්ගේ අධීක්ශණය යටතේයි.


සාටක යුන්ඩ්?

පසුගිය පස් වැනිදා අපේ ඇස් බී මහත්තයාත් හිට්ලර් ගේ යුන්ඩ් එක වගේ තරුණ බලවේගයක් පිහිටුවන්න පලමුවැනි මතවාදී පස් පිඩැල්ල කැපූ බව ආරංචි වෙනවා. ඒ විශ්වවිද්‍යාල හා තාක්ශණික ආයතනවලට යන ළමයින්ට හමුදා කඳවුරු තුල පුහුණුවක් ලබාදීලා ඊට පස්සේ අධ්‍යාපන ආයතනවලට යැවීමේ සැලැස්මයි.

ඇමතිකම ගත්ත මොහොතේ ඉඳලාම හැම දෙයක්ම අනාගෙන ඉන්නා ඇස් බී ඇමතිතුමා මේ ලෑස්ති වෙන්නේ අපේ ලෝකල් ෆියුරර් තුමාට සැලූට් එක ගහගෙන ඕනෑම පක්කලි වැඩක් කරන්නට ඉහ මොල සෝදලා දාපු රොබෝ තරුණ රැලක් ලබලා දෙන්න. එතකොට ජවිපේ මතවාදී දේශපාලනය විශ්ව විද්‍යාල සිසුන්ගේ ඔලුගෙඩි වලට රිංගවන්න අමාරු බව ඇස් බී තුමාගේ ගණදෙවි නුවනට පෙනෙන්නට ඇති.

ගෑණුන්ගේ ගවුම් වල දිග පාළණය කරන්නට කැහැපොට ගහන මේ ගොන් රැළට නොතේරෙන එකම දේ නම් විශ්ව විද්‍යාලවල ශිෂ්‍යයින් ජවිපේ ආකර්ශණය වීමට හේතුව ඒ තරුණ තරුණයින්ට වෙන විකල්පයක් නොමැති වීම කියන එක.

විශ්වවිද්‍යාල වල තරුණ තරුණියන්ට අවශ්‍ය පහසුකම් සපුරා නොදී, පාඨමාලා 21වැනි ශතවර්ශයට ගැලපෙන විධියට නවීකරණය නොකර, අලුත් විධියට හිතන්න දන්න දක්ශ ආචාර්‍යවරු රට අතහැරලා යන එක නවත්වන්නේ නැතුව, විශ්වවිද්‍යාලය තුලදීම පාථමාලා වලට සමාන්තරවම රැකියා පුහුණුව ලබා නොදී හමුදා පුහුණුවෙන් විතරක් විශ්වවිද්‍යාල තරුණ තරුණියන් ජවිපේ දේශපාලන ව්‍යාපාරවලින් ගලවා ගන්නවා කියන එක විහිලුවක්.

නාමල් බේබිට විතරක් එයාර් කොන්ඩිශන් කාමරේක සෙල්ෆෝන් එකත් ලඟතියාගෙන උත්තර ලියන්න පුලුවන් විධියට නීති විද්‍යාලයේ පවා අවනීතිය රජකරවන මේ සුනඛ පාලකයින් කරන්නේ මේ රටේ තරුණ පරම්පරාවත් තවදුරත් රැඩිකල් කරන එක විතරයි. තව ටික දවසක් යනකොට උසස්පෙල අසමත් රාජපක්ශ පැටියෙකුට වෛද්‍යවිද්‍යාලයේ දොරටු විවර වෙන්නත් ඉඩ තියෙනවා. නුදුරු අනාගතයේම උදාවිය හැකි එය සිදුවිය හැකි අතර එවිට වන ශිෂ්‍ය නැගිටීම පාලනය කරන්නට වෙන්න ඕනෙ මේ සාටක බලඇණි වලින් විශ්වවිද්‍යාල පුරවන්නට හදන්නේ.

2 comments:

Anonymous said...

I just happened to see this blog. And it's a very good one. I don't live in SL anymore, but i read on politics whenever i can. To tell the truth, most of the time it just make me sick and end up feeling sorry for my motherland.

I'm not particularly taking about this article, but about other ones as well. You have written exact thoughts, that come to my mind whenever i read Sri lankan newspapers. I was asking myself for a long time how people of Sri lanka can be this much stupid, passive and shameless. And the opposition is unbelievably weak and hopeless.
I'm glad to see that still there are people who really understand what's going on. Keep up ur work.

Anonymous said...

ඇත්තටම ලන්කාවේ අද තත්වෙ අති බයානකයි.පූර්න මිලිටරි පාලනයක් කරා යන රටක ප්‍රධාන ලක්ශණ විශාල ප්‍රමානයක් පහල වෙලා.ජනතාවගේ හැමදේම පාලනය කරන සමාජ ක්‍රමයක් අද මෙහෙ ඇතිවෙලා.ඒකේ තවත් එක් ප්‍රධාන සිදුවීමක් තමා ඕකත්.රටේ බිහිවන බුද්දිමතුන් පාලක පැලැන්ති පවුලේ රූකඩ බවට පත් කරගැනීම.ඇත්තටම බොහෝම හොද ලිපියක්.