සිංහල නට්සීවාදය හා දේශප්‍රේමී රයිකය

මිතුරුන්ට හැලපයි (අපලයි)

2012-02-10T10:43:00.000+05:30

නශීඩ් ගොයියා පන්නා දැමිනි

ගඩාපි වෙඩි කාපි

අහ්මෙනිජාඩ්ට ජාම බේරාගන්නට බැරි තරමේ සම්බාදක පැනවේ

චාවේස්ට කැන්සර්ලු

දුමියාද නැත..... කෙහෙලිය කවදා එයිද?

:SAD:

මහා බැංකුවේ දේසීය ක්‍රමයට ප්‍රස්ණ විසදීම

2012-02-07T09:10:00.000+05:30

Source : http://www.ft.lk/wp-content/uploads/2012/02/DFT-12.jpg

මෙච්චර කාලයක් අපේ මහ බැංකු ගවනර් තුමා හෙවත් කබ්සිතුමා දේශණාකරමින් සිටියේ ලංකාවේ ආර්ථිකය මහා වේගයෙන් වර්ධනය වන බවත් අපි ඇත්තෙන්ම ආස්චර්යය කරා අධිවේගයෙන් යමින් තිබෙන බවත්ය. එතුමා රේටින් ඒජන්සිකාරයින්ටද බැන වැදුනේ ඉන්දියාව හා චීනයත් සමග ලංකාවද ආර්ථික අණතුරකට මුහුණු පෑහැකි රටක් විධියට නම් කලවිටදීය.

කබ්සිතුමාගේ එදා චින්තනය අනුව අපේ සකලබුජං ආර්තික පොජ්ජ ඉන්දියාවටත් චීනෙටත් වඩා සක්තිමත් බවය. ඒ නිසා ඉන්දියාවට චීනෙට කෙලවුනත් අපට එහෙම වෙන්නේ නැත. රේටින් කාරයින්ට වලගය පෑගී ඇත.

මාස දෙකකට කලියෙන් එහෙම කිව්ව කබ්සිතුමාගේ මහ බැංකුව ඊයේ ගත් කෙටිකාලීන ආර්ථික ප්‍රතිපත්තිමය තීරණ අනුව බළල්තඩියා මල්ලෙන් එලියට හොට දමා ඤාව් ඤාව් කියනා හඬ ඇසේ..

පෙබරවාරි 4 ඩේලි එෆ්.ටී වාණිජ පුවත්පත මහ බැංකු තීන්දු වාර්ථාකරන්නේ මෙසේය...

"The Central Bank yesterday opted to its ways to fix the country’s reserves problems, effecting a policy rate hike for the first time since 2007 and directing banks to cut lending apart from a 20 cent devaluation of the rupee."

රටේ විදේශ මුදල් සංචිත ගැටලුව විසඳීමට මහ බැංකුව දේසීය චින්තනය අනුව ගත් පියවර... (හුටා....සංචිතවල සල්ලි නෑ කියලා දන්නෙත් අදමයි.....අපි හිතුවේ සංචිතවල පැලෙන්න ඩොලර්, යුරෝ ගෝනි ගොඩ ගැහිලා කියලා..)

* වානිජ බැංකුවලට ණය දීම අඩු කරනලෙස අණකොට ඇත (18%කින්)

* රුපියල ගෙඩි පිටින් 20% අවප්‍රමාණ කරන්නට තීරණය කොට ඇත.

එම ලිපියේම තවත් තැනක ආර්ථිකයේ අති-ද්‍රවශීලීතාවය (excess liquidity-අධික මුදල් සංසරණය) 2010වූ බිලියන 124 සිට බිලියන 15-20 දක්වා අඩුවී ඇති බව පැවසේ. අපිට අපේ ගුරුවරුන් ඉගැන්වූ (අපි දැන් අපේ ශිෂ්‍යයන්හටද උගන්වන) ආර්ථික විද්‍යාවට අනුව ආර්ථිකයක මුදල් සංසරණය අඩුකරන්නට ගන්නා පියවර අතර ණය පොලී අනුපාත වැඩි කිරීම, බැංකු ණය දීම් වලට සීමා පැනවීම, බැංකුවලට තම සංචිත (CRR -Cash Reserve Ratio | SLR - Statutory Liquidity Ratio) වැඩිකරන ලෙස අණකිරීම වැනි පියවර ඇත. එහෙත් ද්‍රවශීලත්වය මෙතරම් අඩුවූ විටත් ණය සඳහා සීමා පණවනවානම් එතන ඇත්තේ ආර්ථික දියුණුවක ලක්ශණ නොව, කඩා වැටීමක ලක්ශණයි.

වෙලඳපොල තත්වයන් අනුව උච්චාවචනය වන්නට නොදී බලෙන් රුපියල ඩොලරයට ස්ථාවර කරගෙන සිටීමේ හද්දා පල්බූරු ප්‍රතිපත්තියේ අනිසි ප්‍රථිපල දැන් ලැබී තිබේ. රට සතු ඩොලර් සංචිත මුදාහරිමින් රුපියල අවප්‍රමාණ වන එක නවත්වාගෙන සිටීමෙන් දැවැන්ත ලෙස ආනයන වැඩිවී ඇත (කෙටිකාලීන ණය ඉල්ලුම ආනයන සඳහා 34%ක් වඩිවී ඇති අතර- අපනයන සඳහා 8%ක් වැඩිවීමකි ). මෙයට හේතුව අනවශ්‍ය ලෙස රුපියල ස්ථාවර කරගෙන සිටිමෙන් ආනයන කටයුතු වාසි සහගත වීමත් අපනයන ආදායම් අඩුවීමත්ය.

රටක මුදලේ අගය අවප්‍රමාණවන විට එම රටේ අපනයන තරඟකාරී වන බව උසස්පෙල ආර්ථික විද්‍යාව හදාරන සිසුන් දන්නා නමුත් අපේ අධිපති තුමා නොදන්නාසේය.

ඩොලර් සංචිත විකුණමින් රුපියලට නැති වටිනාකමක් දෙමින් බොරුවට ස්ථාවර කරගෙන සිටීම නිසා එක් අතකින් ඩොලර් සංචිත ක්ශය වී ඇත. ශක්තිමත් රුපියල නිසා ආනයනික භාන්ඩ ලාබාදායිවීමේ වෙළඳපොල නියමය අනුව ආනයන වැඩිවී තව තවත් ඩොලර් රටින් පිටවී ඇත.

දැන් ඉතින් රුපියල 20%කින් එනම් දැන් වටිනාකමින් පහෙන් පංගුවකින් අවප්‍රමාණ කරනවා ඇරෙන්නට වෙන කරන්නට දෙයක් නැත. මුඩ්ඩක් ගසා කොතෙක් කල් අතීසාරය නවත්වාගෙන ඉන්නද ආයුබොවන්?

පොලී අනුපාත කෙලින්ම ඉහල නොදමා රිපෝ රේට්** වැඩි කොට බැංකුවලට ණයදෙන එක සීමා කරනලෙස අණකිරීමද කොලේ වසා ගැහීමකි. ඔය කරන්නේ මහ බැංකුව කෙලින්ම පොලී අනුපාත ඉහල දමනවා වෙනුවට බැංකුවලට තහංචි දමා බැංකු ලවා පොලිය නග්ගවා ගැනීමකි. එනම් බළලුන් ලව්වා කොස් ඇටා බාවා ගැනීමකි.

මහ බැංකුවක ආර්ථික ප්‍රතිපත්ති හසුරුවන්නට තරම් ආර්ථික විද්‍යාව පරතෙරට හදාරා නැති, පිටකොන්දකුත් නැති, නිවට දේශපාලකයින් පිනවීම සිය වෘත්තිය කරගත් ව්‍යාජ ආර්ථික විශේෂඥයෙකු (pseudo-economist) මේ රටට කරන විනාශය තව කොතෙක් කල් පවතීද?

** සටහන : රිපෝ රේට් (repo rate - repurchase rate) යනු වානිජ බැංකු මහබැංකුවෙන් ණයට මුදල් ලබා ගැනීමේදී ගෙවන්නට සිදුවන පොලියයි. මෙහිදී සිදුවන්නේ වානිජ බැංකු තමන් සතු බැඳුම්කර වැනි වාණිජ වත්කම් මහබැංකුවට ලබාදී එහි වටිනා කමට මුදල් ලබාගැනීමයි. අනාගතයේ දිනක වානිජ බැංකුව යලිත් මහ බැංකුවෙන් මෙම බැඳුම්කර ආපසු මිලදීගන්නා (re-purchase) අතර රිපෝ රේට් යනු මෙම ආපසු මිලදී ගැනීමේදී ගෙවන්නට සිදුවන පොලියයි.

ආතල් කුඩුවීම....

2011-12-30T06:39:00.001+05:30

වසරක් ගෙවී නව වසරක් උදාවීම සැමට මහත් සතුටක් සැනසිල්ලක් උදාවන කාලයකි. පඩි නඩි බෝනස් නිසා ප්‍රයිවෙට් සෙක්ටර් කට්ටියද, නිවාඩු වැඩි නිසා පබ්ලික් සෙක්ටර් කට්ටියද, සේල් දමා අවුරුද්ද තිස්සේම විකුනාගන්නට බැරිවී දූවිලි වදිමින් එක්ස්පයර් වෙමින් තිබූ බඩු මුට්ටු කාගේ හෝ ඇඟේ ගැසීමට හැකිවුනු නිසා බිස්නස් සෙක්ටර් එකේ කට්ටියද මහත්වූ ප්‍රමෝදයෙන් මේ කාලය ගෙවාදමයි. ව්‍යාපාරයක් ලෙස මෙන්ම ව්‍යාපාර හා හොර ජාවාරම් ආරක්සාකරගැනීම සඳහා පොලිටිකල් සෙක්ටර් එකේ ඉන්නා කස්ට්ටියටද මේ ඉතා ප්‍රීතිමත් කාලයකි. අවුරුද්ද මුලුල්ලේම මරාගත් ඔපසිසන් හා ගවර්න්මන්ට් එවුන් එකට එක බෝතලය හිස්කරමින් මහජනයාට කොකා පෙන්වමින් ලොකු හෝටල් වල ජවුසන් නටන කාලයකි මේය.

එහෙත් අවාසනාවට අපේ ඇත්තන් කිහිප පොලකට නව වසරක් ලබාගෙන යන මේ මොහොතේ ආතල් සියල්ල කුඩුවි ඇත. අද්‍යාපන හා උසස් අද්‍යාපන ඇමති බානත් එග්සෑම් කොමාත් කෙලවරක් නොමැති පඹගාලක පැටලී දඟලමින් සිටී. එග්සෑම් කොමා කරන කියන දේවල් වලින් එතුමා දැඩි ආතතියකින් පෙලෙන බව පෙනන අතර ඇස් බී තුමාගේ මොන්ගල් තදවී ඇති බව පෙනේ. එග්සෑම් ලිවූ කොල්ලන් කෙල්ලන් මෙන්ම උන්ගේ අම්මලා අප්පොච්චිලාත්, උන්ට ඉගැන්වූ සෑර්ලා මිස්ලාත්, විස්වවිද්යාලයට නවකයින්ව සාදරයෙන් පිලිගෙන එක්සසයිස් කරවන්නට සැදී පැහැදී ඉන්නා අන්තරේ බුවාලාත් හන්දියක් හන්දියක් ගානේ ගේම ඉල්ලමින් ඉන්නාවිට උන්නැහේලා කෙසේ අවුරුදු සමරන්නටද?

ආතල් කුඩුවී ඇති අනෙක් කට්ටිය දකුණු වෙරල තීරයේ රජ උපන් ගම්මානය පැත්තේ ටුවරිසම් ඉන්ඩස්ට්‍රියේ පොරවල්ය. මෙදා පොටේ දෙනවා බැටේ කියාගෙන හිටි උන්නැහේලාට දැන් හතරවරම් සිහිවී ඇත. කාලෙකින් ගානක් කපාගන්නට තිබූ චාන්ස් එක එක්තරා අම්බරුවෙකු විසින් හොරු අරන් ගියාවගේ කුඩු පට්ටම් කරන ලද්දේ ටැන්ගෝල් ඇන්ඩ් හම්බන්තොටස් ලයින් එකේම ආතල් නැති කරමිනි.

පෙනීගෙන යන විදියට හානිය ටැන්ගෝල්ස් වලින් පමනක් නවතීදැයි සැක සහිතය. සිද්දිය ආරංචිවූ සැනින් රේසින් කාර් පුතා කාල්ස්බර්ග් වලව්වට දුවගෙන යාමෙන් අම්බරුවාගේ කනෙක්ශන් වල තරම සිතාගත හැකිය. ඔය කනෙක්ශන්ම තිබූ කුඩුදූමීට මොලේ බුලට් පිටින්ම රටෙනුත් පනින්නට හැකිවීම නිසා ලඟදීම සුද්දා අම්බරුවාට වෙඩිතැබූ බවත් වැරදීමකින් ඌ කෙල්ලටත් වෙඩි තබා තමනුත් වෙඩිතබාගත් බවටත් ප්‍රචාරය නොවුනොත් පුදුමය. කෙසේවෙතත් සීන් එක බරපතල නිසා සන් ඇන්ඩ් අන්කල් අතරද වලියක් පැන නැගී ඇති බව කනින් කොනින් ආරංචිවේ. අන්කල් පුක්ස් ඉරාගෙන ටුවරිසම් ප්‍රොමෝට් කරද්දී සන්ස් ලාගේ අම්බරුවෙකු වැඩේට ගොම බාල්දියක් දැමීම මෙන්ම ගොමදැමූ අම්බරුවාව සන්ස්ලා ආරක්ශා කිරීමත් අන්කල්ට මල පන්නවන්නට හේතුවී ඇත. ඉන්ටර්නැශනල් පොලිටික්ස් ගැන අවබෝදයක් ඇති අන්කල් මේ නස්පුක්ලාගේ වැඩ නිසා එන අවුරුද්දේ ගෙන්න ගන්නට සිටි අට ලක්ශය අසූදාහට බහින්නට ඉඩ ඇත බව හොඳාකාරවම දනී.

ඔය අව් අස්සේ කොළඹ චන්දෙත් දිනා පක්සේ චන්දයද දිනූ රනිල්ස් ද සිය ගෝල බාලයින් හා බෝයිස්ලා සමග අවුරුද්ද ඉහලින් සමරන්නට ප්ලෑනක් ගසාගෙන ඉන්නට ඇති නමුත් යන යන තැන හූ පාර කන්නට සිදුවීගෙන යන ට්‍රෙන්ඩ් එක නිසා අප්සැට් වී ඇතැයි ආරංචි වේ. ප්‍රොජාතන්ත්‍රවාදය ගැන අදහස් ප්‍රකාස කිරීමේ නිදහස ගැන ලන්ඩන් පැරිස් නිව්යෝක් වල පවා දේසනා කරන උන්නැහේ හූ කියාපු එවුන් ගැන වාර්තාවක් ඉල්ලා ඇත්තේ හූ කීම අදහස් ප්‍රකාශ කිරීමක් නොවන බව විස්වාස කිරීම නිසාදෝ නැත්නම් හූ කීම නරින්ගේ විශයපථයට පමණක් අදාලයයි සිතන නිසාදයි පැහැදිලි නැත. කෙසේවෙතත් රනිල්ස් ඇන්ඩ් කම්පැනි එකටත් ආතල් ලොප්වී ඇති බව පමණක් සිතාගත හැකිය.

නව වසරේ ආතල් කුඩුවී ඇති අනෙකා ජොනියායි. ප්ලාස්ටික් බාස්කට් වලිය නිසා එළවලු ගොයියන්ටත් නාට්ටාමිලාටත් සෙකන්ඩ් වෙන්නට සිදුවී ඇති ජොනියාට ජනවාරි 15 ඩෙඩ්ලයින් එක බෝල සෙට් එක පවා නැතිකරගන්නට සිදුවන ඩෙඩ්ලයින් එකක් වන්නට පුලුවන. කොහේ හෝ ඇති ලෝක උරුම රක්ශිතයක් මැද ලඟදී හදපු සැප හෝටලයකට සෙට්වී දඩමසක් එලාගෙන බාබෙකිව් එකක් දගෙන ආතල් එකේ ඉන්නට තිබෙන කාලය බාස්කට් බාල්දිය ගැන වොරිකරමින් ඉන්නට සිදුවීම මොනතරම් ඛේදයක්ද?

තවත් ගොඩක් කට්ටියටද නුදුරු අනාගතයේම ආතල් කුඩුවීමෙ ලකුණු දැන් දැන් පහලවීගෙන යතත් වැඩියෙන්ම ආතල් කුඩුවී ඇති තවත් දෙන්නෙක් ගැන පමණක් කියමි.

එකෙක් අපේ හිටපු ටෙලිකොම් සභාපති සුමතිපාල මන්ත්‍රීතුමාය. එතුමා ටෙලිකොම් සභාපති කාලයේ නඩු වැටී, නඩුවෙන් රීමාන්ඩ් යන එක නවත්වාගන්නට හොස්පිටල් එකේ නේවාසික වී හොර-ලෙඩ ඇඳේ ඉඳිමින්ම වීඩියෝ කොන්ෆරන්සිං හරහා බෝඩ් මීටින් පැවැත්වූ තේජවංත සිංහරාජයෙකි. මේ සිංහරාජයා දැන් දෙකේ කොලයට වැටී ඇති ආකාරය බලන්නටත් දුකය. සිරිලංකා ක්‍රිකට් වලට පුදුමාකාර ස්නේහයක් දක්වන එතුමා ක්‍රිකට් චන්දෙට ආසීර්වාද ගන්නට රජතුමා හමුවෙන්නට ගියත් හමුවෙන්නට වෙලාවක් පවා ලබාගන්නට නොහැකිව අසරණවිය. "වැඩක් බලාගෙන හිටපං" යන පයින්ඩය රජවාසලින් එවුවේ මෛත්‍රීපාල හරහාය. බුකියේ අයිතිකාරයාට වුනත් නරක කාලෙට අස්පයින් වැඩකරන්නේ ඇත...ආතල් කුඩුවිය...

අනෙකා ගෘහ-ආර්ථික විශේෂඥ කබ්ස්රාල් තුමාය. එතුමාගේ ආතල් කුඩුකලේ ෆිච් රේටින් කාරයාය. රේටින් කාරයෝ කොහොමත් ඔහොමය. මීට මාස දෙකකට කලින් ස්ටෑන්ඩර්ඩ් ඇන්ඩ් පුවර් රේටින් කාරයා චිරාත් කාලයක් ඇමරිකාවට තිබූ AAA රේටින් එක පහලට දමා ඇමරිකන් ආණ්ඩුවේ මෙන්ම විපක්ශයේත් ආතල් කුඩුකලේය. හැබැයි ආණ්ඩුවත් විපක්සයත් එකට එකතුවී (කළබලවෙන්න එපා ඇමරිකාවේ ආණ්ඩුව හා විපක්ශය) ස්ටෑන්ඩර්ඩ් ඇන්ඩ් පුවර්ට රිඹයන්නට දුන් අතර අන්තිමට ස්ටෑන්ඩර්ඩ් ඇන්ඩ් පුවර් ප්‍රධාන විධයක නිළදාරියාට සිය ජොබ් එක දමා පුවර් බගර් කෙනෙකු ලෙස ගෙදර යන්නට සිදුවිය.

ඒත් ඉතින් ඇමරිකාව ස්ටෑන්ඩඩ් ඇන්ඩ් පුවර්ලාට කරපු කෙලි ෆිච් රේටින් එකට කරන්නට අපේ කබ්සියාට හැකියාවක් නැත. කබ්සියාට පුලුවන් "ඇයි අපි ගැන විතරක් කියන්නේ.....යුරෝපයේ ආර්ථික අවපාතය ගැන කතා නොකරන්නේ ඇයි..." යනුවෙන් අසමින් ගොන් බස් දොඩන්නටය. පොතක් පත්තරයක් නොකියවන කබ්සියා නොදන්නවා වුනාට පසුගිය අගෝස්තු මාසයේ පටන් ලෝකයේ ඇති සියලුම ආර්ථිකවිද්‍යා සඟරා හා ව්‍යාපාරික පුවත්පත් යුරෝපයේ ආර්ථික අර්බුධය ගැන නොකඩවා වාර්තාකරමින් සිටියි. ලොව ප්‍රමුඛතම රේටින් සමාගම් තුන (Standard & Poor, Moody's, Fitch) මේ රටවල් ගැන ලියැවූ විශේෂඥ වාර්තා දිනපාතාම වාගේ මේ පුවත්පත් සඟරාවල පලවිය. කරුමෙට කබ්සියා ඒවා නුදුටු නිසාවෙන් ගොන් කතා කියමින් කාලය ගත කරයි. දැන් ඉතින් මේ නිවාඩු කාලය රජතුමා රැවටීමට තවත් ආර්ථික ප්‍රබන්ධයක් ගොතමින් ගතකරන්නට කබ්සියාට සිදුවෙනු ඇත.....ආතල් කුඩුය

ඉරකි තිතකි

නොහැකියාව....

2011-12-29T09:24:00.000+05:30

උසස්පෙල ප්‍රතිපල අවුල් ජාලයකි. නිළධාරීන් හා මැති ඇමතිවරු පොදුජනතාව ඉදිරියේ කෙලින කබර වෙන රටක සිදුකලානම් ජනතාව උන්ට ගහලා පන්නන බව සිකුරුය. දැන් කියවෙන ආකාරයට අවුල සිදුවී ඇත්තේ පරිගනක දෝශයකිනි. මෙතෙක් කල් ප්‍රතිපල නිකුත්කරන්නට යොදාගත්තේත් ඔය පරිගනක ජාලයම නොවේද? ඒවා හරිගොස් මේවා වරදින්නට හේතුව පරිගනක ජාලයේ වැරැද්දද නැතහොත් එම උපකරන භාවිතාකර ප්‍රතිපල දත්ත කවා සැකැසුම් කරන ක්‍රමවේදයේ වරදක්දැයි කිසිවෙකු නොකියයි. ඔය අස්සේ තවත් නිළධාරී වෘශභයෙක් පසුගිය විභාගයක විභාග අංක ඇතුලුකල විට වැරදි ප්‍රතිපල ලැබෙන බව කියාතිබේ. පසුගිය අංකයකට අලුත් විභාගයක ප්‍රතිපල නිකුත්වෙනවානම් විභාග දෙපාර්තමේතුවේ පරිගනක ලොක්කන් සියලුදෙන ගෙදර යැවිය යුතු තරමේ බරපතල වැරද්දකි. නැතිනම් මේ කතාව කියූ ලොක්කා මනෝ වෛද්‍යවරයෙකු ලවා සිය මොලය පරීක්ශාකරගත යුතුය.

මේ සියල්ලෙන්ම පෙනෙන්නේ නොහැකියාව මිස වෙන කිසිවක් නොවේ. චිරාත්කාලයක් මේ රටේ නිවැරදිව කලට වෙලාවට සිදුවුනු එක් දෙයක් ඇත්නම් ඒ නිසි කලට උසස්පෙල සාමාන්‍යපෙල 5 ශිෂ්‍යත්වය වැනි විභාග පැවත්වීමත් කලට වෙලාවට නිවැරදිව ප්‍රතිපල නිකුත්වීමත්ය. පසුගිය සෑම රජයක් යටතේම මේ ක්‍රියාවලිය නිවැරදිව දක්ශ නිළධාරීන්ගේ මගපෙන්වීම යටතේ සිදුවිය. එහෙත් අප රට ආස්චර්යය කරා දක්කාගෙන යන්නට වලිකන, තමන් තරම් කෙරුමන් නැතයි කයිවාරු ගසන රජපස රජයේ බූරු නඩය විභාග ප්‍රතිපල වලටත් කෙලවා තිබේ. දැන් ලයිසියම් ග්‍රේරෝ අදීක්සන මන්ත්‍රී ලෙස පත්කොට තිබේ. හරියට කුඩු දුමින්ද ආරක්සක අමාත්‍යාංශයේ අදීක්ශනයට පත්කොලාක් මෙනි. එය අහවර වුනේ හතරපස් දෙනකු මරාගෙන අදීක්සන මන්ත්‍රීගෙත් මොළයේ බුලට් හිරවීමෙනි. ග්‍රේරෝගේ අදීක්සනය යටතේ උත්තර පත්‍ර පරීක්ශාවට ඉන්ටර්නැශනල් ස්කූල් ටීචර්ලා ගන්නට ඉඩ ඇත. ප්‍රතිපල නිකුත්කිරීමේ පරිගනක කටයුතු ඉන්දියාවේ බැංගලෝර්හි අයි.ටී කොම්පැනියකට අවුට්-සෝර්ස් කරන්නටද බැරි නැත. එතකොට වැරැද්දක් වුනු විට ඉන්දියාන් කොම්පැනියට බැනලා ජාම බේරාගන්නට පුලුවන් බවට ලොකුලොක්කෝ ගනන් බලන්නට බැරිකමක් නැත.

ඔය අස්සේ තංගල්ලේ රජපස මැරයෙකු නිසා මහත් බලාපොරොත්තු තැබූ සංචාරක කර්මාන්තය බිඳවැටී ඇත. මේ අවුරුද්දේ ලක්ස 6යි ලබන අවුරුද්දේ ලක්ස 8යි යනුවෙන් කයිවාරු ගසා කටගත්තා පමණි. දැන් ආපු එවුන් සංචාර කොට කරගෙන යන අතර එන්න හිටපු එවුන් සංචාර අවලංගුකොට තායිලන්තෙන මැලේසියාවට ඉන්දියාවට හරවාගන්නා බව කියැවේ.

මෙතන ඇත්තේත් නොහැකියාවය. සාධාරණලෙස චන්දයක් දිනනට ඇති නොහැකියාව නිසා රටවටේ ඉන්නා මැරයන් කුඩුකාරයඉ ස්ත්‍රීදූශකයින් කසිප්පු කරයින් චන්දයට දමා මැර බලයෙන් චනද දිනයි. මැරයින් ලයිසන් මැරයින් වී ඇති නිසා පොලීසිය උසාවිය රිවර්ස් ජියර් එකෙනි. ලයිසන් මැරයාට විරුද්ධව නීතිය ක්‍රියාත්මක වෙන ආකාරය පිලිබඳව බ්‍රිතාන්‍යය මෙන්ම රුසියාවද මහත් අවධානයෙන් සිටිනා බව පැහැදිලියා. සාක්කි හංගා නැතිනම් වෙනස්කොට මැරයාට ලෙස්සා යන්නට හැරියහොත් සංචාරක ව්‍යාපාරය අනතුරේ වැටෙන්නේ බටහිර යුරෝපය රාජපක්ශ රජයට පාඩමක් ඉගැන්වීමට මේ සිද්ධිය දඩමීමා කරගෙන ලංකාව යුරෝපීය සංචාරකයින් හට අනාරක්ශිත තැනක් බවට ප්‍රකාශ කරනු ඇති නිසාය. ලංකාවේ අතිජාත මිත්‍රයා වන රුසියාවද සිය රටවැසියෙකුට අනතුරක් කල මැරයෙකුට ලෙහෙසියෙන් ගැලවී යන්නට ඉඩදෙනවාට අකමැති බව නොකිය යුතු මනාය.

මැරයන් අත්හැරීමට ඇති නොහැකියාවත් මැරයින් නොමැතිව චන්ද දිනන්නට ඇති නොහැකියාවත් නිසා මැරයින් ආරක්ශාකල යුතුය. අනෙක් අතින් මහත් බලාපොරොත්තු තබාගෙන ජවුසන් නටමින් ප්‍රවර්දනය කරගෙන යන සංචාරක ව්‍යාපාරය අඩපණකර ගන්නටද නොහැකිය. ජාම බේරාගන්නට යහමින් ඩොලර් ටිකක් ලැබෙන වියාපාරෙට කෙලවුනොත් 2012 බංකොලොත්භාවයේ වසර වනු ඇත.

සුද්දාගේ වරද .....

2011-12-27T23:57:00.001+05:30

තංගල්ලේ හෝටලයකදී සුද්දෙකු වෙඩි කෑ බවටත් ඔහුගේ පෙම්වතිය බරපතල තුවාල ලබපු බවටත් ඊයේ පෙරේදා වාර්තාවිය. දැන් ලැබෙන පස්චාත් මරණ පරීක්ශණ වාර්තා අනුව මරණය සිදුවී ඇත්තේ උල් ආයුධයකින් ඇණීමෙනි, වෙඩි තැබූ තුවාලද ඇත. කතාවේ හැටියට සුද්දා හා පෙම්වතිය සිටි හෝටලයේ සාදයකට IRC (Island Registered Criminal) ලැයිස්තුවේ ඉහලින් සිටින අපේ සත්ගුණවත් කෙනෙකු හා ගෝල පිරිස සහභාගී වී ඇත. සත්ගුණවතාට සුද්දී පිලිබඳ සිතක් පහලවීම හා ඒ අනුව නැට්ටට කිරි ඉණීමෙන් සිදුවුනු කුලප්පු වීමක් මත සත්ගුණවතා සුද්දීට දේසීය ක්‍රමයට ලයින් එකක් දමන්නට ගොස් සුද්දා සමග ඇතිවුනු බහින් බස් වීමක් මත මෙ "සුළු සිද්ධිය" සිදුවී ඇත.

සිද්ධිය වූ වහාම එක් දේසප්‍රේමී අම්බරුවෙක් ප්‍රකාස කල පරිදි මෙවැනි සිදුවීම් ලෝකයේ ඕනෑම තැනක සිදුවෙයි. "All is fair in love and war"කීවේ සුද්දෙකු මිස අපේ එකෙක් නොවේ. ඒ අනුව නැට්ට නැගිට ආ පසු ඕනෑම දෙයක් සාධාරණ බව කියා ඇත්තේ සුද්දන්මය. ඒ අනුව සුද්දා මැරීම හා සුද්දී මරණීය තුවාල ලැබීම පෙම් හටනක කැශුවල්ටි දෙකකි. ලොකු දෙයක් සිදුවී නැත. සුලු සිද්දි පුම්බන්නට අපේ මාද්‍ය කාරයෝ ඕනෑ මොහොතක ලෑස්ති නිසා රටට මහත් අගෞරවයක් සිදුවෙමින් පවතින බව පෙනේ. රටේ ආස්චර්‍යය විඳ ගැනීමට ආ තරුණ සංචාරක යුවලක් මෙලෙස කෲර ලෙස වැනසීම රටට කැළලක් නොවෙතත් මාධ්‍යකාරයින්ගේ වාර්තා රටට කැළලකි. කෙසේවෙතත් වීරයා තවම සැඟවී සිටින බව පෙනේ. මාලිගාවෙන් කොළ එලිය එනතෙක් වහංවී සිටින ලෙස උපදෙස් ලබී ඇතැයි සිතිය හැකිය. පර සුද්දෙක් හා සුදු වෙසඟනක් නිසා සත්ගුණවත් දේසප්‍රේමී දක්ස දේසපාලකයෙකු සුලු මිස්ටේක් එකකට හිරේ විලංගුවේ වැටෙන්නට දීම සුදුසු නැත. දියණිය දූශණයකල පියාටද ජනාධිපති සමාව දුන් රටක මෙවැනි සුලු වැරදි වලට දක්ස ජනප්‍රිය මිනිසුන් හිරේ විලංගුවේ යවන්නට කිසිදු අවස්ථාවක් නැත.

එපමණක් නොව මරණය හා සමගම සංචාරක පුරවරයේ සිදුවුනු සිදුවීම්ද පැහැදිලිව විමර්ශණය කල යුතුය. සුද්දා මැරී සුද්දී ක්‍රිටිකල් වුනු වහාම පුවරයේ වෙනත් හෝටල්වල සිටි සුද්දන් සුද්දියන් පවා කඩි මුඩියේ ලට්ට ලොට්ට අඩුක්කරගෙන තංගල්ලෙන් පිටවෙන්නට පටන් ගත්තේ කුමණ හේතුවක් නිසාදැයි සොයා බැලිය යුතුය. එකෙක් මළා කියලා තමුන්ගේ ඇනුවල් හොලිඩේ එක කචල් කරගන්නට මුන්ට පිස්සුද? එක්කෝ පිස්සුය නැතිනම් යම් කුමණ්ත්‍රණකාරී බලවේගයක් විසින් මොවුන්ව මෙහෙයවා ඇත. අපේ රට ගිලගන්නට, අයිතිකරගන්නට සම්පත් සූරාකන්නට තොලකට ලෙව ලෙවා ඉන්නා jobless බටහර රටවල්වල තානාපති කාරියාල සිද්දිය වුන වහාම සිය රටවැසියන්ට තංගල්ලෙන් පිටවෙන ලෙස දුරකථන පණිවුඩ හරහා බල කලාදැයි සොයා බැලිය යුතුය. සුද්දන්ගේ තානාපති කාරියාල බලාගෙන ඉන්නේ අපිට අංචියක් අදින්නට මෙවැනි සිදුවීමක් සිදුවෙන තුරුය. තානාපති කාරියාල මෙවැනි කැත වැඩක් කර ඇත්නම් වහාම විරෝදය ප්‍රකාස කලයුතුය. කොන්ඩොම් වංශ, රතන වැනි දේසප්‍රේමී රොබෝවරුන්ගේ බැටරි චාර්ජ් කොට පාරට බැස්සවිය යුතුය. මෙවැනි කුමණ්ත්‍රණ ලෙහෙසියෙන් ඇරිය යුතු නැත. හොඳ රිලා නැටුමක් නටා බෙරේ පලාගත යුතුය. හත්පොලේ ගාගන්නට වංශතුමා අතිදක්ශය.

තවද සුද්දා සමග සිටි සුද්දී රුසියන් ගැහැණියක් බව කියවෙයි. රුසියන් වූවාට නම ක්‍රිස්ටියන් එකකි, එතනත් අවුලකි. තත්යානා, ලුද්මිලා වැනි මැක්සිම් ගෝර්කි තාලයේ නමක් තිබුනානම් රුසියන් කියා හිතාගන්නටවත් තිබුණි. ඇය රුසියන් නම් සුද්දියක් විය නොහැකිය. සුද්දන් විය හැක්කේ යුරෝපයේ ඇන්ග්ලෝ-සැක්සන් සම්භවයක් ඇති එවුන්ට මිස ස්ලැවික් රුසියන් එවුන්හට නොවේ. ඒ අනුව මෙය කිසිසේත්ම බරපතල සිද්දියක් නොවේ රුසියාවේ මෙවැනි සිදුවීම් කීයක් දිනකට සිදුවේද? ඕනෑනම් පුටීන් ගෙන් අහලා බලන්නට පුලුවන. එපමණක්ද නොව ලංකාවට එනතරමක් රුසියන් ගැහැණුන් එන්නේ ඇඟ විකුණන්නටය. මේ ගෑණිත් සුද්දාගේ ඇඟේ එල්ලී එන්නට ඇත්තේ ඔය රස්සාවටම මිස වෙන දෙයකට නොවේ. වෙසඟනක් යනු කාටත් අයිති පොදු දේපලකි. ඇය අයිතිකරන්න්නට, මගේ යයි කියන්නට අයිතියක් සුද්දාට නැත. සුද්දාට ඇති අයිතියම අපේ දේසපාලුතුමාටද ඇත. එතුමා භුක්තිවිඳින්නට යන්නට ඇත්තේ ඒ අයිතියයි. ඒ සාධාරණ අයිතියට විරුද්දවී අධිරාජ්‍යවාදී පල්පාට් දාන්නට ගොස් පිහිපාර කෑවා කියා සත්ගුණවත් දේසපාලුතුමාවත්, ආණ්ඩුවත්, සංචාරක වියාපාරෙත් පලි නැත. අපේ රටට බලෙන් සංචාරය කරන්නට එන සුද්දන් සුද්දියන් මෙය අවබෝධකරගත යුතුය. මේ රටට එන සුද්දියන් උන්ගේ හස්බන්ඩ්ලාට, බෝයිෆ්‍රෙන්ඩ්ස්ලාට පමණක් නොව අපිටත් අයිතිය. අපි කිව්වේ මේ බස්වල කෝච්චිවල යන හඩුගඳ චන්දදාසලා අමනපාලලා නොවේ, පැජරෝ ඉන්ටර්කූලර්ස් ඇති පොලිටික්ස් හා බිස්නස් එකට ආණ්ඩුවේ කොන්ට්‍රැක්ට් කරන යන්ග් හා යන්ග් ඇට් හාර්ට් කස්ටියටය. එයාලා ලොකු හෝටලයකදී සුද්දියක් දැක්කොත් අයිතිකරගන්නට යාම සාධාරණය යුක්ති යුක්තය. ඕනෑනම් සුප්‍රීම්කෝට් එකෙන් අහලා බලන්නට පුලුවන. ප්‍රස්නය අහනකෙනාගේ හැටියට උත්තරේ ලැබෙනු ඇත.

මෝඩ සුද්දාට තිබුණේ අර උණහපුලුවාට සුද්දීව බාරදී බීච් එකට වී පොඩි මලක් අදින්නටය. එහෙම කලානම් කළගුණ සලකන්නටත් එක්ක සුද්දාගේ කාමරයට හොඳ දේසීය තෙල් කෑළි එකක් හෝ දෙකක් යවන්නට උණහපුලුතුමා ක්‍රියාකරන බව අපට විස්වාසය. කළගුණ සැලකීම අතින් අපි ලෝකප්‍රසිද්ද බව සුද්දා නොදැන සිටියේ උගේ කරුමයටය. සුද්දා අපේ බීච් කෑල්ලක් එක්ක නයිටක් ගැසුවානම් සුද්දීගේ පුකට පයින් ගසා පන්නා බීච් කෑල්ලගේ ගෙදරට බින්න බහින්නට යන එක සිකුරුය.

කෙසේවෙතත් අවසාන වසයෙන් කිවහැක්කේ සුද්දා බරපතල ගණයේ වැරදි කිහිපයක් කර ඇති බවයි......ඒවා සැකවින් මෙසේයි......

1] ශ්‍රී ලංකාවේ සංචාරය කිරීමට සොහොන් සිතක් පහලකරගැනීම

2] ලිංගික පීඩනයෙන් පෙලෙන, අතෘප්තිමත් ආශාවන්ගෙන් භරිතවූ මිනිසුන් සිටින රටකට රූමත් තරුණියක් රැගෙන පැමිණීම.

3] තරුණිය ආරක්ශාකරගැනීමට පිරිමියෙකු මෙන් ඉදිරිපත්වීම

4] සිය ලාබාල පෙම්වතියන් මිතුරන්ට මුදලට විකුණන දේසීය පෙම්වතුන්ගෙන් පාඩමක් ඉගෙන නොගැනීම (සුද්දන්ට එන්න කියමු, අපෙන් ඉගෙන ගන්න කියමු)

5] ලංකාවේ නීතිය, පොලීසිය, උසාවිය දේශපාලකයින් හට පමණක් අයිති දේපොල බව වටහා නොගැනීම නිසා තමාගේ මෙන්ම පෙම්වතියගේද ආරක්ශාව නොසලකා හැරීම

ඒ අනුව වරද කාගේද?

වරද සුද්දාගේය

වරදට දඬුවම් සුද්දාට ලැබී ඇත.....අපේ උණහපුලුවා ප්‍රතික්ශේප කිරීම නිසා සුද්දීටද දඬුවම් ලැබී ඇත....

ඉන්දුනිසියා සංචාරය සාර්ථකව නිමකල ජනපති යලි දිවයිනට………

2011-12-14T15:58:00.000+05:30

ඉන්දුනිසියා සංචාරය සාර්ථකව නිමකල ජනපති යලි දිවයිනට……… [Lanka eLink]

"ඉන්දුනිසියාෙවි සංචාරය සාර්ථකව නිමකල ජනාධිපති මහින්ද රාජපක්ෂ මැතිතමා ප්‍රමුඛ ධුත පිරිස ඊෙය් දිවයිනට පැමිණියහ."

එතුමා ගියේ තරඟ සංචාරයකටද? සිංහලෙන් අහනවානම් මැච් එකක් ගහන්නද?

" ෙමවර සමුඵෙවිදී ජනාධිපති මහින්ද රාජපක්ෂ මැතිතමා ෙකෙරහි අාසියා ශාන්තිකර කලාපිය නායකයින්ෙග් වැඩි අවධානය ෙයාමු ෙකරැණූ අතර"

එතුමාගේ, එතුමාගේ සොයුරන්ගේ, පුතන්ඩියන්ගේ වැඩ කිඩ ලෝකෙටම ආරංචිවෙලා නිසා හැමෝම අවධානයෙන් බලන්න ඇති ආසියාවේ චන්ඩිබුවා දිහා

ප්‍රජාතාන්ත්‍රවාදය සමිබන්ධෙයන් ජනාධිපතිතමා කල ප්‍රකාශය රාජ්‍ය නායකයින්ෙග් පැසසුමට ලක්විය .

ඇත්ත ඇත්ත, ලෝකෙන්ම සුපිරි ප්‍රජාචන්ට්‍රවාදය තියෙන්නේ මෙහෙනේ....සුද්දන්ට එන්න කියමු, අපෙන් ඉගෙන ගන්න කියමු.....

අගමැතිතුමාගේ කට මූට්ටු කල බබලත් ඇත්තීගේ ප්‍රස්ණ තුන....

2011-11-05T13:28:00.000+05:30

භාරත ලක්ස්මන් මහතාගේ අවමගුලට ආ අපේ දී මූ ජයරතන අගමැතිතුමාගෙන් එක් බබලත් ඇත්තියක් ප්‍රස්න තුනක් ඇසූ බවත් ඒ ප්‍රස්න තුනට උත්තර දීගත නොහැකිව අප අගමැතිඳා තක් මුක් පුක් වූ බවත් ලංකා ඊ නිවුස් වෙබ් අඩවිය අද වාර්තාකර තිබුණි. මෙය පමාවී ලැබුණු තොරතුරක් බවත් දක්වා තිබුණි.

