ලන්ඩන් දුවඤ්ඤයි.............. බැන බැන ආපහු නොඑඤ්ඤයි

ශ්‍රී ලංකා ප්‍රජාචන්ත්‍රවාදී බනානා රිපබ්ලිකයේ මහ රජට මලපන්නවන්නේ නැතුව ලංඩොන් සංචාරයක් සංවිධානය කරන්නට සුද්දන්ට උපදෙස්.............


1) එතුමාගේ සංචාරය සිදුවන දින 14 (නැතහොත් දින 30) ලන්ඩොන් නුවර සියලු පාරවල් වසා නිවාඩුදින ලෙස ප්‍රසිද්ද කල යුතුය

2) ලන්ඩොන් වල හැම තරු 5හේ හෝටලයකම කාමර පනහ  ගානේ බදු ගෙවන බ්‍රිතාන්‍ය පුරවැසියන්ගේ බදු මුදල් වලින් ගෙවා වෙන්කල යුතුය.

3) ලන්ඩොන් නුවර සියලුම පාසල් ලමෝ නිළ ඇඳුමෙන් පාරවල් දෙපස සිංහකොඩි හා කතිරකොඩි අතටදී උදේ සිට බඩගින්නේ පෙලගස්සවා තැබිය යුතුය

4) ලන්ඩන් බස් සේවයේ රතුපාට ඩබල් ඩෙකර් බස් සියල්ලම මුදල් නොගෙවා බලෙන් ගෙන එතුමාගේ සම්ප්‍රාප්ති උලෙල නැරඹීමට හා කොඩි වැනීමට සෙනග ඇද්දවිය යුතුය. 

5) බස්වලින් කොඩි වනන්නට එන සෙනගට නොමිලේ බත් පැකට් එක හා අරක්කු බාගයක් ......සොරි වැරදුනා......... ෆිශ් ඇන්ඩ් චිප්ස් පාර්සලයක් හා ස්කොච් විස්කි බාගයක් නොමිලේ දිය යුතුය. මේවා ඕගනයිස් කිරීම ලන්ඩන් මාෆියා බොස්ලාට පැවරිය යුතුය.

6) එතුමා ලන්ඩොන් ඉන්නා සතිදෙක හෝ මාසය තුල සියලුම් පොලිස්කාරයින්ගේ හා රජයේ නිළ්ධාරීන්ගේ නිවාඩු කැන්සල් කල යුතුය

7) එතුමාගේ ප්‍රයිවැට් ජෙට් එක නොහොත් රජයට පවරාගත් සිරි ලන්කන් ගුවන්සේවයේ අලුත්ම එයාර් බස් එක ගොඩ බස්සවන විට එන්ගලන්තේ රැජිනත්, එයාගේ හස්බන් ආදිපාදත්, ඔටුන්න හිමි කුරාත්, අගමැතිත්, ආරක්ශක ඇමතිත්, විදේශ ඇමතිත් එතුමා පිලිගන්නට පෝලිමේ සිටිය යුතුය.

8) එතුමා එනකොට කොටි කොඩි වනමින් විරෝදය දක්වන ටැමිල් ටයිගර් ඩයස්පෝරා බෝයිස් ඇන්ඩ් ගර්ල්ස් ලාගේ ඇටකටු කැඩීමට විසේස මැර හමුදාවක් ලෑස්තිකල යුතුය. මැරයෝ මදිනම් යුනිෆෝම් ගැලවූ ආමි කොල්ලෝ යෙදවිය හැකිය.

9) එතුමා සම්ප්‍රාප්තවන දින මුලු මහත් එක්සත් රාජධානියේම සියලුම රූපවාහිනී හා සැටලයිට් නාලිකා සාමාන්‍ය වැඩසටහන් කැන්සල් කොට එතුමාගේ සම්ප්‍රාප්තිය ලයිව් දිය යුතුය

10) බී.බී.සී ලෝක සේවය එතුමාගේ පැමිණීම ගැන විනාඩි 15න් 15ට මුලු ලෝකෙටම බ්‍රේකින් නිවුස් දිය යුතුය.