නෝටි කතා කියන නිසා ලංකාවේ දැන් ඊ නිවුස් පෙන්නන්නේ නැති බැවින් හුදී ජන පහන් සංවේගය පතා ඊ නිවුස් වාර්තාව COPY + PASTE ආකාරයෙන් මෙසේ දක්වා සිටිමු.....

Source : http://www.lankaenews.com/Sinhala/news.php?id=18652

හිරුණිකාගේ ප්ලෑන් B

2011-11-01T07:45:00.000+05:30

හිතවත් හිරුණිකා නැගෙණියනි, ඔබගේ දයාබර පියා ස්ත්‍රී දූශක කුඩු මාෆියා කාරයෙකු අතින් ඝාතනය වීමත්, එම ඝාතකයාට විධායකයේ සිට පහලට පූර්ණ රාජ්‍ය අනුග්‍රහය හා ආරක්ශාව ලැබීමත්, ඔබගේ පියා වැරදිකරුවා බව ඔප්පු කිරීමට ගෙනයන කුමණ්ත්‍රණයත් නිසා ඔබ දැඩි කම්පාවට පත්වී ඇති බව අපි දනිමු.

එහෙත් නැගණියනි ඔබ මේ සිත්වේදනාවෙන් වුවද අහියෝග කරන්නේ බිහිසුණු, සිත්පිත් නැති, ඕනෑම කුජීත නසරානි වැඩක් කොට එය සාධාරණීකරණය කරන්නට හැකියාවක් ඇති, ඒ සඳහා කඩේයවන්නට සිය ගණන් මාධ්‍ය බැලයන්, පුවත් පත්, රූපවාහිණී නාලිකා ඇති, මානව මූළධර්ම කිසිවකටත් අබැටක ගෞරවයක් නැති රෙජිමයකටයි.

රුවැත්තියක් නිසා හෙට ඔබ ගණිකාවකැයි චෝදනාකොට පොලීසියෙන් අත් අඩංගුවට ගන්නට වුවද මේ රෙජිමයට පුලුවන. එයට ඕනෑ තරම් සාක්කි, ඔබ සමග මුදලට යහන්ගත වූවයයි රූපවාහිණී තිර ඉදිරියේ සාක්කි දෙන්නට උදවියද මොවුන් සොයාගනු ඇත. අත් අඩංගුවට පත් ඔබගේ අත්බෑගයේ තිබී කුඩු පැකැට්ටුවක් හෝ රහස් ලිංගික අවයවයක් පොලෝසියේ මහත්තුරුන්ට අසුවන්නට වුවද ඉඩ ඇත. එය ඔබගේ විනාශයම වනු ඇත.

මහපාරේ ඇවිද යන විට ඔබගේ සුකොමල මුහුණට ඇසිඩ් කෝප්පයක් වුවද විසිවන්නට ඉඩ ඇතැයි අපට බියක් පවතී. නැගෙණියනි, එනිසා කල්පණාකාරී වන්න.

ඔබට මෙවැනි අකරතැබ්බයක් වුවහොත් ඔබගේ පියාට සාධාරණය ඉශ්ඨ කරන්නට නොහැකිවූ පක්ශයට, ජනතාවට, පොලීසියට, අධිකරණයට ඔබ වෙනුවෙන් කලහැක්කේ කුමක්ද? කිසිවක් නැත. ඔබ මෝඩකමක් කරගත් බව ඔවුන් සැවොම කියනු ඇත. ඇඟ බේරාගනු ඇත.

ඔබ ප්ලෑන් B ගැන කියනවිට රෙජිමය ඔබව විනාශ කිරීමට ප්ලැන් A B C D ද ගසා මුදල්ද වෙන්කොට ඇති බව සිතට ගන්න.

පියා වෙනුවන් සටන් කරන්න, ඒත් ඊට පෙර ඔබ කළ්පණාකාරීවන්න. ඔබට යම් අණතුරක්, විනාශයක් වීම එය ඔබගේ මියගිය පියා කිසිවිටකත් ඉවසන දෙයක් නොවනු ඇත. එමෙන්ම ඔබගේ දයාබර පියා අහිමිවූ පවුලට ඔබද අහිමිවිය යුතු නැත.

- කණ්ඩුළ

දුමින්දට වෙඩිතැබූ භාරතගේ ආරක්ශකයෝ භාරතටත් වෙඩිතියලා!

2011-10-20T07:29:00.003+05:30

භාරත ඝාතනයේ නියම තතු දැන් හෙලිවෙමින් පවතී. ලක්ස්මන හෙළුගල්ල කියූ පරිද්දෙන්ම දුමින්ද හෝ ඔහුගේ ආරස්සක ඇණිය භාරත ඝාතනයට කිසිදු අයුරකින් සම්බන්ධවී නැත.

භාරත ඝාතනයේ නියම තතු සැකෙවින් මෙසේය;

සිද්දිය වූ දිනයේ තැඹිලි කුරුම්බා වලින් සප්පායම් වී සෙල්ලම් තුවක්කු රැගෙන හොරා පොලිස් සෙල්ලම කරමින්, විනෝදවෙමින් මුල්ලේරියාවේ සැරිසැරූ දුමින්ද මන්ත්‍රීතුමා හා ඔහුගේ හිත මිතුරු කොළුගැටව් අසලට නහුතෙනම සන්නාහ සන්නද්ධ වූ භාරත හා ඔහුගේ මැරයින් පැමිණ ඇත.

අධික බීමතින් සිටි භාරත "මගේ වැයිකියේ හොරා පොලිස් කරන්න උඹ කවුද ඩෝ??" යනුවෙන් අහිංසක දුමින්දගෙන් අසා ඔහුට බිම වැටෙන්නට කණට ගසා තිබේ.

දුමින්ද බොස් බිම වැටුනු විට බිරන්තට්ටු වුනු ඔහුගේ සෙල්ලම් සගයෝ සෙල්ලම් තුවක්කුද රැගෙන පණබේරාගන්නට පැණගොස් ඇත.

දුමින්දගේ සෙල්ලම් මල්ලිලා පැන දුවනකොට වෙරි මරගාතේ සිටි භාරත "මුන්ට වෙඩි තියපියව්!" යනුවෙන් අණදී ඇත.

දුමින්දගේ ඔලුවට බුලට් තුනක් ගියේ ඒ අනුවයි. දුමින්දට වෙඩි තැබූ භාරතගේ ආරක්සකයෝ ඉන් පසු වෙරිමරගාතේම සෙල්ලමට මෙන් භාරත බොස්ටත් වෙඩි තබා ඇත. භාරතද දුමින්ද මෙන්ම දින කිහිපයක් සිහිසුන්ව සිට, සසුව ශේප් එකේ පිටරට යවා ජාම බේරාගන්නට ඔවුන් සැලසුම් කරන්නට ඇත.

"දුමින්දට වෙඩි තිබ්බට පස්සේ මටත් තියපල්ලා.." යනුවෙන් භාරතම කලින් කියලා තිබුණා වන්නටද බැරි නැත.

වැඩේ ගැස්සුනේ භාරතගේ දෙක ශ්‍රේණිය අසමත් ආරසකයෙක් කකුලට තියන්න ඕනෑ වෙඩිල්ල භාරතගේ ඔලුවටම තිබ්බ නිසාය. වෙරි මරගාතේ කකුල කියන එක ඌට ඔලුව වගේ ඇහුනාද නැත්තම් සෞඛ්‍ය පීරියඩ් එකේ කැලෑ පැනපු නිසා කකුල් තියෙන තැන ගැන අවබෝධයක් නැති නිසාදැයි දැම්ම කියන්නට බැරිය.

කෙසේ වෙතත් දුමින්ද හා ඔහුගේ ආරක්සක යාලුවන්ගේ තුවක්කු පත්තුවී නොමැති බව රස පරීක්ශණ වලින් තහවුරුවී ඇති බව කවුදෝ එකෙක් කියා තිබෙන නිසා දැන් කිසිම සැකයක් නැත. සෙල්ලම් තුවක්කු කොහොමටත් පත්තුවෙන්නේ නෑනේ..

දැන් ඉතින් ඔක්කොම හරිය.....දැන් කරන්නට තියෙන්නේ භාරතට අවිආයුධ දී දුමින්දව මරන්නට එවපු බුකියා හොයාගෙන ඌට ගේමක් දීමයි....

මහින්ද ඔබාමා හමුව හෙවත් ලන්ච් එකේදී චුට්ටක් හිනාවී අතට අතදීම

2011-09-28T10:01:00.001+05:30

SOURCE : http://www.lankadeepa.lk/index.php/articles/5406

අවසානයේ එතුමා ඔබාමා හමුවිය. සාමාන්‍යයෙන් හමුවක් ලෙස හඳුන්වන්නේ නායකයන් දෙදෙනෙකු අඩුම ගණනේ විනාඩි පහක්-දහයක් හෝ ඉඳගෙන ද්වීපර්ශවිය වශයෙන් හෝ අන්තර්ජාතික වශයෙන් වැදගත් වෙන කරුණු සම්බන්ධයෙන් අදහස් හුවමාරු කර ගැනීමයි.

එහෙත් මෙහිදී එවැනි සාකඡ්චාවක් අදහස් හුවමාරුවක් සිදුවී නොමැත. සිදුවුනේ මහින්ද රාජපක්ශගේ ශරීරය හා ඔබාමාගේ ශරීරය සුලු මොහොතකට එකිනෙකට සමීප වීම හා අතට අත දීම පමණකි.

බැංකි මූන් ගේ ලන්ච් එකේදී මෙවැනි "හමුවීම්" නම් සිය ගණනක් සිදුවන්න්ට ඇති. එජා සංවිධානයේ සාමාජිකයින් 192දෙකෙන් අඩුම ගණනේ රටවල් 100ක හෝ රාජ්‍ය නායකයින් බැංකී මූන් ගේ ලන්ච් එකට එන්නට ඇත. මේ ආ සියලු රාජ්‍ය නායකයින් සමග ලොව බලවත්ම රටේ නායකයා අතට අත දී සුබපතන්නට ඇත.

එවැනි අතට අත දී ආචාර කිරීම් වෙනත් රටවල මාධ්‍ය වලට සමහර විට වැදගත් ප්‍රවෘත්තියක් නොවන්නටත් ඇති. ප්‍රවෘත්තියක් වූවත් එවැනි ආචාර කරගැනීම් "රාජ්‍ය නායක හමුවක්" ලෙස පෙන්වන්නට උතසහ කලේදැයි යන්න සැක සහිතය.

ඒත් අපේ මාධ්‍ය වලටනම් මෙය "හමුවකි"

කතාවේ වැරැද්දක් කියන්නටත් බැරිය දෙන්නෙක් තත්පරයකට හරි හලෝ මචන් කිව්වානම් එයත් හමුවීමකි, නැතහොත් හමුවකි.

කෙසේවෙතත් අවුරුදු ගාණක් පෙරුම් පුරලා එතුමාට ඔබාමා මෙහෙමවත් හමුවුනු එක හොඳය. මීට කලින් දෙන්නා මෙමෙම "හමුවක්" වුනාදැයි ශුවර් නැත.

ජවිපෙ

2011-09-24T22:08:00.000+05:30

ජවිපෙ බෙදීම ගැන කතා එමටය, ලියැවුනු බ්ලොග් ලිපිද, පුවත් වෙබ් අඩවි වල ලිපිද එසේමය. මේ සියලු රචනා ජවිපෙ අර්බුධය විවිධ පැතිකඩයන් ඔස්සේ, විවිධ කෝණ ඔස්සේ නිර්වචනය කරයි.

88-89 විනාශයෙන් පසු ජවිපය පෙනී සිටියේ ඉතා ප්‍රජාතන්ත්‍රවාදී, ශ්‍රිලනිප හා එජාප සාම්ප්‍රදායික පක්ශවලට වඩා මහත්වූ විනයක් පවත්වාගෙන යන ක්‍රියාශීලී, ප්‍රගතිශීලී පක්ශයක් ලෙසය. වෙනත් පක්ශවල ගැටුම් ඇතිවෙනවිට, නායකත්වය පිලිබඳව කඹ ඇදීම් ඇතිවෙනවිට ජවිපය ඒවා දෙස බලා සිනාසුන අන්දම, බක පණ්ඩිත කතා කියූ අන්දම, එම පක්ශවල නායකයින්ට, සටන්කරුවන්හට අපහාස උපහාස උසුලු විසුලු කල අන්දමද අපට මතක ඇත.

දේශපාලන බලු පොර අපේ පක්ශයේ නැතැයි කියූ අයගේ බලු පොරය

දැන් ජවිපයේ කයිවාරු රෙදිපල්ලෙන් දෝරේ ගලාගෙන යන අයුරු දකින විට එක්තරා විදියක කාළකන්ණි සතුටක් ඇතිවෙන්නේ ජවිපෙ බෙදීම ගැන ඇති සතුට (ජවිපේ බෙදීම ගැන ලේඛකයාට ඇත්තේ කණගාටුවකි ) නිසා නොව දිට්ඨධම්මවේදනීය කර්මය ජවිපයට පටිසන්දී ඇති නිසාය.

ජවිපෙ ඉන්නේත් ඔය අනෙක් පක්ශවල ඉන්නවාක් මෙන් ඇට, ලේ, මස් ඇති, ඊර්ශ්‍යයාව ක්‍රෝධය, වෛරය, ආත්මාර්ථකාමී පෞද්ගලික අභිලාශයන්ගෙන් පිරුණු මිනිසුන් මිස ජවිපෙ මෙතෙක් කල් ලොවට පෙන්වාගෙන ගිය ලෞකික ආශාවන් නොමැති, පඩිය පවා පක්ශය වෙනුවෙන් කැපකරන, පරාර්ථකාමී මිනිසුන් නොවන බව දැන් පැහැදිය.

එක් අතකට ජවිපය තුල සිටින්නේ ප්‍රශ්ණකිරීමකින් තොරව අණ පිලිපදින මොල සේදුනු දේශපාලන සොම්බීවරු (political zombies) නොව අනෙක් පක්ශ වල මෙන්ම මිනිසුන් බව පැහැදිලිවීම සැනසිල්ලකි.

ජවිපයේ බෙදීමේ අවාසිය රටටය

ජවිපයේ බෙදීමට මා සිතතුල කිසිසේත්ම සතුටක් නැත. ඒ මම ජේවීපී කාරයෙකු නිසා හෝ ආධාරකරුවෙකු නිසා නොව ජවිපයේ බෙදීම රටට අවාසියක් නිසාය. ජවිපය මේ රටේ තුන්වන බලවේගයයි. එජාපය සෙළවෙන දතක් මෙන් අස්තිරව වැනන මේ මොහොතේ ශක්තිමත් ජවිපයක් නොමැතිවීම රටේ ප්‍රජාතන්ත්‍රවාදයටත්, සාමාන්‍ය ජනතාවගේ අයිතිවාසිකම් සුරැකීමටත් මහත් බාධාවකි. ජවිපෙ ශක්තිමත්ව සිටිනතාක් දළ බිඳුනු එජාපයේ අඩුව යම් පමණකින්හෝ පුරවාදෙනු ලැබීය. එහෙත් දැන් රාජපක්ශලා තව තවත් ශක්තිමත් වනු ඇති අතර ජවිපයේ මේ බිඳීම අවස්ථානුකූලව ප්‍රයෝජනයට ගෙන තව තවත් මර්ධනකාරී, අත්තනෝමතික පියවරයන් වලට ඔවුන් යොමුවීම වැලැක්විය නොහැකිය.

මතවාදී සටනේ සළුපිලි යටින් ඇති පරාජයේ ඉඡ්ඡාභංගත්වය (හෙවත් රනිල් සජිත් සටනට ඇති සමානකම )

ජවිපෙ සටන සෝමවංශ-ටිල්වින් කාණ්ඩයේත් කුමාර අයියා කියන අත්භූත චරිතය වටා ඇති කණ්ඩායමේත් මතවාදී ගැටුමක් බවත් මෙය වෙනත් පක්ශවල ඇති අභ්‍යන්තර ගැටුම්වලට වඩා වෙනස් බවත් ජවිපෙ අය මෙන්ම, ජවිපෙ අර්බුධය ගැන ලිපි ලියූ වෙනත් ලේඛකයනුත් ප්‍රකාශකොට ඇත.

මතවාදී ගැටුම් කෙසේවෙතත් මට පෙනෙන ආකාරයට මෙතන ඇත්තේ දිගින් දිගටම පක්ශයේ ජන පදනම හෝදාපාලු වීම පිලිබඳව ඇති ගැටලුවක් හා චන්ද පරාජයන් පිලිබඳව ඇති ඉච්ඡා භංගත්වයකි. මහලු සෝමවංශ හා ටිල්වින් ඇතුලු කණ්ඩායමේ නායකත්වයෙන් පක්ශය ඉදිරියට ගියානම්, චන්ද පදනම වර්ධනය වූවානම්, පාර්ලිමේන්තුවේ නියෝජනය වැඩිවූවා නම් මේ ගැටුම් කිසිවක් කරලියට එන්නේ නැත. බලයට තනතුරුවලට සටන්වදින අයට වීරවංශ මෙන් රජ හා ඩීල් එකක් දමාගෙන එලියට යනවා හැරෙන්නට වෙන විකල්පයක නැත.

රටේ ජනතාව තබා මට හැඟෙන පරිද්දෙන් ජවිපේ පූර්ණකාලීන සාමාජිකයන් පවා මුහුණ දැක නැති, පාරතොටකදී දුටුවොත් හඳුනාගන්නට පවා බැරි, නියම නම කුමක්ද, සිංහලද දෙමළද පවා නොදන්නා මිනිසෙකුට සෝමවංශ පන්නන සටනට නායකත්වය දෙන්නට පුලුවන්වී ඇත්තේ චන්ද පරාජයන් හා වේගයෙන් බිඳවැටෙන ජන පදනම මිස වෙනත් බැරෑරුම් මතවාදී ගැටුමක් නොවන බව මාගේ විශ්වාසයයි. ජවිපය තුල මේ ඇති ගැටළුව එජාපය තුල සජිත් නායකත්වය දෙන රනිල් විරෝධී සටනට සමාන වන්නේ එබැවිනි.

රනිල් යටතේ එජාපය ජය ගන්නවානම්. චන්ද පදනම වැඩිවෙනවා නම්, මන්ත්‍රී අසුන් වැඩේ වෙනවානම් සජිත්ට වෙන්නේ දෙන දෙයක් කාලා රනිල්ට සෑර් කියාගෙන බය පක්සපාතව ඉන්නටය. සජිත් වැනි තරුණ නාම්බෙකුට රනිල් වැනි පලපුරුදු පාතාක යෝධයෙකුට විරුද්ධව සටනක් මෙහෙයවන්නට පවා (දිනුම පැරදුම පැත්තකට දමමු) හැකිවී තිබෙන්නේ රනිල් නායකත්වය යටතේ පක්සය ලබන නිරන්තර පරාජයන් ය. සජිත්ගේ මේ සටන හා කුමාර් මහත්තයා ගෙනියන සටන අතර කිසිදු වෙනසක් නැත්තේ එබැවිනි. කුමාර් මහත්තයා පිල මෙන්ම සජිත් පිල කියන්නේත් පවතින නායකත්වය සමග පක්ශයට ඉදිරි ගමණක් නැති බවත් නායකත්වයේ වැරදී තීන්දු නිසා පක්ශය මහත් පසු බෑමකට ලක්වී ඇති බවත්ය.

සජිත් රනිල් පන්නන්නට යනවිට එය බල ලෝභයෙන් නටනා නාඩගමක් ලෙස අර්ථ දැක්වීමත්, ජවිපේ ඇතුලේ පිල් බෙදී ඇණකොටා ගන්නා විට එය මතවාදී ගැටුමක් ලෙස අර්ථ දැක්වීමත් වැරදි බව මාගේ හැඟීමයි.

රහසිගත දේශපාලනය නැමැති ඔප්ශන් එක නොහොත් අකල්-මරණ වැලඳගැනීමට ඇති ඔප්ශන් එක.

කුමාර් මහත්තයාගේ කණ්ඩායම නැවතත් රහසිගත දේශපාලනය වැලඳගැනීමට යන බවට මතයක් පැතියයි. රජයේ පාර්ශවයෙන් මෙන්ම සෝමවංශලාගේ පාර්ශවයත් මෙම මතය ස්ථිර කිරීමට උතසහ ගන්නා බව පෙනේ.

මෙහි සත්‍යාසත්‍යතාවය මම නොදනිමි.

එහෙත් එවැනි අදහසක් කුමාර් කල්ලිය තුල ඇත්නම් එය වහාම වල දැමිය යුතු විනාශකාරී අදහසකි. 88-89කාලයේ විජේවීරට බැරි වුනාට අපිට පුලුවන් යනුවෙන් සිතනවානම් එය 80දශකයේ මිනිසුන් වන කුමාර්ලාගේ සොහොන් ලකුණු පෙනෙන රොමෑන්තික බහුබූතයකි.

දැන් සිටින්නේ 88-89 කාලයේ සිටි ආරක්ශක හමුදාව නොව ඊට වඩා දහස්ගුණයක් පිරිස් බලයෙන්, යුධමය හැකියාවෙන් මෙන්ම කැපවීමෙන්ද, රටපුරා විහිදුනු සියුම් ඔත්තු-සේවාවකින්ද සන්නද්ධ හමුදාවකි. එම මිලිටරි යන්ත්‍රය හා ඔට්ටු වීමේ හැකියාවක් අද නොව තව වසර 10කින් හෝ ගල්-කටස් සරණ යනවානම් කුමාර්ලාට ගොඩනගාගත නොහැකිබව බව ඔවුන් වටහා ගත යුතුය.

එපමණක් නොව 88-89 ජවිපෙ සන්නද්ධ ත්‍රස්තවාදය වැපිරවූ සමයේදී ජවිපයේ මිනීමරු දේශපාලනය සාධාරණීකරණය කලේත්, එයට ජවය සැපයූවේත් එවක ප්‍රධාන විපක්ශය වූ ශ්‍රී ලනීපයයි. එජාප පාළනය, ජවිපෙ ගොඩගසන මිනී කඳු මතින් පෙරලා දමා තමන්ට බලයට එන්නට පුලුවන් යන මෝඩ විශ්වාසයෙන් එකට ශ්‍රි ලනිප නායකයින්, විශේෂයෙන්ම අනුර බන්ඩාරනායක ඇතුලු කල්ලිය සිටියහ. ජවිපයේ සිවිල් කැරලි-කෝළහාල, උද්ගෝෂණ, බස් කෝච්චි ගිණිතැබීමේ කාළකන්නි මෙහෙයුම් වලට පිරිස් බලය සැපයූවේ අනුර-සිරිමා ඇතුලු ශ්‍රීලනිපයයි.

එපමණක් නොව එකල ජවිපට දේශපාලන හා ප්‍රචාරණ සවිය සැපයූ ජවිපයේ නිළ නොවන ජාතික පුවත්පත වූයේ ශ්‍රිලනිපයට රෙදි නැතුව කඩේගිය දිවයින පත්තරයයි. එජාප දේශපාලකයින් එජාපයෙන් ඉල්ලා අස්වී දැන්වීම් දැමිය යුතු පුවත් පත ලෙස ජවිපය නියමකොට තිබුණේ දිවයින පුවත් පතයි. ජවිපෙ මිනීමරු දේශපාලනය රටට ආදරය කරන කොල්ලන්ගේ දේශප්‍රේමී ව්‍යාපාරයක්, දූශිත දේශපාලඥයින්ගෙන් රට බේරා ගැනීමේ සටනක් බවටත් බෞතීස්ම කලේ දිවයින පත්තරය හා ජවිපෙට බය නිසා හෝ එජාප විරෝධය මත හෝ රාවය, විවරණ, හිරු වැනි සඟරාවන් බව එකල නොවරදවා මේ සියලු සඟරා කියවූ ලේඛකයා හොඳින් දනී (අද පුවත්පතක් වුවත් එකල රාවය සඟරාවකි).

අද සන්නද්ධ ව්‍යාපාරයකට කැලෑවදින කුමාර්ලාට මේ කිසිවක් නැති බව කිවයුතුය. මොනතරම් දේශපාලන වශයෙන් අසරණ වුවත් සන්නද්ධ ජවිපයට (හෝ කුමාර්ලාගේ සන්නද්ධ අණ්ඩට) එදා දේශපාලනිකව නන්නත්තර වී සිටි ශ්‍රිලනිපයෙන් ලැබුනු මතවාදී සහය එජාපයෙන් කිසිදා ලැබෙන්නේ නැත. එජාපය තරම් ජවිපෙ සන්නද්ධ මිනීමරු කල්ලි නිසා නායකයින් ක්‍රියාකාරීන් අහිමි කරගත් දේශපාලන පක්ශයක් නැත. එවැනි පක්ශයක් විහිලුවකට හෝ සන්නද්ධ කුමාර්ලාට සහයට වචනයක් හෝ නොකියන බව මට ඉතා විශ්වාසය.

උතුරේ බෙදුම්වාදය හා සමපාතවීමේ උත්සහය

සන්නද්ධ වන්නට බලාපොරොත්තුවෙන් සිටිනවා යන උපකළ්පණයේ පිහිටා බලන විට කුමාර්ලා උතුරේ ප්‍රශ්ණය පිලිබඳව ජවිපෙ ස්ථාවරය වෙනස් කරගත යුතුයයි කියන්නේද මේ අවාසි සහගත තත්වය ඔවුන්ද දන්නා බැවින් බව සිතිය හැකිය. සන්නධවීමේ අවශ්‍යතාවයක් කුමාර් පාර්ශවයට ඇත්නම්, ඔවුනගේ අරමුණ වනු ඇත්තේ ජවිපෙ මතය, උතුරේ සෙමින් සෙමින් යලිත් හිස ඔසවන්නට මාන බලන දෙමළ සන්නද්ධ ව්‍යාපාරවලට මතවාදීව සමපාත කොට පසුව ඒ ආධාරයෙන් සඟවා ඇති තුවක්කු දෙක තුනක් ඩයිනමයිට් කරලක් දෙකක් ඉල්ලා ගැනීමේ අදහසින් බව ලේඛකයා විශ්වාස කරයි.

ඉතා සරල හා ග්‍රාම්‍ය ලෙස දැක්වූවත් සන්නද්ධ ව්‍යාපාර දෙකක හවුලක අරමුණ හුදු මතවාදී හවුලක් නොව සෑමවිටම ඊට වඩා ප්‍රායෝගික යුධමය හවුල්කාරිත්වයකි. සැඟවී හෝ හමුදා ඔත්තුසේවාවලින් වහංවී සිටිනා එල්ටීටීඊ සටන්කාමීන්ගේ යුධමය ඥාණයෙන් අනාගත සන්නද්ධ ව්‍යාපාරයකට ඉමහත් ප්‍රයෝජන ලබාගත හැකි බව සන්නද්ධවීමට කල්බලන බවට චෝදනා ඇති කුමාර්ලාගේ කල්ලිය වටහාගෙන ඇතිබව ලේඛකයාගේ මතයයි. එහෙත් එල්ටීටීයේ විනාශයට ජවිපය දැක්වී ක්‍රියාශීලී දායකත්වය නිසා ඔවුන් සමග හවුලක් ගොඩ නගාගැනීමට දැන් සිටිනා ජවිපයේ නායකත්වයත් සමග නොහැකිය. මේ සඳහා නායකත්වයේ වෙනසක් සිදුවී පක්ශයේ මතවාදය බෙදුම්වාදයේ මතවාදයට අනුගාමීවිය යුතුය. මේ කරුණු සත්‍ය නම් මෙය හෙට අනිද්දා එලිදක්වන සැලැස්මක් නොව මධ්‍යකාලීන (වසර 3-5 අනාගතයට) සැලැස්මක් විය යුතුය.

කවුරු දිනුවත් අපට කමක් නැත

පක්ශයේ අයිතිය සටනින් කුමාර් අයියා දිනුවත් සෝමවංශ අංකල් දිනුවත් අපට කමක් නැත. අපට අවශ්‍යවන්නේ ශක්තිමත්, ජවසම්පන්න, ප්‍රජාතන්ත්‍රවාදය පිලිබඳව විශ්වාසය තබන ජවිපයකි. සන්නද්ධ ව්‍යාපාර පිලිබඳව සිහිනෙන් වත් නොසිතන ජවිපයකි.

කුමාර් අයියලාගේ සන්නද්ධ කතාව හුදෙක් විරුද්ධවාදීන් ගෙතූ මඩ කතාවක් මිස සත්‍යය නොවනු ඇති බව අපගේ ප්‍රාර්ථනයයි. මේ රටට තවත් මිනීමරු කල්ලියක් අනවශ්‍යය.

දේශප්‍රේමී සිංහල නට්සි රයික පාලකයින් කලින් කලට හඳුන්වාදෙන දේශපාලන fads

2011-09-21T23:04:00.000+05:30

Fad යන්න මධුර ඉංග්‍රීසි සිංහල ශබ්දකෝශය විස්තර කරන්නේ

n.	කාමතාව
Soc.	පන්නකාමය
Soc.	පන්නය
n.	පිස්සුව
	විශේෂ කැමැත්ත

යන යෙදුම් වලින්. මෙයින් පිස්සුව යන්න වඩාත් සරල තේරුම වෙයි. එනම් කලින් කලට මිනිසුන්ට වැළඳෙන (වඩාත් නිවැරදිව කියනවානම් උවමනාවෙන්ම හදාගන්නා) විවිධ උන්මාද මේ නමින් හඳුන්වයි. මුලදී මෙරට පැතුරුණු බොහෝ ෆෑඩ් විදේශ වලින් ආනයනය වුනු වානිජ අරමුනු වලින් විවිධ සමාගම් හා මාධ්‍ය මගින් ප්‍රචලිත කරන ලද ඒවා විය. ඇඳුම් පැළඳුම්, විලාසිතා, සංගීතය, චිත්‍රපට මේ ෆෑඩ් බොහොමයක උපත විය.

ෆෑඩ් එකක ඇති විශේෂත්වය එහි ඇති කෙටිකාලීන බවයි. දිගුකාලයක් ජනතා උනන්දුව රඳවාගෙන සිටීමේ හැකියාවක් මේ ෆෑඩ් සංසිද්ධියට නැත. අපේ අම්මලාගේ කාලේ තිබූ "හුලා-හූප්" උන්මාදයේ සිට වසර 2000 කාලයේ "ටයිටැනික්" චිත්‍රපටය හරහා රටවෙලාගත් ටයිටැනික් උන්මාදයක් වානිජ ෆැඩ් වලට උදාහරණ වේ.

ආගමික උන්මාද

බෝගස් වලින් බුදුපිලිම මතුවීමේ හාස්කම්, බෝගස් වල සුදු නාගයන් ලෙස පෙනී සිටිනා දෙවිවරු වන්දනාවටද වෑන් පිටින් බස් පිටින් කලින් කලට ජනීනයා දුවන්නට විය. ඒවා කළකින් අතරුදහන් වූ අතර ඒවා ගැන දැන් මතකයන් පවා ඇත්තේ බොහෝ කුණුකන්දල් හොඳින් මතක තියෙන අපවැනි බ්ලොග් කරුවන්ට පමණකි. පිල්ලෑවේ පංසල් යාම කළක් කොළඹ අවට උදවියට හොඳ ෆැඩ් එකක් විය.

එහෙත් ආගමික ෆෑඩ් එකක් ලෙසින් මෑත කාලයේ හඳුනාගත හැකි ප්‍රධානම උන්මාදය දොළුකන්දේ උන්මාදයයි. එය කලක් ඉතා තදින් පැතිරී තිබුණු අතර එම උන්මාදය ඉතා හොඳින් විකුණාගෙන කන ලද්දේ එදෙසට ගලා ආ මහා ජනසන්නිපාතයට පිරිත් පැන් බවුසර් පිටින් ලබාදෙන්නට ඉදිරිපත් වෙමින් කඩල ගොට්ටේ සිට සියලු දෑ වැඩිම මිලට විකුණාගත් පලාතේ ව්‍යාපාරික ප්‍රජාව හා ශ්‍රී ලංකාවේ ජාතික යයි කියාගන්නා පුවත්පත් විසිනි. සමහර පුවත්පත් දොළුකන්දේ හාස්කම් ගැන පිටුගණන් වර්ණනාකරමින් පත්තරය විකුණාගත් අතර තවත් ජාතික බවට කියාගන්නා පුවත්පත් දොළුකන්දේ හොර එලිකරන්නට තැත් කරමින් පත්තර විකුණාගන්නා ලදී.

කෙටිකාලීන උන්මාද බලය ලබා ගැනීමේ හා පවත්වාගැනීමේ දේශපාලන උපක්‍රමයක් වීම

ඒ කෙසේ වෙතත් අද දකින්නට තිබෙන ආකාරයට ෆෑඩ් හෙවත් කෙටිකාලීන උන්මාද දේශපාලන උප්‍රක්‍රමයක් (political strategy) ලෙස යොදාගැනීමේ ගෞරවය පලමුවෙන්ම හිමිවන්නේ ජාතික හෙළ උරමයේ ආරම්භක ආදීකතෘ වරුන්හටයි. එයට අඩිතාලම වැටුනේ සෝම හිමියන්ගේ ආගමනයත් සමගයි. චන්ද්‍රිකාගේ සමයේ දිගින්දිගටම කොටි ත්‍රස්තවාදීන් අතින් පරාජයවෙමින් සටන් විරාමය හරහා තවත් ඇදවැටුනු සිංහල මානසිකත්වය සෝම හිමියන්ගේ සටන්කාමී දේශනා හරහා නව පනක් ලැබූ අතර හෙළ උරුම ආදිකතෲන් මේ උද්දාමය ඉතා සූක්ශම ලෙස දේශපාලන අරමුණු සහිත උන්මාදයක් බවට පත්කරගත්තේ සෝම හිමියන්ටත් නොතේරෙන පරිද්දෙනි.

වෙසක් පෝයට පවා මලක් පහනක් පූජාකරන්නට පංසල් නොගිය ඇත්තෝ සුදු පිරිවටින් සරිවී සෝම හිමිගේ දෙසුම් ඇසීමට පංසල් කරා ඇදී එන්නට (මෙය වරදක් යයි මම නොකියමි, එලෙස වටහා ගැනීමටද උත්සහ නොකරන්න ) වූ අතර සිංහලෝත්තමවාදී, සුලුජාතික විරෝධී හෙළ උරුම දේශපාලනයට ආර්ථික හා පිරිස් ජවය ලැබුණේ මේ අලුතින් බිහිවුනු උපාසක/උපාසිකා පැලැන්තිය මගිනි. ඔවුන් සෝම හිමියන්ගේ දේශණා හරහා දැවැන්ත උන්මාදයක් ගොඩනැගූ අතර එම උන්මාද ව්‍යාපාරයේ දේශපාලන සිහින සෝම හිමිගේ අකල් මරණයත් සමග ව්‍යාකූල වුවත් කල්යල් බලා මහින්ද රාජපක්ශ අනාගත රජතුමා හා අත්වැල් බැඳගත් හෙළ උරුමවාදීන් සිය උන්මාදය විවිධ රූපකාවලින් පණ ගන්වමින්, පවත්වාගණිමින් සිය දේශපාළන ව්‍යාපාරය ගොඩනගාගන්නට සාර්ථක ගමණක් යන්නට පටන්ගත්තේය.

මේ ගමනේ සාර්ථකත්වය සලකණ කල කෙටිකාලීන ෆෑඩ් නිර්මාණය කිරීම හා පවත්වාගෙන යාම අතින් ලොව සාර්ථකම දේශපාලන ව්‍යාපාරය මහින්ද රාජපක්ශ බලයට ගෙනා හා බලයේ රඳවාගෙන සිටිනා ව්‍යාපාරය බව පැවසුවහොත් එය වරදක් නොවේ යයි සිතමි.

මුලින් සටන්විරාම විරෝධී/පාවාදීමේ ගිවිසුම ඉරා සිංහලයාගේ ආත්ම ගරුත්වය ආරක්ශාකරගන්නා ව්‍යාපාරයක් ලෙස ඇරඹුනු මේ උන්මාද නිර්මාණය එම අරමුණු සියල්ල සාක්ශාත් කරගැනීමෙන් පසුව විදේශීය කුමණ්ත්‍රණ, ජනපති විදුලි පුටුවට යැවිමේ කුම්ණ්ත්‍රණ, ක්‍රිස්තියානි මිශනාරි විරෝධය, අන්‍යාඅගම් වලට හරවාගැනීමට විරෝධය යනාදී වශයෙන් විවිධ අංශ වලින් දළු ලමින් වේගයෙන් වැඩෙමින් තිබෙනා බව පෙනේ.

මේ සියලු උන්මාද ෆෑඩ් ලෙස හැඳින් විය හැක්කේ ඒවා කෙටිකාලීනව ජනතාව මෝහනය කොට සියළු ප්‍රශ්ණ අමතක කරවාගෙන ජාම බේරාගන්නට දේශප්‍රේමී නට්සි රාජ්‍යය විසින් කිසිදු හිරිකිතයකින් තොරව යොදවාගන්නා බැවිනි.

කාලයකට ක්‍රිස්තියානි මිශනාරීන් දුප්පත් සිංහල බෞද්ධයින් ක්‍රිස්තියානි කරගන්නවාට විරෝධයක් ඇවිලෙයි. එකලට සියලු දේශප්‍රේමීන් මිශනාරි විරෝධීන් වන්නේය. කුරුස පෙන්නන්නට බැරිය. පත්තර පිටු, පැයගණන් රූපවාහිනී සංවාද මේවාට වෙන්වෙයි. නට්සි රයිකයේ ජනීජනයා බඩගින්නේ සිටිමින් වුවත් මිශනාරීන් මට්ටුකරන්නට ආණ්ඩුව ගන්නවා යයි බොරුවට පෙන්වන, කේවට්ටයින් ලව්වා කෑගස්සවන දේවල් විස්වාස කරමින් සිටියි. බඩු ගණන් වුනාට මිශනාරි හැත්ත ඉවරයක් කරලා දානවනම් ඒ ඇති. රයිකයේ අහිංසකයෝ එසේ කියා සැනසෙති.

තව ටික කලකට පසු මිශනාරීන් අමතක වෙන අතර බැංකිමූන්ගේ කමිටුව හා ඒ හරහා රජතුමා විදුලිපුටුවට යැවීමේ වෑයම හදිසියේ පුපුරා යයි. රටම මී මැසි ගුලක් මෙන් ඇවිසී බැංකීමූනා හරහා ක්‍රියාත්මක වෙන මේ අධිරාජ්‍යවාදී කුමණ්ත්‍රණය පරාජය කරන්නට බඩගින්නේ හෝ සටන්වදින්නට කැසකවයි. ඔය අස්සේ බඩුමිල තවත් ටිකක් වැඩිවෙයි. බඩු මිල වැඩිවුනාට අපේ නට්සි රජතුමා රටපාවලා දෙන්නේ නෑනේ. මේ වෙලාවේ බඩුමිල ගැන කෙඳිරිගාන්නේ රටට හෙන ගැහුවත් බඩ ගැනම හිතන බඩජාරීන් විතරනේ.....බඩගින්නේ ඉන්නා රයිකයේ අහිංසක වැසියෝ විදේසීය කුමණ්ත්‍රණය පරාජය කිරීමේ ප්‍රීතියෙන් තවදුරටත් බඩගිනි ඉවසයි.

ඔය අවු අස්සේ ටික කාලෙකට පෙර මැරෙන්නට හැදූ ක්‍රිස්තියානි මිසනාරීන් දැන් වඳවෙලාදැයි අහන්නට එකෙකුටවත් මතක නැත. ෆෑඩ් වල හැටි එහෙමය. උන්මාදය තියෙනකොට උණය. පස්සේ ඒ උණ තිබුණාදැයි මතක නැත. ෆැඩ් එකේ පිහිටෙන් රජතුමා හා ආණ්ඩුව මාසයක් දෙකක් ජාම ගොඩදාගනියි. රයිකවාසී ජනතාවට ඒ ගැන වැටහීමක් නැත. උන් ඊලඟ ෆෑඩ් එකටද කලින් එකට මෙන්ම රැවටී කෑ කෝ ගසයි. කාගේ හෝ කැවුතු කන්නට පිට පොට ගහයි.

කාම චිත්‍රපට විරෝධය, මොබයිල් ෆෝන්වල අසභ්‍ය රූප/වීඩියෝ තිබෙනවාදැයි පරීක්ශාකිරීමේ උන්මාදය කාලයකට කරලියට එයි. එතකොට පොලෝසියත් පිස්සු හැදිලාමෙන් මිනිස්සුන්ට මළවදයක් වෙමින් ෆෝන් චෙක් කරයි. පාරක සීඩී තැටියක් අරගෙන යන පොඩි එකෙක් දැක්කත් බ්ලූ-ෆිල්ම් එකක් අරගෙන යන එකෙක් ලෙස සැක කෙරෙන තරමටම පිස්සුව තදවෙයි. පත්තර, රූපවාහිනී චැනල් උන්මාදයට තවත් පොහොර දමයි.

හොඳට සොයා බැලූවිට කාම චිත්‍රපට ගැන මුලින්ම පත්තරවලට ලියන්නේත්, වොයිස්-කට් දෙන්නේත් ඒවා ගැන ලවක් දෙවක් නැතුව කෑකෝ ගසමින් ජනතා උන්මාදය ඇති කරන්නේත් මිශනාරි විරෝධය ඇති කරපු, බැංකීමූන් පරසක්වල ගසන්නට සෙට්වුන කට්ටියමය. ඔවුන් සියල්ලන්ම හෙළ-උරුම හා අවශේෂ අන්තවාදී නඩයේ හෝ සම්‍යක්දෘශ්ඨික හා නවීන විද්‍යාවෙන් fully-කොලිෆයිඩ් එහෙත් නවීන විද්‍යා විරෝධී පුරුක් විසින් මෙහෙයවන ඒවාවේ.

කාළයකට ගෑණුන්ගේ ඇඳුම ගැන පුවත්පත් සාක්ච්ඡා තියමින් සභ්‍යත්වය සංස්කෘතිය ගෑනුන්ගේ ඇඳුම් නිසා නැතිවෙනවා කියමින් කෑගසන්නේත් මේ කට්ටියමය. එතකොට පොලෝසියත් ගෑනුන්ගේ ගවුම් වල දිග මණින්නට පටන්ගනී. ගෑණුන්ගේ ඇඳුම් ගැන උන්ගේ සැමියන්ටත් වඩා පාරේ යන නකුටන්ට අමාරු වැඩිවෙයි. තවත් අසහනකාරයින් කලිසම් ඇඳගෙන යන ගෑණුන්ගේ කලිසම් කපයි. අවලම් ගෑණුන්ගේ ගවුම් ගැන විස්සෝප වෙමින් බබලත් ඇත්තියෝත් උන්දෑලගේ සැමියනුත් මොනවාකරන්නත් ඉස්සෙල්ලා මේ ගෑණුටික හදාගෙන ඉන්න ඕනෑ නේදයි සිතමින් කල් ගතකරයි. ආණ්ඩුව තව මාසයක් දෙකක් ගොඩදා ගනියි. ලයිට් බිල, වතුර බිල, පැට්රෝල් ඩීසල් ටික ඔය අස්සේ වැඩි කරගනියි. ෆැඩ් එක කරේ තියාගෙන උන්මාදය මෙහෙයවන සම්‍යක්දෘශ්ඨික නඩයට වරදාන නොඅඩුව ලැබෙයි, තණතුරු ආරක්ශාවෙයි, නැතහොත් තව වැඩිවෙයි.

මේ කිසිවක් ඔබ විශ්වාස නොකරන්නේද? එසේනම් පසුගිය මාස තුන තුල රටේ ජනතාව උන්මාදයට පත්කල මේ සිද්ධීන් 3 ගැන බලන්න........

අලුත්ම ෆෑඩ් තුන (The latest fads)

1] ජූලි / අගෝස්තු ෆෑඩ් (Fad for July/August) : ජූලි / අගෝස්තු මස දෙක පුරාවට රටවෙලාගත් මේනියාව වූයේ ආසනික් යුද්ධයයි. සම්‍යක්දෘස්ථික ආසනික් තර්කය වෙනුවන් මරාගෙන මැරෙන්නට පවා සූදානම් වූ පිරිස් බ්ලොග් අවකාශය පුරාවට සැරිසරමින් සිටියේය. පත්තර පිටු, පැයගණන් රූපවාහිනී විවාද මිනිසුන් හිරිවට්ටමින් අධිරාජ්‍යවාදී ආසනික් වෙළන්දන්ගේ කැවුතු කන්නට පෙලඹවුයේ නැතිටික විතරය. තව පොඩ්ඩෙන් මිනිස්සුන්ගේ බඩකට පුරවන්නට අස්වැන්න අරගෙන දෙන තෙල් පෝර ටිකටත් කෙළවෙන්නට ඉඩ තිබුණේය. මේනියාව ඒතරමට දරුණු විය.

ආසනික් මේනියාව අඩුවීගෙන යනවිට.........

2] අගෝස්තු /සැප්තැම්බර් ෆෑඩ් (Fad for August/September) : ග්‍රීස් යක්කු -- තව විස්තර අනවශ්‍යයි නේද? ග්‍රීස් යක්කු ගැන රජතුමා පාර්ලිමේන්තුවේදී කෝචොක් එක දැම්මේ ඇයිදැයි දැන් තේරෙනවාද?

ග්‍රීස් යක් මේනියාව අඩුවීගෙන යනවිට.........

3] සැප්තැම්බර්/ඔක්තෝම්බර් ෆෑඩ් (Fads for September/October) : මර්වින්ගේ මුන්නේස්වරම් බිලිපූජා විරෝධය/විවාදය හා මවුලානා හජ්ජි බිලිපූජා නවත්වන්නට එන්න එපා යයි කල අණතුරු අඟවීම.

***** මර්වින් සිල්වාත් ඔහුට අණතුරු ඇඟවූ අලෙවි මවුලානාත් යන දෙන්නාම එකම ආණ්ඩුවේ ජනාධිපතිට වැඳගෙන ජනාධිපතිගේ අනුග්‍රහයෙන් ජීවත්වෙන දෙන්නෙකු නොවේද?

ඉදිරිමාස දෙක ආණ්ඩුව ඇදගෙන යාමට මර්වින්/මවුලානා හදාගෙන යන උන්මාදය නොපෙනේද?

මර්වින්ට දැන් හෙළඋරුම/ආසනික්/ සම්‍යක්දෘශ්ඨික/වීරවංශ නඩයේ ආශීර්වාදය ලැබී ඇති අතර මවුලානාට දෙමල මුස්ලිම් සහය ලැබෙනු ඇත.

මුන් හැමෝම එකතුවී බොරු විරෝධතා, උන්මාද නිර්මාණය කරමින්, ඒවා පතුරවමින් සිංහල, දෙමළ, මුස්ලිම් හැමෝම රවටමින් ආණ්ඩුව දුවවන හැටි දැන්වත් නොපෙනේද?

ග්‍රීස් යකා හැදුනේත් ආණ්ඩුව දුවවන්නටය, බිලි පූජා විරෝධයත් එසේමය, මිශනාරි විරෝධය, ගෑණුන්ගේ කොට ගවුමට විරෝධය, බැං කීමූන් නාඩගම, චැනල් 4 මහා විරෝධය, මේ ඔක්කෝම ආණ්ඩුව දුවවන්නට ආණ්ඩුවේ ඉත්තන් වගාකරන දේශපාලන උන්මාද (political fads) මිස වෙන කිසිවක් නොවේ...

මුන්නේශ්වරම් බිලිපූජා නැවැත්වූවායයි කියන සත්ගුණවත් (අපි නොදන්න) මර්වින් වර්ණනාකරන්නනි, දැන්වත් ඇත්ත වටහාගන්න. මුන් කරන්නේ නුඹලාට නාස් ළනුව දමාගෙන උන්ට ඕනෑ පැත්තට නුඹලාව දක්කාගෙන යාමයි.

මේ දේශීය විදේශීය කුමණ්ත්‍රණ, උන්මාද සියල්ලම නිර්මාණය කරන්නේත්, පතුරවන්නේත්, මිනිසුන් පිස්සු වට්ටවන්නේත්, පස්සේ අමතක වෙන්නට හරින්නේත් ආණ්ඩුව දුවවන්නට කොන්ත්‍රාත් අරගෙන ඒ සඳහා වරදාන යහමින් ලබාගන්නා කොන්ත්‍රාත් කරුවන් පිරිසක් මිගිනි. විමල් වීරවංශත්, හෙළ උරුමයත්, නලින් ද සිල්වාත්, දත් දොස්තරතුමාත්, මර්වින් සිල්වාත් මේ නඩයේ බෙරකරුවන් පමනකි.

අපේ මැරවින් වීරයාට එරෙහි වන මවුලානා අරාබියට යවමු

2011-09-20T19:44:00.000+05:30

අපේ මැරවින් වීරයා බුදු හාමුදුරුවන්ගෙන් පසු බිලිපූජාවකට සිටි සතුන් මුදා හැරි වීරයායි. බලාගෙන යනකොට අප මේ ජීවත්වන්නේ පුදුමාකාර වාසනාවන්ත යුගයකය. බුදුන් වහන්සේගේ ලේ ඥාතියෙක් අප රට පාලනය කරයි. බුදුන්වහන්සේගෙන් පසු උන්වහන්සේ මහා කරුණාවෙන් කළකී දෑ කොපි කරන්නට පුලුවන් එකම උන්නැහේ අපේ බුදු නෑයාගේ ඇමති මණ්ඩලයේ සාමාජිකයෙකි. ඉදින් අප වාසනාවන්තයින් නොවෙමුද?

මේ විරුවාට දැන් බස්නාහිර පලාතේ ගවනර් වන තම්බි මවුලානා චැලෙන්ජ් කොට ඇත. හජ් උත්සව සමයේදී මරණ්නට ප්ලෑන් කරගෙන ඉන්නා සත්තු ටිකට කෙලින්නට ආවොත් පාරක් ගානේ උද්ගෝසන කරන බවට එතුමා තර්ජනය කොට ඇත.

මේක මේ සිංහල අපගේ රට බව මුන්ට අමතකද? ඉස්කෝලයක් ඇතුලේ ගැහැණු දරුපැටියෙක් දූශණය වුනාට, අම්මලාට ආච්චිලාට සල්ලි දීලා කෙලි පැටික්කියන් පන්සලටම ගෙන්නාගෙන මාසගණන් අතවර කරන බුදුපුතුන් වැඩ සිටියා වුනාට මේක හරකුන් මරන්නට තහනම් ගෞතම බුදුන්ගේ දේසය බවට ත්‍රීවීල් වල ලියා තිබෙනවා මවුලානා දැක නැද්ද?

අපි මොනතරම් පිරිසිදු පූජනීය ජාතියක්ද යත් දොරවල් වහගෙන හෙලුවෙන් බ්ලූෆිල්ම් බලන්නට පවා තහනම් රටකි මෙය. පොලෝසිය රටේ සියලු වැරදි දූසන වංචා අල්ලා ඉවර නිසා දැන් අල්ලන්නට කෙනෙක් නැතුව වසා ඇති දොරවල් කඩා බලමින් ඒවා අස්සේ හෙලුවෙන් ඉන්නා අසමජ්ජාතීන් පොලිසියට කුදලාගෙන ගොස් සිංහල බෞද්ධ ක්‍රමයට ජීවත් වෙන හැටි, සෙක්ස් ලයිෆ් එක හැඩ ගසා ගන්නා හැටි කියාදෙයි. බැඳපු ගෑනු මිනිස්සු වුනත් හෙලුවෙන් සිය අවයව සම්බන්ධ කර නොගනිමින් ලංකට් පෑන්ටි ඇඳගෙනම ලමයි උපද්දවන්නට වෑයම් කරන පිං ඇති රටකි මේ සිංහල අපගෙ රට.

බලු සුද්දන් හෙලුවෙන් නැටුවාට අපි එහෙම නැත. අපි හරිම සිවිලයිස්ඩ් ජාතියකි. ලෝකයේ සිවිලයිස්ඩ්ම පොලීසිය ඉන්නේත් අපේ රටේය. සිවිලයිස්ඩ්ම ඇමති මණ්ඩලය ඉන්නේත් අපිටමය. රජ පවුල සුද්දෝදන රජ්ජුරුවන්ගේ හරි මහමායා දේවිගේ හරි ඒ දෙන්නාගේම නෑයෝය. සුද්දෝධන/මහමායා ෆැමිලි එකත් හරිම සිවිලයිස්ඩ්ය. මහමායා දේවිය පිලිසිඳ ගත්තේ සුද්දෝදන එක්ක නිදාගත්ත නිසා නොව ඇත් පැටියා නෙළුම් මල අරගෙන බඩ ඇතුලට ගිය නිසාය. මේවා කොන නැති මවුලානාලාට නොතේරුනාට අපිට ටිං ටිං ද?

අපි කන්නේත් බ්‍රොයිලර් චිකන් කියන ගස්වල හැදෙන පිරිසිදු සෝයා මීට් වගේ කෑවාට පවු නැති මස් වගේ ජාතියක් බව මේ ජඩ තම්බියා දන්නේම නැද්ද? චිකන් කාලා අප්‍රියා වුනාම අපි කන්නේ මූදේ හැදෙන මාලු කියන ගස් ජාතිය විතරය. ඒවා වේලලා කනකොට කරවල, හාල් මැස්සන් වසයෙන් නම්කරපු වියළි ආහාරයක් ලෙස වලඳයි. දානෙකට ආරාධනා කලත් සමහර බුදුපුතුන් චිකන් එපා මාලු ඇඹුල්තියල් තිබ්බාම ඇති කියන්නේ පණ නැති බ්‍රොයිලර් කුකුලාට වුනත් රිදෙන්නට පුලුවන් නිසාය.

කන්නට දෙයක් නැති අරාබිකරයේ එළුවන් ඔටුවන් මරාගෙන කෑවාට දැන් මුන් ජීවත්වෙන්නේ සිංහලයාගේ අනුකම්පාව හා අවසරය මත මේ සශ්‍රීක දිවයිනේ බව මවුලානා ඇතුලු තම්බි රැළ මතක තියාගත යුතුය. අරාබිකරයේ සෙල්ලම් මෙහෙ බැරිය. මෙහෙ ඉන්නවානම් ඉන්නට ඕනෑ අපි කියන විධියටය. මරන්න ඕනෑ අපි කියන සත්තු විතරය. හජ්ජි සමරන්න මස් ඕනෑම නම් බයිරහා තම්බි මුදලාලිට කියලා බ්‍රොයිලර් කුකුල්ලු ටිකක් ෆැක්ටරියේදීම මරලා හමගහලා සුද්ද කරලා ගෙනාවට කම් නැත. හැබැයි හරකුන්, එළුවන් මරන්නට හිතනවානම් ඒ ඉතින් හජ්ජියේද අවසානය බව සිතාගත යුතුය.

දැනටමත් ගම්පහ හරක් මස් තහනම්ය. බ්‍රොයිලර්, පෝක්, මාලු තහනම් නැත්තේ උන් සතුන් නිසා නොවේ, උන්ගෙන් කිරි නොගන්නා නිසාය. හරක් මස් වුනත් හරකා බව නොතේරෙන්නට සොසේජස් කරලා පිරිසිදුවට පැකට් කරලා අයිස් පෙට්ටියේ තියලානම් කමක් නැත. හැබැයි පාරවල් අයිනේ යකඩ කොකුවල හරක් ගාත එල්ලගෙන හිටියොත් අපේ මර්වින් නරක මිනිහා කියලා කියන්ට එපා යයි අපි මස් ලෝලී ජහමනතාවට මතක් කරන්නට සතුටුය.

මවුලානාට කියන්නට තියෙන්නේ මැරවින්ට චැලෙන්ජ් කරන්නට ඇවිල්ලා පොල්ල නැතුව යන්නට තනන්ට එපා කියලාය. වරක් මැරවින් චූ නෑවාට හැමදෑම එහෙම නාන්නේ නැත....

පෞද්ගලික විශ්වවිද්‍යාල, උපාධි කඩ හා උසස් අධ්‍යාපනයේ අනාගතය.

2011-09-17T09:40:00.000+05:30

පෞද්ගලික විශ්වවිද්‍යාල පිලිබඳ විවාදය යලිත් ඇවිලී ඇත. මාලබේ පෞද්ගලික වෛද්‍යවිද්‍යාලය මේ විවාදය යලිත් ඇවිලීමට ආසන්නතම හේතුවයි.

ඇත්තටම පෞද්ගලික විශ්වවිද්‍යාල අධ්‍යාපනය විනාශකරයිද? විශ්වවිද්‍යාල ශිෂ්‍ය සංවිධාන වලට අනුව මෙය උසස් අධ්‍යාපනයේ මලගමයි.

පෞද්ගලික වෛද්‍යවිද්‍යාල

වෛද්‍යවරුන්ගේ සංගමයට අනුව පෞද්ගලික වෛද්‍ය විද්‍යාලයක් යනු රෝගීන්ගේ ජීවිත අනතුරේදැමීමකි. සල්ලි ගෙවලා ඕනෑම මෝඩයෙකුට වෛද්‍යවිද්‍යාලයට ඇතුලුවී උපාධිය ගෙන රෝගීන් මරාදැමීමේ ලයිසන් එකක් බවට මෙය පත්විය හැකි බව වෛද්‍ය සංගමයේ මතයයි.

මාගේ පෞද්ගලික මතය අනුව මෙහි යම් සත්‍යතාවයක් තිබේ. නිසි ප්‍රමිතියක් නොමැතිව, දක්ශ ගුරුවරු, විද්‍යාගාර, පුස්ථකාල, සායනික පුහුණු සඳහා සික්ශණ රෝහල් නොමැතිව ආරම්භවන මේ වෛද්‍යවිද්‍යාල මගින් අනාගතයේ දෙනු ලබන උපාධිය උපාධි කඩදාසිය තරම්වත් නොවටින්නට ඉඩ තිබේ.

එයින් අමාරුවේ වැටෙන්නේ රෝගීන් පමණක් නොවේ, රෝගීන් හට ප්‍රතිකාර කිරීම සඳහා වෛද්‍යසංගමයේ ලියාපදිංචිය ලබාගත යුතුය. මෙය එතරම් ලෙහෙසි කරුණක් නොවන බව නැගෙනහිර යුරෝපයේ හා ඉංදියාවෙන් වෛද්‍ය උපාධිය ලබාගෙන මෙරටට පැමිණ වෛද්‍යසභාවේ විභාගය දෙතුන්වතාව අසමත්වන ශිෂ්‍යයන් දෙස බැලීමෙන් පෙනී යයි. ප්‍රමිතියෙන් තොර වෛද්‍ය උපාධිවලින් වැඩියෙන්ම අමාරුවේ වැටෙන්නේ එම උපාධි ලබාගත් සිසුන් හා කණකර ඉඩකඩම් උගස් කොට ලක්ශගණනින් මේ පාඨමාලා සඳහා මුදල් ගෙනවන අසරන දෙමාපියන්ය.

විදේශ උපාධිධාරීන්හට දේශීය වෛද්‍යසේවයට ඇතුළුවෙන්නට ඇති ගැටළු නොවිසඳා තවත් පෞද්ගලික වෛද්‍යවිද්‍යාලයක් අටවාගෙන වෛද්‍යවරයෙකු වන්නට සිහින මවන අසරණ සිසුන් හා ඔවුන්ගේ දෙමව්පියන් අමාරුවේ දැමීම නොකල යුතු දෙයකි. කොතරම් උසාවි නියෝග ලැබුණත් වෛද්‍යසභාව අත්තනෝමතිකව විදෙස් වෛද්‍යෞපාධිධාරීන් වෛද්‍යසේවයට ඇතුලුවීම වැලැක්වීමට කුමණ්ත්‍රණය කරන බවට චෝදනාතිබියදී එම ගොඩට තවත් අසරණයන් පිරිසක් ඇද දැමීම මේ පෞද්ගලික වෛද්‍යවිද්‍යාල නාඩගම හරහා සිදුවෙන බව මගේ හැඟීමයි.

වෛද්‍යවිද්‍යාල නොවන වෙනත් පෞද්ගලික විශ්වවිද්‍යාල

වෛද්‍යවිද්‍යාල නොවන වෙනත් පාඨමාලාවන් සපයන පෞද්ගලික විශ්වවිද්‍යාල සඳහා ඇති විරෝධයනම් හුදෙක් විහිලුවක් බව මගේ හැඟීමයි.

අපේ රට ගත්විට එහි රාජ්‍ය අංශයේත්, පෞද්ගලික අංශයේත් බැරෑරුම් වගකීම්, රාජකාරි ඉටුකරණ වෘත්තිකයින් අතරින් ශ්‍රි ලංකාවේ විශ්වවිද්‍යාල වලින් උපාධි දිනාගත්තවුන් සිටින්නේ කීයෙන් කීදෙනාද? අද පෞද්ගලික අංශයේ වගකිවයුතු රැකිය කරන වෘත්තිකයින්, විධායක නිළධාරීන්ගෙන් 99%ක්ම රජයේ විශ්වවිද්‍යාලවල උපාධිධාරීන් නොව විවිධ පෞද්ගලික ආයතන හරහා උපාධිහා වෘත්තීමය සුදුසුකම් සපුරාගත්තවුන් වේ. මේ සියලු දෙනා සිය පෞද්ගලික මුදලින්, පෞද්ගලික ආයතනවලින් සපයන පාඨමාලා හදාරා සුදුදුසුකම් සැපුරා රැකියා ලබාගත් අයයි.

පෞද්ගලික ආයතනවලින් උගත් පලියට මොවුන් සල්ලිවලට සහතික ලබාගත්තවුන් බවට ඔවුන් හට පඩි-නඩි, යාන වාහන හා වෙනත් පහසුකම් සපයමින් රැකියා ලබාදෙන ආයතන නොසිතයි. ඔවුන්ගේ සේවාවන් මෙම ආයතන වලට අථ්‍යාවශ්‍ය අතර එසේ පෞද්ගලික ආයතන හා විශ්වවිද්‍යාල වලින් උගත් පිරිස් වැඩ බැරි මෝඩයන් බවට චෝදනාවක් කොතනකින්හෝ නැගී නොමැත.

සැබැවින්ම චෝදනාව එල්ලවී ඇත්තේ රජයේ විශ්වවිද්‍යාලවලින් බිහිවන උපාධිධාරීන් වෙතයි. දැනුමින් අඩු, ජවයෙන් හීන, තරඟකාරී රැකියාවලට අකමැති, වෙනස්වීම් වලට නොකැමති පිරිසක් ලෙස රජයේ විශ්වවිද්‍යාලවල උපාධිධාරීන් ශ්‍රී ලංකාවේ පෞද්ගලික ව්‍යාපාර අංශය විසින් හඳුනාගෙන තිබේ. මේ පිලිබඳව විවිධ සාඛච්චා හා සම්මන්ත්‍රණ වලට ලේඛකයාද සහභාගීවී ඇති බැවින් පෞද්ගලික අංශයේ ව්‍යාපාරික නායකයින් අපේ විශ්වවිද්‍යාල සිසුන් කෙරෙහි දක්වන ආකල්පය ගැන හොඳ අවබෝධයක් ලේඛකයාට ඇත.

ජීවිතය හා මරණය තීරණය කරන වෛද්‍යවෘත්තිකයින් පුහුණු කිරීමේ ඒකාධිකාරිය රජය සතු විශ්වවිද්යාල වලට පමනක් තිබිය යුතු නමුත් අනෙකුත් සියලු වෘත්තීන් සඳහා පෞද්ගලික විශ්වවිද්‍යාල හා විදේශීය විශ්වවිද්‍යාල වලට ඉඩ දිය යුතුය යන්න මගේ හැඟීමයි.

කවුරුන් විරුද්ධ වුනත් දැනට තත්වයද එයම නොවේද?. අප රටේ ආර්ථිකය දුවන්නේ ආණ්ඩුවේ විශ්වවිද්‍යාලවලින් පිටවන උපාධිධාරීන් අතලොස්ස නිසා නොව දුක් විඳිමින් කුඩා මඩු වැනි පංතිකාමරවල දුකසේ පෞද්ගලික පාඨමාලා හදාරමින් ඉගෙන ගෙන රැකියා කරන ලක්ශ සංඛ්‍යාත දිරිය මිනිසුන්ගේ, දිරිය කාන්තාවන්ගේ කර මතින්ය. එවැනි මිනිසුන්හට තම අනාගතය තවත් දියුණු කරගැනීම සඳහා පෞද්ගලික විශ්වවිද්‍යාලයකින් හෝ විදේශීය විශ්වවිද්‍යාලයකින් ලංකාව තුලදීම උපාධියක් ලබාගත හැකිනම් එය රටේ අනාගතයට සුබදායක වනවා මිස අවැඩක් සිදු නොකරයි.

මුසම්මිල් දිනුවත්, මොරගොඩ දිනුවත් ඇත්තටම දිනන්නේ රජතුමාය.

2011-09-10T08:31:00.000+05:30

Act 1

චන්ද්‍රිකා මැතිනියගෙන් අවසර නොගෙන හිරු පවා නොනගින සමයයි. නාගරික සංවර්ධන ඇමතියා කැපුවත් කොළ මංගල සමරවීර මැතිතුමාය.

කොළඹ නගරසභාව එජාප පාළනයේ පැවතින. එය කඩා දැමීමට මංගලලා එස්.බී ලා දැරූ සියලු ව්‍යායාම අසාර්ථක විය. ඊළඟ පියවර වුයේ කෙසේහෝ නගරසභාවේ දළ බිඳීමයි.

කොළඹ නගර සභව සතුව තිබූ ගාලු මුවොදොරපිටිය සංවර්ධනය හා අලංකරණය සඳහා නාගරික සංවර්ධන අධිකාරයට පවරා ගැනුනි. දෙවැනුව, කොළඹ නගරසභාව සතුව තිබූ විහාරමහා දේවී උද්‍යානය සංවර්දනය හා අලංකරනය සඳහා පවරා ගැනුනි.

තෙවැනුව බේරේ වැව රවුම පවරා ගැනුනි. මෙහිදී නම් මංගල සමරවීර මැතිතුමා ගංගාරාමේ පොඩි හාමුදුරුවන්ගෙන් "නපුංසකයා / අර්ධ මිනිසා" යන ගෞරව නාම ලබාගත් නමුත්, නීතියේ බලයෙන් මංගල වැඩේ කරගත්තේය.

චන්ද්‍රිකා/මංගල ජය ගත්තේය, එජාපය චන්දය දිනූ මුත් පැරදුනි.

Act 2

කණ්නාඩියෙන් එජාපය දිනුවේය. එයට දරදිය ඇද්දේ හිටපු එජාප ඇමති සිරිසේන කුරේ මහතාය. සැලැස්ම වුනේ ත්‍රීවීල් කාරයා දිනූ පසු ඔහු ඉල්ලා අස්වී සිරිසේන කුරේ මහතා නගරාධිපතිවීමයි.

රාජපක්ශලා ඊට ඉස්සර විය. ත්‍රී වීල් කාරයා මන්දිරයේදී රජපස දෙපතුල වැටී සෙරප්පු ලෙවකමින් රජට පක්ශපාත බව පලකලේය. ඉන්පසු පුරපති නිවස ත්‍රී වීල් පාක් එකක් හා එළුවන් කුකුළන් ඇති කරන ගොවිපොලක් විය.

වැඩේ කැත ඉවසන්නටම බැරි නිසාදෝ ත්‍රී වීල් කාරයා පන්නා කොළඹ කොමසාරිස් කෙනෙකුට පැවරුවේය. එජාපය චන්දය දිනුවත් සැබැවින්ම දිනුවේ රජතුමාය.

Act 3, Scene 1

මුසම්මිල් දිනයි, දිවුරුම් දෙයි. පසු දින මන්දිරයේදී ජනපති හා හැළප කා තේ බී කොළඹ නගර සභාව බන්දේසියක තබා පිලිගන්වයි.

Act 3, Scene 2

මුසම්මිල් දිනයි, කියූ පරදිම, රජයේ සල්ලි මලු එපා කියමින් වැඩ අරඹයි. කොළඹ නගර සභාවේ සම්පත් එකින් එක නාගරික සංවර්ධන අධිකාරියට පවරා ගැනෙයි. අන්තිමට කොළඹ නගරසභාව රැස්වෙන නගරස්භා ගොඩ නැගිල්ල පවා නාගරික සංවර්ධන අධිකාරියට පවරා ගැනෙයි. ඉන්පසු දූශණ ඉහවහාගිය කොළඹ නගරසභාව විශේෂ කොමසාරිස් වරයෙකුගේ පාලනය යටතට පත්වේ. අපරාදේ සල්ලි මලු ටික ගත්තානම් ඉවරයිනේ යයි සිතමින් මිසම්මිල් නිවෙස බලා යයි.

මිලින්ද මොරගොඩ තවත් චන්ද්‍ර බාබු නායිදු කෙනෙකු වෙයිද?

2011-09-09T08:10:00.000+05:30

මිලින්ද මොරගොඩ

එකසත් ජාතික පක්ශ රජයේ බලසම්පන්න ඇමතිකම් දැරූ අශෝක මිලින්ද මොරගොඩ මැතිතුමා රජපස ආණ්ඩුවට කරණමක් ගසා දැන් කළක් ගතවී ඇත. 2010 මහ මැතිවරණයේදී සිය අසුන පරාජයට පත්වුනු එතුමා දැන් නැවතත් මැතිවරණ පොර පිටියට පැමිණ ඇත්තේ සන්ධානයේ කොළඹ පුරපති අපේක්ශක ලෙසය.

මිලින්ද මොරගොඩ පිලිබඳව ලේඛකයා තුල ඇත්තේ යහපත් හැඟීමකි. මොරගොඩ යනු උගතෙක් මෙන්ම තැන්පත් දේශපාලඥයෙකි. මහින්ද රාජපක්ශ ජනපතිට සහය දුන් පලියට සෑම මිනිසෙකුම සතුරෙකු ලෙස සැලකීම ලේඛකයාගේ ප්‍රතිපත්තිය නොවේ. රනිල් වික්‍රමසිංහ සමග දේශපාලන සුසානභූමිය වෙත යනවාට වඩා බලය ඇති පක්ශයට එකතුවී තම දැනුමින් හා හැකියාවෙන් යම් වැඩක් කිරීම පලදායක බව මිලින්ද මොරගොඩ මහතා සිතුවානම් එය නිවැරදි සිතුවිල්ලකි.

යම් වැඩක් හරියට කිරීම සඳහා අවශ්‍ය උගත්කම මිලින්ද මොරගොඩ සතුව ඇත. ස්විට්සර්ලන්තයේ International Institute for Management Development විශ්වවිද්‍යාලයෙන් MBA පශ්චාත් උපාධිය දිනා ඇති මිලින්ද මොරගොඩ ඇමරිකාවේ හාවඩ් විශ්වවිද්‍යාලයට අනුබද්ධ Weatherhead Centre for International Affairs ආයතනයේ අධිසාමාක (fellow) පදවියෙන් පිදුම් ලබා ඇත.

පසුගිය එක්සත් ජාතික පක්ශ ආණ්ඩුවේ බලසම්පන්න තනතුරු හෙබවූ ඔහු සිය බලය සමස්තයක් ලෙස රටට වැඩදායක ලෙස යෙදවූ බව ලේඛකයාගේ හැඟීමයි. මහින්ද රාජපක්ශ රජයේ සංචාරක කටයුතු අමාත්‍යවරයා ලෙසද ඔහු සාධනීය වැඩකොටසක් සිදුකල බව කිවයුතුය.

චන්ද්‍රබාබු නායිදු

කවුද මේ චන්ද්‍රබාබු නායිදු?

චන්ද්‍රබාබු නායිදු ඉන්දියාවේ ආන්ද්‍රා ප්‍රදේශයේ හිටපු මහ ඇමතිවරයෙකි. ආන්ද්‍රා ප්‍රදේශය ප්‍රසිද්ධ වන්නේ හයිද්‍රාබාද් නගරය ආශ්‍රිතව ඇරඹී ඇති තොරතුරු තාක්ශණික සමාගම් නිසාය. ඉන්දියාවේ තොරතුරු තාක්ශණ අගනගරය වන බැංගලෝර් නගරයට පමණක් දෙවෙනි වන අන්දමට හයිද්‍රාබාද් නගරය තොරතුරු තාක්ශණ අංශයෙන් දැවැන්ත ලෙස ඉදිරියට පැමිණ ඇති අතර හයිද්‍රාබාද් නගරය තොරතුරු තාක්ශණ කර්මාණ්තයේ කේන්ද්‍රස්ථානයක් කිරිමට චන්ද්‍ර බාබු නායිදු මහ ඇමතිවරයා සුවිශේෂී මෙහෙවරක් ඉටු කලේය.

ඔහු ඉන්දීය ව්‍යාපාරික ප්‍රජාව තුල කොතරම් ජනප්‍රියත්වයට හා ගෞරවයට පාත්‍රවූයේද යත් ඔහුව හඳුන්වනු ලැබූ අන්වර්ත නාමය වනුයේ ආන්ද්‍රා ප්‍රදේශයේ ප්‍රධාන විධායක නිළධාරියා (CEO of Andra Pradhesh) යනුවෙනි. ඔහු ඒ තරමටම ආන්ද්‍රා ප්‍රදේශයට ආයෝජන ගෙන්වා ගැනීමට පෙරමුණ ගත් අතර ආන්ද්‍රා ප්‍රේදේශ ප්‍රාන්ත රජය කාර්‍යක්ශම කිරීමට, තොරතුරු තාක්ශණය ප්‍රචලිත කිරීමට දැවැන්ත පියවර රැසක් ගත්තේය. මේ පියවරයන් හේතුවෙන් ආන්ද්‍රා ප්‍රදේශයේ අගනගරය වූ හයිද්‍රාබාද් නගරය ඉතා වේගයෙන් සංවර්ධනය වූ අතර විශාල දේශීය හා විදේශීය ආයෝජන ප්‍රමාණයක් ඇද ගැනීමට සමත්විය.

මිලින්ද මොරගොඩගේ චන්ද්‍ර බාබු නායිදු වන්දනාව

මිලින්ද මොරගොඩ මහතා කලක් සිරස එම්.ටී.වී ආයතයේ සතිපතා සාකච්ඡාමය වැඩසටහන් මාලාවකට සහභාගී වෙමින් සිටියේය. එම වැඩසටහන තුලදී රාජ්‍ය සේවය කාර්‍යක්ශම කලයුතු ආකාරය, ආයෝජන ඇදගත යුතු ආකාරය පිලිබඳව සාඛ්ච්ඡා කරන බොහෝ අවස්ථාවලදී මිලින්ද මොරගොඩ මහතා චන්ද්‍ර බාබු නායිදු මහතාගේ වැඩපිලිවෙලවල් විස්තර කරමින් ශ්‍රී ලංකාව තුලද එවැනිම වැඩපිලිවෙලක් ක්‍රියාත්මක කලයුතු බව පවසා සිටියේය. කොටින්ම එකල මිලින්ද මොරගොඩ මහතාට චන්ද්‍ර බාබු නායිදු මහතා ගැන සඳහනක් නොකල සාඛච්ඡාවක් නොමැති තරම්ය. මොරගොඩ මහතා ඒ තරමටම චන්ද්‍ර බාබු නායිදු ෆෑන් කෙනෙකු විය. මිලින්ද මොරගොඩ පමණක් නොව මයික්‍රෝසොෆ්ට් සමාගමේ නිර්මාතෲ බිල් ගේට්ස් පවා චන්ද්‍රබාබු නායිදු මහතාගේ ප්‍රගතිශීලී ව්‍යාපෘති අගය කල අතර වරක් ඉන්දියාවට පැමිණි බිල් ගේට්ස් එවක ඉන්දියනු අගමැතිවරයා හමු වී ගතකල කාලයට වඩා විශාල කාළයක් චන්ද්‍රබාබු නායිදු මහතා සමග ගතකලේය.

චන්ද්‍රබාබු නායිදුගේ දේශපාලන අවසානය

කොතරම් සාධනීය වැඩපිලිවෙලවල් ක්‍රියාත්මක කලත් චන්ද්‍රබාබු නායිදු මහතාට චන්දයේදී අත්වූයේ අන්ත පරාජයකි. ආන්ද්‍රා ප්‍රදේශයේ දුප්පත් ගොවීන් අමතක කොට හයිද්‍රාබාද් නගරයටවී කෝටිපති සමාගම් වල සුබසිද්ධියට පමණක් ක්‍රියාත්මක වූ බවට දේශපාලන විරුද්ධ වාදීන් චෝදනාකරමින් සිටියේය. ගොවියාගේ නිශ්පාදන වලට හොඳ මිලක් ලබාදීම සඳහා තොරතුරු තාක්ශණය හා ජංගම දුරකථන තාක්ශණය හරහා නගරයේ ගොවිද්‍රව්‍ය වල මිලගණන් ගොවියාට දැන ගත හැකිවන තොරතුරු ජාලයක් මගින් ගොවියාගේ නිශ්පාදන කුණු කොල්ලයට මිලිදී ගැනීමට තැරැව්කරුවන් හට නොහැකි වන ලෙස වැඩපිලිවෙලවල් ක්‍රියාත්මක වුනු නමුත් ආන්ද්‍රා ප්‍රදේශයේ ගොවි ජනතාවගේ ගැටලු නොසලකා හැරීම නිසාම චන්ද්‍රබාබු නායිදු මහතාට සිය තනතුර අහිමි විය.

පුරපති මොරගොඩ (?)

පුරපති මුසම්මිල්ට වඩා පුරපති මොරගොඩ රටේ වානිජ අගනගරය වන කොළඹ නගරයට සුදුසු බව ලේඛකයාගේ පෞද්ගලික හැඟීමයි.

මුසම්මිල් යනු දේශපාලන කාක්කෙකි. ඩීල් පප්පෙකි. කෑදර ව්‍යාපාරිකයෙකි, ඔහුට දේශපාලන දර්ශණයක් හෝ සංවර්ධන වැඩපිලිවෙලක්, අනාගත දැක්මක් නැත. කෙසේහෝ අගනුවර දෙමල හා මුස්ලිම් ප්‍රජාවගේ කරමතින් පුරපති පුටුව කරා ගමන් කිරීම ඔහුගේ අරමුණයි. ඉන්පසු කොළඹ ඉන්නා සියලුම තැරැව්කරුවන්, හොරුන්, තක්කඩින් පුරපති නිවසේ නිත්‍ය සමාජිකයින් වනු ඇත. එමෙන්ම, පුරපති ලෙස දිවුරුම් දුන් වහාම අර ත්‍රීවීල් කාරයා කලාක් මෙන් කෙලින්ම අරලිය ගහ මන්දිරය වෙත ගොස් ජනපතිගේ දෙකකුල් ලෙවකා මම ඔබතුමාගේ දෑත් සක්තිමත් කරන්නට ආවා යනුවෙන් කෙඳිරී ගෑමට බොහෝ දුරට ඉඩ ඇත.

එවැනි දෙපිටකාට්ටු කපටි හොරෙකුට වඩා මිලින්ද මොරගොඩට චන්දය දී යමක් කල හැකි, මොළයක් ඇති මිනිහෙකු කොළඹ නගරයේ නායකත්වයට පත්කරගැනීම වඩාත් සුදුසු යයි මට සිතේ. දැනට කොළඹ නගරය නිළ නොවන අන්දමට පාළණය වන්නේ ආරක්ශක ලේකම්තුමාගේ පාලනයේ තිබෙන නාගරික සංවර්ධන අධිකාරිය යටතේය. මෙවැනි තත්වයක් තුල මුසම්මිල්ට වඩා මිලින්ද මොරගොඩ කොළඹ පරිපාලනය සඳහා සුදුසුය. ආරක්ශක ලේකම් කළමණාකරණය කරගැනීමේ හැකියාවක් මුසම්මිල්ට නැතත් මිලින්ද මොරගොඩට ඇත. ඔහු දක්ශ සාකඡ්චාකරුවෙකි (negotiator), අනුන්ව සිය මතයට අද්දවා ගැනීමට හැකියාවක් ඇත්තෙකි.

පුරපති තනතුරට පත් වුවහොත් මිලින්ද මොරගොඩ ඔහුගේ හිතවත් චන්ද්‍ර බාබු නායිදුගේ ප්‍රගතිශීලී වැඩපිලිවෙලවල් කොළඹ නගරය තුල ක්‍රියාත්මක කරනු ඇතැයි මම බලා පොරොත්තු වෙමි. එලෙසම ඔහු චන්ද්‍ර බාබු නායිදු දුප්පතුන් අමතක කර දමා කරගත් විනාශය කරනොගනු ඇතැයි බලාපොරොත්තුවෙමි.

ඉන්දියාව සාම්පූර් ගල්-අඟුරු බලාගාරයට ආධාර කරන්නේ ශ්‍රී ලංකාව තුල චීන බල ව්‍යාප්තිය අඩුකිරීමේ උපක්‍රමයක් ලෙසයි... - ඉන්දියානු ෆයිනෑන්ෂල් එක්ස්ප්‍රස් පුවත්පත.

2011-09-08T14:26:00.000+05:30

නව දිල්ලිය, සැප්තැම්බර් 6: ඉන්දියාවේ විශාලතම විදුලි නිශ්පාදන සමාගම වන NTPC ආයතනය ශ්‍රී ලංකාවේ විදුලිබල මණ්ඩලය (CEB) සමග ඒකාබද්ධව මෙගාවොට් 500ක බලාගාරයක් ඉදිකිරීමට ගිවිසුමක් පසුගිය අඟහරුවාදා (සැප්තැම්බර් 6) කොළඹදී අත්සන් කරන ලදී. ඉන්දියානු රජය මෙම ගිවිසුම අත්සන්කරන ලද්දේ කලාපය තුල විශාල වශයෙන් ඉහල යමින් පවතින චීන බලපෑම් අවම කිරීම සඳහා ඉන්දියාව සමග සහයෝගය වැඩිකරගැනීමේ උපක්‍රමයක් වශයෙනි.

ව්‍යාපෘතියේ පිරිවැය ඩොලර් මිලියන 500ක් පමණ වන බව NTPC ආයතනයේ සභාපති හා කළමණාකාර අධ්‍යක්ශක අරුප් රෝයි චවුද්‍රී ගිවිසුම අත්සන් කිරීමෙන් පසුව කොළඹදී පැවති මාධ්‍ය හමුවකදී පවසා සිටියේය. යෝජිත බලාගාරය ත්‍රිකුණාමලයේ සාම්පූර් ප්‍රදේශයේ ඉදිකෙරන අතර 2016දී ඉදිකිරීම් කටයුතු අවසන කිරීමට නියමිතය. මෙම බලාගාරය ආනයනික ගල්-අඟුරු වලින් බල ගැන්වීමට නියමිත අතර නිපැදවෙන බල ශක්තිය ශ්‍රී ලංකා විදුලිබල මණ්ඩලයට විකිණීමට බලාපොරොත්තුවේ.