11) ලන්ඩන් වල හැම පන්සලකටම, පල්ලියකටම, කෞතුකාගාරයකටම හා ලන්ඩන් සත්තු වත්තට යන්නට එතුමාට සියලු පහසුකම් සැලැස්සවිය යුතුය.

12) එතුමාට බ්‍රිතාන්‍ය පාර්ලිමේන්තුව අමතා පැය 2ක කථාවක කිරීමට අවස්ථාව සලසා දිය යුතුය.

13) එතුමා එක්ක එන සියලු බලු කපුටන්ට කෑම, බීම, ඉඳුම්හිටුම් හා ගෑනු නොමිලේ සපයා දිය යුතුය. උන් සුපර්මාකට් වලින් උස්සා සාක්කුවේ දාගන්න බඩු වලට ගෙවන්නට වෙනම කට්ටියක් රහසින් දමා සිටිය යුතුය. නැතිනම් උන් අසුවූවිට එතුමාට ලැජ්ජාවකි. මේ බලුකපුටන් නයිට් ක්ලබ් හා බඩු පොට් වලට යනවිට අතිරේක කලිසම් හා කමිස රැගත් කට්ටියක් එම ස්ථාන අසල රඳවා තැබිය යුතුය. උන් කලිසම් නැතිකරගත හොත් ලැජ්ජාවත් එතුමාටය

14) එන්ගලන්තේ රැජින එතුමා ඉන්න හෝටලේට පැමිණ එතුමාට "කමාන්ඩර් ඔෆ් බ්‍රිටිශ් එම්පයර් - CBE" නැමති නයිට් නාමය පිදිය යුතුය. එවිට එතුමා "සර් මහින්ද රාජපක්ශ වනු ඇත." එතුමා හරිම හැපී වනු ඇත.

ශ්‍රී ලංකා ප්‍රජාතන්ත්‍රවාදී සමාජවාදී බනානා රිපබ්ලික්.......

බනානා රිපබ්ලික් යන්න විකිපීඩියා විශ්වකෝෂය අර්ථදක්වන්නේ

"  ඉතා සීමිත සම්පත් හා අපනයන කිහිපයක් මත යැපෙන, දේශපාලනමය වශයෙන් ස්ථාවරත්වයක් නැති, දුගී දුප්පතුන් අති බහුතරයකුත්, ධනපතියන් ,මැරයන් හා හමුදාවේ සුලුතරයක් අත දෙශපාලන බලය රැඳී ඇති, දූෂණය ඉහවහා ගිය ඒකාධිපති පාලනයක් යටතේ පවතින කුඩා රටකි......"


මේ අර්ථදැක්වීම ලංකාව ඉලක්කර කරගත් කොටි ඩයස්පෝරා, සුදු අධිරාජ්‍යවාදී ඇන්ජීඕ කුමණ්ත්‍රණයක් ලෙස හැඳින්වීමට ලංකා පාණ්ඩුවේ කටු ලෙවකන ඕනෑම බුද්දිමතෙකුට, කලාකාරයෙකුට හෝ මාද්දියවේදියෙකුට පුලුවන.

කියවලා බලනකොට හරියට ලංකාව දිහා බලලාම ලිව්වා වගේ පෙනුනත් 1904දී මේ යෙදුම මුල්වරට භාවිතා කරපු ඇමරිකන්කාරයා අදහස් කරලා තියෙන්නේ ඇමරිකාවට කෙසෙල් අපනයනයෙන් ජීවත්වන, දූශිත මධ්‍යම ඇමරිකානු රටවල් ගැන හිතලයි.

බනනා රිපබ්ලික් කතාව ඒකාලේ මධ්‍යම ඇමරිකාවට ගැළපුනාට දැන් ගැලපෙනේ ආසියාවේ ආසිචර්යය යයි ආණ්ඩුව හැරෙන්නට වෙන කවුරුවත්ම නොකියනා සිරි ලංකාවට බව දේසප්‍රේමී ජනතාවට (හෙවත් ආණ්ඩුවේ ලණු ගිලිමින් බඩගින්නේ හිනාවෙනගමන් සී නිවුස් එකේ දේසප්‍රේමී කුණුහරුප කොමෙන්ටු කොටන මෝඩ හැත්තට) වුවද දැන් දැන් වැටහෙතැයි නිකමට අපිට සිතෙන්නේ අපි සැබෑ දේසද්‍රෝහීන් නිසාම වන්නට ඇත...

රටම ඩෙංගු වසංගතයෙන් වැහීගෙන යද්දී, මිනිස්සු බල්ලෝ බලල්ලු වගේ වෙඩි කද්දී, වෙඩි තියපු එවුන්ට කොමාන්ඩෝ ආරක්සාව ලැබෙද්දේ, මැරුණු මිනිස්සුන්ගේ මළගමට කොඩියක්වත් අදින්න එපා කියලා පුකේ මහේස්ත්‍රාත්ලා නියෝග නිකුත් කරද්දී වසී බෝලෙත් මිරික මිරිකා අපලෙ කාලෙ ගෙවෙනකන් ලෝක වටේ දුව දුව  ඉන්නා නායකයෝ ඉන්නේ කෙහෙල්කං ජනරජවල නොවේද?

ඒ විතරක් නෙමෙයි,  කෙහෙල්කං රටේ අතිගරු  රජතුමා, සුද්දන්ට පස්පඩංගුවේ බැන බැන ඉන්න ගමන්, සුද්දන්ට නැමෙන්නේ නෑ කියන ගමන්, නාකි සුදු රැජිනිට අතට අත දුන්නේ දෙකට නැමිලා බව අපි හොඳටම දැක්කා. ඒවගේ බය පක්සපාතකමක් එන්ගලන්නේ එවුන්ගෙන්වත් රැජිණිට ලැබෙන්නේ නැතුව ඇති.

ඒ විතරක් නෙමෙයි, නාකි සුද්දිගේ උපන්දිනේට ප්ලේන් බුක්කරගෙන, නඩේ පටෝගෙන, ලන්ඩොන් ගිහිල්ලා ආයෙත් කිචවෙලා, කුණුහරුපෙන් ඕගනයිසර්ලාට බැන බැන කිව්බාවට දිව්වට එහෙදි ලැබුනෙත් උප ඇමතිනීගේ පිලිගැනීමක් විතරලු. මේ වගේ එන්නන් වාගේ වැඩක් නැතුව අපල ගෙවන්නට දුවගෙන එන කිං බානට්ලා පිලිගන්න එයාර්පෝට් එකට එනවාට වඩා වැදගත් වැඩ රාවුල් කැස්ත්‍රෝට ඇති බව අපිට හොඳටම විශ්වාසයි.

කියුබාව වගේ විශාල රටක්, අවුරුදු 30-40ක ඇමරිකන් ආර්ථික සම්භාදක යටතේ ඔය විදිහට හරි තියාගෙන මිනිස්සුන්ට කන්ඩ අඳින්ඩ, බේත්හේත්ටික, අධ්‍යාපනය වගේ දේවල් අඩුපාඩු නැතුව දෙන්න පුලුවන් දක්ෂ පාලකයින්ට විතරයි.  කැස්ත්‍රෝලා මිරිකන්නේ අපේ තුමා වගේ රත්තරන් වසීබෝල නෙමෙයි, වැඩ නොකරන නිළධාරීන්ගේ, දූශිත නිළධාරීන්ගේ ඇටබෝල. ඒනිසා අපේ කිං බානට්තුමාට වැඩ නැති වුනාට රාවුල් කැස්තෝලාට අම්බානක වැඩ තියනව. ඒ මිනිස්සු වැඩකරන්නේ මන්තරකාරයින්, කට්ටඩින් කියන විදියට නෙමෙයි. රටේ ජනතාවගේ සුභසිද්දියට.