50-50 අනුපාතයට NTPC ආයතනය හා ශ්‍රී ලංකා විදුලිබලමණ්ඩළය ආයෝජනය කරනු ලබන මෙම ව්‍යාපෘතිය සඳහා වෙනම හවුල් ව්‍යාපාරික ගිවිසුම් ආයතනයක් (Joint Venture Company - JV) ශ්‍රී ලංකාව තුල ස්ථාපනය කරන අතර මෙම ආයතනය ස්ථාපිත කිරීමෙන් අනතුරුව ව්‍යාපෘතියට අදාල අනෙකුත් ගිවිසුම්, එනම් ශ්‍රී ලංකා විදුලි බළමණ්ඩලය බලශක්තිය විකිණීම පිලිබඳ ගිවිසුම, ශ්‍රී ලංකා ආයෝජන මණ්ඩලය සමග ගිවිසුම හා ව්‍යාපෘතිය ක්‍රියාත්මක කිරීමට අදාල ගිවිසුම් අත්සන් කිරීමට නියමිතය.

ව්‍යාපෘතිය සඳහා අවශ්‍ය භූමිය ශ්‍රී ලංකා රජය මගින් දීර්ඝකාලීන කල්බදු ගිවිසුමක් යටතේ ලබාදීමට නියමිතය.

මෑතකදී ක්‍රියාත්මක වෙන උපක්‍රමීය වැඩපිලිවෙලකට අනුව ඉන්දියානු රජය බංගලිදේශය, නේපාලය, භූතානය හා ශ්‍රී ලංකාව වැනි රටවල යටිතල පහසුකම් වැඩි දියුණු කිරීමේ ව්‍යාපෘති වලට ආයෝජනය කිරීම ආරම්භ කොට ඇති අතර, මෙහි අරමුණ වන්නේ කලාපීය රටවල ඉන්දියානු කේවල් කිරීමේ හැකියාව වැඩි දියුණු කරගනිමින් චීනය මේ රටවල් තුල ව්‍යාප්තකරගෙන යන බලය අවම කරගැනීමයි.

බොරුවට ජොගින් යන නායකයෝ හා අපේ අයෝමය පුරුශයා

2011-09-05T22:32:00.000+05:30

මෙන්න බලන්න ඇමරිකාවේ හිටපු නායකයෝ දෙන්නෙක් හා යුරෝපයේ නායකයෝ (හිටපු හා දැනට බලයේ ඉන්නා ) බොරුවට, චන්දදායක ජනතාවට තමන් නිරෝගී බව පෙන්වන්නට ජොගින් යන හැටි.

හොඳට බලන්න මුහුණේ මහන්සියක් ගෑවිලාවත් තියෙනවාද කියලා මේ අයගේ? නෑ නේද? දාඩිය බින්දුවක් දාලා තියෙනවද? නෑ නේද?

අනිත් එක මේ අය ඇඳගෙන ඉන්නේ දුවන්න පනින්න පුලුවන් ඇඳුම්ද? කොට කලිසමක් ඇඳගෙන කොහොමද මෙයා හරියට ජොගින් යන්නේ?

ඒකට කිරිපාට හොඳට දිග කලිසමක් හා මැච් වෙන්නට නයිකි කුට්ටමක් හරි අඩිඩාස් කුට්ටමක් හරි දාගෙන එන්න එපෑ...

මුන් දන්න ජොගින්...අනේ අම්මප මෙහෙමත් බොරුකාරයෝනේ මේ සුද්දෝ...

මෙන්න බලන්න තව හොරෙක්.....බොරුවට බාස්කට් බෝල් ගහනවා වගේ පෙන්න මූන උලුක්කු කරගෙන, කකුල් නවාගෙන ඇක්ටින් පාරක් දාන හැටි.....

ෆොටෝශොප් කරපු එකක්ද මන්දා.... නාකි ඔබාමාට මොන බාස්කට බෝල්ද ආයුබෝවං?

මෙන්න ඒකට නියම ඉස්පෝට්ස්මෑන් නායකතුමා.....

බලන්නකො පැයට හැතැම්ම 60කට වඩා වේගෙන් දුවනකොටත් අමාරුවක් මහන්සියක් ගෑවිලාවත් නැති හැටි.....

මූනේ චූට්ටං හිනාවකුත් තියෙනවා......සූකිරි ටොයියා...කොච්චර ෆොටෝජෙනික්ද නේද?

ගෝල්ෆීස් එකෙකේ හැමතැනම මේ යක්කු කුණු දාලනේ, නැත්නම් තව හයියෙන් දුවන්න තිබ්බා.....

මෙයා හොෆ් පොෆ් හොෆ් පොෆ් ගගා ගෝල් ෆීස් එකේ දුවන විදියට මටත් හිතනවා මුම්බායි වල තියෙන මැරයින් ඩ්‍රයිව් එකේ ටිකක් හවසට හවසට හොෆ් පොෆ් ගගා දුවන්න.......මටත් හිතෙන්නේම බැරි වැඩ තමයි...

ගෙවල් ලඟ පාර දිගේවත් දුවලා බලන්න ඕනේ.....අඩුම ගානේ ගණපති කෝවිලට ගිහිල්ලා එන හින්දු කෙල්ලෙක්වත් හිනා වෙන්නෙ නැතෑ මම දුවන හැටි බලලා.....හොෆ් පොෆ් හොෆ් පොෆ්

ෆිට්නස් ෆීවර් තියෙන, අප මහ රජතුමා වෙනුවෙන් වරුසාව පවා නැවැත්වූ හිටපු කේ.ජී.බී ඒජන්ත ව්ලැඩිමිර් පුටින් රුසියාවේ මහරජතුමා....

අලුත්ම බිල්ලා සොයාගැනීම හෙවත් ග්‍රීස් යකුන්, සිංහල විරෝධය හා බටහිර කුමණ්ත්‍රණ

2011-08-29T23:14:00.000+05:30

ග්‍රිස් යකුන් කවුදැයි හඳුනාගෙන ඇති බව පැවසේ. බියෝන්ඩ් ෆ්‍රේම්ට අනුව ඒ සිංහල විරෝධී ආණ්ඩු විරෝධී මහමදිකයින් පිරිසකි. රට පුරාම යකා නටා තිබෙන්නේ හම්බයින් පිරිසක් බව ඔප්පුකර ගත නොහැකි වුවත් නැගෙනහිර පලාතේ මේ සිදුවීම් දෙස බලනවිට මේ තර්කයේ යම් ඇත්තක් ඇති බව පෙනේ.

හම්බ ග්‍රීස් යකුන් හඳුනාගත් බියෝන්ඩ් ෆ්‍රේම් ඉන්පසු ජාත්‍යන්තරයට යයි. ඔහුට අනුව දැන් බටහිර කඩා වැටෙමින් පවතී. ඒ නිසා ඔවුන් දැන් වහාම තමන්ට අවනත නොවන දුප්පත් රටවල දේශප්‍රේමී පාලකයින් පන්නා දමමින් බටහිර ගැති පාලකයින් පිරිසක් පත්කරගන්නට වෙර දරයි. ලංකාවේ ග්‍රීස් යක් සන්නිය, ලිබියාවේ ගඩාෆි පැන්නීම, හොස්නි මුබාරක් සල්ලන් වීම, ටියුනීසියාවේ නැගිටීම කොටි ත්‍රස්තවාදය, ජවිපෙ සන්නද්ධ ව්‍යාපාර, කම්කරු සටන් හා මේ කී නොකී සියල්ලම බටහිර රටවල් සිය කඩාවැටීමෙන් ගොඩ එන්නට තමන්ට අවනත නොවන රටවල් අස්තාවර කිරීමේ මෙහෙයුම් වල විවිධ ජවනිකා වේ. බියෝන්ඩ් ෆ්‍රේම්ගේ දිගු ලිපියේ එක් හරයක් වන්නේ මෙයයි. මෙය කියන ගමන්ම "බටහිරයන් මේ සියල්ල මෙහෙයවන්නේ යෑයි අපි නො කියමු..." යනුවෙන් පොඩි පහේ disclaimer එකක්ද දමන්නේ තර්කයේ හිල් වසාගන්නට විය යුතුය.

අපි බියෝන්ඩ් ෆ්‍රේම්ගේ තර්ක් කිහිපයක් විශ්ලේෂනය කොට බලමු.

<> බටහිර කඩාවැටිමින් පවතින අතර උන්ට ගොඩ ඒමක් නැත.

ඔහු මේ කියන්නේ යුරෝපයේ හා අමෙරිකාවේ මූල්‍ය හා ආර්ථික අර්බුධ ගැන විය යුතුය. ලංකාවේ අපට මහා ලොකු කක්කා තලියක් වූවාට ආර්ථික කඩා වැටීම් හා යලි නැගිටීම් බටහිරට එතරම් අලුත් දේවල් නොවේ. මෑත ඉතිහාසයේ බටහිර විශාලම ආර්ථික කඩා වැටීම සිදුවුනේ 1930ගණන්වලදී අමෙරිකාව දණ ගැස්සවූ "The Great Depression" හෙවත් මහා ආර්ථික අවපාතයයි. මෙය දශලක්ශ ගණන් රැකියාවලින් දොට්ට වැටුනු, සිය ගණනක් බැංකු කඩා වැටුනු, කොටස් වෙළඳපොල නැත්තටම නැති වුනු මහා ව්‍යසනයක් වූ අතර මෙහි උච්ඡතම කාළයේදී නොමිලේ සුප් කෝප්ප බෙදාදෙන දන්සැල් පෝලිම්වල ඊට මාස කිහිපයකට පෙර සුඛෝපභෝගී යාන වාහනවල ගිය, සුපිරි අවන්හල් වල බොජුන් වැලඳූ ව්‍යාපාර හිමිකරුවන්, කොටස් වෙලඳ පොල ආයෝජකයින්ද සිටියහ. ආර්ථික විනාශයේ තරම එයින්ම සිතාගත හැකිය. යුරෝපයේ තත්වයද ඊට නොදෙවෙනි විය. පලමුවැනි ලෝක යුද්ධයෙන් පරාජය වී, ආර්ථික අවපාතයෙන් දැඩිලෙස බැට කෑ ජර්මනියේ මිනිසුන් සිය රට ගොඩ නගන්නට ඇඩෝල්ෆ් හිට්ලර් හට ආරාධානාකොට සිංහාරූඩ කලේත් මේ මහා ආර්ථික අවපාතය නිසාය. එහි අවසාන ප්‍රථිපලය වූයේ මිහිපිට මහත් ව්‍යසනකාරී යුද්ධය වුනු දෙවන ලෝක මහා සංග්‍රාමයට අඩිතාලම වැටීමයි.

1930 ගණන්වල මහා ආර්ථික අවපාත සමයේ, සිය පියාට රැකියාවක් දෙන්නයි ආයාචනය කරමින් පෙලපාලි යන දිළිඳු අමෙරිකානු ළමුන්

1930ගණන්වල අවපාතයෙන් හා දෙවන ලෝක යුද්ධයේ විනාශයෙන් දශකයක් තුල ගොඩ ආ බටහිර දැවැන්ත ආර්ථික වර්ධනයක් අත්පත්කර ගත්තේය. නැවතත් අමෙරිකන් හා යුරෝපීය ආර්ථිකයන් කඩාවැටීමකට ලක්වුනේ 1970 ගණන්වලදීය ඒ අමෙරිකව වියට්නාම් යුද්ධයට පැටලීම හා මැදපෙරදිග ඔපෙක් සංවිධානය තෙල් අර්බුධයක් නිර්මානය කිරීමෙන් අනතුරුවය. නැවතත් 1980-1990 දශකවල බටහිර ආර්ථිකයන් දැවැන්ත ලෙස නැගිටුනු අතර ජපානය ආර්ථික සුපිරිබලවතෙක් ලෙස පරිවර්තනය සම්පූර්ණ වූ අතර දුප්පත් කොරියාව, සිංගප්පූරුව මැලේසියාව වැනි රටවල් වේගයෙන් දියුණුවෙන්නට ගත්තේය. 1993න් පසු පලමුවැනි ජෝර්ජ් බුශ් ජනාධිපති වරයාගේ පාලන කාලය ලෝකයටම කෙසේවෙතත් අමෙරිකාවට තවත් ආර්ථික අවපාතයක් ගෙන ආ අතර නැවතත් ක්ලින්ටන් ජනාදිපතිවරයාගේ අටවසරක කාළය තුල වේගවත් ආර්ථික නැගිටීමකට ලක්විය. දැන් මේ ගතකරන්නේ දෙවැනි ජෝර්ජ් බුශ්ගේ පාලන කාලය තුල අමෙරිකාව යුද්ධ දෙකකට හිරවීම මෙන්ම අයහපත් මූල්‍ය කළමණාකරණය නිසා අමෙරිකාවේ දැවැන්ත මූල්‍යායතන ගණනාවක කඩාවැටීම නිසා ඇතිවුනු අවපාතයයි. මෙතරම් දීර්ඝ විස්තරක් කරන්නට සිදුවුවත් මේ පෙන්වන්නේ බටහිරේ විනාශය නොව සාමාන්‍යය පෙල ආර්ථික විද්‍යා විශය නිර්දේශයේ පවා ඇතුලත් ආර්ථික චක්‍රය (economic cycle) පිලිබඳ සිද්ධාන්තයයි. කලින් කලට ලෝකයේ ආර්ථිකයේ දැවැන්ත පිබිදීමක් (economic boom), පහත වැරීමක් (downturn), අවපාතයක් (depression) හා නැවත නැගිටීමක් (recovery) යන ආර්ථික ලෝකයේ ස්වභාවික හැසිරීමයි.

<> බටහිර තමන්ට ගැති නොවන රටවල් සිය අණසකට ගැනීම සඳහා විවිධ ක්‍රියාකාරකම් තුලින් රූකඩ ආණ්ඩු අටවා ගන්නට උත්සාහ කරයි.

මෙයද බටහිරට පමනක් පොදු කරුණක් නොව ඉතිහාසය පුරාම දකින්නට තිබෙන සත්‍යයකි. අශෝක අධිරාජ්‍යයාගේ මිතුරෙකු වුනු නිසා දේවානම්පිය තිස්ස රජතුමාට බුදුදහම තෑගි වශයෙන් ලැබුණත් ඔහු අශෝකගේ සතුරෙකු වූවානම් අශෝකගේ හමුදා ආරක්ශාව යටතේ රජකම් කරන, වසරක් පාසා අශෝක අධිරාජ්‍යයාට කප්පම් ගෙවන ප්‍රාදේශීය යුව රජෙකු වන්නට ඉඩ තිබුණේය. නැතිනම් රජකම හැරදා කැලෑ පණින්නට සිදුවන්නට ඉඩ තිබුණි.

තුර්කියේ ඔටෝමාන් අධිරාජ්‍යය සිදුකලේත්, චීනයේ කුබ්ලායි ඛාන් සිදුකලේත්, ග්‍රීසියේ මහා ඇලෙක්සැන්ඩර් සිදුකලේත්, ඉන්දියාවේ චන්ද්‍රගුප්ත-මෞර්‍ය් අධිරාජ්‍ය සිදුකලේත්, රෝමයේ සීසර් හා ඔහුගේ අනු ප්‍රාප්තිකයින් සිදුකලේත්, ක්ලියෝපැට්‍රා ගෙන් අවසන් වුනු ඊජිප්තු ෆේරෝවරුන් සිදුකලේත් මෙයම නොවේද? තමන්ට අවනත රජුන් බලයේ තබාගැනීමත්, අවනත නොවන වුන් කෙසේ හෝ පලවාහැර රූකඩ රජුන් පත් කරගැනීමත් ඉතිහාසය පුරාම සිදුවුනේය. අද බටහිර පැත්තකට දැම්මත්, චීනය ආසියාවේත්, රුසියාව නැගෙනහිර යුරෝපයේ හා මධ්‍යම ආසියාවේත් සිදුකරන්නේ මෙයම නොවේද.

1917 සිට අවසානය දක්වාම සමාජවාදී සෝවියට් සමූහාණ්ඩුව සාගරයක් වැනි සිය රට වටාම තමන්ට වඳින පුදන නැගෙනහිර යුරෝපීය රටවල් ගොන්නක් ඇතිකරගත් බවද අමතක නොකල යුතුය. සමාජවාදී සෝවියට් සමූහාණ්ඩුව බටහිර රටක් නොව, ඉතසිතින් බටහිර විනාශය බලාපොරොත්තු වුනු නැගෙනහිර පිලේ නායකයායි. ඉන්දියාව අඩු තීව්‍රතාවයකින් දකුණු ආසියාවේ කරන්නේත් මෙයම නොවේද?

ධනවතා, බලවතා, දුර්වලයා පාගා ගැනීමට මාන බැලීම කවදත් සිදුවුනි. දුර්වලයාගේ යුතුකම බලවතාට පස්පඩංගුවේ බැනවදිමින් නිදා ගැනීම නොව කෙසේ හෝ වලෙන් ගොඩ එන්නට උත්සහ කිරීමයි. මැලේසියාව, තායිලන්තය, කොරියාව, බ්‍රසීලය, වියට්නාමය මෙලෙස බැන බැන නොසිට වලෙන් ගොඩ ආ රටවල් කිහිපයකට උදාහරනය.

<> කොටි ත්‍රස්තවාදය බටහිර කුමණ්ත්‍රණයකි

ප්‍රභාකරන්ගේ බටහිර ගැතිභාවය පසු කලෙක ව්‍යාපාරික කටයුතු සඳහා එනම් ත්‍රස්තවාදය, දෙමල විමුක්තිය පිණිස වන දේශපාලන ව්‍යාපාරයකින් ඔබ්බට ගොස් ලාභදායි වානිජ ව්‍යාපාරයක් කරගත් පසු ඇතිවූවකි. මේ බටහිර ගැතිකම පිටුපස ඇන්ටන් බාලසිංහම් වැනි කලු සුද්දන් මෙන්ම බියෝන්ඩ් ෆ්‍රේම් පණමෙන් සුරකින්නට උත්සහ කරණ රාජපක්ශ ආණ්ඩුවේ සුරතලෙකු වුනු කේ.පී නැමති දක්ශ ව්‍යාපාරිකයා බටහිර තුල ව්‍යාප්තකල ආර්ථික ජාලය පවතී. ලේ තැවරුණු සල්ලි රස දැනුණු ප්‍රභාකරන් සිය ඉන්දියානු පාලකයින්ගෙන් මිදෙන්නට අදිටන් කරගත්තේ සිය ව්‍යාපාරය රිසිසේ කරගෙන යාමට ඉන්දියාව අත්සන් කල සාම ගිවිසුම පරහට හිටියාට පසුවය.

ප්‍රභාකරන් මෙන්ම අනෙකුත් දෙමළ ත්‍රස්තවාදීන් සඳහා අවි ආයුධ, පුහුණුව හා කඳවුරු මෙන්ම දේශපාලන ශක්තියද සැපයුයේ බටහිර සී.අයි.ඒ සංවිධානය නොව, එකල දැඩි බටහිර විරෝධි ප්‍රතිපත්තියක් ගෙනගිය, සෝවියට් රුසියාවේ අග සව්වෙකු වුනු ඉන්දියාවේ රෝ ඔත්තු සේවය විසිනි. ජේ.ආර් ජයවර්ධනගේ බටහිර ගැති ප්‍රතිපත්ති මෙන්ම උද්දච්ච ක්‍රියාකලාපයද නොරිස්සු ඉන්දිරා ගාන්ධි බටහිර ගැති ජේ.ආර්ට පාඩමක් උගන්වන්නට ඇතිකල ව්‍යාපාරයකි දෙමල ත්‍රස්තවාදී ව්‍යාපාරය. එය ඉන්දියානු පාළණයෙන් මිදී බටහිර අතකොලුවක් වූයේ රජීව් ගාන්ධි ඝාතනයෙන් පසු ඉන්දියාව දෙමල බෙදුම්වාදයට නිළවශයෙන් විරුද්ධවීමෙන් පසුවයි. දෙමළ ත්‍රස්තව්‍යාපාරය නිසා ලංකාව තුල බටහිර නැඹුරුව අඩු වුනු අතර බලහත්කාරයෙන් ඉන්දියාවට යටහත්වන තත්වයක් ඇතිවිය.

ග්‍රීස් යකුන් හා බටහිර බිල්ලන් හරහා සැබෑවටම ජාතිවාදය අවුලන්නේ කවුරුන්ද?

උපුටාගැනීම :"ඒ අප කිහිප වතාවක්‌ම කියා ඇති පරිදි රාමනාදන්ලාගෙන් ඇරැඹි දෙමළ ජාතිවාදී දේශපාලන ප්‍රවාහය හා සම්බන්ධ සියලු ගිවිසුම්, ව්‍යවස්‌ථා සංශෝධන නන්දිකඩාල් කලපුවේ ජයග්‍රහණයෙන් පසු අවලංගු වීම නිසා ය. අද බටහිරයන්ට අවශ්‍ය කෙසේ නමුත් මේ ජයග්‍රහණය අකා මකා දැමීමටය. ......."

නන්දිකඩාල් කළපුවෙන් අවසන්වුනේ කුරිරු ත්‍රස්තවාදය මිස එක් ජනවර්ගයකට මේ රට තුල ගෞරවනීය පුරවැසියන් ලෙස ජීවත්වීමේ අයිතිය නොවේ.

"උඹලාගේ මහ එකා කළපුවේ මළා, දැන් ඉතින් අපි කියන විදියකට හිටපියවු....." මේ බියෝන්ඩ් ෆ්‍රේම්ලා දෙමළාට දෙන පණිවුඩයි. මේ උමතු පිලිවෙතින් වන්නේ වන්නේ කළපුවේ මියගිය මහා ජනඝාතකයා විරුවෙකු ලෙස දෙමළ හදවත්වල යලිත් රහසේ ඉපදීමයි.

"ප්‍රභාකරණ් හිටියානම් සිංහල හැත්ත අපිට මෙහෙම කරන්නේ නෑ. ඌ හිටියා නම් මේ වෙනකොට කොළඹ ලොකු බෝම්බ දෙකක් තුනක් පුපුරවලා මුන්ගේ ආඩම්බරකාර සිංහල ආණ්ඩුව සල්ලං කරලා ඉවරයි.." දෙමළ මිනිහාගේ, විශේෂයෙන්ම දෙමළ තරුණ තරුණියන් අතර දැනටමත් මේ සිතුවිලි ඇතිවෙලා නොමැතිනම් පුදුමයකි.

'අපි තවත් ප්‍රභාකරණ් කෙනෙකු සොයාගමු....." කවදා හෝ මේ කාළකන්නි පිලිවෙතේ අවසානයේ දෙමළ සමූහයා එසේ සිතනු ඇත.

එපමණක් නොව රාජපක්ශලා වටා සිටිනා ඉඳුල් ලෙවන අවසේශ ජාතිවාදින් දැන් අලුත්ම සතුරෙකු සොයාගෙන මෙහෙයුමක්ද දියත්කොට තිබෙයි. බියෝන්ඩ් ෆ්‍රේම්ලා ගේ කස පුපුරන්නේ මේ මෙහෙයුමේ පෙරමග ලකුණු කියන්නට මෙනි. මේ අලුත්ම මෙහෙයුම නම් මේ රටේ මුස්ලිම් ජනතාවට විරුද්ධ මෙහෙයුමයි. කාළකණ්නි හම්බයෙක් දෙන්නෙක් කරන ලද අසික්කිත ක්‍රියාවලියකට මුලු මහත් ජනවර්ගයක්ම අපහාසයට උපහාසයට ලක් කරයි. මේ සිංහල මෝඩයින් එකක් මතකතබාගත යුතුය. එනම් හම්බයින් දෙමළුන්ට වඩා එක්සත්, එක්සිත් ඇති, තමාගේ එකාට සළකණ, තමාගේ එකාට කරදරයක් වුනු විට දුප්පත් පෝසත් බේධයකින් තොරව සටනට එන ජාතියක් බවයි. පුලුවන් නම් නැගෙනහිර පැත්තේ පොඩි පකිස්ථානයක්, ඇෆ්ඝනිස්තානයක් ඇතිවෙන තැනට වැඩකරපල්ලා. ඊට පස්සේ ඉතින් ආයෙත් බැරියා පටි තදකරගෙන හම්බයින්ට විරුද්ධ යුද්දේ ඉවරවෙනකන් අවුරුදු තිහක් හතලිහක් බලගෙන ඉන්න.

අවසාන නිගමණය : බියෝන්ඩ් ෆ්‍රේම්ගේ ග්‍රීස් යක් තර්කය හෙවත් බිල්ලන් නැතිකල තලන්නට කොටන්නට බිල්ලෙක් සොයාගැනීම

නැගෙනහිර හෝ වෙන මොන පලාතක වුවද ග්‍රීස් යකුන් හෝ වෙන මොන මළහෝන්තු හෝ සාමකාමී ජනජීවිතයට බාධාකරනවානම් උන් අල්ලා කුදලාගෙන යායුතුය. උන් හම්බයින්ද, කල්ලතෝනිද, සිංහල කොටිද, අධිරාජ්‍යවාදී අතකොළුද යන්න පසුවට සොයා බැලිය යුතු කාරණයකි. ජනජීවිතය යථාතත්වයට පත්කල යුතුය. මෙය දඩමීමා කරගෙන තවත් ජාතියකට හිංසා පීඩාකොට තවත් වෛරක්කාරයින් රැළක් මේ දිවයින තුල බිහිකර ගැනීමේ කාළකණ්නි ව්‍යාපාරයට මේ රටේ මොළයක් ඇති මිනිසුන් විරුද්ධ විය යුතුය.

අනෙක් අතට ජාතිවාදීන් මෙලෙස ග්‍රීස් යකුණ් මෙන් පැමිණ රටතුල අවුල් ඇතිකරණවානම් හදිසි නීතිය ඉවත් කරන බව දැනුම් දෙන්නට හදිසියේම පාර්ලිමේන්තුවට කඩාවැටුනු ජනපතිට එය විහිළුවක් මෙන් පෙනීම පුදුමයකි. ග්‍රීස් යකුන් හම්බ ජාතිවාදී සිංහල විරෝධීන් නම් ජනාධිපතිතුමා කලයුතුව තිබුණේ රටතුල මේ ඇති වෙමින් පවතින අවදානම් තත්වය පිලිබඳව ජනතාව දැනුවත් කිරීම මිස ජෝක් පාට් දැමීම නොවේ. පාර්ලිමේන්තුව දැනුවත් කලපසු ජනපතිවරයා පක්ශ විපක්ශ, පාර්ලිමේතුව නියෝජනය කරන, නොකරන මුස්ලිම් නායකයින් සමග සාඛච්ඡාකොට ගැටළු ඇත්නම් නිරාකරණය කළ යුතුය. නියම නායකයින් කරන්නේ එයයි. එහෙත් මේ අය මේ කරන්නේ රට තුල තවත් ගින්නක් ඇතිකොට එය පෙන්වමින් බටහිරට බනින ගමන් තම බලය තහවුරු කරගණිමින් රට කොල්ල කෑමයි.

අවසන සටහන් කරන්නට වන්නේ කොටියාගේ මරණයෙන් පසු බොරු දේශප්‍රේමය අවුලුවාගෙන යාමට බිල්ලෙක් සොයන සඳ දෙයියෝ දුන්නාමෙන් ජාතිවාදී හම්බ ග්‍රිස්ස් යකුන් පහලවුනු බවයි. දෙන දෙයියෝ රාජපක්ශලාට උඩ පැන පැන දෙනවාලු.

රජකමින් ඉල්ලා අස්වුනු වගයි !

2011-08-27T12:25:00.000+05:30

සුප්‍රකට ඇපල් සමාගමේ මහරජතුමා වූ , ලෝකවාසී ගැජට් ලෝලී මහජනයාට අසම සම ගැජට් හඳුන්වාදෙමින් තරඟකාරීන් කානු පල්ලට ඇද දැමූ, පරිගණක ලෝකයේ විශිෂ්ඨම දර්ශණවාදියෙකු වුනු , අති දක්ශ ව්‍යාපාරිකයෙකුද වූ,නව නිපැයුම්කරණයේ අසමසමිකයෙකු වූ , ගෙදර ගරාජයෙන් ආරම්භකල සිය සමාගම ව්‍යාපාරික ලෝකයේ හිනිපෙත්ත කරා රැගෙන ආවූ අතිගරු ස්ටීව් ජෝබ්ස් මැතිතුමා රජකමින් ඉල්ලා අස්වුනු වගයි !

රජතුමා ලේකම්තුමා හා ග්‍රීස් යක්කු

2011-08-26T21:03:00.000+05:30

ග්‍රීස් යකෙකු පිලිබඳ භීතියක් නිසා මහනුවර පාසැල් දරුවෙකුට ජීවිතයෙන් වන්දිගෙවන්නට සිදුවිය. බීමතින් සිටි මිනිසෙකු සිය ලයිසන් තුවක්කුවෙන් ග්‍රීස් යකා යයි සැකසිතා සිසුදරුවාට වෙඩි තබා ඇත. ග්‍රීස් යක් මේනියාව ගත් පලමු බිල්ල මෙය නොවන අතර මේවන විට මිනිසුන් කිහිපදෙනෙකු ඉතා අවාසනාවන්ත ලෙස මරණයට ගොදුරුවීමට මේ යක් කළබලය හේතුවී ඇත.

මෙතරම් මීනී මැරුණත් මේ ග්‍රීස් යක් භීතිය ගැන රජතුමාට වගේවගක් නැති ගාණය. පාර්ලිමේන්තුවේදී උන්නැහේ ග්‍රීස් යකුන් මතක් කලේ සිනාසෙමිනි. මේ භීතිය නිසා මියගිය මිනිසුන්ගේ බිරින්දැවරු,දරුවන් ඤාතීන් විඳ වේදනා එතුමාට පයිසයකට මායිම් නැත. මොකා මැරුණත් එතුමාගේ මෝඩ ජෝක්වලට හිනාවෙන්නට ලෑස්ති කට්ටියකුත් එතමා යන යන තැන පිටුපසින් සිටී. ඒතුමාගේ ග්‍රීස් යක් හිනාව එක් පොලිස්පති වරයෙක් සිය පත්වීම ලැබී පැවැත්වූ පලමුවැනි ප්‍රවෘත්ති සාඛච්චාවේදී සුදු වෑන් පැහැරගැනීම් ගැන ඇසූවිට දුන් තකතිරු පිලිතුරුට නොදෙවෙනි නැත.

රජතුමාට ජෝක් වූවාට රටේ ජනතාවට ජෝක් නැත. රටේ බොහෝ තැන්වල කාන්තාවන් අඳුර වැටෙනවිට දන්නා හඳුනන ආරක්ශාව ඇති ගෙදරකට රොක්වී බියෙන් රාත්‍රිය ගතකරන අතර පිරිම්න්ට රෑ එලිවෙනතෙක් ගැහැණුන් මුරකරනවා හැරෙන්නට වෙන වැඩක් නැත.

මොන මළ විකාරයක්ද මේ?

30 වසරක යුද්ධය නිසා මායිම් ගම්මාන වල අහින්සකයින් රාත්‍රිය ගතකලේ කැලෑවලය. දැන් නැවතත් ඒ තත්වය උදාවී ඇත. ඒත් රජතුමාට එය විහිලුවකි. රටවැසියාගේ ආරක්ශාව හා සුභසිද්ඪහිය වෙනුවෙන් දිවි හිමියෙන් කැපවෙන බවට ප්‍රතිඥාදී ජනපති පුටුවේ ඉඳගත් එතුමාට අමතකම වී ඇති කරුණ රටවැසියාගේ සුභසිද්ධියයි.

මහින්ද රාජපක්ශ හා ගෝඨාබය රාජපක්ශ පොලු මන්න අරගෙන ග්‍රීස් යකුන් ගැවසෙන ගම්මානවල මුර සංචාරය කලයුතුයයි මම නොකියමි. එහෙත් ලක්ශ ගණනක හමුදාවක්, දසදහස් ගණනක පොලීසියක්, බුද්ධි අංශ, අති දක්ශ කොමාන්ඩෝ බළඇණි වලින් සන්නාහ සන්නධවී තව තවක් ආරක්ශක වියදම් වැඩි කරගෙන යන රටකට මේ ග්‍රීස් යක් විගඩම මහත් අවමානයක් නොවේද? ලංකට් නැති සරම්කාරයින්, පාරේ කෙළගසන්නන් අල්ලන්නට සැදී පැහැදී ඉන්නා ආරක්ශක ලේකම්තුමාට එක ග්‍රීස් යකෙක්වත් අල්ලාගන්නට බැරිවීම පුදුමයක් නොවේද?

මේ යක් සෙල්ලමේ මොනවා හෝ හොරයක් තිබෙන බවට සැක හිතෙන්නේ රටේම ආරක්ශකයා මෙන්ම නිළනොවන පාලකයාද වන ආරක්ශක ලේකම්තුමාගේ නිහැඬියාවයි. එතුමා මේ ගැන ගන්නා වැඩ පිලිවෙල මොකක් දැයි මම දන්නා තරමට තවම හෙලිකර නැත.

මේ කළබැගෑනිය ගම්වල මිනිස්සුන්ගේ පිස්සු විකාර මනෝමයක් යයි කියලා අත පිහිදාගන්නට එතුමාට පුලුවන්ද? විශේෂයෙන්ම ආරක්ශ හමුදාව දෙසට ඇඟිල්ල දිගිවෙමින් තිබෙනා මොහොතක ශ්‍රි ලංකා ආරක්ශක හමුදාවල ගෞරවය ආරක්ශා කරගනිමින් සාමාන්‍ය වැසියන්ගේ භීතිය තුරන්කිරීමට දැඩි පියවර ගැනීම එතුමාගේ යුතුකමක් නොවේද? අඩුම ගණනේ ප්‍රාදේශීය බුද්ධි අංශ නායකයින් කැඳවා සිදුවෙමින් තිබෙනා දෙයහි සුළුම මුල සොයාගැනීමට හෝ උත්සාහයක් ගෙන තිබේදැයි යන්නද සැක සහිතය.

රටේම සේනාධිනායක හා ආරක්ශක ඇමති වන ජනපති, සර්වබලධාරී ආරක්ශක ලේකම්තුමා දෙබෑයෝම මේ කර අරින්නේ මොකක් හෝ යටිකූට්ටු සැලසුමක් අතේ පත්තුවී ගලේ පැහැරූ බළලුන් මෙන් ගඳ වහගන්නට මගක් නැති නිසාද?

රටපුරාම හමුදා කඳවුරු විවෘතකරමින් හදිසි නීතියෙන් පසු උදාවන තත්වයන්හට මුහුණු දීම සඳහා රටපුරා භීශණකාරි සයිකෝසිසයක් (fear psychosis) මවා හදිසි නීතිය අහෝසි වීමෙන් නැතිවී යන පීඩක බලය රැක ගැනීමේ විකාරරූපි සැලැස්මක් ලෙස මෙම ග්‍රීස් යක් රංගනය ආරක්ශක අමාත්‍යාංශය අනුග්‍රහයෙන්ම රඟදැක්වෙනවා දැයි බුද්ධිමත් පුරවැසියන් පවා සැක කරන තරමටම ආරක්ශක අමාත්‍යාංශය මේ ග්‍රීස් ගොඩෙහි ලෙස්සා වැටීම කණගාටුදායකය.

මොනතරම් විවේචන තිබුණත් මේ රටේ ජනතාවට කිසිදා අමතක කල නොහැකි අනුපමේය සේවයක් (කොටි වැනසීම) සේවයක් කල, වැඩක් කල හැකි, කොන්ද පණඇති මිනිසුන් සිටිනා ලංකාවේ එකම අමාත්‍යාංශය වන ආරක්ශක අමත්‍යාංය මෙවැනි තත්වයකට වැටෙනවා දැකීම ගෝඨාභය රාජක්ශ මැතිතුමාට එතරම් කැමැත්තක් නොදක්වන මට වුවද කණගාටුවකි.

රජතුමා ජෝක් එකක් විධියට ගත් පලියට ආරක්ශක ලේකම්ට යුතුකම් මගහැරිය නොහැකිය. රජතුමා මෙන්ම එතුමාගේ මුලු ආණ්ඩුවම සම්පූර්ණ ජෝක් එකකි.විහිලු හා විකට රංගන හැරෙන්නට වෙන ගන්නට දෙයක් ඇත්තේම නැත.ජෝකර්ලා නොවී ඉතුරුවී තිබෙන්නේ (පොලීසිය අඩුකලවිට) ආරක්ශක අමාත්‍යාංශය පමනකි. ලේකම්තුමා දැන හෝ නොදැන මේ ග්‍රිස් ගොඩෙහි අමාත්‍යංශය එරී ඇත්නම් එයින් වහා ගොඩවී හානිය අවම කරගැනීම නොපමාව සිදුකල යුතු අතර අහිංසක ජනජීවිතය ඉක්මණින් යථාතත්වයට පත්කල යුතුය.

වරායේ ගල හෙවත් අපේ රටේ හැටි

2011-08-25T04:09:00.000+05:30

1/ හම්බන්තොට වරායේ නෑ කියූ ගල කඩන්නට දැන් චීනෙන්ම නයක් ඉල්ලා ඇත - ගල ගැන දැන දැන හදපු සභාපතිත් දෙපාරක් විවෘතකරපු එතුමාත් යහතින් සිටී. පම්පෝරියද අඩු නැත.

2/ රට කන්නට ආ බැං කී මූනාට දෙවැනිවතාවටත් යූ.ඇන් ලොක්කා වෙන්නට අපේ ඉත්තෝ චන්දය දුන්හ. තවමත් උන් දේශප්‍රේමීන්ය, බැං කී මූන්ලා එක්ක පැටලිලා බොරුවට වරිගෙ නහගන්න එපා කියපු අපි තවමත් දේශ ද්‍රෝහීන්ය.

3/ වැහි වතුර හා මංඩි නිසා කිළුටු වුනු පැට්රෝල් වැහි වතුර හා මංඩි බැහැපු ටැංකි වලට පුරවන්නටත් කලින් "මේ පැට්රෝල් නොව වෙන මොනවාද ජරාවකි" කියා තත්ව සහතික ලබාගත් බව හෙලිවී ඇත. - ඒත් දඬුවම් ලැබුවේ කුණු පැට්ට්‍රෝල් සල්ලිදීලා ගත් වාහන අයිතිකාරයින් පමණකි.

4/ පොහොර සහනාධාරය දෙනකොට වීරයෝ වුනු අය සහනාධාරය කපනකොටත් වීරයෝමය. සහනාධාර දෙන්නේ ගොයිතැන දියුණු කරන්නටය, කපන්නේත් ගොයිතැන දියුණු කරන්නටය - ඔය විධයට සහනාධාර දෙන්න අමාරුයි කියා ඇත්ත කියපු එකා දේශද්‍රෝහී, බටහිර ඒජන්ත වැල කපුටෙකි.

5/ ලෝකයේ වැඩිපුරම ගෑණුන්ට ගෞරව කරන්නේ ලංකාවේ පිරිමින්ය. ලංකාවේ ගෑනු අතවරවලට ලක්වෙන්නේ අසංවරව හැසිරීම නිසයි - ඊයේ පෙරේදා මේ මසුරං වටින කතාව කියපු ඇමතියාගේ මෑණියන් අප්‍රිකාවේ කාබෙරි ගැහැණියක් මිස අසංවර හෙල වනිතාවක් නොවන බව මට විශ්වාසය. ඔබද විශ්වාසකල යුතුමය. අපේ ගෑනු බස් එකකවත් විලිවහගෙන සංවරව යන්නට නොදන්නා එවුන්ය. මගේ මෑණියන්ද හෙල වනිතාවක් බැවින්....... [ඉතුරුටික ලියන්න බෑ...මට මගේ අම්මා මතක්වෙනවා...ඇය තවමත් ජීවතුන් අතරයි]

6/ ග්‍රීස් යකුන් මානසික රෝගීන්ය, රට පුරා ග්‍රීස් යකුන් කරක්ගසති - ග්‍රීස් යකුන්ගෙන් රටවැසියා බේරා ගැනීමට රටපුරා හමුදා කඳවුරු ඉදිකල යුතුය. එවිට අහුවෙන්නට යන ග්‍රීස් යකුන්ට ලඟම ඇති හමුදා කඳවුරු තුලට පැන පණ වහංවිය හැකිය. හමුදා කඳුවුරේ ඇත්තන්ට ග්‍රීස් යකා අල්ලන්නට ආ ගම්වැසියන්ගේ ඇටකටු පොඩි කිරීමද පහසු වනු ඇත. මේ සියල්ල ජනතා සුබසිද්ධිය වෙනුවෙනි කියන කොට සාධුකාර දෙන අයද අඩු නැත.

7/ දුටුගැමුණුගේ කඩුව හා ඔට්ටුන්න සොයා මහා මෙහෙයුමක් දියත්වෙන බව පැවසේ. කලකට පෙර තවත් එක් රජෙක් කඩොල් ඇතාගේ දළදෙක හමුවුනු බවත් එය රාජ්‍යත්වයේ සංකේතයක් බවත් රටපුරා අණබෙර වැයුවේය, ඒත් රජ මේනියාව නිසාය. උන්නැහේට වුනු අබග්ගය නොදන්නේ 2000න් පසු ඉපදුනු උන් පමණකි. දුටුගැමුණුගේ කඩු හොයන උන් මේ රටේ මිනිසුන් තවමත් දුටුගැමුණුට වඳින්නේ දුටුගැමුණු මැරෙණ තෙක් රටට වැඩකල නිසා බව නොදනිති. නාකි එළාර සමග කළ කඩු ෆයිට් එකෙන් පස්සේ දුටුගැමුණු කුමාරයා වීරයා වුනු බව උන්නැහේලා හිතාගෙන සිටියත් ෆයිට් එකෙන් පස්සේ අපෙ කුමාරයා අම්බිකාලා වටකරගෙන, ගංජා යහලුවන් සමග පිස්සු නැටුවානම් මහාවංශයේ දිගම චැප්ටර් එක එළාර වෙනුවෙන් ලියැවෙන්නට ඉඩ තිබුණු බව අමතක කරති.