කියුබාවෙන් චුත වුනාට පස්සේ බනානා රිපබ්ලික් රජතුමා කොහාට යයිද කියලා තාම නිනව්වක් නෑ, ඒත් ද්වීපාර්සවික සබඳතා තරකොරගන්න කියලා මොකක් හරි රටකට දුවගෙන ගිහිල්ලා ඒ රටේ නායකයින්ගෙත් වැඩ පාලු කරයි. ඇයි ඉතින් රටක නායකයෙක් අවේලාවේ කඩාගෙන වැටුනත් වැදගත් විධියට සළකන ඕනෑ කියලා සම්මතයක් තියෙනවානෙ. නැතිනම් ලැජ්ජාව ඒ මිනිස්සුන්ටනේ. අපේ රජතුමාට නැත්තෙම ලැජ්ජාවනෙ. 

ආයෙත් මොකෙක් හරි පකඩ සුද්දෙක් වැදගැම්මකට නැති දේකට (උදාහරණයක් ලෙස ලන්ඩන් නුවර පොදු වැසිකිලියක් විවෘත කරන්ඩ හරි ) එන්ඩ කිව්වොත් අපේ  රජතුමා ප්ලේන් එකක් බුක්කරගෙන ආයෙත් දුවයි ලන්ඩොන්.... ගිහිල්ලා බැන බැන එයි.....

"  All hail the king of ශ්‍රී ලංකා ප්‍රජාතන්ත්‍රවාදී සමාජවාදී බනානා රිපබ්ලික්....... "

දේසප්‍රේමීද? දේසද්‍රෝහීද? ජම්පරය නැති හිරකාරයා ෆොනී විතරද?

අපේ රටේ ඕනෑම කතාවක්, ක්‍රියාවක්, රඟපෑමක් හෝ වෙන මොනයම්ම දෙයක් උනත් කොටස් දෙකකට ලේසියෙම්ම වර්ග කරගත හැකිය.

1. ආණ්ඩුවේ, ජනපතිගේ, ජනපති දරුවන්ගේ හොඳකීම, අගය කිරීම, එසේ කරන කතා, ක්‍රියා, රඟපෑම් හා වෙනත් අංගචලන (උදා: කඩේයාම, කුලියට කැහීම, සීනි කිරීම) වැනිදෑ දේසප්‍රේමී ගොඩට දමාගත හැකිය

2. ආණ්ඩු විරෝදී, පවුල විරෝධී කතා, ක්‍රියා, රඟපෑම්, සුද්දන්ට පෙත්සම් ලිවීම්, පෙලපාලි යාම්, අයිතිවාසිකම් ඉල්ලිම්, රටේ ධනය වියදම්කරන්නේ මොනවාටදැයි ඇසීම වැනි දේවල් දේසද්‍රෝහී ගොඩට දමාගත හැකිය

අපේ රට ආසියාවේ ආස්චර්යය වන්නේ ඒ නිසාය. හැමදේම සිම්පල්ය, එක්කෝ ප්‍රේමීය නැතහොත් ද්‍රෝහීය. අතරමැද කචල් කේස් නැත.

කචල් නැත කියා හිතන්නට ආසා වුනාට කචල් නැත්තටම නැත්තේද නැත....

ඇමරිකාවට සහය වියයුතු යයි කීම,  ඇමරිකාව කියනදේ ඇසීම, ඇසිය යුතුයයි කීම අංක එකේ දෙසද්‍රෝහී වැඩකි. එහි සැකයක් නැත. උදාහරණයක් ලෙස ෆොනී හෝ රනී ඇමරිකාවට හෝ එන්ගලංතයට පොඩි බකප් එකක් දුන්නොත් ඒක මාසයක් කකා ඉන්නට පුලුවන් ලොකුම ලොකු දේසද්‍රෝහී කටුවක් බවට පත්වේ. සියලු දේසප්‍රේමී බලුකුක්කෝ හා දඩෝරියෝ මේ මහා කට්ට තමන්ට දැනුම් තේරුම් ඇති ආකාරයට විකමින්, ලෙවකමින්, හූරමින් ලකුණුදාගන්නට ප්‍රොකාස නිකුත් කොරති, කෑ කෝ ගසති, උඩුබුරති.

හැබැයි කචල් එක එන්නේ ආණ්ඩුව ඇමරිකාව කියනදේ කොරන්නට පටන් ගත්විටය.

ඇමරිකාව කියනදේ කිරීම දේසද්‍රෝහීය.....ඒත් ආණ්ඩුව ඇමරිකාව කියනදේ කොරනකොට? ආණ්ඩුව කරනදේවල් දේසද්‍රෝහී වන්ට පුලුහන්ද? මේ කපේදී බැරිය!

මාර කේස් එකය....හරියට හිරෙන් නිදහස් වුනු ෆොනී ටිරාන් ගේ හිරකාරයා වුනා වගේය, වෙනස ජම්පරය නැති ටික විතරය. ආණ්ඩුවට හා ආණ්ඩුව කොරවන මහතැනට වී ඇත්තේද ෆොන්සේකා ජම්පරේ නැතුව ආයෙත් හිරේ ගියා වගේ දෙයක්ය. ආණ්ඩුප්‍රේමී බළමුළු ගල්ටික් වී ඇත, ගලේ පැහැරූ බළලුන් මෙන් මීක් නැත.

ආණ්ඩුව ඇමරිකාව කීදේ අසා, කීකරු ළමයෙකු ලෙස හොඳ කල්කිරියාවෙන් පසුවෙමින්, තම අතිජාත මිත්‍ර ඉරානයට පුකට පයින් ගසා (එනම් කොන්ඩොම් තියරියට හසුකොට) ඉරාන විරෝධී සෞදි අරාබියෙන් හා තවත් ඇමරිකන් ගැති මැද පෙරදිග රටකින් තෙල් ගන්නට ගිවිසුම් ගසා ඇත.

අපි කියනදේ කරන, කීකරු ළමයි ඉන්නා ආණ්ඩුවක් නිසා දඬුවම් කරන්නේ නැතැයි කිලින්ටන් ප්‍රින්සිපල් නෝනාද කියා ඇත.

දැන් ප්‍රේමියා මොකාද ද්‍රෝහියා මොකාද? ජම්පරය නැති හිරකාරයා ෆොනී විතරද? රජතුමා එහෙම නැද්ද?

කබරයා මොකාද? තලගොයා මොකාද? (කන්ට ඕනෑවූ විට ඕවත් ප්‍රස්නද?)

හම්බන්තොට වරායට පැමිණි කාර් නැව......

වෙබ් මාධ්‍ය වාර්තාවකට අනුව කාර් නැව ලංකාවට එවා ඇත්තේ කාර් 15ක් පමණකි. ඉතුරුවා ඇල්ජීරියාවට ප්‍රති-අපනයනය සඳහාය. ඒ අනුව මෙය පුහු මාධ්‍ය සංදර්ශණයකි.

මාගේ අදහස අනුව නම් : මෙය හොඳ ආරම්භයකි. ප්‍රති අපනයනය යනු ලාභදායි ව්‍යාපාරික අවස්ථාවකි. මේ අවස්ථාව අපි කෙසේ හෝ රඳවාගෙන වර්දනය කල යුතුය.

ඉන්දියාවේ ජීවත්වන මා හොඳින්ම දන්නා කරුණක් නම් තමිල්නාඩුවේ චෙන්නායි යනු ඉන්දියාවේ වාහන කර්මාන්තයේ හදවත බවයි. ලොව බොහෝ බහුජාතික වාහන සමාගම් (BMW සමාගමද ඇතුලුව) චෙන්නායි නුවර සිය කර්මාන්තශාලා පිහිටුවා ඇත.

ඉන්දියානු ව්‍යාපාරික සඟරාවක පලවුනු පහත සටහන බලන්න. (Business Today, October 2011)

සටහනට අනුව චෙන්නායි නුවර වාහන නිශ්පාදනය පහත පරිදිවේ....

කාර් - මිලියන 1.4

වානිජ වාහන - 361,000

ට්‍රැක්ටර් - 61,000

මෝටර් සයිකල් - මිලියන 1.8

චෙන්නායි වාහන කර්මාන්තයේ විශාලත්වය සිතාගත හැකියි නේද?