ගඩාෆිගේ බලකොටු වැනසෙයි:ට්‍රිපොලි අගනුවර නිදහස්! අනේ ඉතින් මොකද කරන්නේ?

2011-08-24T11:05:00.000+05:30

ගඩාෆියාට පැනයන්නට සිද්දවුනේ නේටෝ සංවිධානය කෙලින්ම ගඩාෆි පැන්නීමට උදව් කිරීම නිසාය.

රටේ සියලු මුද්‍රිත හා ඉලෙක්ට්‍රොනික මාධ්‍ය තමන්ට ඕනෑ විධියට නටවාගත්තත්, විරුද්ධ අදහසක් ඉදිපත්කරන, කතාකරන ඕනෑම එකෙක් දේශද්‍රෝහියෙක්, ස්ත්‍රී දූශකයෙක් වංචාකාරයෙක් බවට බොරු සාක්කිවලින් ඔප්පුකරත්, හොරුන්, මිනීමරුවන්, ස්ත්‍රීදූශකයින් නීතිපති ලව්වාම නිදහස් කරවාගෙන, උත්තරීතර ශ්‍රේෂ්ඨාධිකරණය පවා රබර් මුද්‍රාවක් කරගත්තත් වැඩක් නැත. යන්නට වූ විට, යන්නට වෙන්නේ හමුදා උත්තමාචාර මැද නොව, පැදුරටත් නොකියා කානු අස්සෙන් රිංගාගෙන පණ ගැහි ගැහීය.

මේ සත්‍යය ගඩාෆිට පමණක් නොව ගඩාෆිගේ අතිජාත කිහිලිකරුතුමාටත් පොදුය. ගඩාෆිට යන්නට වුනේ බලසම්පන්න විපක්ශයක් නිසා නොව නේටෝ සහය ලැබූ අවිගත් පක්ශයක් නිසාය. විපක්ශයේ පක්ශ කුඩුපට්ටම් කොට, එකිනෙකා කොටවමින් උන් මරාගන්නාවිට කාළකන්නි සතුටක් ලබමින් ගතකරණ ස්වයංවින්දන සුරාන්තය සදාකාලික නැත. ගඩාෆි ගෑනු බොඩිගාඩ්ලා වටකරගෙන දශක ගණනාවක් මිනීමරමින් පිස්සුකෙලියේ ලිබියාවේ මහරජා ලෙසිනි, නැත්නම් කාලිෆ් උන්නැහේ ලෙසිනි. ගඩාෆිට ඉහලින් කපුටන් පියාඹන්නට ගත්තේත් නේටෝ ප්‍රහාරක යානා ලිබියන් ගුවනේ ගුවන් කරණම් ගසන්නට පටන් ගත්තාට පසුවය.

පාර වැරදී අපේ ගුවන්සීමාවට යාන්තමින් ඇතුලුවුනායයි කියන අමෙරිකන් ප්‍රහාරක යානා නිසා රජතෙම හා අවසේස ගැරඬි රැළ සරම තෙමාගත්තේ ඇයිදැයි දැන් පැහැදිලිය. ඇමරිකන් ගුවන්යානා හෙළ අහස්කුස පිනුම් ගසන්නට පටන්ගත් දිනක පොලියට ණය දෙන චීනා ගඩාෆිතුමාව අමතක කලාට වඩා ලේසියෙන් තමාව අතහැරදමන බවද, ඉන්දියන්කාරයාද අහක බලාගෙන ඉන්නා බවද රජතෙමේ කාටවත් නොකීවාට හොදින් තේරුම්ගෙන සිටී. එදාට රුසියාවද ප්‍රකාශ නිකුත්කරනවාට වඩා දෙයක් නොකරනු ඇත.

එවැනි සංගදියක් වූ කලෙක බිස්කට්වංශ පවා කැවුම් පෙට්ටියක් කරතියාගෙන බිරින්දෑවද ඉස්සරකරගෙන ඇමරිකන් තානාපති කාර්‍යාලයට නෑගම් යන බවද එතුමා දනී. එදාට යන්නට වෙන්නේ ඩිෆෙන්ඩර් වටකරගත් රෝල්ස්-රොයිස් වලින් නොව කකුල් කෙටිදෙකේ හයියෙනි.

අටලෝ දහම දන්නා හොඳ බෞද්ධයෙකු වන එතුමා හැමදෑම ජොගින් යන්නේ කවදා හෝ පිහිටවන්නට තිබෙන කකුල්කෙටි දෙකේ සක්තිය රඳවාගන්නට වන්න පුලුවන. උතුමාණෙනි, මුබාරක් ගියා, ගඩාෆිත් ගියා, රස්ෆන්ජානිලා අසාඩ්ලා වුවත් මේ අවුරුද්ද ඉවරවෙන්නට කලින් යන්නට ඉඩ ඇත. වෙනුසුවේලාවේ චාවේස් උන්නැහේගේ කයියද දැන් දැන් අඩුවී ඇත්තේය. එම නිසා විපක්ශ කුඩුපට්ටම් කොට මට විරුද්ද මොකෙක්ට වත් ඔලුව උස්සන්න හම්බුවෙන්නේ නෑ කියමින් තමුන්වම රවටාගන්න එපා යයි ආයාචා කරන්නට වුවමනාය. අද ආණ්ඩුව ගලවාගන්නට එලවලු වැවීමේ, කාණු සෑදීමේ සිට පේමන්ට් කාරයන් පැන්නීමේ හා ග්‍රීස් යක් නැටුම් නැටීම යනාදී කෝකටත් ඉන්නා හමුදාවද කොතැනක නවතීදැයි කියන්නට බැරිය. මුන් එකෙක් වත් විස්වාස නොකල යුතුය. විශ්වාස කලයුත්තේ නිවැරදිදේ කිරීම නිවැරදි බව පමණකි.

වෙලාව ආවිට රනිල්ද, සජිත්ද, කරූද නොව පිටකොටුවේ නාට්ටාමි කෙනෙකු වටා වුවද රැල්ල හැදෙන්නට පුලුවන් පමණක් නොව නාට්ටාමිගේ රැල්ලට පහුගිය දොහේ වැරදිලා මේ පැත්තට පාවුනු ඇමරිකන් එෆ්-18 යානා බැකප් එක දෙන්නටද බැරිකමක් නැත. එමනිසා දැන්වත් බොරු නවත්වා පවුලට නොව රටට සේවය කරන්න.

[ආශ්චර්යයේ කොදෙව්ව] කොරියානු රැකියා පුරප්පාඩු 50යි: අයදුම්පත් 50,930යි!

2011-08-18T07:29:00.000+05:30

උපුටාගැනීම : ලංකා නිවුස් වෙබ් 18/08/2011, 7:28 AM

ලැබුණු පුරප්පාඩු 200න් 150ක් ආණ්ඩුවේ ලොක්කෝ බෙදාගෙන. ඉතුරු 50ට අයදුම්පත් 50,930ක්.

කරු සජිත් එජාපය ගොඩගයිද?

2011-08-14T01:34:00.000+05:30

හැට වසරක් පැරණි එජාපයට සිදුවී ඇති සන්තෑසිය පිලිබඳව මුලු රටම කතාකරයි. විශේෂයෙන්ම ආණ්ඩු පක්ශයේ අයත්, පත්තර වෙබ් අඩවිත් කතාකරයි. පාක්ශිකයන් බොහෝදෙනෙක් නිහඬව ඉන්නේ කතාකරලා වැඩක් නැති බැවිනි.

ඕනැ මගුලක් කරගත්තදෙන්...පොදු මහජනතා පාක්ශිකයා පැත්ත්කටවී නිහඬව සිටිනවා පමණක් නොව චන්දපොල පලාතේ යන්නේ නැත. චන්දපොලට නොයන එජාප පාක්ශිකයාගේ චන්දය ග්‍රාම-නිළධාරීන් සමග එක්වූ ආසනයේ ආණ්ඩුපක්ශ සොරදෙටුවා එක්කෝ සොරකම් කරයි නැතහොත් නම චන්දලයිස්තුවෙන් කපාදමයි.

පක්ශය තුල පැහැදිලි පිල්බෙදීමක් ඇති අතර රනිල් පිල, සජිත්/කරු පිල හා දිනන පැත්තට පනින්න බලාගෙන දෙපැත්තම හොරෙන් කන පිල වශයෙන් ප්‍රධාන පිල් තුනකට පක්ශය බෙදී ඇති අතර රජපසතුමාට හොරෙන් ඉන්ෆොමේශන් දෙන අනු කුලකයක්ද ඔය සැම පිලක් තුලම සිටී. රජපසතුමා පිල් එකිනෙකා හා කෙටවීම සඳහා ඉහතකී හොර ඒජන්තයන් භාවිතාකරන අතර පක්ශය තුල සිදුවෙන සෑම රහසිගත සාකච්චාවකම තොරතුරු තමන්හට වහාම වාර්තාවෙන ආකාරයට සිය චරපුරුශ ජාලය සකසාගෙන සිටී.

මේ චරපුරුශ ජාලයෙන් ලැබෙන තොරතුරු අනුව එජාපය සදාකාලිකවම විපක්ශයේ තබාගැනීමේ කූට වැඩපිලිවෙලක් එතුමා ගෙනයයි. ඔය වැඩපිලිවෙලේ නූතන පරිච්ඡේදය ඇරඹුනේ එජාපයේ පිරිසක් පක්ශය කඩාගෙන එතුමාගේ දෑත සක්තිමත් කරන්න සල්ලි පොට්ටනිත් එල්ලාගෙන පැනගත් වහාමය. එකල රජපසතුමා සිය සහය තිබුනා බව පෙන්වූයේ සජිත්ටය. මෙය නොදත් මෝඩ ශ්‍රී ලංකාකාරයෝ "සජිත් හේමා ප්‍රේමදාස එක්ක ජනාධිපතිතුමා හමුවෙන්න ගියා ශ්‍රිලන්කා එකට බැදෙන්න, ජනාධිපතිතුමා එයාව ගත්තේ නෑ ...ඔයා කවදාහරි ඔය පක්ශයේ නායකයා වෙන්න ඉන්න කෙනා...ඔයා පක්ශය දාලා මෙහෙ එන්න එපා....කියලා ජනාදිපතිතුමා සජිත්ට උපදෙස් දුන්නා.." යයි කිව්වේ මහත් ආඩම්බරයෙනි. අපේ ජනාදිපතිතුමා එතරම් සර්වසාධාරණයි. පක්ෂෙට වගේම විපක්ෂෙටත් ආදරයි.

ජනපතිතුමා එජාපයේ අනාගතය ගැන එතරම් දුරට සිතාබලා තිබුණි. අනාගතයේ නායකා වෙලා තමන්ට තරඟයක් දෙන්න ඉන්න එකාව බාගන්නවා වෙනුවට එතුමා පියෙකු මෙන් සජිත්ට ඔවදන් දුන්නේ එජාපය ගැන එතුමාට තිබුණු අවංක හැඟීම, ආදරය නිසාම වෙන්න ඇති. බලාගෙන ගියාම අරටු යූඇන්පී කාරයන්ටත් වඩා පක්ශයේ අනාගතය ගැන වොරි වෙලා තියෙන්නේ රාජපක්ශ ජනාධිපතිතුමාය. එතුමාගේ හැටි එහෙම බව අපි දන්නවාය. එතුමා එතුමාගේ පවුල ගැන ඇරෙන්නට අනෙක් හැමදේම ගැන වොරිකරමින් සිටින උතුම් නායකයෙකි.

ඒ එදාය, එදා සජිත් නිකම්ම නිකන් හම්බන්තොට මන්ත්‍රීතුමාය. රනිල්ට චැලෙන්ජ් එකක් දෙනවා තියා හිතන්නටත් බැරි තැනකය එදා සජිත් හිටියේ. එහෙත් අද සජිත් එජාපයේ ඉහලම නායකයෙකි. එජාපයේ අද තුන්වැනි නායකයා සජිත්ය. හරිනම් දැන් සජිත් ගැන වැඩියෙන්ම ආඩම්බර වෙන්නට ඕනා අපේ ජනාධිපතිතුමාය. එතුමාගේ අනාවැකිය හිතුවාටත්වඩා ඉකමනට හරියාගෙන එන බැවිනි. ඒත් අද එතුමාගේ නිළනොවන සහය හිමිවන්නේ එදා ආදරයෙන් ඔවදන් දුන් සජිත්ට නොව රට පාවාදුන් නූතන දොන් ජුවන් ධරමපාල ලෙස එතුමාම හා ගෝලබාලයෛන් හඳුන්වාදුන් රනිල්ටය.

මා ඔය අතීතකතාව මෙනෙහිකලේ සජිත්ට හා කරූට මුහුණදෙන්නට වෙන අභියෝග ගැන කතාකරන්නට ආරම්භයක් ලබාගන්නටයි. රාජපක්ශ ජනපති යනු තමවාසියට ඕනැම දෙයක් දෙපාරක් නොසිතාකරන්නට සූදානම් චරිතයකි. ඔහු කියනා එක වචනයක් හෝ විශ්වාස කරන්නට සූදානම් වන යූඇන්පී කාරයෙක් ඉන්නවානම් ඔහු සැබැවින්ම පක්ශයට ද්‍රෝහියෙකි.

අද රජයට කඩේයන සියලුම මාද්ය (රාවයද ඇතුලුව) සජිත්ට හිනාවෙන්නේ, පහරගසන්නේ එජාපයට හුස්මක් පිබින්නට සමත් එකෙක් ඇත්නම් ඒ සජිත් ප්‍රේමදාස බව තේරුම්ගෙන ඇතිනිසාය. සජිත් පාර්ලිමේන්තුවේ අසන ප්‍රශ්ණ ගැන හිනාවෙමින් "අහවල් ගමේ අහවල් පාරට තාර දමන්නේ කවදාද?" වැනි සිල්ලර ප්‍රශ්ණ අසන බවත් ජාතික වැදගත් කමක් ඇති ප්‍රශ්ණ නාසන බවත් රජයෙන් පඩිගන්නා අතරම ස්වාධීන පත්තරකාරයින් ලෙස පෙනී සිටින්නන් මාගල් වැනි ලිපි ලියමින් දොස්නගයි. මෙහෙව් සජිත් ජාතිකනායකයෙකු වෙන්නට දැඟලීම විහිලුවක් බව කියයි.

පාර්ලිමේතුමන්ත්‍රීවරයෙකුගේ වගකීම තම ආසනයට සේවයකරමින් ආසනයේ මිනිසුන්ගේ ගැටලු පිලිබඳව පාර්ලිමේතුවේදී ප්‍රශ්ණ අසමින් ඒවාට විසඳුම් සොයාදීම බව අද සජිත්ට බණිමින් හිනාවෙන බොහෝ අමන බුද්ධිමතුන් හට අමතක වීඇත.

ගමට වැඩක් කරන්නට බැරි ගමේ පාරක නමක් ඇණිකට් එකක් තියන තැනක් දන්නේ නැති එකෙක් රටේ ප්‍රශ්ණ හරියාකාරව තේරුම් ගන්නේ කෙසේදැ අසන්නට රජපස ඇජෙන්ඩාවට වැඩකරන ලියන අප්පුලාට වෙලාවක් නැත.

අවුරුදු දහපහලොවක් පාර්ලිමේන්තු මන්ත්‍රිකෙනෙක් වී සිට, ගමේ ප්‍රශ්න කිසිවක් පාර්ලිමේන්තුවේ ඉදිරිපත් නොකර, රටේ ප්‍රශ්ණ ගැන පමණක් බොරු බයිලාගසමින් සිටි පුද්ගලයෙකු රටේ නායකතවයට පත්වූවිට සිදුවන විනාශය දැන් අප ඇස්පනාපිට ඇත. හම්බන්තොර මන්ත්‍රී ලෙස කල්පයක් ගතල අප රජතුමා සිය පලාතට කල මගුලක් නැත. හම්බන්තොට රටේ දුප්පත්ම පලාත වෙලත් එතුමාට සිය පලාතේ දුප්පත්කම ගැන ප්‍රශ්ණ අසන්නට වෙලා නොතිබුනේ මන්ත්‍රී කලයේදී රටේ ප්‍රශ්ණ විසදන්නට වලිකැ නිසාවන්නට ඇත.

එතුමා හම්බන්තොට මන්ත්‍රී රාජකාරිය පටන්ගත්තේ ජනාධිපති වූවාට පසුවය. රටටම ලැබිය යුතු දේවල්, රටපුරා බෙදීයායුතු සම්පත් එතුමා හම්බන්තොටට පමණක් යොදවමින් සිටින්නේ එතුමා නියමාකාරයෙන් හම්බන්තොට මන්ත්‍රී ලෙස සිතන්නට පටන්ගෙන ඇත්තේ දැන් බැවිනි.

එජාපයට ආදරය කරන මිනිසුන් ආන්ඩු පක්ශය පතුරුවන බොරු ගණන්ගත යුතු නැත්තේ එබැවිනි. මන්ත්‍රී කාලයේ සිය මන්ත්‍රීකමේ වගකීම හරියට දැනගෙන වැඩකල සජිත් ජාතික නායකයෙක් වුනු විට එහි වගකීම්ද නිවැරදිව හඳුනාගෙන වැඩකරන බවට විශ්වාසයක් එජා පාක්ශකියන් ඇතිකර ගැනීමට බිය විය යුතු නොවේ.

රජපස ඇජෙන්ඩාව වන්නේ සජිත්ට හා කරූට පහරගසමින්, එජාපය තුල සිටිනා සිය ඒජන්තයන් ගේ උපකාරයෙන් කෙසේ හෝ රනිල්ව පුටුවේ රඳවාගෙන පක්ශය තවත් දියකර හැරීමයි. නාමල ඉහලට පුම්බන තෙක් එජාපය වැරහැලි පක්ශයක් ලෙස තබාගැනීම අනිවාර්‍යවන අතර එය කලහැකිවන්නේ රනිල් පුටුවේ ඉන්නාතෙක් පමණකි. රනිල් චුතවී, රනිල්ගේ චෞර ගෝලයින් මුල් පුටුවලින් විසිවූවිට එජාපය වේගයෙන් ඉහලට නැගීම වැලක්විය නොහැකිබව රජපසතුමාගේ තීක්ශණ දේශපාලන නුවණට වැටහී නැත්නම් පුදුමයකි.

සල්ලි කෝටිගණන් විසිකරමින් නාමල් හට හම්බන්තොට ප්‍රදේශයේ දුප්පත් ජනතාවට කල නොහැකි වුනු සේවයක් සජිත් සිදුකොට ඇත. රාජපක්ශලාගේ අඩවීයේ ඉහගහගෙන සිටිමින් කිසිවෙකුට අභියෝගකල නොහැකි බව පැවසෙන නාමලගේ හම්බන්තොට ආධිපත්‍යයට අභියෝග කල හැකි තත්වයක සජිත් සිටින්නේ ඔහු පිටුපස ජන බලවේගයක් තිබෙන බැවිනි. අත්දැකීම් අති කරූ හා වගකීම් දන්න සැබැවින්ම ජනප්‍රිය සජිත්, වැඩක් නොදන්නා, පාදඩ යහලුවන් පිරිවරාගෙන සිටින, සල්ලි මිටිපිටින් විසිකරමින්, බුරියානි පැකට්, අරක්කු හා ලංගම බස් නොමැතිව මිනිසුන් සීයක් එක් තැනකට ගෙන්නා ගන්නට හැකියාවක් නැති සිය පුත්‍ර නාමලට අභියෝගයක් වීම වැලක්වීම රජපස ස්ට්‍රැටජිය බව එජාප පාක්ශිකයි වටහාගත යුතුය.

ඩබල් ඩොක්ටර්ට ජයවේවා!

2011-08-11T21:05:00.000+05:30

එතුමාට තවත් ඩොක්ටරේට් එකක් ලැබිලාය. ඩොක්ටරේට් එකක්වත් නැති, යන්තම් මාස්ටර්ස් ඩිග්රියක් විතරක් ඇති අපි දැන් ඊරිසියාවේ පුපුරමින් බ්ලොග් පෝස්ට් ලියනවාය. අපි වගේ ඊරිසියාකාරයෝ මාර දේසද්‍රෝහීන් වෙති.

එතුමාගේ බුද්දි මහිමය ගැන අපට වඩා ස්ලැවික් රුසියානුවන්ටත් මැන්ඩරින් චීනුන්ටත් තේරුම් ගිහින් තියෙන එක හොඳය. මේතරම් වටිනා පංචස්කන්ධයකට...සොරි....නැණ පහන් කන්දකට ගෞරවයක් ලැබුනාම හිනාවෙන්න බ්ලොග් ලියන්නේ උන්ට තරම් දැනුමක් අපට නැති නිසාය. අනික ඩොක්ටරේට් එකක් වෙනුවට දෙකක්ම හම්බුවුනාම රටට මහත් ගෞරවයක් නොවේද? ඔබාමා නිකම් කළු කෝට් ලොයර් කෙනෙක් වුනාට අපේ රජතුමා ඩබල් ඩොක්ටර් කෙනෙක්නෙ...

දැන් එතුමා ඩබල් එකේම කියුබාවට හරි වෙනුසුවේලාවට හරි ගියානම් තවත් ඩොක්ටර් පට්ටමක් ලැබෙනවා සුවර්ය. ෆිඩෙල් අයියා ඔත්පල වෙලා නිසා රාවුල් කැස්ට්‍රෝ මල්ලි රාෂ්ඨ්‍රපාලනය පිලිබඳව ගුරුහරුකම් ගන්නේත් අපේ රජතුමාගෙන් නොවැ. එතකොට ඩබල් ඩොක්ටර් ට්‍රයි-ඩොක්ටර් වෙනවාය. ඔහොම ට්‍රයි-ඩොක්ටර් වෙලා ඉඳලා ඉඳලා කම්මැලි හින්දා උතුරු කොරියාවට හරි බුරුමෙට හරි ගියොත් ඔන්න එහෙනුත් ඩොක්ටරේට් එකක් ලැබෙනවාමය. එතකොට හතරක් තියෙන නිසා ක්වඩ්-ඩොක්ටර් ය. රටටම මාර ආතල්ය. පේමන්ට් වල කිරිබත් උයන්න තරම් සොමි වැඩක් නොවෙද එය? එතකොට හරියට ඉන්ටෙල් ප්‍රොසෙසර් කොම්පැණියේ ක්වඩ්-කෝර් ප්‍රොසෙසර් එක වගේය, පරණ වෙලා අවුට්-ඩේටඩ් වුනත් තාම නියමෙට වැඩකරනවාය.

ඉතින් අපේ ක්වඩ් ඩොක්ටර්තුමා ප්‍රජාචන්ච්‍රවාදය සුරකිමින්, දැහැමෙන් හමුදා-හයියෙන් රටපාලනය කොරගෙන ඉන්නකොට ඉරාන් කාරයාත් එන්න කියනවාය. ගිහින් බැලුවාම තව ඩොක්ටර් පට්ටමක් හා "ඩිප්ලෝමා" කියලා තඩි අකුරෙන් ගහපු සහතිකයක් දීලා මුස්ලිම් රටක් නිසා ගැහැණුන් ගෞරවය රැකගෙන පැත්තක ඉන්දැද්දී පිරිමි එතුමාව බදාගෙන ඉඹිනවාය. දැන් පහක් තියන නිසා පෙන්ටා ඩොක්ටර්ය. තවත් කසිකබල් රටවල් දෙකතුනක්ම තියෙන නිසා එතුමාට ඩොක්ටරේට් හතක් යනකම් යන්නට පුලුවන්ය. එතකොට තොටගමුවේ රාහුල හාමුදුරුවෝ ශඩ්-භාශා පරමේශ්වර වූවාසේ අපමහා රජතුමාට ශඩ්-ඩොක්ටර් පරමේශ්වර වන්නට පුලුවන්ය.

ඊරිසියා කාරයෝ බ්ලොග් ලියත්වා!!!

ආශ්චර්‍යමත් රන් දිවයිනෙන් බලුමස් කන කොරියාවට පනින්නට වලිකන අසරණ රැළ

2011-08-10T22:26:00.001+05:30

කොරියාවට පැනගෙන කුලීවැඩක් හෝ කරගන්නට අවස්ථාවක් උදාකරගන්නට විභාගයකට පෙනී සිටින්නට අයදුම් පතක් ගන්නට ආ අසරණයි රැළක් නිසා සිදුවූ අබග්ගයක් පසුගියදා පත්තරවල පලවිය.

දැන් රජතුමාගේ නිළ පත්තර කඩමාල්ලේ කි‍යැවෙන පරිදි මේ සඳහා ඇප්ලිකේසන් 45,000ක් කොරියාවෙන් ගෙන්නවා ලඟම කඩෙන් ගන්නට පහසුකම් සලස්වා ඇත.

කොටියා පරදවා, අදිරාජ්‍යවාදීන් සමග බැටල් කරන ගමන් රටපුරා හෝටල් හදමින්, හෙලුවැලි මුහුදුවෙරලවල් ඇති කරන්නට පිඹුරුපත් සකසමින් ආර්තිකය නියම ට්‍රැක් එකට දාගන්නට රජතුමා ගන්නා දහිරිය මුන් රැළට නොපෙනෙන්නේද? ටිකක් ඉවසන්නට බැරිද? බඩ ගැන නොහිතා රට ගැන හිතන්නට යයි හෙළ පඬිවරුන් පෝස්ටර් ගසමින් දුන් උපදෙස් මේ ලුම්පන් ගාලට අමතක වී ඇත්තේ ඇයි?

හෙට අනිද්දා එන ආස්චර්යයට පයින් ගසා බලු මස් කන කොරියාවට පනින්නට හදන වැඩි දෙනෙකු සිංහල බෞද්ද තරුණයින් නොවේද? ඇයි මුන්ට මේ තරම් මේ ආස්චර්‍යමත් රට එපා වී ඇත්තේ? රට හදන්නට උඩ පැන පැන මේ හොර හැත්තට චන්දේ දුන්නේ, පිලුණු බත් ගොටු ගිල දමමින් කැම්පේන් ගියේ මුන්ම නොවේද? ඇයි දැන් මේ හැදීගෙන එන අසිරිමත් ආර්ථිකය ඊලඟ වංගුව පනිනකන් ඉන්නේ නැතුව කොරියා යන්නට දඟලන්නේ?

කොරියන් පනින්නට හදන එකේ හෙලුවැලි බීච් එකක බීච් බෝය් කෙනෙක් වෙලා නාකි සුද්දියක් (හෝ සුද්දෙක්) ඇඟ උඩ නග්ගාගෙන කීයක් හරි හොයා ගන්නට සූදානම් වූවානම් නරකද? දේශීය ආර්ථිකය කියන්නේ හෝටල් වල වේටර්කම් කිරීම, බීච් බෝය් ජොබ් එක, හෝටල් වල ස්විමින් පූල් සුද්දකිරීම, තණකොල කැපීම වැනි සේවා අංශයේ රැකියා නොවේද? මේ මෝඩ රැළට එය අවබෝධකර දෙන්නට දේශීය චින්තකලාට වත් යම් වැඩ පිලිවෙලක් නැද්ද?

රාජපක්ශ රජය මොනතරම් කයිවාරු ගැසුවත්, පත්තර පිටු පිරෙව්වත්, කඩේ යන චැනල් හරහා මොනතරම් සංවර්ධනයක් මවා පෑවත් ඇත්ත කතාව වන්නේ මේ රටේ කොල්ලන්ට කෙල්ලන්ට මේ රට තිත්ත වී ඇති බව නොවේද? මේ මිනිසුන් ආණ්ඩුවට චන්දය දුන්නේත්, දෙන්නේත් ඇයි දැයි දැන් ඉතා පැහැදිලිය.

ඇප්ලිකේශන් එකක් ගත්තාම කොරියාවට යන්නට විසා ලැබෙනවා වැනි අසරණ අහිංසක සිතුවිලි හිත්වල පුරවාගෙන ඉන්නා මේ මිනිසුන් ආණ්ඩුවට චන්දය දෙන්නේ රට ගැන හිතා නොව චන්ද කාලෙට ගමට එන ආණ්ඩු පක්ශයේ පල් හොරුන්ගේ බොරු පොරොන්දු වලට රැවටිලාය. රජයේ රැකියා සඳහා බොරු අයදුම් පත් ලක්ශ ගණනක් බෙදා හැර, ඒවා පුරවලා චන්දෙ දුන්නොත් රස්සාව ශුවර් යනුවෙන් මේ හැම එකාටම බොරු පොරොන්දු දී ඇත.

දැන් ඒ බොරු පොරොන්දු ඉටු නොවන බැව තේරුම් ගොස් ඇති හෙයින් මේ අසරණයින් හට ගොඩ එන්නට ඇති එකම මග කෙසේ හෝ පිටරටකට පැන ගැනීමේ සිහිනයයි. හැම චන්දයක්ම දිනුවේත්, අනාගත චන්ද දිනන්නේත් මේ අහිංසකයින් රවටලාය. වෙන කරන්නට දෙයක් නැති තරමටම අසරණ නිසා උනුත් දැන දැනම මේ බොරු බේගල් වලට රැවටෙන්නේ අඩුම ගණනේ සිහිනයක් සමගින් ජීවත් වීම කිසිවක් නොමැතිව ජීවත්වනවාට වඩා හොඳ බැවින් වන්නට ඇත.

ඇමරිකන් ගුවන් යානා ආක්‍රමණය

2011-08-09T21:56:00.000+05:30

මේ ඊයේ පෙරේදා ඇමරිකන් ගුවන් යානා දහයක් ශ්‍රි ලංකා ගුවන්සීමාව ආක්‍රමණය කළබව පැවසේ. අමෙරිකානු රජය මෙය ප්‍රතික්ශේප කොට නිවේදනයක් නිකුත්කලත් අපේ රට එය භාර ගැනීමට සූදානම් නැත. මේ අතර අන්තර්ජාලයේ සයිබර් දේශප්‍රේමීන් මේ නිර්ලජ්ජිත අමෙරිකානු ආක්‍රමණයට විරුද්ධව දැවැන්ත අරගලයක් ආරම්භ කොට ඇති බව පෙනේ. ඉතාමත්ම දේශහිතයිෂී සී නිවුස් වෙබ් අඩවිය වැනි අඩවිවල සයිබර්-විරුවන් ඇමරිකන් ගැති දේශද්‍රෝහීන්ගේ අම්මා මුත්තාගේ සිට නාථ දෙවියන්, නලින්ද සිල්වා මහාචාරිය තුමාද සිහිපත් කරමින් සිය හැදියාව පෙන්වමින් සිටී.

මේ චෝදනා, අඬහැර, රණගොස අස්සේ සැබැවින්ම සිදුවුනේ කුමක්දැයි කවුරුන්වත් නොදනිති. මේ ලියන මාහට පවා ඇත්තේ අනුමාන පමණකි.

තතුදත් ආරංචිමාර්ග පවසන අන්දමට අමෙරිකානු නාවික හමුදාවට අයත් නිමිට්ස් කාණ්ඩයේ (Nimitz Class) න්‍යශ්‍ය්ඨික බලයෙන් ක්‍රියාත්මක වෙන රොනල්ඩ් රීගන් ගුවන්යානා ගෙනයන නෞකාව මගින් ඉන්දියන් සාගරයේ යුධ අභ්‍යාසයක් හෝ පුහුණු සැසියක් පවත්වා ඇත. ශ්‍රි ලංකාව ගුවන්සීමාවට ඇතුලුවන්නට ඇතැයි සැකකෙරෙන්නේ රොනල්ඩ් රීගන් නෞකාවෙන් ගුවන්ගත වූ යානා දහයකි.

රොනල්ඩ් රීගන් ගුවන් යානා ගෙනයන නෞකාව යනු ගුවන්යානා හා හෙලිකොප්ටර් අනූවකට අධික සංඛ්‍යාවක් ගෙනයාහැකි, නැවියන් 5680 සමග යාත්‍රාකරණ දැවැන්ත පාවෙන ගුවන් කඳවුරකි. මෙහි ගෙනයන යානාවලින් වැඩි හරිය එෆ්/ඒ-18 සුපර් හෝර්නට් වර්ගයේ බහුකාර්‍ය ප්‍රහාරක යානායි.

රොනල්ඩ් රේගන් නෞකාවෙන් ගුවන්ගත වෙන එෆ්/ඒ-18 ප්‍රහාරක යානාවක්

රොනල්ඩ් රේගන් නෞකාවේ ගෙනයන යානා වර්ග පිලිබඳව නිවැරදි සංඛ්‍යාලේඛන සොයාගැනීම අපහසු වුවත් සාමාන්‍යයෙන් නිමිට්ස් කාණ්ඩයේ නෞකාවක එෆ්/ඒ-18 සුපර් හෝනට් (F/A-18 Super Hornet) ප්‍රහාරක යානා 48ක් ගෙන යන අතර මීට අමතරව හෝක්-අයි (Northrop Grumman E-2 Hawkeye) ලෙස හඳුන්වන සතුරු ප්‍රහාර කලින් හඳුනාගත හැකි ගුවන් යානා 4ක්ද, ප්‍රව්ලර් (Northrop Grumman EA-6B Prowler) නමින් හඳුන්වන සතුරු රේඩාර් අඩපණ කරන ඉලෙක්ට්‍රොණික සටන් මෙහෙයුම් (electronic warfare) සඳහා යොදාගන්නා යානා 4ක්ද, වයිකිං (Lockheed S-3 Viking) ලෙස නම් කොට ඇති සතුරු සබ්මැරීන හඳුනා ගැනීමේ උපකණ ගෙනයන යානා 6ක්ද, දිගු දුර ඔත්තුබැලීම සඳහා යොදාගන්නා ලොක්-හීඩ් ශැඩෝ (ES-3A Shadow) වර්ගයේ යානා දෙකක්ද රැගෙන යයි.

මේ අනුව බලන කල රොනල්ඩ් රේගන් නෞකාව අංගසම්පූර්ණ ගුවන් හමුදා මධ්‍යස්ථානයක් වන අතර එය සතු ප්‍රහාරක බලය හා සතුරන් අඩපණ කිරීමේ බලය මුලුමහත් ශ්‍රී ලංකා ගුවන්හමුදාවම සතු ගුවන් ප්‍රහාරක බලයට වඩා වැඩි බව ඕනෑම කෙනෙකුට සිතාගත හැකිය.

දැන් මෙම දේශසීමා උල්ලංඝණය සිදුකිරීමේ අරමුණ (අරමුණක් තිබුණායයිද අත්වැරදීමක් නොවේ යයිද උපකල්පණය කරමින්) සොයාබලමු.

1/ ශ්‍රී ලංකාව චීනයට හා රුසියාවට ලෙංගතු නිසා ලංකාවට සිය බලය පෙන්වීමට සඳහා.

2/ අනාගත ආක්‍රමණයක් සඳහා ශී ලංකා රේඩාර් හා ගුවන් ආරක්ශක පද්ධතිවල ශක්තිය උරගා බැලීම සඳහා.

3/ ශ්‍රී ලංකාව ප්‍රකෝපකොට රජය ලවා අන්තර්ජාතික ගැටලුවක් නිර්මාණය කරගැනීමේ උපක්‍රමයක් ලෙස.

මෙයින් පලමුවැන්න ගතහොත් අමෙරිකාව, ශ්‍රී ලංකාව චීන හිතවාදී රටක් බැවින් අපට බලය පෙන්වයි. මේ උපකල්පණයේදී අමෙරිකාවට චීනයේ වැදගත්කම හා චීනයට හිතවත් රටවල්වලට අරියාදුකොට චීනය කෝප ගැන්වීමෙන් අමෙරිකාවට ලැබෙන වාසිය සලකා බැලිය යුතුය. අමෙරිකාව දැන් සිටින්නේ ආර්ථික ආගාධයක පතුල සූරමිනි. අමෙරිකාව ණය ගෙවීම පැහැර හරින රටක් ලෙස හංවඩු ගැසීම ජනාධිපති ඔබාමා ඊයේ පෙරේදා නවත්වා ගත්තේ අනූනමයයි දශම නමයකිනි. ඒ හපන්කම කරගත්තේත් රජයේ වියදම් හා සහනාධාර බිලියන ගණනින් කපාහරින බවට පොරොන්දුවී කොන්ග්‍රස් හා සෙනේට් මණ්ඩල ලවා ණය ගැනීමේ සීමාව ඉහල දා ගැනීමට අවසර ලබාගැනීමෙනි. එනම් ගත් ණය වලට පොලී ගෙවන්නට තවත් ණය ගන්නට අනුමැතිය ලබාගැනීමෙනි. අමෙරිකාවත් ලංකාව වගේම ණය පොලී ගෙවන්නට ණය ගන්නා ලෝක ණය කාරයෙකි. එහෙත් වෙන්සකට ඇත්තේ රජතුමාට ණය දෙන්නට කෙනෙකු නැතත් ඔබාමාට ණය දෙන්නට ඔනෑතරම් පොලී මුදලාලිලා සිටීමයි. අමෙරිකවට ණය දෙන පොලී මුදලාලිලා අතරින් ඉදිරියෙන්ම සිටින්නේ කවුද? ...... ඒ අපේ හිත මිතුරු ධනවාදි කොමිය්නිස්ට් චීනයයි..... අපිට අරියාදු කිරීම කෙසේවෙතත් මේ මොහොතේ ණයක් අරගෙන ජාම බේරාගන්නට තිබෙන චීනය නොරොක් කරගැනීමට තරම් ඔබාමා වෘශභයෙකුද? අමෙරිකානු හමුදා නායකයින් අමෙරිකාවට චීනයේ වැදගත්කම නොතේරෙන්නේද?

අනාගත ආක්‍රමණයක් සඳහා අපේ ආරක්ශක පද්ධතිවල ශක්තිය උරගාබැලීම තවත් උපකල්පණයකි. අපේ පිදුරුතලාගල රේඩාර් පද්ධතියෙන් රිංගා අපව නිදිපැදුරේදීම නොකවුට් කරදැමීමට හැකි රේඩාර්වලින් සැඟවී යාහැකි යානා අමෙරිකාව සතුව නොමැතිද? රේඩාර් උපකර්ණ නොමග යැවිය හැකි යානා හයක්ම රොනල්ඩ් රේගන් නෞකාව සතුව ඇත. මේවා ඉදිරියට එවා අපේ රේඩාර් අවුල්කොට දමා මෙම "ආක්‍රමණය" සිදුවූවානම් අපට සාධාරණ සැකයක් ඇතිඅකරගත හැකිය. ඔසාමා මරාදැමීමට අමෙරිකානු හෙලිකොප්ටර් ආවේ ඉන්දියාව සමග ඕනෑම මොහොතක යුද්ධයකට සූදානම්ව සිටිනා පකිස්ථානයේ රේඩාර් යන්ත්‍රවලට පෙනී පෙනීද? මේ තර්ක අමෙරිකාවට සුදුහුණු ගෑම සඳහා ඉදිරිපත් කරණ යැංකි-ඩිකි තර්ක නොව සාධාරන තර්ක වන්න්නේය. අපේ රේඩාර් වල කෙරුවාව දැනගන්නට සුපර් හෝර්නට් දහයක් එවන්නට තරම් අවශ්‍යතාවයක් අමෙරිකාවට ඇතැයි මටනම් නොසිතේ.

ශ්‍රී ලංකා රජය ප්‍රකෝප කිරීමේ උපක්‍රමයක් ලෙස මෙය සිදුකලා යයි යන්න යම් සත්‍යතාවයක් තිබිය හැකි උපකල්පණයකි. ලෝකයේ රාජ්‍යතාන්ත්‍රික කටයුතුවලින් ඉතා ලෙහෙසිම කාර්‍යය වන්නේ ශ්‍රී ලංකා රජය ප්‍රකෝප කිරීමයි. ක්‍රිකට් තරඟයකට ටිකට් අඩුවෙන් ලැබීම පවා රජය ප්‍රකෝප කරවන අතර හතරවටේ පිස්සු කෙලීමින් හත්පොලේ ගාගනියි. ඉන් පසු අතින් පාඩු කරගෙන මාධ්‍ය බැලයන් ලියනා ලිපි කියවමින් සැනසෙයි, අපි දිනුවා යයි සිතයි. ඒ අනුව ප්‍රකෝප උපකල්පණය නිවැරදි විය හැකිය. එහෙත් ලංකාව ප්‍රකෝප කිරීමට සුපර් හෝර්නට් යානා දහයක් සැතපුම් දහස් ගණනක් පියාසර කරවමින් පැට්රෝල් පුච්චනවා කියන්නේ පැට්රෝල් ගණන් මේ කාළයේ මහත් අපරාධයකි.

ඊට වඩා ගොඩාක් අඩු වියදමකින් අපේ රජය ප්‍රකෝප කරවාගෙන අන්තර්ජාතික විකට සංදර්ශණයකට තල්ලු කරගත හැකිය. නිව්යෝක් නුවර අඩු වියදම් කුලී කාමයක ලගිමින් පීසා හට් එකක අතුගාන වැඩේ කරන වැලේ වැල් නැතිවගිය කොටි හිතවාදියෙක් හමුවීමට අමෙරිකන් රාජ්‍ය දෙපාර්ථමේන්තුවේ පියන් කෙනෙකු යැව්වානම් ඉතා මනරම් සංදර්ශණ මාලාවක් නැරඹීමේ වාසනාව ලබාගන්නට තිබිණි. බිස්කට් වංශගේ උපවාස, රතන සාදුගේ රණගොස, චම්-පකගේ සුමධුර බිරීම් අසමින් ජාති වාත්සල්‍යය ඔප්නංවාගත හැකි අතර ඇමරිකාවට නකුට දෙපැරැන්දේ ගහගෙන රොනඩ් රේගන් නැවැත් ඇදගෙන දුවන්නට හිතන පොරටෝක් හා උද්ගෝසන බලාගන්නට තිබුණි.