මේ වාහන නිශපාදනයෙන් විශාල ප්‍රමාණයක් ආසියාවට හා අප්‍රිකානු රටවලට අපනයනය සඳහා වේ. මේ අපනයන වලින් අඩුම ගණනේ 10%-15% ප්‍රති-අපනයන ලෙස හම්බන්තොට වරායට අද්දවා ගන්නට පුලුවන්නම් රටටම ජයකි.

අපේ පැතුම එයයි. නැව පැමීනිම හොඳ ආරම්භයක් ලෙස අප පවසන්නේ එබැවිනි. 

හම්බන්තොට වරාය ගැන අපට විවේචන තිබුණේය. ඒවා අප නොපැකිලව ඉදිරිපත් කලෙමු. එහෙත් අසාර්තක යයි සිතූ ව්‍යාපෘතියක ලා දල්ලක් එනවිට එයට සතුටුවීම රටට සැබැවින්ම ආදරේ මිනිසුන්ගේ ගතියකි. එය රාජපක්ශලාගේ ව්‍යාපෘතියක් නිසාම එයට විරුද්ධ වීම මහත්වූ කුහකකමකි. රජපක්ශලා රට දියුණු කරනවානම් අපට එයට වඩා සතුටක් නැත. මේ රට දියුණු කරන්නට රනිල් හෝ ෆොනී එනකම් ඉන්නට ඕනෑ නැත. රාජපක්ශලාට එය කල හැකිය. අපේ විවේචනය එය නොකිරීම පමණකි.

කොළඹ නැව් හරවා එවීම

කොළඹ වරායේ නැව් හරවා හම්බතොටට එවීම මගින් කොළඹට පාඩු බව කියැවේ. කෙටිකාලීනව එය සැබෑවක් වන්නට පුලුවන, එහෙත් කොළඹ තදබදය අධික වරායකි. එයින් කොටසක් ඉන්දියාවේ වරායකට යවනවාට වඩා අප රටේම තව වරායකට යවන එක නරකක් වන්නට බැරිය. රාජපක්ශලා එක්ක තරහට ඉන්දියාවේ වරායවල් පෝසත් වෙනතෙක් අහකබලාගෙන ඉන්නේ රටට වඩා දේශපාලනේ කරට ගත්විටය.

අනෙක් අතට හම්බන්තොට වරායේ මෙහෙයුම් සාර්ථකව කලහැකි බව ලොවට පෙන්වා නැව් සමාගම්වල සැක දුරුකිරීමටද මෙය අවස්ථාවකි. හම්බන්තොට වරාය කෝඩුකාර වරායක් බැවින් නැව් සමාගම් එහි නැව් ගෙන එන්නට මැලිවනවා වන්නට පුලුවන. මේ මගින් සෙමින් සෙමින් එම සැක දුරැලීමට හැකියාව ලැබේ.

එමෙන්ම වරායේ මෙහෙයුම් පාලනය කරන නිළධාරින් හා සේවකයින්ටද මෙමගින් වරයේ මෙහෙයුම් කිරීම සඳහා යම් උරගා බැලීමේ අවස්තාවක් (trial run) ලැබේ.

අවසාන වශයෙන් කිවයුත්තේ මෙම වරාය දියුණුවී හම්බන්තොට රැකියාවිරහිත තරුණ කැලට ජීවිතය ගැන අලුත් බලාපොරොත්තු තබාගත හැකි අවස්ථාවක් ඉක්මණින් උදාවේවා යන්න අපේ පැතුම බවයි.

ගම්වල තරුණියන් ජීන්ස් අඳිනවා, දැන් ආර්ථිකය හොඳයි!!

ගම්වල තරුණියන් ජීන්ස් අඳිනවා, දැන් ආර්ථිකය හොඳයි

June 6, 2012 at 4:56 pm | Lanka C News.

ජීන්ස් වැනි නිමි ඇඳුම් පැලඳ සිටින ග‍්‍රාමීය ප‍්‍රදේශවල තරුණ තරුණියන් දැකීමෙන් 

මෙරට ආර්ථිකයේ සිදුවෙමින් පවතින පරිවර්තනීය වෙනස හඳුනාගත හැකි බව 

ජාත්‍යන්තර මුදල් කටයුතු පිළිබඳ ජ්‍යෙෂ්ඨ අමාත්‍ය ආචාර්ය සරත් අමුණුගම මහතා පවසයි.

එවැනිම තත්වයක් සිංගප්පූරුව දියුණුවෙමින් පවතින කාලයේදී 

තමා සියසින් දුටු බවද ඒ මහතා පාර්ලිමේන්තුවේදී පැවසීය.

මීට පෙර විපක්‍ෂ නායක තුමාද තරුණියන් ජීන්ස් අඳින යුගයක් 

ගැන කතා කල බවද අමාත්‍යවරයා මෙසේ සඳහන් කලේය.

‘එදා ඒ කතාව ගැලපෙන්නෙ නෑ. 
එදා මිනිස්සුන්ට සල්ලි තිබුනෙ නෑ. 


දැන් සල්ලි තියෙනවා. 
දැන් ඒ කතාව ගැලපෙනවා.’

 - කටින්ද දන්නේනෑ ඇ-මැටි-තුමා මේ කතාව කිව්වේ.

උපයන සෑම රුපියලකින්ම ශත 81ක් ණය ගෙවනවා [ කුවේණිගේ ජංගිය වගේ තවත් අධිරාජ්‍යවාදී කුමණ්ත්‍රණයක්! ]

උපයන සෑම රුපියලකින්ම ශත 81ක් ණය ගෙවනවා
June 5, 2012 at 12:26 pm | Lanka C News.

මහ බැංකු වාර්තාව අනුව 2011 වසර අවසානයේදී ශ‍්‍රී ලංකාවේ නොපියවූ රාජ්‍ය ණය ප‍්‍රමණය රුපියල් කෝටි 513.33ක් බවත් ගතවූ මාස 05ක කාලය තුල මේ මුදල තවත් වැඩි වී ඇති බවත් අධිරාජ්‍ය විරෝදී ජනතා ව්‍යාපාරයේ සම කැඳවුම්කරු දඹර අමිල හිමියෝ පවසති.


මේ හේතුවෙන් උපයන සෑම් රුපියලකින්ම ශත 81ක ණය මුදලක් ගෙවන බවත් මෙවැනි තත්වයක් රට තුල නිර්මාණය වෙමින් තිබියදී 2009 වසරේදී ජාත්‍යන්තර මුල්‍ය අරමුදල විසින් අනුමත කරගත් ඩොලර් බිලියන 2.6ක මුදල් ප‍්‍රමාණයක් ගැනීමට ආණ්ඩුව කටයුතු කරමින් සිටින බවද උන් වහන්සේ කියා සිටිති.

මේ කතාව කිව්වයි කියන්නේ දඹර අමිල හිමියෝ මහ බැංකු වාර්තාවක් උපුටා දක්වමින්ලු.

එක්කෝ අමිල හිමියන් මහ බැංකු වාර්තා කියවන්න දන්නේ  නෑ, නැතිනම් මහ බැංකුව බොරු කියනවා.

අපි මේවගේ පාටි දාන්න පුලුවන් රටක් වෙන්නෙ හොඳ සල්ලි තියෙනවා නම් විතරයි. කොහෙද ණය තියෙන්නේ? ඉන්දියාවෙන් ඉස්තරම්ම ජංගිලා ගෙනල්ලා නටවවන්ඩ පුලුවන්ද උපයන රුපියලට ශත 80ක් ණය ගෙවන රටකට?

ඉන්දියාවේ සල්ලි සාගරේ වගේ උතුරන අයි.පී ඇල් after-party වල නටන්නෙත් කබ්බ බඩු. ඒ වගේද අපි?

ඕවා ඔක්කෝම අධිරාජ්‍යවාදී කුමණ්ත්‍රණ, හරියටම කුවේණිගේ ජංගිය වගේ.

කුවේණිගේ රෝසපාට ජංගිය ජාතියන්තර කුමණ්ත්‍රණයක්ද?

බලන්ඩ අනේ අපේ නිර්මොල සන්ස්කෘතිය, සබ්බියත්වය හා ගැමි ලඳුන්ගේ සුන්දරත්වය විනාස කොරන්ට මුන් දැන් මහාවංසෙ ගැන රූගතවෙන චිත්තරපටිත් යොදාගෙන.