මේ නිර්ලජ්ජී අමෙරිකානු ආක්‍රමණය මෙතනින් නවතින්නේ නැත. පිදුරුතලාගල කඳුමුදුනේ ඇමරිකන් කොඩිය ගසා, ත්‍රිකුණාමලය වරායේ රොනල්ඩ් රේගන් නැව ගාල් කොට, කෝටියක් වටිනා ත්‍රිකුණාමලයේ දිරච්ච තෙල් ටැංකිවලින් රොනල්ඩ් රේගන් නැවට හා ප්ලේන් වලට තෙල් ගසා ගන්නට ලැබෙන තෙක් ඇමරිකන් සුද්දා මේ ප්‍රකෝප කිරීම් සිදුකරණු ඇත.

දැන් ඉතින් කරන්නට ඇත්තේ අනාගතයේ එන සුපර් හෝනට් ආක්‍රමණය වලක්වාගෙන හෝර්නට්ලා පන්නා දැමීම සඳහා චීන ආධාර සහිතව හම්බන්තොට යෝධ අහස්කූරු කර්මාන්තශාලාවක් ආරම්භ කොට එය අඩුම ගණනේ තුන් පාරක් වත් විවෘත කිරීමයි.

කාල්ටන් පැරසයිට් නෙට්වර්ක් [Carlton Parasite Network]

2011-07-23T01:30:00.000+05:30

කාල්ටන් ස්පෝර්ට්ස් නෙට්වර්ක් නමින් රූපවාහිනී ජාලයක් ශ්‍රී ලංකාව තුල ක්‍රියාත්මකවෙයි. දැනට වැඩි සද්දබද්දයක් නැතුව ක්‍රියාත්මක වෙන මෙම ජාලය නුදුරු අනාගතයේම "වැඩ අල්ලන" බවට සාක්කි ඕනෑ තරම් මතුවෙමින් තිබේ. මෙම ජාලය අයිතිවන්නේ මීට වසර කිහිපයකට පෙර මහා සංදර්ශණයක් පවත්වා ජනාධිපතිවරයා විසින් රට බේරාගැනීමේ මෙහෙවරට නාවික හමුදාවට භාර දුන්, යුද්ධය ධරුණුව ඇවිලෙමින් තිබෙන කාලයේ අති-දුශ්කර,කඨෝර එංගලන්තයේ ශීතලේ ගැහෙමින් යුධ ශිල්පය හැදෑරූ යෝශිත කුමරාට බව විකල්ප මාධ්‍ය හා වෙබ් අඩවි වාර්තාකරයි. මෙහි සත්‍ය අසත්‍යතාවය තවමත් තහවුරුවී නැත. එහෙත් චෝදනාවලට කිසිදු අභියෝගයක් කාල්ටන් ස්පෝට්ස් නෙට්වර්ක් අයිතිකරුවන් ගෙන් ඉදිරිපත්වී නොමැති නිසා එම වාර්තා සත්‍ය බවට අනුමාන කලහැකිය.

මෙම වෙබ් අඩවි වාර්තා සත්‍යනම් කුමරා හදාරා තිබෙන්නේ යුධ ශිල්පය නොව ටැලිවිශන් ශිල්පයයි. නැතිනම් එන්ගලන්තයේ සිට ගොඩබැස්ස ප්ලේන් එකේ එන්ජින්වල රස්නෙ නිමෙන්නටත් කලින් යෝශිත සුහුඹුලාට ටීවී චැනල් එකක් පවත්වාගෙන අරම්භකර පවත්වාගෙන යන්නට දැනුමක් කොයින්ද? සමහරවිට කුමරා එන්ගලන්තයේම තිබෙන චැනල් 4 නාලිකාවේ සීමාවාසිකය (internship) කලාදැයි මට නිකමට සිතෙන්නේ මා දේශද්‍රෝහියෙකු නිසාම වන්නට ඇත. දේශප්‍රේමින්හට කිසිදිනක මෙවැනි දේවාපහාස (blasphemy) සිතුවිලි එන්නේ නැතිය.

යෝශිත රාජපක්ශ පමණක් නොව රාජපක්ශ පවුලේ ඕනෑම කෙනෙක් ඕනෑම ආකාරයක ව්‍යාපාරක් පවත්වාගෙන ගියාට අපට අමාරුවක් නැත. පාලකයාගේ පුතා, නෑයා වූ පමණින් පුද්ගලයෙකුට ව්‍යාපාර කරගෙන යන්නට කිසිදු බාදාවක් නැතුවා මෙන්ම තිබිය යුතුද නැත. එහෙත් ගැටලුව වන්නේ රාජපක්ශලා ව්‍යාපාර කිරීම නොව ඒවා කරන ආකාරයයි. ඊයේ පෙරේදා පලවුනු අලුත්ම වාර්තාවලට අනුව කාල්ටන් නෙට්වර්ක් එක දුවන්නේ මුලුමනින්ම ස්වාධීන රූපවාහිනියේ තාක්ශණික සම්පත් භාවිතාකරමිනි.

එනම් කාල්ටන් නෙට්වර්ක් යනු කිසිදු ප්‍රාග්ධන වියදමක් (capital expenditure) නැති, අයභාර වියදමක් (revenue expenditure) නැති ව්‍යාපාරයකි. රූපවාහිණී නාලිකාවක් ආරම්භ කරන්නට වුවමනා ප්‍රාග්ධන වියදම් ගණනය කෙරෙන්නේ බිලියන ගණනිනි. තාක්ශණික උපකරණ, විකාශන කුළුණු මෙන්ම ඊටත් වඩා වටිනා මෙන්ම දුර්ලභ රූපවාහිනී විකාශ තරංග මාලා ලබාගැනීම සඳහා වියදම් කලයුතු මුදල් ප්‍රමාණ සුලුපටු නැත. උපකරණ තිබූ පමණින්ම වැඩේ ආරම්භ කල නොහැක. ඒ සඳහා දක්ශ තාක්ශන ශිල්පීන් සියගණනකගේ සේවය අවශ්‍යය, නාලිකාව වෙත ප්‍රේක්ශකයින් අද්දවාගැනීමට දක්ශ නිර්මාණ ශීලී කලාශිල්පීන් අවශ්‍යය. ලංකාවේ අධ්‍යාපනය මෙවැනි පුද්ගලයින් නිර්මානය නොකරණ නිසා ඔවුන් වෙනත් නාලිකාවලින් වැඩිපඩියට, වැඩි පහසුකම්වලට දඩයම්කරගත යුතුය. මේවාට උවමණාකරන මුදල් කන්දරාව කොතරම්ද? එතරම් මුදල් වියදම් කර ආයතනය ආරම්භකරගත්තත් එයින් වියදම් පියවාගෙන ලාබ ලබන්නට වසර කීයක් බලාසිටිය යුතුද? බලුබැණුම් අසන සිරස මුදලාලිත්, මළමිණී විකුනන ස්වර්ණවාහිණීකාරයාත්, බකපණ්ඩිත කතාකෙලිමින් අමු අමුවේ සිරස කොපි කරන දෙරණ කොපි-කැට් කාරයාත් සිය ව්‍යාපාර කරගෙන යන්නේ බිලියන ගණන් ධනය මේ ව්‍යාපාර සඳහා යටකරමිනි. මළමිණී පෙන්වමින් හඬාවැටීහෝ ප්‍රේක්ශකයින් අද්දවාගෙන දැන්වීම් වැඩිකරගන්නට මෙම රූපවාහිණී මුදලාලිලා වලිකන්නේ එබැවිනි.

එහෙත් කාල්ටන් ස්පෝර්ට්ස් නෙට්වර්ක් එකට එවැනි ගැටලු නැත. උපකරණ, විකාශන කුළුණු, තාක්ශණික ශිල්පීන් නොමිලේ ලැබී තිබේ. එපමණක් නොවේ ප්‍රේක්ශකයන් මිලියන ගණනින් ඇදබැඳ තබාගත හැකි වැඩසටහන් ලබාගත හැකි ක්‍රමයක්ද දේශප්‍රේමී සලුපටවලට මුවාවී සැළසුම්කොට ඇතිබව වාර්තාවේ. පැය විසිහතරේ ක්‍රීඩා නාලිකාවක් දුවවන්නට තරම් ලංකාවේ කෙරෙන ක්‍රීඩාවක් නැත. හරියට ගහන්නේ ක්‍රිකට් විතරය අනිත් ක්‍රීඩා ගැන කියලා වැඩක්ම නැත. පැය විසිහතරම දිවෙන Star Sports, ESPN වැනි නාලිකා ලොවපුරා පැවැත්වෙන විවිධ ක්‍රීඩා තරඟවල විකාශණ අයිතීන් ලබාගෙන ඇත. මේ විකාශණ අයිතීන් සඳහා ගිවිසුම් ගැසෙන්නේද බිලියන ගණන් වලටය. රාජකුමාරයෙකුගේ බවට පැවසුනත් කාල්ටන් නෙට්වර්ක් එකට එවැනි හපන්කම් කල නොහැකි නිසා නොමිලේම වැඩසටහන් ලබාගත හැකි ක්‍රමවේදයක් හොර රහසේ සකස්වෙමින් පවතින බවට සැක පහලවී ඇත.

මෙහි පලමු පියවර වන්නේ ශ්‍රී ලංකා ක්‍රිකට් ආයතනය සංවිධානය කරන තරඟවල විකාශණ අයිතිය රජයේ නාලිකාවලට පමණක් ලබාදීමේ තීරණයයි. බැලූබැල්මට මෙය ඉතා සාධාරණ තීරණයකි. එක් අතකින් ලංකාවේ සෑම පෙදෙසකටම එකලෙස ග්‍රහණය කරගත හැක්කේ ජාතික රූපවාහිණිය හා අයි.ටී.එන් නාලිකා පමණි. මෙරට බොහෝ දුරබැහැර ප්‍රදේශවල ජනතාව බලන්නේ (පෙනෙන්නේ එපමණකි) මෙම රූපවාහිණී නාලිකා දෙක පමණකි. ඒ අනුව ජාතික ක්‍රිකට් කොමිටිය සංවිධානය කරන හෝ ජාතික කණ්ඩායම සහභාගීවන තරඟ මුලු රටටම බලන්නට සැලැස්වීම මෙම තීරණයේ තාර්කික අරමුණ බව පෙන්විය හැකිය. අනෙක් අතට මහජන මුදලින් නඩත්තුවන මෙම නාලිකාවලට මුදල් උපයාගෙන මහජන මුදලින් යැපෙන්නේ නැතුව සිටිමේ ක්‍රමයක් සෑකසෙන්නේ නම් එය ප්‍රශංසනීයය.

එහෙත් රජයේ නාලිකා වලට වුවද මෙම විකාශණ අයිතීන් ලැබෙන්නේ නොමිලයේ නොව මිලියන ගණනින් මුදල් ගෙවා ගිවිසුම් අත්සන්කල කල පසුවය. ඒ නිසා රජයේ නාලිකා මෙම විකාශණ අයිතීන් සඳහා අතිවිශාල පිරිවැයක් දරයි. මෙම පිරිවැය ආවරණය කරගත යුත්තේ ක්‍රීඩා තරඟය අතරතුර විකාශණය කරණ වෙලඳ දැන්වීම මගිණි.

කාල්ටන් ජාලයේ ව‍යාපාරික මොඩලය (business model) පිලිබඳව සැක මතුවෙන්නේ මේ අවස්ථාවේදීය. ස්වාධීන රූපවාහිණියේ සම්පත් භාවිතාකරමින් විකාශණ කටයුතු කරණබැවින්, එය ස්වාධීන රූපවාහිණියට අයත් නාලිකාවක් බව ඉතා ලෙහෙසියෙන් ප්‍රචාරය කල හැකිය. ඒ අනුව ස්වාධීන රූපවාහිණිය මුදල් ගෙවා ලබාගන්නා ක්‍රිකට් තරඟ කාල්ටන් ස්පෝර්ට්ස් නෙට්වර්ක් නාලිකාව තුලින් විකාශණය කිරීමත්, ඒ සඳහා කාල්ටන් නාළිකාව මගින් අනුග්‍රහක දැන්වීම ලබාගැනීමත් ඕනෑම දෙයක් පිලිගන්නා ශ්‍රී ලාංකේය ජනතාවට පහසුවෙන් සාධාරණීකරණය කල හැකිය. ඒ අනුව කාල්ටන් ස්පෝර්ට්ස් නෙට්වර්ක් ආයතනයට කිසිදු වියදමකින් තොරව තාක්ශණික සම්පත් හා පිරිස් සම්පත් ලැබුණාක් මෙන්ම ඉහල ඉල්ලුමක් ඇති වැඩසටහන් නොමිලයේම ලබාගැනීමේ ක්‍රමවේදයක් සැකසිය හැකිය. නොමිලයේ ලැබෙන තරඟ සඳහා වෙලඳ දැන්වීම් වල ආදායමින් කොටසක් කාල්ටන් අයිතිකරුවනට ලැබුනත් ඔවුන් ගොඩේ ගොඩය. ඒ වියදම්ක් නැති ආදායමක් යනු 100%ක ශුද්ධ ලාභයක් බැවිනි.

මෙය උපකළ්පණයක් පමණක් වන අතර මේ උපකළ්පණය සත්‍ය නම් වියදම සියලු සම්පත් සපයන අයිටීඑන් එකට වන අතර ලාභය කාල්ටන් ජාලය හට හිමිවනු ඇත.

මෙවැනි "ව්‍යාපාරික සබඳතා" සත්ව ලෝකයේද පවතී. ඒවා පරපෝශිත-ධාරක (parasite-host) සබඳතා ලෙස හඳුන්වයි. පරපෝශිතයාට කිසිදු වියදමක් නැත. ඌ ධාරකයාගේ සාරය උරාබීගෙන යැපෙයි. ධාරකයාට හිමිවිය යුතු සම්පත්වලින් වැඩිකොටසක් පරපෝශිතයා ඩැහැගනියි. ධාරකයාට මේ සම්බන්ධයෙන් කලහැකි දේ අල්පය. ධාරකයාට ගැලවීමක් නැත. ධාරකයා සෙමෙන් දුර්වලවන අතර පරපෝශිතයා කෙමෙන් ශක්තිමත් වෙයි. අයිටීඑන් එකටද සිය පරපෝශිතයාගෙන් ගැලවෙන්නට වාසනාවක් ලැබේවිද? සමහරවිට මිහින් ලංකාව මෙන් කාල්ටන් නෙට්වර්ක් එකද නොමිලේ සියල්ල ලැබුනාවුවත් පාඩු ලබන්නට ගතහොත් සේ සියලු පාඩු අවෂෝශණය කරගෙන නිදහස්වීමේ වාසනාව ITNට හිමිවෙනු ඇත.

කුණු ජරාව නැති පැට්රෝල් තෙල් ටිකක් ගෙන්නවාගන්න බැරුව, වැස්ස අඩුවෙනකොට විදුලිය දීගන්න බැරුව මැලේසියාව ගිය පාරේ ආස්චර්ය සොයා යෑම....

2011-07-06T08:12:00.000+05:30

"බාල පෙට්‍රොල් තොගයට මුදල් ගෙවීම අත්හිටුවයි...!" ප්‍රේමජයන්ත තෙල් කරුමාන්ත ඇමතිගෙන් නියෝග!

"ටෙන්ඩරය බාරදීමේ සිට බෙදාහැරීම දක්වා සොයන්න ත්‍රිපුද්ගල කමිටුවක් අමාත්‍යාංශ ලේකම්ගේ ප්‍රදානත්වයෙන්..." ඒකත් ඇමැතිතුමාගේ නියෝගයෙනි.

මේ ප්‍රවෘත්ති අද (ජූලි 5) සිංහල පුවත්පත්වල අන්තර්ජාල සංස්කරණවල මුල් පිටුවල ඇත. ඊයේ හවස ශ්‍රි ලංකා ගුවන්විදුලි සංස්ථා ප්‍රවෘත්ති ප්‍රකාශයට අන්තර්ජාලය ඔස්සේ සවන්දුන් ලේඛකයාට මේ සුසිල් ප්‍රේමජයන්තම සිය ශ්‍රි මුඛයෙන් මෙහෙම පිටකරනු ඇසුනි;

"මේ පෙට්‍රල් වල වරදක් නෙමෙයි....මේ තෙල් තොගය බෙදාහරින විට ඇතැම් පිරවුම් හල්වල ඉන්ධන ටැංකි පතුලටම හිඳිලා තිබිලා...ඉතින් මණ්ඩි ඇවිස්සිලා, ඒත් එක්කම වැස්ස නිසා ජලය කාන්දුවෙලා තමයි මේ කුණු හා ජලය මිශ්‍ර පෙට්‍රොල් පාරිභෝගිකයාට ලැබිලා තියෙන්නේ..."

මේ තරමටම වගකීමක් නැතුව ඇට නැති දිව ඒ පැත්තට මේ පැත්තට හරව හරවා අමූලික බොරු දෙසාබාන, එවැනි බොරු ජනතාවට කියවීම ගැනි කිසිදු ලැජ්ජාවක් අපුලක් ගෑවිලාවත් නැති, තම නිළධාරීන් ලියාදෙන ඕනෑම දෙයක් විචාර බුද්ධියකින් තොරව ඔහේ කියවන වගකීමක් නැති මිනිහෙකුට ඛණිජ තෙල් කර්මාණ්තය වගේ ආර්ථිකයේ හදගැස්ම පාලනය කරන අමාත්‍යාංශයක් බාරදුන් නායකත්වයක් පසුගිය ආණ්ඩුවල ආර්ථික ඝාතකයින් ගැන කතාකරන්නේ බොහෝම බැරෑරුම් මූණක් මවාගෙන. සුසිල් ප්‍රේමජයන්ත වගේ ගුණක් අගුණක් නැති පතෝල මිනිසුන් හට ආර්ථිකයේ මර්මස්ථාන බාරදීමත් ආර්ථික ඝාතනයක් බව එතුමාට නොතේරීම ජාතියේ අවාසනාවකි.

ප්‍රේමජයන්තගේ බුද්ධි පරිචයේ ප්‍රමාණය කුණු පෙට්‍රෝල් ගණුදෙනුව පරීක්ශා කරන්නට එතුමා පත්කරපු කොමිටි සාමාජිකයින්ගෙන්ම තේරුම්ගන්න පුලුවන්. කුණු තෙල් ගණුදෙනුවේ වගකීමෙන් වැඩි ප්‍රමාණයක් එල්ලවෙලා තියෙන්නේ අමාත්‍යාංශයේ ලේකම්ට. ප්‍රේමජයන්ත මේ හොර ගණුදෙනුව ගැන පරික්ශාකරන්න දාපු කොමිටියේ සභාපති විදියට පත්කරකලා තියෙනේ හොරකමට චෝදනා එල්ලවෙලා තියෙන ලෙකම්තුමාම තමයි. කුකුළන් අතුරුදහන් වීම පරීක්ශාකිරීමේ කොමිටියේ සභාපති විධියට නරියා පත්කලා වගේ බුද්ධිමත් වැඩක් තමයි ප්‍රේමජයන්ත ඇමතිතුමා කරලා තියෙන්නේ. මේවගේ ඇමතිලා හා එවැනි ඇමතිලා ගැන විස්වාසය තියාගෙන ලොකු ලොකු වගකීම්දෙන නායකතුමන්ලා දැන් මැලේසියාවේ මහතීර් මොහොමඩ්ගේ සූට් එක ඇඳගෙන. ඉස්සර ජේ ආර් හැම වෙලාවෙම කතාකලේ ලංකාව සිංගප්පූරුවක් කොරන්ට. ජේ ආර් වගේම අත්තනෝමතික පාලනයක් ගෙනයන සංවේදී දකුණේ ජේ ආර්, කොළඹ ජේ ආර්ගේ සිංගප්පූරු මොඩල් එකෙන් පොඩ්ඩක් විතර එහාට පැනලා සිංගප්පූරුවේ අල්ලපු වැටේ මැලේසියන් මොඩල් එක අල්ලාගෙන.

ලංකාව වගේ සම්පත් පිරුණු රටකට මැලේසියන් මොඩල් එක සිංගප්පූරු මොඩල් එකට වඩා බොහොම ගැලපෙනවා. හැබැයි මහතීර් මොහමඩ් මහත්තයා නම් ප්‍රේමජයන්තලා වගේ ගොබ්බ ඇමතිලාව සිය ඇමති මණ්ඩලයට පත්කරගත්තේ නෑ. ප්‍රේමජයන්ත මැලේසියාවේ මහතීර්ගේ කැබිනට් එකේ තෙල් ඇමතිවෙලා, බාලතෙල් ගෙනල්ලා පාරිභෝගිකයෝ අමාරුවෙ වැටිලා ඉන්දැද්දී ගොන් ප්‍රකාශ කරමින් වැරැද්දට චෝදනා ලබපු ලේකම් ඒ වැරැද්ද ගැන හොයන කොමිටියේ ලොක්කා කලානම් මහතීර් ප්‍රේමජයන්තගේ ලොකුවට තියෙන පස්චාත්භාගයට පයින්ගහලා එලවනවා.. ඒ මහතීර්ගේ හැටි. මහතීර්ගේ කැබිනට් එකේ වැඩ කාරයෝ මිසක් ගොබ්බයෝ, කුඩුකාරයෝ, කොමිස්කාක්කෝ, ගණන්කාරයෝ, පැන්ශන්කාරයෝ හිටියේ නෑ.

මහතීර් මැලේසියාව හැදුවේ දක්ශ ඇමතිලා වගේම දක්ශ නිළධාරීන් පත්කරලා ඒ මිනිස්සුන්ට නිවැරදි ලෙස නායකත්වය දීලා. ඒත් අපේ සංවේදී අය හිතාගෙන ඉන්නේ මහතීර් මැලේසියාව දියුණුකලේ සුද්දන් එක්ක ෆයිට් කරන ගමන් පාරවල්, වරායවල ගුවන් තොටුපොලවල් හදලා ජාත්‍යන්තර ක්‍රීඩා උත්සව මැලේසියාවට ගෙනල්ලා කියලයි. මහතීර් සුද්දන් එක්ක ෆයිට් කරපු බව ඇත්තයි. මැලේසියාවේ අභ්‍යන්තර කටයුතු වලට හොට දාන්න ආපු කිසිම රටක් එක්ක ගනුදෙනු කරන එක මහතීර් තහනම් කලා. ඒ විතරක් නෙම්යි රටේ හෝ රටේ නායකයින්ගේ ගෞරවයට හානිවෙන ප්‍රකාශයක් කෙරුවත් මහතීර් ඒවාට දැඩි ලෙස ප්‍රතික්‍රියා කලා. 1980 දශකයේ අගභාගයේ මලේසියාවේ දැවැන්ත ජලවිදුලිබලාගාර යෝජනාක්‍රමයක් ඉදිකරන කොන්ත්‍රාත්තුව බ්‍රිතාන්‍ය සමාගමක් විසින් දිනාගත්තා. කොන්ත්‍රාත්තුව අත්සන් කරන්න දින කිහිපයකට කලින්, ලේඛකයාට මතක ආකාරයට එවක හිටපු බ්‍රිතාන්‍ය විදේශ ඇමතිවරයා මැලේසියාව විවේචනය කරමින් යම් ප්‍රකාශයක් කලා. මහතීර් පැය 24ක් ඇතුලත සිය නිළධාරීන්ට නියෝගකලා කිසිදු බ්‍රිතාන්‍ය සමාගමකට මින් ඉදිරියට මැලේසියානු රජයේ කොන්ත්‍රාත්තු නොදිය යුතුයි කියලා. බ්‍රිතාන්‍ය කොම්පැණියට ලැබෙන්න තිබුණු බිලියන ගණනක කොන්ත්‍රාත්තුව ප්‍රංශ සමාගමකට දුන්නා. ඊට පස්සේ බ්‍රිතාන්‍ය ආණ්ඩුවේ ලොක්කෝ මැලේසියාව ගැන කතාකලේ බොහෝම ප්‍රවේසමෙන්, රටේ ගෞරවයට හානියක් නොවෙන විධියට. ඔන්න ඔහමයි මහතීර්ලා මැලේසියාව කෙලින් හිටෙව්වේ. අපේ මහතීර්ගේ ගෝලයෝ බලන්නේ කුට්ටිය කීයද කියලා විතරනේ.

ඒවිතරක් නම් කමක්නෑ.

අපේ මහතීර්ලාගේ ගෝලයෝ දැන් හොරෙන් හොරෙන් ලයිට් කපන්නත් පටන් අරගෙන. මේ දවස්වල වහින්නේ නැතිනිසා විදුලිය දෙන්න අමාරුයිලු. පායන කාලෙ අල්ලලා නොරොච්චෝලේ ගලඟුරු බලාගාරේ ලෙඩක් ඇවිල්ලාලු (දුරදිග බලලා අති නවීන තාක්ශණය ගෙනාපු නිසා සමහරවිට මැශින් රෙපයාර් කරන්න ස්පෙයාර්-පාට්ස් නැතුව ඇති..මැශින් විකණුපු කොම්පැණිය වත් තියෙනවාද දන්නේ නෑ...). එතනින් මෙගාවොට් 300ක් අහිමියි. කෙරවලපිටිය බලාගාරෙට ඕනෙ කරන තෙල් නැති නිසා තවත් මෙගාවොට් 300ක් අහිමියිලු. ඉතින් කොහොමෙයි රටටම අඛණ්ඩව පැය 24පුරා විදුලිය දෙන්නේ? තවටික දවසකින් හෙල උරුමේ ඇමැට්ටා හා ගිහි පැවිදි ගෝලයෝ කියන්න ගනියි වැඩිපුර ලයිට් දාගෙන ඉන්න මිනිස්සු, පායන කාලේ රස්නය ඉවසන්න බැරුව ෆෑන්, ඒ.සී දාගෙන ඉන්න මිනිස්සු විදුලිබලය නාස්තිකරන දේසද්‍රෝහීන් කියලා.

මැලේසියාව දියුණුවුනේ කොමන්වෙල්ත් ගේම්ස් මැලේසියාවට ගෙන්නගත්තාට පස්සේ කියලා අපේ මහබැංකු ලොකුතැන මේ ලඟදී කියල තිබුණා. එතුමා කොහොම හරි කොමන්වෙල්ත් ගේම්ස් වලට ඕනෑකරන බිලියන ගාන හොයලා දෙනවයි කිව්වා. දැනුමේ කේන්ද්‍රස්ථානය කරන්න යනවයි කියලා බෝඩ් ගහගෙන ඉන්න රටේ (මැලේසියාවටත් බැරිවුන වැඩක් ඕක...) සොච්චම් පඩිය ටිකක් වැඩිකරලා දෙන්න කියන සරසවි ආචාර්යවරුන්ට වැඩි පඩි ගවන්න සල්ලි නෑ කියමින් ඒ උගත් මිනිස්සුන්ට ගරහන ආණ්ඩුවක මහබැංකු ලොක්කට කොමන්වෙල්ත් සෙල්ලමට බිලියන් ගණන් හොයාගන්න පුලුවන්. සල්ලි නැත්තේ ලක්ශ ගණන් පඩි ලැබෙන විදේශ විශ්වවිද්‍යාලවල උගන්නන්න යන්නේ නැතුව හිඟන පඩියට මේ රටේ දරුවන්ට උගන්නන විශ්වවිද්‍යාල ගුරුවරුන්ට පඩි වැඩි කරන්න විතරයි. ගුරුන්ට පඩි වැඩි කරාට කොමිස් ලැබෙන්නේ නෑනෙ ආයුබොවං.

සරසවි ගුරාලාව හිරේදාලා හරි ඒ සල්ලි ටිකත් ඉතුරුකරගෙන, කොමන්වෙල්ත් සුද්දොත් රවට්ටලා, දඟදාලා කොහොමහරි ගේම්ස් ලංකාවට ගත්තයි කියමු. හම්බන්තොට කොමන්වෙල්ත් ගේම්ස් යන කාලෙට නොරොච්චෝලෙ කැඩිලා, කෙරවලපිටිය තෙල් නැතුව නැවතිලා, කරුමෙට පායන්න පටන් ගත්තොත් ලයිට් නැතුව ගේම්ස් කොඩ උඩ යන්නේ නැද්ද? එහෙම නැත්නම් ලංකාවම කරුවලේ තියලා හම්බන්තොටට ලයිට් දෙන්න වෙයි.

කාලයක් පුංචි පවුල රත්තරං කිව්වා වගේ එක ලයිට් එක රත්තරං කියලා පැය දොලහක් ලයිට් කපලා ඉතුරු පැය දොලහේ මුලුගෙදරටම එක ලයිට් එකක් දාගෙන බොහෝම දේසප්‍රේමී විදියට කාලෙ ගෙවන්න කියලා උපදෙස් ලඟදීම ලැබෙන්න පුලුවන්.

කැඩිච්ච බලාගාර හදාගන්න බැරි, බලාගාරවලට දාන තෙල් (කලින් ප්‍රචාරය දුන්නු විධියට කෙරවලපිටිය බලාගාරෙ දුවන්නේ බොහොම ලාබෙට තියෙන දැවිතෙල්, ඒ කියන්නේ වීසිකරන තෙල් වලින් - ඒවත් හිඟයි කිව්වම ඉතින්....) ස්ටොක් කරගන්න බැරි ආණ්ඩුවකට කොමන්වෙල්ත් ගේම්ස් වගේ ඔලිම්පික් වලට පමණක් දෙවැනිවෙන මහා උලෙලක් සංවිධානය කරන්න පුලුවන් කියලා කොමන්වෙත් ගේම්ස් ලොක්කෝ හිතනවානම් උන් පවුල් පිටින් ඇවිල්ලා මෙහෙ පදිංචිවෙන්න ඕන.

ඒ විතරක් නෙමෙයි කොමන්වෙල්ත් ගේම්ස් කවර් කරන්න පොදුරාජ්‍යමණ්ඩලයේ රටක් වෙන මහා බ්‍රිතාන්‍යයේ පිලිගත් රූපවාහිණී නාලිකාවක් වන චැනල් 4 නාලිකාව ලංකාවට එන්න හැදුවොත් අපේ උන්නැහේලා චැනල් 4 එකට අවසර දෙනවද? උන් උතුරු නැගෙනහිර සංචාරය කෙරුවොත්? කිලිං ෆීල්ඩ් කියලා උන්ම නම් කරපු ප්‍රදේශ රූගතකරන්න හැදුවොත්? කොමන්වෙල්ත් ගේම්ස් යන අස්සේම චැනල් 4 එක රටින් පන්නලා අන්තර්ජාතික බාල්දියක් දාගන්නවාද? එහෙම අවසර දෙන්න බැරි රටකට කොමන්වෙල්ත් ගේම්ස් සත්කාරකත්වය ලැබෙයිද? විදුලි බලය, පැට්‍රෝල් තෙල් ටික හරියට දෙන්න බැරි රටක් කොමන්වෙල්ත් ක්‍රීඩා මහෝත්සවය හරියට කරන්නේ කොහොමද කියලා කොමන්වෙල්ත් ගේම්ස් සංවිධායක කමිටුව ඇහුවොත් මොකක්ද දෙන උත්තරේ? ඒ ප්‍රස්නෙත් සුද්දන්ගේ හා විදෙස් ඩයස්පෝරා කොටින්ගේ කුමණ්ත්‍රණයක් කියලා මෙහෙ මිනිස්සුන්ට කියන්න පුලුවන් වුනත් වැඩක් තියෙනවද?

ඒ විතරක් නම් මදෑ, කොමන්වෙල්ත් බලන්න එන බ්‍රිතාන්‍ය, කැනේඩියන්, නවසීලන්ත, ඔස්ට්‍රේලියන්, දකුණු අප්‍රිකානු සුද්දියෝ ගිණිඅව්වේ තැම්බෙන හම්බන්තොට නගරෙ සීලාචාර ඇඳුම් ඇඳගෙන ඇවිදින්න බැරි තරමට රස්නෙ වැඩිනිසා බිකිණි ඇඳගෙන ඇවිදින්න ගත්තොත් අපේ සංස්කෘතිය අස්පෙට් වෙන ප්‍රස්නේ විසදන්නේ කොහොමද? මේ ගැටලුව කොමන්වෙල්ත් ගේම්ස් වලටත් කලියෙන් ආන්ඩුව දැන් ගෙනියන සංචාරක කර්මාන්තය දියුණු කිරීමේ වැඩසටහන බාගෙකින් හරි සාර්ථක වුනොත් ඇතිවෙන එක සිකුරුයි. එදාට හෙල උරුමේ උන්නාන්සේලා බිකිණි නෝනලාටත් පිරිත් නූල් ගැට ගහයිද? අසූ ගණන්වල මුල් කාලයේ සංචාරක ව්‍යාපාරය යුද්දේ නිසා විනාශවෙන්න කලින් ජේ ආර්ගේ විවෘත ආර්තිකේ හින්දා දැන් ගල්කිස්ස වෙරලේ සුද්දියෝ බාගෙට හෙලුවෙන්, විලිලැජ්ජාවේ බෑ. අපිට අපේ ලමයි හදාගන්න ගෙවල් ඇරලා වෙන පලාතකට යන්න වෙනවා කියලා මොරදීපු මිනිස්සු ඉන්න රටක් මේක. කොමන්වෙල්ත්, ටුවරිසම් ඔය කොයික දියුණු කරන්න රටේ මිනිස්සුන්ගේ ආකල්ප වෙනස් කරන්න ඕනේ. රටේ මිනිස්සුන්ගේ ආකල්ප මූළධර්මවාදී තලේබාන් මට්ටමට ගෙනයන ගමන් සුද්දන්ගෙන් සුද්දියන්ගෙන් මේරට පුරවාගන්න හෝටල් ගහන ආණ්ඩුවක් පැට්‍රෝල් බෝතලයක් එක අතක තියාගෙන අනෙක් අතින් ගිණි පන්දම් උඩදාන මෝඩයෙකු වගේ හැසිරෙනවා කියලයි මටනම් හිතෙන්නේ.

මෙහෙම අය තමයි මැලේසියන් මොඩල් එකට ආස්චර්යය කරා බොහොම ඉක්මණට යන්න හදන්නේ.

මහින්ද රාජපක්ශ, සරත් ෆොන්සේකා විරසකය ඉන්දීය රහස් ඔත්තු සේවයේ කුමණ්ත්‍රණයක්ද?

2011-07-03T01:25:00.000+05:30

මහින්ද රාජපක්ශ මහතා ජෙනරාල් සරත් ෆොන්සේකා සමග විරසක වූයේ ඉන්දීය රහස් ඔත්තු සේවයේ කුමණ්ත්‍රණයකට අනුව ෆොන්සේකා පිලිබඳ වැරදි තොරතුරු ජනාධිපතිවරයාට ලබාදී ඔහුගේ බලතල කප්පාදුවකට ජනාධීවරයාව පෙළඹූ නිසාවෙන් බැව් ඊයේ පෙරේදා පුවත්පතක පලවී තිබුණේය. එම පුවත්පත් වාර්තාවට අනුව ජනාධිපතිවරයා විසින්ම තමාට ඉතා හිතවත් හමුදා නිළධාරීන් කිහිපදෙනෙකු සමග මේ පිලිබඳව පවසා ඇත.

මේ කතාවේ ඇත්ත නැත්ත ගැන කිසිවක් කිව නොහැකි නමුත් ලිපිය ලියූ ලේඛකයා හා පුවත්පතේ කතුවරයා තවමත් රහස් පොලීසිය මගින් හෝ ජනාධිපති ආරක්ශක අංශය මගින් කුදලාගෙන ගොස් නැතිනිසා එම ලිපිය රජයේ නිහඬ අනුමැතිය ඇතිව පලවූ බව පමණක් සිතාගත හැකිය. කටුනායක පොලිස් වෙඩිතැබීමේ වාර්තාව පවා ආරක්ශක හේතූන් මත යයි පවසමින් සඟවාගෙන සිටින ආන්ඩුවක්, ජනාධිපතිවරයා තමන්ට හිතවත් නිළධාරීන් පිරිසක් සමග රහසේ පැවැත්වූ සාකච්ඡාවක් පුවත්පතක පලවුනු විට නිකම් සිටී යයි සිතිය නොහැකි බැවින් මේ පුවත ගැන පහත උපකල්පණ වලට එළඹීම සාධාරණ යයි මට සිතේ.

1] ජනාධිපතිවරයා පැවසූවා යයි කියන මේ කරුණ සත්‍යයක් වන අතර ඉන්දීය රහස් ඔත්තුසේවය (Research & Analysis Wing - RAW) ජනපතිවරයා හා ඔහුගේ අති දක්ෂ සෙනෙවියා හප්පවා යුධ ජයග්‍රහණයෙන් ජනප්‍රියත්වයේ හිනිපෙත්තේ සිටි රාජපක්ශ රජය අස්ථාවර කිරීමට සැලසුම් කලා විය හැකි අතර එම සැළසුම වැරදී රාජපක්ශ තවත් ශක්තිමත් වී ඇත.

2] සත්‍යයෙන් තොර මේ පුවත උවමනාවෙන්ම පලවන්නට ඉඩහැර ඇත.

පුවතේ සත්‍යාසත්‍ය තාවය කෙසේවුවත් මේ පුවත මේ අවස්ථාවේ පලවන්නේ අහම්බයක් නිසානම් නොවේ. එය ඉතා හොඳින් සැලසුම් කොට ඇති බව පැහැදිලිය. රජයේ ඉහල තැන්වල අනුදැනුමකින් තොරව අහම්බයෙන් මේ පුවත පලවූවානම් මේ වනවිටත් කතුවරයා හා ලේඛකයා සිරකූඩුවක කම්බි ගණිමින් සිටිනා බවට පූර්වාදර්ශ ඕනෑතරම් තිබේ. ඒ අනුව නිගමනය කල හැක්කේ මේ පුවත පිටවීම ඉදිරි දේශපාලන හා රාජ තාන්ත්‍රික මෙහෙයුමක පෙර ක්‍රීඩාව (fore-play) බවයි.

මේ දේශපාලන හා රාජතාන්ත්‍රික මෙහෙයුමේ ස්වභාවය කුමක් විය හැකිද?

රාජපක්ශ රජය මේවන විට ගොඩයාගත නොහැකි මඩ ගොහොරු ගණනාවක කරවටක් ගිලී සිටී. දරුස්මාන් වාර්තාව හා චැනල් 4 අලුත් වාර්තා චිත්‍රපටය මින් භයානකම මඩ ගොහොරුවයි. ජයලලිතාගේ ජයග්‍රහණයත් සමගම නිරන්තරයෙන් වැඩිවෙන දෙමල ජනයාගේ ගැටලු පිලිබඳ ඉන්දීය පීඩනය මින් දෙවැනි මඩගොහොරුවයි. තෙවැන්න ජනතාවට දරාගත නොහැකි ලෙස ජීවන වියදම ඉහලයමින් කොළඹ දිස්ත්‍රික්කය ලංකාවේ වැඩිම මන්දපෝශණයක් ඇති දිස්ත්‍රික්ක්කය ලෙස ඉතිහාසයේ කිසි දිනක නොතිබූ ආකාරයේ ආර්ථික හා සාමාජයික අර්බුධයක් නිර්මාණය වෙමින් තිබීමයී. සිරියාවේ අසාඩ් පාලනයට විරුද්ධව ජනතාව නැගිටීම මැදපෙරදිග අලුත්ම ඒකාදිපති විරෝධී රැල්ලද රාජපක්ශලාට රාත්‍රියේ නින්ද පමාකරණවාට සැක නැත.

ජෙනරාල් ෆොන්සේකා සමග ඇති ගැටලුව ඉන්දියාවේ ගිණුමට බැරකොට ජනපති ෆොන්සේකා විරසකය ඉන්දියාවේ කූට මෙහෙයුමක් බව ජනතාව අතර ප්‍රචලිත කිරීමෙන් මේ මඩ ගොහොරු වලින් එලියට පැන ගැනීම කෙසේ වෙතත් හුස්ම ගැනීමේ ඉස්පාසුවක් ලබාගැනීම රාජපක්ශ රජයේ ස්ට්‍රැටෙජිය විය හැකිය.

තමා තම සොයුරු ගෝඨාභයගේද විරෝධතාව මැද සරත් ෆොන්සේකාට විරුද්දව ක්‍රියාත්මක වූයේ තමාගේ බිය, සැකය හා ඊර්ශ්‍යාව නිසා නොව ඉන්දියාව තමාව ගොනාට ඇන්දවූ නිසාවෙන් බව පවසා ෆොන්සේක සමග යම් එකඟතාවයකට පැමිනීමට රාජපක්ශව වරු සැලැසුම් කරන බව අනුමාණ කල හැකිය.

ලංකාවේ පුම්බන එහෙත් නිව්යෝක් නුවර අසාර්ථක වුනු ශවේන්ද්‍ර සිල්වා මෙහෙයුම යලි පණගැන්වීම

චැනල් 4 වාර්තා චිත්‍රපටයට විරුද්ධව ශවේද්‍ර සිල්වා/පාලිත කොහොන සිදුකරන ලද මෙහෙයුම මහා ජයග්‍රහණයක් බවත් චැනල් 4 රෙදි ගැලවී ඇති බවට කඩේ යන ස්වා-දීන මාධ්‍ය කොතරම් බැනර් හෙඩ්ලයින් දැමුවත්, කොලම් ලියුවත් එය සැබැවින්ම එය අසාර්ථක බව පැහැදිලිය. එය අසාර්ථක වී ඇත්තේ ශවේන්ද්‍ර සිල්වාගේ වරදක් නිසා නොව ඔහු යුධ මෙහෙයුමේ දෙවන පෙල නායකයෙකු පමණක් වන නිසාය. මෙය රාජපක්ශ රජයද හොඳින් දනී. චැනල් 4 චෝදනාවලට බටහිර රටවලට පිලිගත හැකි ප්‍රතිරෝධයක් එල්ල කල හැකි එකම පුද්ගලයා යුධ මෙහෙයුමේ අණදෙන නිළධාරියාවූත්, එවක යුධ හමුදාපතිවරයා වූත් ජෙනරාල් සරත් ෆොන්සේකා පමණකි.

යුධ මෙහෙයුමේ සියලුම සැලසුම් සකස් කලේත්, ඒවා පෞද්ගලිකවම අධීක්ශණය කරමින් සියලු වගකීම් කරට ගණිමින් මෙහෙයුමට නායකත්වය දුන්නේත් සරත් ෆොන්සේකා මිස ගෝඨාභය රාජපක්ශ හෝ ශවේද්‍ර සිල්වා හෝ නොවන බව මුලු ලොවම දනී. ඒ අනුව චැනල් 4 චෝදනාවලට සාර්ථක ලෙස අභියෝග කලහැකි මේන්ම ඒවා බොරු කල හැකි අන්දමේ පිලිගතහැකි සාක්ශ ලබාදිය හැකි එකම පුද්ගලයා සරත් ෆොන්සේකාය. මේ අනුව ඉන්දියාව පිටදා සරත් ෆොන්සේකාව ශේප් කරගෙන ඔහුව චැනල් 4/දරුස්මාන් වාර්ථාවට විරුද්ධ සටනට නිව්යෝක් නුවරට පිටත් කොට හැරීමේ මෙහෙයුම හෙවත් කල මෝඩකම් කෙසේ හෝ ආපසු හරවා ගැනීමේ ක්‍රියාන්විතයක සඳහා මුට්ටිය දමා බැලීමක් ලෙස මේ පුවත් වාර්ථාව විග්‍රකල හැකිය.

ඉන්දීය පීඩනය කළමණාකරණය කරගැනීමේ මෙහෙයුම

රාජපක්ශ රජය වෙත ඉන්දීය පීඩනය වැඩිවෙන සෑම අවස්ථාවකම සාර්ථකව ප්‍රයෝජනයට ගත් ස්ට්‍රැටෙජියක් වනුයේ රටතුල විවිධාකාරයේ ඉන්දීය විරෝධයන් නිර්මාණය කිරීමයි. ඉන්දීය විරෝධය නිර්මාණය කිරීම විරවංශ ඇතුලු පුස්-දේශප්‍රේමීන් හට පැවරුන අතර ඔවුන් විවිධාකාරයේ ක්‍රියාන්විතයන් හරහා ඉන්දීය විරෝධයක් රටතුල කුළුගන්වයි. මෙහි අරමුණ වන්නේ රටතුල ඇති දැවැන්ත ඉන්දීය ආයෝජන හා ව්‍යාපාර වලට පහර වැදීමේ අවස්ථාවක් උදා කිරීමයි. එමගින් රටතුල ව්‍යාපාර හා ආයෝජන කරන ඉන්දීය ව්‍යාපාරිකයන් හරහා ලංකාවට අන්වශ්‍ය බලපෑම් කොට සිය ව්‍යාපාරික අවස්ථා හා ආයෝජන අණතුරට පත් නොකරණ ලෙස ඉන්දීය රජයට අණතුරු ඇඟවීමයි. රාජපක්ශ රජය ඉන්දීය පීඩනය කළමණාකරණය කරගැනීම සඳහා ඉන්දීය විරෝධය නැංවීමේ දේශපාලම උපක්‍රමය කිහිපවතාවක්ම සාර්ථකව යොදවාගෙන ඇත.

රාජපක්ශ ලෝලීන් කෙසේ ප්‍රකාශ කලත් ජෙනරාල් සරත් ෆොන්සේකා කෙරෙහි බහුතරයක් ජනතාව ඉමහත් ගෞරවයකින් සිටින අතර ඔවුන් බොහොමයක් (රාජපක්ශ ලැදි නිදහස් පාක්ශිකයින් පවා) රාජපක්ශවරු සරත් ෆොන්සේකාට සලකන ආකාරය පිලිබඳව නොසතුටින් සිටී. මෙම නොසතුට හා කළකිරීම ඉන්දීය විරෝධයක් බවට පරිවර්තනය කරගෙන ඒ අනුව තම දෑත් වල මඩ සෝදාගන්නා ගමන්ම ඉන්දීය පීඩනය සමහන් කරගැනීම සඳහා එම ඉන්දීය විරෝධය මෙහෙයවීමට නම් කදිම උපායක් වනුයේ තමන් ෆොන්සේකාව විනාශකලේ ඉන්දියාව තමාට ලබාදුන් බොරු රහස් ඔත්තු වාර්තා හා උපදෙස් නිසා බවත් ඉන්දියාව තමන් රැවටූබවත් ප්‍රකාශ කිරීමයි. ඒ අතරම "ගෝටාබයත් විරුද්ද වෙද්දී මං එහෙමෙ කලේ මගෙ උවමනාවට නොවේ ඉන්දියාවේ ලනු මම කිඹුලා කිරිමැටි ගිලින්නා සේ ගිලදැමූ නිසා" යයි ඉතා අහිංසක ලීලාවෙන් පුවත් පත් කතෘවරුන්ට මාසෙකට සැරයක් කන්නදී ඕනෑ දේ ලියවා ගැනීමේ දානමය පුන්‍යකර්ම අවස්ථාවේදී කියන්නට ජනපතිට පුලුවන. ඒ අනුව පුස් වීරවංශ මෙන්ම අරටු ශ්‍රී ලංකාකාරයනුත් පාරට බස්ස්වා රාශ්ඨ්පති භවන හෙල්ලෙන ආකාරයේ ඉන්දීය විරෝධයක් දියත් කරන්නටපොටක් පාදාගත හැකිය.

බඩගින්නට බිල්ලෙක් සොයාදීම

ඉන්දියාව කොන්ට්‍රෝල් කරගන්නට ඉන්දීය විරෝධයන් මවන්නාක් මෙන් බඩගින්න, බඩු මිල දරාගත නොහැකි ලෙස ඉහලයාම, විරැකියාව, මර්ධනය අමතක කරවා ජනතාව නිර්වින්දනය කරන්නට විවිධ කාලවලට විවිධ බිල්ලන් නිර්මාණය කරන්නටද රාජපක්ශ රජය ඉතා දක්ශය. නෝර්වේ සුදුකොටි, පාවාදීමේ සාම ගිවිසුම, දේශද්‍රෝහී ෆොන්සේකා, ජීඇස්පී ප්ලස් කුමන්ත්‍රණය, යුරෝපීය විරෝධය, බැංකීමූන් ගේ උපදේශක කොමිටිය, චැනල් 4 (1වැනි වාරය ), දරුස්මාන් වාර්තාව, විදේශීය බලවේග, කුමණ්ත්‍රණ, TIMES Most Influential Man වන එක නවත්වන්නට හැදීමේ කුමණ්ත්‍රණය, චැනල් 4 (2වැනි වාරය ) වැනි මෙකී නොකී බිල්ලන් සියල්ල රාජපශ රජය විසින්ම ඉස්මතු කරගෙන ජනතාව රැවටීම සඳහා මහා කුමණ්ත්‍රණ ලෙස මාධ්‍ය සංදර්ශණ හා විරෝධතා හා උපවාස සංදර්ශණ මගින් උලුප්පා පෙන්වන බිල්ලන් රැසකි. ජනපති "මෙන්න මාව විදුලි පුටුවේ තියන්න යනෝ" යනුවෙන් කෑ ගසන්නේ ජනතාව මේ බිල්ලන් කෙරෙහි වෛර බන්දවා පැට්රෝල් ගිණි ගණන් යාම, පාන් රාත්තලක් රුපියල් පනහක් වීම, රුපියල් පන්සීයක් එලවලු සිසිසිලි බෑක් එකක් පිරෙන්නට මිලදී ගන්නටවත් මදිවීම තාවකාලිකව අමතක කරවන්නට දමන කුමණ්ත්‍රන විජ්ජා බව රටේ සිහිබුද්දිය ඇති ජනතාව දන්නා කරුණකි.

මේ බිල්ලන් පෙරහැරට අලුතින්ම එක්වීමට මේ දිනවල හැංගි හැංගී වෙස්මූනු බඳින අලුත්ම බිල්ලා "ෆොන්සේකා හා මා කෙටවූ ඉන්දීය ඔත්තුසේවය" නම් භයානක බිල්ලාය. මේ බිල්ලා පෙන්වමින්, පෙලපාලි උද්ගෝසන, මාද්ය සංදර්ශන කරමින්, ඉන්දීයන් පඹයින් පුච්චමින් තව මාස දෙකතුනක් එනම් ගිණි පොලියට ඊළඟ ණය ගන්නා තෙක් ඇදගෙන යාමට පුලුවන. ඒ අතරම තවත් බිල්ලෙක් සොයාගැනීමේ මෙහෙයුම් නිරන්තරව ක්‍රියාත්මක වේ.

ඉන්දීය රහස් ඔත්තුසේවා කුමණ්ත්‍රණ කතාව ඇත්තක් වීමේ සම්භාවිතාවය වැඩිය

මාගේ පෞද්ගලික අදහස නම් රාජපක්ශ රජයේ සැළසුම්කරුවන් විසින් කල්යල් බලා මාධ්‍යවලට ලීක්-කරනලද මේ ඉන්දීය ඔත්තු සේවා කුමණ්ත්‍රණය සත්‍යයක් විය යුතුබවයි. අද බංගලිදේශය ලෙස හඳුවන නිදහස් ස්ව‍යිරී රාජ්‍යය මීට දශක 4කට පෙර පාකිස්ථානයේ කොටසක් වුනු නැගෙනහිර පකිස්ථානය බවත් එය බංගලිදේශය ලෙස වෙනම රාජ්‍යයක් බවට පත්කිරීමේ මෙහෙයුම සම්පූර්ණයෙන්ම ඉන්දීය රහස් ඔත්තුසේවය මගින් සැළසුම්කොට දියත් කරණලද යුධමය හා රාජ්‍යතාන්ත්‍රික මෙහෙයුමක් බව මතක් කල යුතුය. මේ අනුව රාජපක්ශ රජය අස්තාවර කිරීමේ හා ඉන්දියාව මත ඔහුගේ යැපීම වර්ධනය කරගැනීමේ මෙහෙයුමක් ලෙස මේ ඉන්දීය ඔත්තු සේවා මෙහෙයුම සැළකිය හැකිය.

ඉන්දීය ඔත්තු සේවයේ කුප්‍රකට මෙහෙයුම් පිලිබඳව ලිපියක් ලඟදීම බලාපොරොත්තු වන්න.

එතුමන්ලාගේ ක්‍රිකට් වසන්තයට තිත තැබූ අයි.සී.සී කුමණ්ත්‍රණය

2011-07-01T22:46:00.000+05:30

සංගක්කාරගේ ප්‍රකාශයෙන් ICC ඇහැරුණාවත්ද?

ලෝක කුසලාන අවසාන මහා තරඟ සමාප්ති උළලේදී සංගක්කාර තමන්ට මගපෙන්වීම හා උපකාර කිරීම ගැන ජනාධිපති රාජපක්ශ හට ස්තූති කිරීම ශ්‍රී ලංකාවේ ක්‍රිකට් රාජපක්ශ රජය යටතේ මොනතරම් දේශපාලණීකරණය වී ඇත්දැයි මුලුමහත් ලෝකයටම පෙන්වාදුන්නේය. සංගක්කාර කල ප්‍රකාශය හදවතින් ඇතිවුනු කෘතඥතාවය මත කියූ එකක් නොව සිය ක්‍රිකට් ජීවිතයත් පෞද්ගලික ජීවිතයත් ආරක්ශාකරගැනීම සඳහා කියූ එකක් බව තේරුම් ගන්නට අයි.සී.සී එකේ මහත්තුරුන්හට එතරම් අමාරුවන්නට නැත. මුදල් ගැවසෙන හැම කටයුත්තකටම රාජපක්ශ සෙවනැල්ල වැටී ඇති බව ශ්‍රි ලංකාව ගැන උනන්දුවක් දක්වන ලෝකයේ සියලුම රටවල් හා අන්තර්ජාතික ආයතනවලට දැන් අවබෝධවී ඇත.

රාජපක්ශ රජයේ මන්ත්‍රී පැන්ශන් සනත්ගේ ආගමනයෙන් ශ්‍රී ලංකා ක්‍රිකට් තේරීම් කමිටුව ස්වාධීනත්වයක් නැති රාජපක්ශ වලිගයක් බව තහවුරුවෙයි

ලංකාවේ පමණක් නොව ක්‍රිකට් ගහන ලෝකයේ හැම රටකම ක්‍රිකට් යනු ව්‍යාපාරයකි. ක්‍රිකට් කමිටුවලට, ක්‍රීඩා සමාජවලට ලොක්කන් ලෙස තේරෙන්නේ සුදුස්සන්ට වඩා මුදල් විසිකරන, දේශපාලන බලය ගෑවී ඇති පුද්ගලයන්ටය. එහෙත් මේ බොහෝ රටවල, තේරීම් කමිටුවට, පුහුණු කරුවන්හට හා කණ්ඩායම් කළමණාකරුවන් ලෙස පත්වෙන්නේ සුදුස්සන්ම පමණක් වන අතර පත්වීමෙන් පසු කණ්ඩායමේ අභිවෘද්ධිය වෙනුවෙන් නිදහසේ තීන්දු තීරණ ගැනීමේ අයිතිය ඔවුනට හිමිවෙයි. මුදල් බලයෙන් ඉහල පුටුවලට පත්වන්නන් මෙවැනි ක්‍රිකට් වෘත්තිකයින් හට සිය රාජකාරි නිදහසේ කරගෙන යන්නට ඉඩදෙන්නේ එමගින් ක්‍රීඩාවේ ගරුත්වය ආරක්ශාවී තමන් මුදල් වීසිකොට ලබාගත් තනතුරුවල ගෞරවයද ආරක්ශාවන බැවිනි.

අවාසනාවට රාජපක්ශ රජයේ තනතුරුවලට පත්වන්නන් හට එවැනි ප්‍රායෝගික මොල නැත. ඔවුන් සිතාගෙන ඉන්නේ තමන් රජ අණින් තනතුරුවලට පත්වුන නිසා ඒ සියල්ල තමන්ගේම පෞද්ගලික බූදලය ලෙස පරිහරණය කල හැකි බවයි. සනත් තේරීම් කමිටුවේ දෑත් දෙපා බැඳදමා කණ්ඩායමට පැන ගන්නේත්, බක පණ්ඩිත ක්‍රීඩා ඇමැට්ටා මීක් නොකියන්නේත් එබැවිනි. මේ සීමාන්තික බල ව්‍යාප්තිය හා අත්තනෝමතික පාලනය නිසා ශ්‍රි ලංකාවේ ක්‍රිකට් ක්‍රීඩාව නුසුදුස්සන් රජයන, නුසුදුස්සන් ක්‍රීඩාවේ යොදවන තත්වයකට පත්වෙමින් පවතින බව ක්‍රිකට් ලැදි ලෝකයටම අවබෝධවන්නට විය.

ඉන්දියන් IPL කඩාකප්පල් කිරීමට තැත්කිරීම ICC යට රතු එලි දල්වන්නට ඇත.

ශ්‍රි ලංකා ක්‍රිකට් බලාධිකාරිය ගිවිසුම් කඩමින් අයි.පී.එල් සඳහා ක්‍රීඩාකරමින් සිටි ක්‍රීඩකයින් ආපසු ගෙන්වාගන්නට සැළසුම් කලේ ඉතා පටු, මෝඩ දෙශපාලන පලිගැනීමක් සඳහා බව ඉතා පැහැදිලිය. ලංකාවේ ක්‍රිකට් ක්‍රීඩාවට අරක්ගෙන සිටින දේශපාලන මෝඩයන් මේ රටේ ක්‍රිකට් විනාශකරන්නට මෙන්ම අන්තර්ජාතික ක්‍රිකට් කැලැන්ඩරය සිතූ සිතූ ලෙස එහාට මෙහාට අදිමින් යකානටන්නට සැරසෙන බවද අයි.සී.සී මොළකරුවන් තේරුම් ගන්නට ඇත.

ශ්‍රී ලංකා ක්‍රිකට් ආයතනය බංකොලොත්වීම අවසාන "ඇණය" වන්නට ඇත.

ශ්‍රී ලංකා ක්‍රිකට් ආයතනය බංකොලොත්වුනේ අලුත් පිට්ටනි හදන්නට ගිය නිසා බව ක්‍රිකට් ලොක්කන්ම කියයි. හම්බන්තොට පිට්ටනිය හැදුවේ රජ පුම්බන්නට හා රාජපුත්‍ර නාමල උඩට ගෙනෙනට දියත්කල දේශපාලන ව්‍යාපෘතියකින් බව නොදන්නා කෙනෙකු සොයාගන්නට අමාරුවේ. ලෝක කුසළාණ තරඟ සංවිධානය සඳහා අයි.සී.සීය ලබාදුන් මුදල්ද මෙලෙස නාමල පිම්බීමේ ව්‍යාපෘති සඳහා භාවිතාකොට ක්‍රිකට් ආයතනය බංකොලොත්වීදැයි සොයන්නට අයි.සී.සී ඔඩිට්ලා එවන්නට සිදුවීමට රටටම ලැජ්ජාවකි. එහෙත් වරායට, ගුවන්තොටුපොලට මෙන්ම ක්‍රිකට් පිට්ටනියටත් ලැජ්ජාවකින් තොරව තම නම දාගන්නා අයට මෙවැනි ලැජ්ජාවක් තිබේදැයි යන්න ගැටලුවකි.

වසන්තය නිමාවේ........ක්‍රිකට් ආයතන පරිපාලනයට රජයන්හට ඇඟිලිගැසීමට ඇති හැකියාව අයි.සී.සීය අවසන් කරයි.

1] ක්‍රිකට් ක්‍රීඩාව අනවශ්‍ය රාජ්‍ය මැදිහත්වීම් වලින් ගලවාගැනීමට අයි.සී.සීය දැඩි ලෙස අධිශ්ඨාන කරගෙන ඇත.

2] ක්‍රිකට් ආයතනවලට දේශපාලන පත්වීම සිදුකිරීම 2012 ජූනි සිට සම්පූර්ණයෙන්ම තහනම්ය (2013 ජූනි දක්වා සහන කාලයක් ලබාදී ඇත )

3] අයි.සී.සී නියමයන් පරිදි ක්‍රියා නොකරන ජාතික ක්‍රිකට් ආයතනවල අයි.සී.සී සාමාජිකත්වය තහනම් කලහැකි යෝජනාවක්ද සම්මතවී ඇත.

ශ්‍රි ලාංකේය ක්‍රීඩා ඇමති බයියෙක් කල අයි.සී.සී හොං කොං කුමන්ත්‍රණය.

ශ්‍රි ලංකාවෙ ක්‍රීඩා ඇමති වන කෙනෙකු හට ලැබෙන ඉමහත් වරප්‍රසාදය වන්නේ ක්‍රිකට් ක්‍රීඩාව අතුරුපාලක කමිටු හරහා මෙහෙයවීමේ හැකියාව ලැබීමයි. මෙය රන් රුවන් ඉල්ලම් පහලවන, නිතරම පත්තර පිටුවල, ටී.වී නිවුස්වල පෙනී සිටිය හැකි ප්‍රතිරූපය පුම්බන වරප්‍රසාදයකි.

හොං කොං වල පැවැත්වූ අයි.සී.සී රැස්වීමක් යයි කියාගත් කුමන්ත්‍රණය හරහා ශ්‍රී ලාංකේය ක්‍රීඩා ඇමති සතුව තිබූ තටු කපාදමා නිකම්ම නිකම් බයියෙක් කොට ඇත. දැන් මේ බයියාට ක්‍රිකට් ගැන කයිවාරු ගැසීමට ඇත්තේ තව මාස 12ක් පමණකි. 2012 ජූනි වනවිට අයි.සී.සීයට පිලිගත හැකි නිදහස් නිළවරණ පවත්වා අවසන් කල යුතුය. අතුරු පාලක මණ්ඩල පත්කොට අවුරුදු ගණන් ඇදගෙන යන්නට මින් මනතට ඇමැට්ටන්ට හෝ ඔවුන්ගේ දෙසපාලන බොස්ලාට නොහැකිය.

ජිල්මාට් හරහා චන්ද ගේම් දැමිය හැකි වුනත් එසේ කලවිට අයි.සී.සී සාමජිකත්වය අහිමිවෙයි. එවිට පාලක මණ්ඩල තිබුණාට වැඩක් නැත. ආපාතෙයිඩ් නම් වර්ණබේධය පදනම් කරගත් සුද්දන්ගේ පාළණයක් තිබුණු දකුණු අප්‍රිකාවට ක්‍රිකට් ගහන්නට රටක් සොයාගන්නට බැරුව බන්දුල වර්ණපුරලා ගෙන්නා ගත්තේ එබැවිනි. එයින් බන්දුල වර්ණපුර ඇතුලු ක්‍රීඩකයින් රැසකගේ අනාගතය විනාශවිය.

උදේ ඉඳන් රෑ වෙනකම් විදේශීය අත පෙවීම් ගැන කෑකෝ ගහන රජපස ආණ්ඩුව ඩුබායි මූලස්ථානය කරගත් අයි.සී.සීය මෙලෙස සිය සල්ලි පොට්ටනිය උදුරාගන්නට තීන්දුකිරීම කෙසේ දිරවාගනීදැයි තව මාස කිහිපයකින් හරියටම දැන ගන්නට පුලුවන.

මිදි තිත්ත නරියා හෙවත් ප්‍රෙමියර් ලීග් මහින්දානන්ද

2011-06-25T11:24:00.000+05:30

ලෝකල් චන්ඩියෙකුගේ නරිවාදම් රෙද්දපල්ලෙන් බේරීම..

මහින්දානන්ද ඇතුලු ක්‍රිකට් මාෆියාව ඉන්දියානු අයි.පී.එල් තරඟාවලියේ සල්ලි කන්ද දැක අපටත් එවන් ඉල්ලමක් තනාගත්තොත් කොච්චර සෝක්දැයි සිතා වහ වහා සිරිලන්කන් ප්‍රෙමියර්ලීග් තරඟාවලියක් අටවාගත්තේය. ක්‍රිකට් ලෝකයේ සල්ලි මවන යන්තරේ තියෙන්නේ ඉන්දියාව අතයි. බ්ලියන ගණනක ක්‍රිකට් ලෝලීන් හා ප්‍රචාරණ අවස්ථා පිපාසයෙන් සිටින දැවැන්ත ඉන්දියන් සමාගම් ක්‍රිකට් ලෝකය සල්ලිවලින් උතුරා යවයි. මේ සල්ලි කන්දෙන් කොටහක් හෝ කඩාගන්නට නම් ජනප්‍රිය ඉන්දියානු ක්‍රීඩකයි කිහිපදෙනෙකු හෝ තරඟාවලියට අද්දාගත යුතුය. එහෙත් ඉන්දියාවේදි මදිපුංචිකම් වුනා යයි පවසමින් ඉන්දියාවට පාඩමක් උගන්වන්නට ඉන්දීය ප්‍රෙමියර් ලීග් තරඟාවලිය කඩාකප්පල් කිරීමේ ජඩ චේතනාවෙන් ක්‍රීඩකයින් ගිවිසුම් කාලයට පිටින් ආපසු ගෙන්වීමේ වෑයමක් ක්‍රියාත්මක කලේ දේශීය චන්ඩියෙකු වුනු මහින්දානන්දගේ මෝඩ උපදෙස් මතයි. ලංකාවේ ව්‍යාපාරිකයින් හා ආයතන බියගැන්වීමට යොදාගන්නා චන්ඩිපාට් ඉන්දියාවේද ක්‍රියාත්මක කලහැකියයි යන මෝඩ උපකළ්පණය මත ක්‍රියාත්මක ඒ වෑයම පරාජය වූයේ ලෝක ක්‍රිකට් කවුසිලය අනුමතකල තරඟාවලියක ගිවිසුම් කැඩීමෙන් ලංකාවේ ක්‍රිකට් අනාගතය විනාශවනු ඇතැයි ඉන්දියානුවන් හා අයි.සී.සී කල අනතුරු අඟවීම් වලින් පසුවය.

මහින්දානන්දලාගේ අනුවනකම් කොතරම්ද යන්න ඉන්දියාවේ ක්‍රීඩකයින් යොදාගෙන ශ්‍රි ලාන්කික ප්‍රෙමියර්ලීග් තරඟාවලියක් දියත්කරන්නට පිඹුරුපත් සකසමින් සිටිද්දීම රජතුමා සැනසීමට හා ඉන්දියාවට ගියවිට නිතරම රිදෙන එතුමාගේ සිත හැදීමට ඉන්දියන් ක්‍රිකට් ආයතනය කෝපගන්වන ක්‍රියාවක් සිදුකිරීමෙන් පෙනීයයි. දැන් මහින්දානන්දලාගේ නිවට ක්‍රියාවල ප්‍රතිපල ලැබී තිබේ. සිරිලංකා ප්‍රෙමියර්ලීග් තරඟයට ඉන්දියන් ක්‍රීඩකයින් නොලැබෙන අතර ඉන්දියන් ක්‍රීඩකයින් නොමැතිව ඉන්දියන් අනුග්‍රහයකයින් මෙන්ම ඉන්දියන් කේබල් නාලිකාවලට විකාශණ අයිතීන් විකිණීමේ හැකියාවද අහිමිවී ඇත. හිමාල කන්ද මෙන් සල්ලි කඳු මහින්දානන්දලාට පෙනි පෙනී ගිලීගොස් ඇත.

නිතරම ගේම ඉල්ලන ගමේ චන්ඩින් හට ගේම ලැබී තිබේ. ශ්‍රි ලංකා ක්‍රිකට් ආයතනය පවුලේ බූදලයක් වූවාට ඉන්දීය ක්‍රිකට් ආයතනය ඉන්දීය අගමැතිගේ හෝ ක්‍රීඩා ඇමතිගේ බූදලයක් නොවේ. මේ නිසා මහින්දානන්ද ගේ ටැලිෆෝන් කෝල්වලින් වැඩක් නැත. ඉන්දීය ක්‍රිකට් ආයතනයේ හැටි එහෙමය. ඔවුනට අවනත නොවන්නවුන්හට පාඩම් ඉගැන්වීමේ සාර්ථක ක්‍රියාදාමයක් බී.සී.සී.අයි ආයතනය සතුව පවතී. ඉන්දීය ක්‍රිකට් ආයතනයේ ආශීර්වාදය නොමැතිව ඉන්දීය ක්‍රිකට් ලීගය (Indian Cricket League) නැමති ආයතනය ආරම්භ කිරීමට දායක වුනු අසහාය ඉන්දීය ක්‍රිකට් තරුව වන කපිල් දේව්, බී.සී.සී.අයි ආයතනය කුණු මුල්ලට විසි කර දැමුවේ වගේ වගක් නැති ගානටය. කපිල් දේව් යනු 1983දී ඉන්දියාවට ලෝක කුසලානය ලබාදුන් නායකයායි. එහෙත් මෙවර ලෝක කුසලාන තරඟාවලියේදී පවා කපිල් දේව් හට තරඟ නැරඹීමට නිළ ආරාධනාපතක් හෝ යැවීමට බී.සී.සී.අයි එක කාරුණික නොවූයේ කපිල් ඔවුන් හට පිටුපෑම නිසාය. එහෙව් එකේ රජපස ඉඳුල් ලෙවන මහින්දානන්ද බී.සී.සී අයි එකට වැදගැම්මකට නැති කණ්නාඩි දාගත් කළු කබ්බෙක් පමණකි.

මහින්දානන්දලාගේ මෝඩ කම් එතකින් නිමා නොවෙයි. ආරංචීයේ හැටියට ශ්‍රී ලන්කන් ප්‍රෙමියර් ලීග් ඇටවුම තුල ඉන්දීය අයි.පී.එල් හි නිර්මාතෲ ලලිත් මෝඩි මහතා සිටී. ලලිත් මෝඩි දැන් ඉන්දීය ක්‍රිකට් ආයතනයට වහ කදුරුවී ඇති අතර ඔහුම ආරම්භ කොට ප්‍රචලිත කල අයි.පී.එල් අධ්‍යකශක මණ්ඩලයෙන්ද පන්නා දමා තිබේ. ලලිත් මෝඩි බ්‍රිතාන්‍යයේ සැඟවී සිටිමින් ඉන්දීය ක්‍රිකට් ආයතනය නිර්දය ලෙස විවේචනය කරයි, එහි කුණු කන්දල් අවුස්සමින් බී.සී.සී.අයි ලොක්කන් ලැජ්ජාවට පත්කරයි. තමන්ගේ පරම හතුරෙකු වී සිටින ලලිත් මෝඩි ගෑවී සිටින ශ්‍රී ලංකා ක්‍රිකට් ලීගයට පයිසයක උදව්වක් කිරීමට ඉන්දීය ක්‍රිකට් ආයතනය කැමතිවේ යයි සිතන්නේ මහින්දානන්ද වැනි දෙගාත් වෘශභයින් පමනකි. වැඩේ ගල් වී ඇති බව තේරුම්ගෙන ඇති මහින්දානන්ද නරිතෙමේට දැන් ඉන්දීය ක්‍රිකට් ක්‍රීඩකයින් හා ඉන්දීය අනුග්‍රාහකයින් ඕනෑ නැත. උන් දැන් තිත්ත මිදි වන අතර ඉන්දියන් කාරයින් නැතුව ක්‍රිකට් ලීග් තරඟාවලි පවත්වන හැටි අයි.සී.සී යට හා බී.සී.සී.අයි එකට උගන්වන්නට මහින්දානන්ද දැන් සරම කැහැපොට ගහගෙන දඟලයි. එහෙන් මෙහෙන් ඇහිඳගත්, market එකක් නැති දෙවන පෙල හා තුන්වන පෙල විදෙස් ක්‍රීඩකයින් කිහිපදෙනෙකු සමහ මේ ක්‍රිකට් ගිරග්ග සමජ්ජය පැවැත්වෙනු ඇත. කිහිප දෙනෙකු පෝසත් වී ක්‍රිකට් ආයතනය තවත් දුප්පත් වෙනු ඇති අතර ශ්‍රී ලාංකේය ක්‍රිකට් ක්‍රීඩාව ලෝකය ඉදිරියේ හෑල්ලුවට ලක්වෙනු ඇත.

ආසනික් උවදුර : දේශද්‍රෝහී, විනාශකාරී කෘෂිරසායන සමාගම් පන්නා දුටුගැමුණු යුගයේ විදියට ගොවිතැන් කරමු!

2011-06-24T23:41:00.000+05:30

අපගේ දේශප්‍රේමී, දේශීය චින්තක නලීන්ද සිල්වාතුමා හා එතුමාගේ අවිද්‍යාඥ නඩය විසින් සිදුකරන ලද අවිද්‍යාත්මක සොයාගැනීම් වලට අනුව අප කන කෑමවලත්, බොන වතුරේත් ආසනික් ඇත. මේ බවට නාථ දෙවියන්ද සහතිකවී ඇති නිසා කිසිදු සැකයක් නැත. මේ සමාගම් ගොවිජනතාව රවටමින් වසවිස විකුණයි. මේ වසවිස තෙල්, පෝර ගහන්නේ නැතුව අපේ මුතුන්මිත්තෝ අපූරුවට කුඹුරුයායවල් අස්වද්දා ආසියාවේ සහල් නැලියබවට ලංකාව පත්කලහ. අස්වැන්න වැඩිවීමට කෘමිනාශක, වල්නාශක, කෘතිම පොහොර ගැසිය යුතුය යන්න අධිරාජ්‍යවාදී, බහුජාතික සමාගම්වල කුමන්ත්‍රණයකි. දැන් රාජපක්ශ රජය කලයුත්තේ සියලු කෘෂිරසායනික සමාගම්, පොහොර සමාගම්, බීජ සමාගම් වහාම ක්‍රියාත්මක වන පරිදි තහනම් කොට රටින් පලවා හැරීමයි. ඉනික්බිති කළයුත්තේ තට්ට ජැක්සන්, චක්කරවර්ති හාමුදුරුවෝ, මැන්දිස් රෝහණධීර තුන්කට්ටුව ලවා දුටුගැමුණු යුගයේ ගොවිතැන් කලහැටි ගොවි ජනතාවට කියාදීමයි. රජතුමාද දුටුගැමුණුගේ මෙන්ම බුදුහාමුදුරුවන්ගේද නෑයෙකු නිසාද, එතුමාගේ ප්‍රචාරක කසකරුවන් කලක් කියැවූ පරිදි එතුමා ගැමි සුවඳ හඳුනන සදාදරණීය නායකයාද බැවින් උන්නැහේද ගොයි මහත්වරුන්හට ටියුශන් දීමේ වැඩසටහන්මාලාවට දායක කරගත හැකිය. එවිට විදේශ විනිමයද ඉතුරුකරගෙන, ආසනික් නොකා, වහ නොබී අටුකොටු පුරවාගෙන ආශ්චර්යය කරා යාහැක.

වී ගොවිතැන සඳහා කෘෂිරසායන හා පොහොර භාවිත පිලිබඳ ඉතිහාසය සොයා බැලීමේදී එය හරිත විප්ලවය හා බැඳී පවතින බව වැටහේ. හරිත විප්ලවය යනු කෘෂිරසායනික, කෘත්‍රිම පොහොර හා විද්‍යාගාරවල වැඩිදියුණු කල බීජ වපුරා අති විශාල අස්වැන්නක් ලබා ගැනීමයි. හරිත විප්ලවයට පදනම් වූ ගොවිතැන් කිරීමේ ක්‍රමවේදවල මහත්වූ වෙනසක් 1960 ගණන්වලදී සිදුවිය. මෙහිදී සිදුවූයේ එක් අක්කරයකින් ලැබෙන අස්වැන්න මහත්සේ වැඩිකරගැනීමකි. මේ සඳහා කෘත්‍රිම පොහොර, වගාව සමග තරඟකරමින් හිරු එලිය, ජලය හා පොහොර උදුරාගන්නා වල් පැලෑටි මර්ධනයට වල් නාශක යොදාගැනීම හා වගාවට හානිකරන පලිබෝධකයින් විනාශකිරීම සඳහා පලිබෝධනාශක යොදාගැනීම සිදුවිය. එමෙන්ම විවිධ පර්යේශණාගාර හරහා වැඩි අස්වන්නක් ගෙනදෙන, ඉක්මණින් පලදරන බෝග නිමැවූ අතර ඒවා වේගයෙන් ගොවිජනතාව අතර ප්‍රචලිත කිරීම සිදුවිය. මේ නිසා හැත්තෑව දශකය අවසන් වන විට ශ්‍රී ලංකාවද ඇතුලු බොහෝ රටවල් සහලින් ස්වයංපෝශිත වන්නට හැකියාව ලබාගත් අතර පිලිපීනය, ඉන්දුනීසියාව, වියට්නාමය වැනි රටවල් සහල් අපනයනය කරන්නන් බවට පත්විය. හරිත විප්ලවය මහත් උනන්දුවෙන් වැලඳගත් ඉන්දියාව මිලියන ගණනක් ජනතාව සාගතයෙන් මුදවාගත්තේය. ජනගහනය වැඩිවෙමින් වගාබිම් අඩුවෙමින් යනවිට පවා ලංකාව ඇතුලු ආසියාතික රටවල් සහලින් ස්වයංපෝශිත කිරීමට හරිත විප්ලවය හැකිවූයේ අක්කරයකින් ලබා ගන්නා අස්වැන්න තාක්ශණයේ ආධාරයෙන් නිරන්තරයෙන් වැඩිවෙමින් පැවතුනු බැවිනි.

ආසියාතික සහල් නිපදවන රටවල හරිත විප්ලවය සිදුවූයේ අධිරාජ්‍යවාදී බටහිර ගැති එක්සත් ජාතීන්ගේ සංවිධානයේ ආහාර හා කෘෂිකාර්මික වැඩසටහන (FAO), එක්සත් ජාතීන්ගේ සංවර්ධන වැඩසටහන (UNDP) මෙන්ම අධිරාජ්‍යවාදී අමෙරිකානු සම්භවයක් ඇති ෆෝඩ් පදනම (ෆෝඩ් මෝටර් රථ සමාගමේ නිර්මාතෘ හෙන්රි ෆෝඩ් විසින් අරඹන ලද රාජ්‍ය නොවන සංවිධානය) හා රොකෆෙලර් පදනම (දැවැන්ත අමෙරිකානු තෙල් සමාගමක් වුනු ස්ටෑන්ඩර්ඩ් ඔයිල් සමාගමේ නිර්මාතෲ ජෝන් ඩී. රොකෆෙලර් විසින් ආරම්භ කරන ලද රාජ්‍ය නොවන සංවිධානය) විසින් ලබාදුන් මූල්‍යාධාර මත පිලිපීනයේ අන්තර්ජාතික සහල් පර්යේශණ ආයතනයේ (International Rice Research Institute) හා කෘශි පර්යේශණ පිලිබඳ ජාත්‍යන්තර උපදේශණ කණ්ඩායම (Consultative Group on International Agricultural Research) ලෙස හඳුන්වන පර්යේශණායතන තුල නිපැදවූ වැඩි පලදාවක් ඇති සහල් වර්ග නිපැදවීමේ තාක්ශණයන් හට පින්සිදුවන්නටය. බතලගොඩ වැනි ශ්‍රී ලාංකික සහල් පර්යේශණ ආයතනතුල වැඩි පලදා සහල් බිහිවුනේ මෙවැනි පර්යේශණාගාරවල පුහුණුව ලැබූ දේශීය විද්‍යාඥයින්ගේ උත්සහයෙන් හා ඒවාට දායක වුනු මූල්‍යායතන වල අරමුදල් වලිනි.

නලින්ද සිල්වා නඩයට දැන් අවශ්‍යව ඇත්තේ අධිරාජ්‍යවාදීන්ගේ අනුග්‍රහයෙන් බිහිවුනු, බිලියන ගණනකගේ කුසගිණි නිවූ හරිත විප්ලවය දියකර හැරීමයි. ෆෝඩ්, රොකෆෙලර් වැනි එන්.ජි.ඕ ඩොලර් කාක්කන් විසින් බිහිකල හරිත විප්ලවයෙන් අපිට ඇති වැඩක් නැත. මේ හරිත විප්ලවය නිසා බටහිර කෘශි රසායන සමාගම්, පොහොර සමාගම් අධික ලාභ ලබමින් අපේ දුප්පත් ගොවීන් සූරාකමින්, රට වනසන, ජනතාව වකුගඩු රෝගීන් කරන ආසනික් ඇතුලු වස විස වපුරයි. සම්‍යක්දෘශ්ඨික නාථ දෙවියන් පවා සාක්කි කියන මේ අපරාධයෙන් ජනතාව ගලවාගත යුතුමය. පැරණි ක්‍රමයට ගොවිතැන් කොට ගොයි මහත්තයාගේ පවුලට ඊලඟ කන්නෙ වෙනකන් කන්නටවත් ප්‍රමාණවත් නොවන තරමට අක්කරයකට බුසලක් දෙකක් අස්වැන්න ගත්තාම හොඳටෝම ඇතිය. විමල් වීරවන්සයා පාන් කන එකටත් කෙලවා ඇති නිසා වී ගොයිතැන් නොකරන සෙසු ජනීජනයා මුහුදු වෙරලට ගොස් වැඳගෙන හාල් ගේන නැව් කොළඹට ගාල්ලට තිරිකුණාමලයට හා හම්බන්තොට වරායන්ට සේන්දු වනතෙක් බඩගිණි ඉවසාගෙන සිටිය යුතුය. ඕනෑවට වඩා බත් කන එක නවත්වන්නට සිරිමා මැතිනිය කෙරුවා මෙන් සතියට දින දෙකක් තුනක් බත් කන එක තහනම් කරන්නට පුලුවන. මග තැනින් තැන මාර්ග බාධක වලට අමතරව හාල් පොලු දමා බස්වල යන මිනිස්සුන්ගේ බෑග් වල වැඩිපුර හාල් තියෙනවාදැයි මලු ඇර පරීක්සාකර බැලිය යුතු අතර වැඩියෙන් හාල් ගෙනයන දේස ද්‍රෝහීන් අව්වේ දන ගස්වා තබා පසුව උසාවියට ඉදිරිපත් කොට දඬුවම් ලබාදිය යුතුය.කොස් දෙල් හිඟ නිසාත්, කොස් හිටවන කොස් මාමලා වෙනුවට කොස්ගස් කප්පන බාප්පිලා මාමිලා වැඩි නිසා බහුලව තිබෙන බජිරි, සැල්වීනියා වැනි විකල්ප ආහාර හඳුන්වාදීමට පියවරගත යුතුය. වැඩිපුර බත්කන්නන් දේශද්‍රෝහීන් බව කුඩා දරුවන්හට පවා තේරුම්කොට දී උන් හට කුඩා කාලයේම බජිරි කෑමට උගැන්විය යුතුය.