අපේ ජාතියේ ලොකු ඇන්ටී හා වැද්දන්ගේ ග්‍රේට්-ග්‍රෑන්ඩ් මදර් වන කුවේණිට මුන් රෝසපාට ජංගිත් අන්දලානේ. ඒකාලේ කොහෙද ජංගි තිබුනේ? කපු කැට්ටේ ජංගි මහන්නද? මොකෑ ඒකාලේ සුද්දියන්ට ජංගි මහන පැක්ටරි තිබුනායෑ මේ රටේ? එහෙම තිබුනානම් කුවේනි ඇන්ටිත් රටපටවන්න බැරි කොලිටි අඩු ජංගියක් ෆැසන් බග් එකෙන් හරි ෆැසන් හවුසියෙන්  හරි  ලාබෙට අරගෙන ඇන්දා කියන්න පුලුවන්නේ.

මේක තනිකරම ජාතියන්තර කුමන්ත්‍රණයක්.

1. එක්කෝ මේක ජාතියන්තරේ ලොකුම ජංගිය වෙන හිලරි ක්ලිටොන් මැඩම්ගේ වැඩක්. අනුන්ට ජංගි අන්දන එකම තමයි ඒ ගෑනිගේ වැඩේ.

2. නැත්නම් ගෑනු ජංගි විකුණීම වියාපාරෙ කරගත් වික්ටෝරියාස් සීක්‍රට් වගේ ඇමරිකන් බහුජාතික බූවල්ලෙක් උන්ගේ ජංගි ලංකාවේ විකුණගන්න අටවපු මාර්කැටින් කුමණ්ත්‍රණයක්. සන්නාම තානාපති විදියට මුන් අරගෙන තියෙන්නේ කුවේණි! කොහොමද කුමන්ට්‍රණේ?

3. එහෙමත් නැතිනම් ලංකාවේ ඉන්නේ මහ අසීලාචාර මිනිසුන්ය, ගෑනු ජංගි පෙන්නමින් උඩ පනිනවාය කියලා ලංකාව ජාතියන්තරව අපකීර්තියට පත් කිරීමේ ඇන්ජීඕ කොටි ඩයස්පෝරා කුමණ්ත්‍රණයක් වන්නටත් බැරිය.

කෙසේ හෝ මේ කුමණ්ත්‍රණය පරාජය කල යුතුමය!

 ජනපතිතුමනි, මේ අසීලාචාර ජංගි පෙන්වීම ඔබේ අවධානයට.... පපර පපර පාං....! (ඔබතුමා මේවගේ ප්‍රස්ණ විසදන්න හරි දස්ස බව අපි දන්නවනේ!)


ප.ලි. 

හොඳ වෙලාවට මේකි ජංගියක් ඇඳගෙන හිටියේ. බැරිවෙලාවත් කුවේණිගේ චරිතයට හොඳටම සමීපවෙන්න හිතලා ජංගිය නැතුව පැන්නානම් කොහොමද? අන්න කුමණ්ත්‍රණ!!

ප.ප.ලි.

අනේ බොලල්ලා වෙන වැඩ නැද්ද මේවත් පොලිටිකල් නිවුස් වෙබ්සයිට්වල දාගෙන ලොකුවට දඟලන්නේ?

දැන් ඉතින් ඕකෙ රඟපාපු ගෑනියි, කැමරාව අල්ලපු එකයි, ඩිරෙක්ටර් දුලානි අනුරාදා ගෑනියි, ඔය තත්පර ගාන කපලා අයින්කරන්න මොලේ නොතුබුනු (නැත්නම් කුපාඩිකම වැඩිවු) එඩිටර් ගොනයි, ප්‍රඩියුසරයයි ඔක්කෝම අමාරුවෙනේ.

මේවගේ දේවල් ලොකුවට පුප්පන අමන සුචරිත කාරයෝ ඉන්න  රටක වැඩක් කරනකොට පරෙස්සමට කරන්න මුන් දන්නෙම නැද්ද??