ඒ කෙසේවෙතත්, නලින්ද සිල්වා නඩය කියනා කරුනු සත්‍යය නම් මුලුමහත් ආසියාවම වකුගඩු රෝගීන්ගෙන්, ආසනික් විශවී සෑදෙන ආබාධවලින් බැටකන රෝගීන් ගෙන් පිරී සිටිය යුතුය. ශ්‍රී ලංකාවට සාපේක්ශව වැඩියෙන් පලිබෝධ නාශක, වල් නාශක හා කෘත්‍රිම පොහොර භාවිතාකරන ඉන්දුනීසියාව, වියට්නාමය, තායිලන්තය වැනි රටවල් වකුගඩු රෝගීන්ගෙන් උතුරා යා යුතුය. එහෙත් කරුමයට මේවා ඔක්කොම විසවෙන්නේ ලංකාවේ උන්ටමය. සමහරවිට ඔය රටවල වකුගඩු රෝගීන්, උන්ට වකුගඩු අමාරුව ඇති බව දන්නේ නැතුවා වන්නට පුලුවන. දැනගත්තත් නාථ දෙවියන් ඉන්දුනීසියාවේ, තායිලන්තයේ හෝ වියට්නාමයේ වැඩවසන්නේ නැති නිසා වකුගඩු අමාරුව හැදෙන්නේ හාල්වල හා බොන වතුරේ ඇති ආසනික් වලින් බව දැනගන්නට විධියක් නැත. ඒක උන්ගේ කරුමයයි.

නලින්ද සිල්වාගේ ජන්මභූමිය ලංකාව වූ පින නිසා අපට නම් මේ උවදුරෙන් ගැලවෙන්නට ලඟදීම පුලුවන් වනු ඇත. කලයුත්තේ විශ්ව ශක්තියෙන් ලෙඩ සුව කරන වයිට් වෙදැදුරු ලවා සියලු කෘශිරසායන හා පොහොර තහනම් කරන ලෙස රජතුමාට උපදේසයක් දෙන්නට සැලැස්වීමයි. නිවාඩ් කබ්රාල්ට කිට්ටු වී පොහොර තහනම් කලවිට පොහොර සහනාධාරයට යන බිලියන දෙකතුනක් ඉතිරිවන බවත් ඒ මුදලින් ගිරග්ග සමජ්ජ දෙකතුනක් නටා බඩගිනිකාරයින් තාවකාලිකව ශේප් කරගත හැකි බවත් පවසා සිටිය යුතුය. වයිටා කතාකරාට පස්සේ කබ්බා පොහොර සහනාධාරේ ඉතිරිවෙනවානෙ රජතුමනි කිව්වාම යුද්ධෙ ඉවර කලා වගේ බහුජාතික කෘශි රසායන හා පොහොර සමාගම් ඉවරකර දැමිය හැකිය. ඒ සමගම බත් කෑමේ අවසානයද ආරම්භ කල හැකිය.

බැන් කී මූන් නැවත එ.ජා. මහලේකම් වනවාට රුසියාවේ හා චීනයේ සහය හෙවත් වැටත් නියරත් ගොයම් කෑම...

2011-06-09T01:33:00.000+05:30

අපේ ප්‍රජාතාන්ත්‍රවාදී දේශප්‍රේමී නට්සි රාජ්‍යයේ ප්‍රධානම හතුරා වන්නේ දකුණු කොරියානු ජාතික වර්තමාන එජා මහලේකම් බැන් කී මූන් මහතාය. ඇමරිකාවේත් බ්‍රිතාන්‍යයේත් නෝර්වේ සුදු කොටි රාජ්‍යයේත් ඒජන්තයෙකු හා බත් බැලයෙකු වන ඔහුගේ දුශ්ඨ දරුස්මාන් වාර්තාවේ යුධ අපරාධ චෝදනාවලින් මේ මුතු කැට දිවයින හා එහි රජකරන පින්බර රාජරාජාධී මහාමාත්‍යවරුන් බේරාගන්නට සුදු අසුන් අරා අසිපත් අමෝරාගෙන අපවෙනුවෙන් සටනට එන්නේ අතිජාත රුසියානු හා චීන මිතුරන්ය. වෙනිසියුවේලාවේ චාවේස්, ඉරානයේ අහ්මඩිනෙජාඩ් හා ලිබියාවේ ගඩාෆි, රුසියානු/චීන සුදු අස්පයින්ගේ බෙටි අස් කිරීම වැනි සේවා පහසුකම් සපයමින් අප වෙනුවෙන් සුදු අධිරාජ්‍යවාධීන්ට විරුද්ධව ගෝසා කරනු ඇත...

වීර වංසලා, රතනලා, දත් දොස්තරලා, ඇල්ලේ ගුණවංශලා හා මෙකී නොකී අවසේශ බැලයින් කිඹිස්සේ එහෙමය...

අහෝ ඛේදයකි! රුසියාවත් චීනයත් අප පරම හතුරු බැන් කී මූන් තවත් අවුරුදු පහක් එජා සංවිධානයේ මුල් පුටුවේ තබන්නට දැනටමත් සිය කැමැත්ත පලකොට ඇත...

දෙවියනි....මේ සිදුවන්නේ කුමක්ද?

මේ පෙනෙන්නට තිබෙන්නේ අමු මෝඩයින් හා තමන් අසන්නට කැමතිදේ පමණක් කියන, දකින්නට කැමතිදේ පමණක් කරන, කපටි කෛරාටික තක්කඩින් රැළක් වටකරගෙන උන්ගේ උපදෙස් අනුව ජාත්‍යන්තරය සමග මුඩුක්කුවේ චන්ඩියා මෙන් ගණුදෙනු කරන්නට ගොස් හොට බිම ඇණගත් පාලකයින්ගේ නරිවාදම් පල්ලෙන් ගලාගෙන යන ආකාරය නොවේද?

ජාත්‍යන්තරය සමග ගණුදෙනු කරන විට අනුගමනය කලයුතු රීති මාලාවක් ඇත. ඉන් ඉතා වැදගත් රීතියක් නම් විවේචනය පිලිබඳ රීතියයි. එනම් රටක හෝ එ.ජා සංවිධානය වැනි අන්තර්ජාතික ආයතනයක ප්‍රතිපත්ති හෝ ක්‍රියාදාමයන් විවේචනය කරනවිට එම විවේචනය විවාදයට තුඩුදෙන ක්‍රියාවට හෝ ප්‍රතිපත්තියට පමණක් සීමා කරමින් කටයුතු කිරීමයි. බොහෝවිට එම ප්‍රතිපත්ති හෝ ක්‍රියාදාමයන්හට මූලීක වුනු නායකයින් පෞද්ගලිකව විවේචනය කිරීමක් හෝ පහරගැසීමක් සිදු නොකරයි. ඉරානය, ලිබියාව හා වෙනිසියුවේලාව වැනි බටහිර සමග නිතර ගැටෙන රටවල් පවා මේ ප්‍රතිපත්තිය අනුගමනය කරයි. උදාහරනයක් ලෙස ඔවුන් ඇමරිකාව, එහි රජය හා ජනාධිපතිවරයා විවේචනය කරනමුත් ඔවුන්ගේ විවේචනය බැරැක් ඔබාමා ඉලක්කර කරගෙන සිදුකරන පෞද්ගලික මඩ ගැසීමක් බවට පත්කර නොගනී. මේවා සීලාචාර රටවල් එකිනෙකා හා ගැටුම් ඇතිකරගැනීමේදී පවා අනුගමනය කරන මහත්මා රීතීන් වේ.

මෙම රීති සීලාචාර රටවල් වල නායකයින් හා එම රටවල නායකයින් හට උපදෙස් දෙන උගත්, පළපුරුදු, තමුන්ගේ රටට ආදරය කරන උපදේශකයින් නිරන්තරයෙන් පිලිපදියි. ඔවුන් එසේ කරන්නේ තවත් රටක නායකයෙකු හෝ ජාත්‍යන්තර සංවිධානයක නිළධාරියෙකු හට පෞද්ගලික කෝන්තරයක ආකාරයෙන් මඩ ගැසීම ලෝකයා ඉදිරියේ හෙළුවෙන් දඟලමින් කෑකෝ ගැසීමකට සමාන බව දන්නා නිසාය. ලංකාව එසේ ජත්‍යන්තර රීතීන් හට ගරු කරන වැදගත් රටක් නොව මැදමූළන තියරියට අනුව බෝල සෙට් එක පෙනෙන තරමටම සරම උඩට උස්සාගෙන මහ පාරේ ගනුදෙනු බේරා ගැනීමට වෙරිමරගාතේ චැලෙන්ජ් කරන මෝඩ නායකයින්ගේ රටක් බව රුසියාව හා චීනයද ඇතුලු මුලු ලෝකයටම අවබෝධවී අවසන්ය.

ලංකාවේ සංවේදී වෘශභ නඩය බැං කී මූන් හට පහර ගැසුවේ චන්දකාලයේ රනිල්ට හා සරත් ෆොන්සේකාට මඩ ගැසූ ආකාරයටය. මේ ගොන් වහන්සේලා සිතාගෙන ඉන්නට ඇත්තේ ෆොන්සේකාගේ හා රනිල්ගේ පෞද්ගලික ජීවිතවලට පහරදී චන්ද දිනුවාසේ ජාත්‍යන්තරය සමග කරන ගනුදෙනුවලදීද දිනුම ලබාගන්නට පුලුවන් කියාය. ජාත්‍යන්තරයේදී ගණුදෙනු කරන්නට සිදුවන්නේ දිනන පැත්තට පාවෙන, පංචස්කන්ධය පෞරුශත්වය හා නායකත්වය ලෙස සිතාගෙන රැවටෙන චන්දදායකයින් සමග නොව ලෝකය කා වතුර බී නොකෑවාසේ තොලකට පිසදා සිනාසෙන දක්ශ රාජ්‍යතාන්ත්‍රික නිළධාරීන් සමගය. බැන් කී මූන් යනු රාජපක්ශ ජනපතිවරයා හා වීරවංශ ඇතුලු නකුටු බලු රැළ සිතාගෙන ඉන්නා ආකාරයේ මෝඩ ගොනෙකු නොව අති ශූර පරිපාළකයෙකි, දක්ශ ගනුදෙනුකරුවෙකි (deal maker), බුද්ධිමත්ලෙස සිය බලය හා තනතුර හසුරුන්නෙකි.

විශ්වවිද්‍යාලයෙන් පිටවී විදේශසේවා තෝරාගැනීම් විභාගයෙන් ඉහලම ලකුණු ලබාගෙන (ලංකාවේනම් බාප්පී කෙනෙකු ආණ්ඩුවේ සිටීම ප්‍රමාණවත්ය) දකුණු කොරියානු විදේශ සේවයට ඇතුලත්වුනු ඔහු 1970සිට කොරියානු විදේශ සේවයේ නියුතුව සිටි, හිටපු කොරියානු විදේශ ඇමතිවරයෙක් මෙන්ම දීර්ඝ කාලයක් එක්සත් ජාතීන්ගේ සංවිධානය තුල විවිධ තනතුරු හොබවමින් විශාල අත්දැකීම් රාශියක් රැස්කරගත්තෙකි. එලෙසම අප මහා රජිඳා මෙන් නොව දක්ශයින්, බුද්ධිමතුන් සිය උපදේශකයින් ලෙස රඳවාගෙන ඔවුන්ගේ උපදෙස් වලට සවන්දෙමින් ක්‍රියාත්මක වන පාලකයෙකි. බැන් කී මූන් වට්ටන්නට අපේ අන්දොස් අයියලා සිතාගෙන ඉන්නාතරම් ලේසි නැත්තේ එබැවිනි.

බැං කී මූන්ගේ දක්ශකමත් අපේ අයියලාගේ මෝඩ කමත් අතර වෙනස තවත් අවුරුදු පහකට බැන් කී මූන් අපේ සොඳුරු මිතුරන්ගේ චන්දයෙන්ම පත්වෙන්නට යාමෙන් පෙනී යයි. හම්බන්තොට වරායක් හදන්නට ඉඩදුන් පලියට චීනය හෝ යල් පැනගිය ප්‍රහාරක යානා දෙක තුනක් ගත්පලියට රුසියාව හෝ සිය ජාත්‍යන්තර උපායමාර්ගික වැඩපිලිවෙලවල් වෙනස් කරන්නේ නැත. චීනයට මෙන්ම රුසියාවටද බැන් කී මූන්, රාජපක්ශ රජය හා ලංකාවට බඩු විකුණා ලැබෙන සොච්චම් ආදායමට වඩා බෙහෙවින් වටින්නේය. (අපිට රුපියල් බිලියන ගණන් වූවාට රුසියාවේ හා චීනයේ ජාතික ආදායම් බලනවිට අපෙන් ලැබෙන සල්ලි ඔවුනට මාරුකාසි තරම්වත් නොවටිනාය. ඇමරිකාව් ණය ගන්නේත් චීනයෙන් බවද මතක් කල යුතුමය )

දෛවයේ සරදම වන්නේ රුසියාවටද චීනයට බැන් කී මූන් වැදගත් වන්නේ ඔහු අපට සතුරෙකු වන්නට හේතුවන කරුනම වන බැවිනි. මූන් මහලේකම්, ලංකාවේ සිදුවූවායයි පැවසෙන මානව හිමිකම් කඩවීම්වලට කොමිසම් දමමින් වාර්තා වැඩම්මවූවාට රුසියාව චෙච්නියාවේ සිදුකරන දැවැන්ත සමූළඝාතන හෝ චීනය ටිබෙට් රටේ හා සින්ජියාන් පලාත්වල සිදුකරන මානවහිමිකම් හිමිකම් කඩකිරීම් වලට මීක් සද්දයක් නැත. රුසියාවට චෙච්නියාව පාලනය කරගැනීම මෙන්ම චීනයට ටිබෙට් රට හා මුස්ලිම් ජාතිකයින් වෙසෙන් සින්ජියාන් වැනි පලාත්වල බලය රඳවාගැනීම රාජපක්ශ රජයට මුක්කු ගැසීමට වඩා වැදගත්ය. බැන් කී මූන් පත්කරගත් විට තවත් අවුරුදු පහක් රුසියාවටද චීනයටද සිය මානව හිමිකම් කඩකිරීම නිදහසේ කරගෙන ගිය හැකිය.

පොතක් පත්තරයක් නොකියවන්නන් විසින් පාලනය කරන රටක් බැවින් අපේ වගකිව යුත්තන් මේවා නොදන්නවා වූවාට ටයිම්, නිවුස්වීක් වැනි සඟරා සෑම සතියකම මේ තොරතුරු පලකරයි. අමෙරිකාවට මෙන්ම බ්‍රිතාන්‍යයට වුවද බැන් කී මහතා වැදගත් වන්නේද මේ නිසාමය. ඉරාකයේ අමෙරිකන්/බ්‍රිතාන්‍ය හමුදා සිදුකල මිනිස් ඝාතන ගැන සොයන්නට බැන් කී ට වෙලාවක් නැතිවීම, තවත් අවුරුදු පහකට ඔහුට මහ පුටුව ලැබීමේ වාසනාව හිමිකර දෙන්නට විය. ඇෆ්ඝනිස්ථානයේ තත්වයත් එසේමය. ඇෆ්ඝනිස්ථානයට සැතපුම් 7000ක් ඈත නෙවාඩා ප්‍රාන්තයේ ගුවන් කඳවුරක සීතකල කාමරවල සිටිමින්, මුලු ළමා වියම පරිගණක වීඩියෝ ක්‍රීඩා කරමින් ලොකු මහත්වුනු අවුරුදු 20-25 වයස් තරුණයින් මෙහෙයවන මාරාන්තික ප්‍රිඩේටර් නියමු රහිත යානා මගින් පහරදී මරාදැමෙන අහිංසක ඇෆ්ඝන් වැසියන් ගැන හොයන්නට බැන් කී මූන් හට ඉස්පාසුවක් නොමැති වීම ප්‍රසාද ජනකය. ප්‍රිඩෙටර් යානා මෙහෙයවන ඇමරිකන් වීඩියෝ ගේම් ගැටවුන්ගේ වැරදි තීරණ මත මියගිය අහිංසක ඇෆ්ඝන් වැසියන් ගැන හොයන්නට ගියානම් බැන් කී මූන් හට මුල් අවුරුදු පහ ඉක්මවෙන්නටත් කලියෙන් විශ්‍රාම යන්නට සිදුවන්නට ඉඩ තිබුණි. එහෙත් චීන රුසියන් සහය නිසා තවත් අවුරුදු පහක් යනතෙක් රාජපක්ශ රජතුමාට මූන්ගේ මුස්පේත්තු මූන බලමින් බ්ලඩ් ප්‍රෙසර් නග්ගවා ගන්නට සිදුවීම අනිවාර්‍යය.

මේ කිසිවක් නිවැරදි යයි මම නොකියමි. එහෙත් ලෝක සත්‍යය එයයි. ලෝකයේ වැදගත්, සීලාචාර රාජ්‍යයන් ජාත්‍යන්තර ගැටලු පෞද්ගලික මඩ ගැසීම් බවට හරවා නොගන්නේ මේ ලෝක යතාර්ථය ඔවුන් දන්නා නිසාය. රාජපක්ස රජය බුද්ධිමත්ව, බැන් කී මූන් හට පෞද්ගලිකව මඩ නොගසමින්, ඔහු වෛරක්කාරයෙකු කරනොගනිමින් එ.ජා වාර්තාවට සිය විරෝධය පලකලානම් දැන් හෝ බැන් කී මූන් සමග රටට වාසිදායක ගනුදෙනුවකට යන්නට තිබුනි. එහෙත් කෙලවරක් නැති මෝඩකම් නිසා ලෝකයේම සහය ඇති බලසම්පන්න මිනිසෙක් රටේ තරහකාරයෙකු වී ඇති අතර, බැන් කී මූන් යනු රට ගිලගන්නට ආ චීන මූනක් ඇති කොටි ත්‍රස්තාවාදියෙකු බව බහුතර ජනතාවගේ සිතට කාවද්ද්දවා ඇත. මේ අනුව "කොටි මූන් "සමග ගනුදෙනුවකට යාම රජයට වමනය කනවා මෙන් අප්පිරියාවෙන් අපහසුවෙන් හැකිවුනත් ඒ සඳහා බැන් කී මූන් පරම හතුරා කරන්නට ගෙතූ බොරු වලට වඩා දස දහසක් බොරු ගොතා කිව යුතුය. "රට පාවාදෙන්නේ නෑ හාමුදුරුවනේ" කියපු කටින්ම රට කන්නට එනවායයි කියූ මූන් දැන් යහපත් එකෙකු බවත්, කොටියා නොවන බවත් කිව යුතුය.

රාජපක්ශ රජයට ලංකාව තුල ඕනෑම ඇත්තක් බොරු කිරීමටද ඕනෑම බොරුවක් බුදුබණටත් වඩා ඇත්ත කිරීමට හැකියාවක් ඇතත් ඒ හැකියාව මේ කුඩා දිවයිනේ සීමා මායිම්වලින් එපිටට නොපවතී. එබැවින් ලෝකයේම හවුල් සංවිධානයක් වන එජා සංවිධානය ඉදිරිපත්කල වාර්තාවක් බැන් කී මූන් මහ ලේකම්ගේ ප්‍රයිවෙට් ප්‍රොජෙක්ට් එකක් මෙන් පෙන්වන්නට ගොස් හත් පොලේ ගාගෙන ඉන්නා රාජපක්ශ රජය බලෙන් හතුරෙකු කරගත් බැන් කී මූන් සමග ඉදිරි වසර පහේදී කෙසේ ගනුදෙනු කරන්නේද යන්න මුලු මහත් ලෝකයාම උපහාසයෙන් යුතුව බලාගෙන සිටිනු ඇත.

රනිල්ට ආරාධනා කොට ජයලලිතා මහින්දට කල මදිපුංචිකම තවත් ජාත්‍යන්තර කුමණ්ත්‍රණයක්ද?

2011-05-29T09:03:00.000+05:30

ජාත්‍යන්තරයෙන් එතුමාට බොහෝ කෙනෙහිලිකම් සිදුවේ. වැඩිම කෙනෙහිලිකම් සිදුවුනේ ඉන්දියාවෙනි. මේ කෙනෙහිලිකම් ලැයිස්තුවට තවත් එක අයිතමයක් එකතුවී ඇත. ඒ සිය විජයග්‍රහණයෙන් පසු රනිල් යැවූ සුබපැතුමට ස්තූති කිරීමට ඔහු ඇමතූ ජයලලිතා රනිල්ට තමිල්නාඩුවේ සංචාරයක් සඳහා ආරාධනා කිරීමයි.

මෙය අලුතින් පත්වූ මහ ඇමතිනිය මහින්දට ගැසූ අතුල් පහරක් වැනිය. කරුණානිධිගේ පරාජයෙන් වැඩියෙන්ම සතුටුවුනේ මහින්දගේ රජයයි. ඒ හේතු දෙකක් නිසාය. කරුණානිධි මහින්දගේ රජයට පසුගිය වකවානුව පුරාවට විවිධ බලපෑම් එල්ලකලේය. කොටි වනසන යුද්ධය නවත්වාගන්නට කරුණානිධි ඉන්දීය මධ්‍යම රජයට බලකලේ මන්මෝහන් සිං රජයේ පැවැත්ම සඳහා ලැබෙන සිය සහය ලීවරනය (leverage) කරමිනි. කරුණානිධිගේ ඩී.ඇම්.කේ පක්ශය තමිල්නාඩුව පුරා මහින්දගේ රජයට විරුද්ධව උද්ගෝශණ මෙහෙයවද්දී දැඩි කොටි විරෝධියෙකු වුනු ජයලලිතා, කරුණානිධි ලංකාවේ දෙමල ජනයාගේ ගැටලු මැතිවරණ වාසි සඳහා යොදාගන්නා බවට චෝදනා කලාය. මෙම චෝදනා වක්‍රාකාරවෙන් මහින්දට ලැබුණු සහයක් මෙන් මහින්ද රජයේ ප්‍රචාරක යන්ත්‍රය විසින් යොදා ගැනුනි.

අනෙක් කරුණ නම් මන්මෙඔහන් සිං ගේ රජයේ පැවැත්මට කරුණානිධිගේ පක්ශයේ සහය අත්‍යාවශ්‍ය වීමයි. කරුණානිධි දුර්වලවීම මන්මෝහන් සිං/සෝනියා රජය දුර්වලවීමක් ලෙස මහින්ද සැලකුවේය. මහින්දගේ මේ ගණන් බැලීම අනුව කරුණානිධිගේ පරාජය තමිල්නාඩුව තුල ඉන්දීය මධ්‍යම රජයේ බලය අවමවී දෙමල ජනයාගේ ප්‍රශ්ණ පෙන්වමින් ඉන්දීය මධ්‍යම රජය මහින්ද රජයට කරන බලපෑම් යම් දුරකින් හෝ අඩුවිය යුතුය. එහෙත් ජයලලිතාගේ ජයග්‍රහණයත් සමගම සෝනියා ගාන්ධි ඇය හමුවීමට ගොස් සුබපතමින් තමිල්නාඩු නව රජයට ඉන්දීය මධ්‍යම රජයේ සහය ලැබෙන බව ඇඟෙව්වාය. සෝනියා ජයලලිතා හමුව කරුණානිධිගේ සිත බලවත්සේ කම්පාකරවන ලද්දක්වූ අතර ඔහු දැන් සෝනියා හා මන්මෝහන් සිං හමුවීම පවා ප්‍රතිකශේප කරමින් සිටී.

මේ අනුව තමිල්නාඩුව තුල ඉන්දීය මධ්‍යම රජයේ බලපෑම මහින්ද ගණන් බැලූ ආකාරයට හීනවූයේ නැත. අනාගත මහ මැතිවරණයකදී ජයලලිතා ඉන්දීය කොන්ග්‍රසය සමග එක්ව තරඟ කිරීමේ පසුබිමක් දැන් සැකසී ඇති අතර ඒ අනුව තමිල්නාඩුවෙන් හා ඉන්දීය මධ්‍යම රජයෙන් මහින්ද රජයට එල්ලවෙන බලපෑම් කිසි ලෙසකින්වත් අඩු නොවෙනු ඇත. මේ අනුව තමිල්නාඩු දේශපාලනය සම්බන්ධයෙන් මහින්ද රජය කල සියලු ගණන් බැලීම් අවුල්වී ඇත අතර ජයලලිතාගේ රනිල් ආරාධනයත් සමග මහින්ද තමිල්නාඩුව තුල යලිත් ප්‍රතික්ශේපවී සිටී.

විදේශ රටකදී, විශේෂයෙන්ම ඉන්දියාවේදී සිදුවෙන සුලු අතපසු වීමකින් පවා මහත්සේ කෝපවන මහින්ද ජයලලිතා රනිල් වෙත සිදුකල ආරාධනය මහත් මදිපුංචිකමක් ලෙස සලකනු නොඅනුමානය. මේ අනුව ජයලලිතා රනිල්ගේ රාජ්‍යතාන්ත්‍රික පරිනතභාවය හා සටන්විරාමය හරහා දෙමල ජනතාවට ලබාදෙන්නට ගිය සහනය අගයකර ඇති අතර රාජ්‍යනායකයා වූ මහින්දට ලබාදී ඇත්තේ බලයෙන් මිනිසුන් පෙලාගෙන සිටිනා නගරබද චන්ඩියෙකුට දී ඇති සැලකුමයි. සෝනියා ගාන්ධී සමග විශේෂ හිතවත්කමක් මෙන්ම ඉන්දීය මධ්‍යම රජයතුලද විශේෂ පිලිගැනීමක් ඇති රනිල් හට දැන් ඉන්දියාවේ සිය හිතවතුන් ගොන්නට තමිල්නාඩුවේ මහ ඇමතිනියද එක්කර ගත හැකිය. මේ අනුව ඉන්දියාව තුල රනිල්ට සුවිශේෂ රාජ්‍යතාන්ත්‍රික පිලිගැනීමක් ලැබී ඇති අතර මේ පිලිගැනීම මහින්ද කෙසේ දිරවා ගනීදැයි පැවසීමට තවම කල් වැඩිය.

මහින්ද ලෝක කුසලාන අවසන් තරඟයේදී ඉන්දියාව තමන්හට අවමන් කලායයි සිය ක්‍රීඩා ඇමතිවරයා හරහා කල ප්‍රකාශයත් ඊට සමගාමීව අයි.පී.එල් තරඟාවලිය කඩාකප්පල් කිරීමේ අරමුණින් ක්‍රීඩකයින් කලින් ගිවිසගත් දිනවලට කලින් ලංකාවට පැමිණිය යුතු බවට කල දැනුම්දීම ඉන්දීය ජනතාව අවඥා සහගතව බැහැර කලේය. සංගක්කාර, මහේල, මුරලි වැනි ක්‍රීඩකයින් දැඩි විනයකින් මෙන්න සුහදත්වයකින් ක්‍රීඩාකිරීම නිසා ඉන්දියාව පුරා ශ්‍රී ලාංකියයින් හට ඇති ගෞරවය වැඩිවී ඇතත් මහින්ද ගැන ඉන්දියාව තුල ඇති ගෞරවය ඉතා විශාල ලෙස අඩුවී ඇත. ඔවුන් ශ්‍රී ලංකාවේ ජනාධිපති මහින්ද රාජපක්ශ ඉතා පටු මාසිකත්වයක් ඇති, ලෙහෙසියෙන් කිපෙන, දිරදිග නොබලා තීන්දු තීරණ ගන්නා, විශ්වාස කල නොහැකි නායකයෙකු ලෙස වර්ගකොට ඇති අතර අනාගතයේදී ශ්‍රී ලංකාව කෙරෙහි ඉන්දියාවේ ප්‍රතිපත්ති සැකසෙනු ඇත්තේ මේ වර්ග කිරීමට අනුවය.

වාසනාවකට මහින්දට ලැබී ඇති මේ වර්ගීකරණයට පොදු මහත් ශ්‍රී ලාංකිකයින් හසුවී නැති අතර මේ සඳහා සංගක්කාර ඇතුලු ක්‍රිකට් ක්‍රීඩකයින්හට ප්‍රණාමය පුදකල යුතුය. ඉන්දියාව තුල සැබෑ රාජ්‍යතාන්ත්‍රිකයින් ලෙස පිලිගැනීමක් ඇත්තේ ජනපති මහින්ද හා ඔහුගේ විසිලු නඩයට නොව රනිල්ට හා ක්‍රිකට් ක්‍රීඩකයින්හටයි.

නායකත්ව පුහුණුව.............

2011-05-25T14:52:00.000+05:30

විරෝධයට හේතුසාධක

විශ්ව විද්‍යාල නවක සිසුන්හට ඇස්.බී තුමාගේ "සංකල්පණාවක්" අනුව ලබාදෙන නායකත්ව පුහුණුව ගැන සමාජයේ දැඩි විවාදයක් පවතී. විවාදය බැලූබැල්මට ආන්තිකය. කට්ටියක් දැඩිලෙස විරුද්ධය. විරුද්ධවීමට හේතු ගොඩකි. රාජපක්ශලාගේ වැඩගැන ජනතාවට ඇති අවිශ්වාසය, එස්.බී ගැන ඇති අපුල විරෝධතාවලට ප්‍රධාන නිමිතිවේ. මීට අමතරව ජවිපෙ, සිය සාම්ප්‍රදායික බලකොටු හා මිනිස් සම්පත් සංචිතය වන සරසවි සිසුන් හමුදා පුහුණුව ලැබූ, නවක වධයට, සීනියර් අයියලාගේ අක්කලාගේ සත්තම් වලට නොබිය කශේරුකා සහිත මිනිසුන් වීම ජවිපෙට මහත් විපතකි.ඒ නිසා ජවිපය විරෝධතාවය දක්වයි. ජවිපෙ පැත්තෙන් එය සාධාරණය තම බලකොටු කඩාවැටෙනවා බලාගෙන නිකම් සිටිය හැක්කේ රනිල් වැනි නායකයින්ට පමණි.

මීට අමතරව සරසවි සිසුන් ජාතියේ දක්ශම දරුවන් බවත්, වතුර බේසම්වල කකුල් දමාගෙන පාඩම් කලේ කූඩාරමක අටපාස් නිළධාරීන් අතින් විනය හා නායකත්වය ගැන දේසනා අසාගැනීමට නොවන බවටත් තර්කයක් මතුවේ.

මේ සියල්ල සත්‍යලෙස ගත හැකි, විවිධ කෝණවලින් බැලූවිට සාධාරණ තරකවේ.

නායක්ත්ව පුහුණුව යනු මුසාවාදයකි

දැන් අපි මේ පුහුණුවේ සවභාවය ගනිමු.මෙයට නායකත්ව පුහුණුවක් යයි සඳහන් කරයි. මෙය මුසාවදයකි. නායකයින් පුහුණු කරන්නට පුලුවන් නම් රටකට නියම නායකයින්ගේ හිඟයක් ඇතිවෙන්නේ නැත. නායකයන් බිහිවන්නේ උපතින් බවත්, පුහුණුකල නොහැකි බවත් මානවසම්පත් කලමනාකරණයේදී උගන්වයි. කල හැක්කේ නායකත්වය සඳහා සහජ කුසලතාවක් දක්වන්නන් හඳුනාගෙන ඔවුන්හට එම කුසලතා වැඩිදියුණු කරගැනීමට අවශ්‍ය මගපෙන්වීම හා උපදේශන (mentoring) ලබාදීමයි. මෙය වසර ගණනාවක් යන ක්‍රියාදාමයකි. ඒනිසා මේ පුහුණුව "නායකත්ව පුහුණුවක්" යයි හැඳින්වීම එස්.බී හත්පොලේ ගා ගැනීමකි.

එසේනම් මේ පුහුණව කුමක්ද?

පෙනෙන ආකාරයට මෙය පෞරුශත්වය හා ආත්මවිශ්වාසය වර්ධනය කිරීමේ පුහුණුවකි. පුහුණුව භාරදුන් හමුදාකඳවුරුවල අණදෙන නිළධාරීන් හට පවා මේ ගැන දැනුමක් ඇත්දැයි සැක සහිතය. එහෙත් මෙවැනි පුහුණුවක් ඉතා සාර්ථකව හමුදා පුහුණුවක් මගින් ලබාදිය හැකිය. හමුදා පුහුණුවක් යයි කියූ පමණින් වරදවා තේරුම් ගතයුතු නැත. හමුදා පුහුණුව යනු වෙඩි තබන්නට, මරන්නට , මැරෙන්නට, අණපිලිපදින්නට පමණක් පුහුණු කිරීමක් නොවේ.

ඊට අමතරව හමුදා පුහුණුවකදී වෙලාවට වැඩ කිරීම, ලැබෙන උපදෙස් නිසිපරිදි ක්‍රියාත්මක කිරීමට උගෙනීම, පෞද්ගලික ජීවිතය අන් අයට කරදරක් නොවෙන ලෙස, අනුන් මත නොයැපී තමුන්ගේ වැඩ තමුන්ම කරගන්නා ආකාරය උගෙනීම, තමා පිලිබඳව ආත්ම විශ්වාසයකින් කටයුතු කිරීම, තමන්ටත් යමක් කල හැකියයි ආත්ම විශ්වාසය ගොඩ නැගීම වැනි ඉතා වැදගත් ජීවන කුසලතාද ඉගැන්වේ. හරියට වැඩක් කරන්නට බැරි, තමන්ට තමන් ගැනම විශ්වාසයක් නැති මිනිසුන්හට යුද්ධවලට මුහුණදිය හැකිද?

මා මෙතන සඳහන් කරන්නේ එස්.බී ගේ පුහුණුව හෝ එහි ප්‍රතිලාභ නොව නිවැරදි හමුදාපුහුණුවකදී පුහුනුවන්නෙකුට ලැබෙන ප්‍රතිලාභයි. එස්.බී ගේ පුහුණුව ගැන එස්.බීට හෝ ඔහුගේ ගෝලයයින් හට හෝ හරිහමන් අවබෝධයක් ඇත්දැයි නොදනිමි.

හමුදාවිනය පාදක කොටගත් පෞරුශත්වය හා ආත්මවිශ්වාස වර්ධන පුහුණුවක් සරසවි සිසුනට වැදගත් ඇයි?

මෙය එස්.බී ගේ පුහුණුවට කඩේ යාමක් නොවන බව මම නැවතත් කියමි. එහෙත් උසස් අධ්‍යාපන ආයතනයක උගන්වන මට සරසවි පිවිසුම් වයසේ සිටින සිසු සිසුවියන් හට මෙවැනි පුහුණුවක් වැදගත් යයි සිතෙන්නේ මාගේ අත්දැකීම්ද අනුවය.

1] කායික සුවතාවය

උසස්පෙල නිමකරන සිසුන් වැඩි ප්‍රතිශතයක් කිසිදු කායික ව්‍යායාමයකින් තොරව වසර දෙකක් නැතහොත් තුනක් තනිකරම පොතපතේම ගැලුණු අයවලුන්වේ. මොවුන් නැවතත් සිරුර ක්‍රියාත්මකවන, මේධ දිය කරණ ව්‍යායාම පද්ධතියක නියැලවීම ඔවුන්ගේ අනාගත නිරෝගිභාවට පිටිවහලකි.

2] ආත්ම විශ්වාසය හා පෞරුශත්වය

විශ්වවිද්‍යාලතුලදී ආත්ම ශක්තියක්, ආත්ම විශ්වාසයක් නැති කෙනෙකුට පෙම්වතියක් හෝ සොයාගැනීම අපහසුය. නවකවධය වැනි පරපීඩක උපක්‍රම මගින් කෙල්ලෙකු සොයාගැනීමට සමහර සිසුන් පෙළබෙන්නේ එබැවිනි. කෙල්ලෙක් සොයා ගැනීම මහාදෙයක් නොවන බව ඔබ දැන් සිතුවත්, ඒ වසයේදී එය ඉමහත් පීඩාකාරී පෙලැඹවීමකි. පෞද්ගලික අංශයේ රැකියාවලට යන්නට උපාධිධාරීන් අකමැති වීමට එක් හේතුවක්ද ආත්මවිශ්වාසයක් නොමැතිවීමයි. බොහෝ උපාධිධාරීන් පෞද්ගලික අංශ සේවයට බියක් දක්වන්නේ තමන්ට එවැනි සමාජයකට/සංස්කෘතියකට හැඩගැසීමට නොහැකිවේය යන බිය/කුලෑටිබව නිසායි.

3] වෙලාවට වැඩකිරීම

මෙය අපේ ජාතියටම ලබාදිය යුතු පුහුණුවකි. උදේ අටට එනවා කියන එකා අටහමාරට දකින්නට ලැබෙන්නේනම් පුදුමයකි. අටයි කිව්වවිට සිංහල වෙලාවෙන් නමයට කාලකි. දියුණු වන්නටනම් අඩුම ගණනේ කලට වෙලාවට දේශණ වලට සහභාගිවී උපාධිය ගෙන, රැකියාවක් ලැබුණු පසු කළට වෙලාවට වැඩට යායුතුය. ආණ්ඩුවෙන් රැකියා ඉල්ලමින් මැරෙන්නේ එහෙම බැරි උපාධිධාරීන්ය.

4] උපදෙස් පිලිපැදීම හා දෙන වැඩය හරියට නිවැරදිව කිරීම :

හමුදාපුහුණුවේ ඉතා වැදගත් අංගයකි. නායකයෙක් වන්නට පෙර හොඳ අනුගාමිකයෙකු වියයුතු බව පැවසේ. හොඳ අනුගාමිකයෙක් නම් දෙන වැඩය නිවැරදිව අවබෝධකරගෙන, උපදෙස් නිවැරදිව පිලිපදිමින්, කලටවෙලාවට නිමවා අවසන් කල යුතුය.

අණ පිලිපැදීම යනු උඩ පැන ලොක්කෙකුට සැලූට් ගැසීම නොවේ. අණ පිලිපැදීම යනු වැඩක් හරියට කිරීමට ඉගෙන ගැනීමයි. වැඩක් හරියට කරන්නට බැරි එවුන් කෙසේ නායකයන් ලෙස අනුන්ගෙන වැඩ ගන්නද? මේ කුසලතාවය සරසවි සිසුනට උසස්පෙලින් ලැබෙන්නේ නැත, බෝහෝ පාසැල් වලින් ලැබෙන්නේද නැත. උසස්පෙල සිසුන් අතරින් අඩුම ගණනේ කණ්ඩායම් ක්‍රීඩාවක් හෝ කරන්නේ තරුණ තරුණියන් කීයෙන් කීදෙනාද? කණ්ඩායම් ක්‍රීඩාවක් කරන්නේනම් උපදෙස් පිලිපැදීම, කණ්ඩායමේ ජය වෙනුවෙන් තම වැඩය හරියට කිරීමට උගනී. එවැනි සිසුන් ලංකාවේ විශ්වවිද්‍යාලවලට තේරෙන්නේ කළාතුරකිනි.

5] කණ්ඩායම් හැඟීම හා සමූහයක් ලෙස වැඩකිරිමේ හැකියාව:

උසස්පෙල යනු ඉතා ආත්මාර්ථකාමී, ආත්මාර්ථය මෙන්ම අනුන් කෙරෙහි බිය, ඊර්ශ්‍යයාව වර්ධනය කරන මහත් ව්‍යසනකාරී විභාගයකි. අප සමාජයමෙතරම් ආත්මාර්ථකාමී වී ඇත්තේ ඇයිදැයි සිතා බලන්න. බෝහෝදෙනෙක් මේ ආත්මාර්ථය විවෘත ආර්ථිකයත් සමග බල්ලන් මරාහෝ සල්ලි හම්බු කල යුතුය යන මානසිකත්ව ලැබීමෙන් ඇතිවූවා යයි සිතයි. එහෙත් මට සිතෙන ආකාරයට මේ ආත්මාර්ථය එන්නේ ව්වෘත ආර්ථිකය නිසා නොවේ. විවෘත ආර්ථිකය ඇති ලෝකයේ එකම රට මෙය නොවේ. වෙනත් රටවල මිනිසුන් මෙතරම්ම ආත්මාර්ථකාමී නැත.

මට සිතෙන ආකාරය මේ ආත්මාර්ථකාමිත්වය ලැබී ඇත්තේ උස්ස් පෙල තරඟය නිසාය. කෙසේහෝ අනෙකාට වඩා ලකුණක් හෝ උඩින් සිටීම එකම අරමුණ ඒ. සිසුවාගේ අරමුණ මෙන්ම දෙමව්පියන්, නෑදෑ හිතමිතුරන්ගේද අරමුණ එයම වේ. මේ නිසා වැඩිවියට පැමිණෙන විට පොදු අරමුණු යන සංකල්පය තරුණපරපුරෙන් බැහැරව ගොස් ඇත. "මගේ වැඩේ කෙරුණොත් ඇති, එනිත් එකාට මොනවා වුනත් මට මොකෝ" යන්න ජීවිතයේ තේමාව වේ.

එහෙත් නූතන ලෝකයේ, විශේශයෙන්ම පෞද්ගලික අංශයේදී කණ්ඩායක් කුසලතාවයට ඉතා වැදගත් තැනක් හිමිවේ. තනියෙන් දිනන සුපිරි අශ්වයින්ට වඩා කණ්ඩායමක් ලෙස වැඩ කලහැකි මිනිසුන් පෞද්ගලික අංශයට වැදගත්ය. මෙවැනි පුහුණුවලින් සමූහයක් ලෙස පොදු ඉලක්කයක් කරා යන හැටිත්, තම පෞද්ගලික අරමුණු, ආශාවන් පොදු ඉලක්කය වෙනුවෙන් යටපත් කරගැනීමටත් පුහුණුවක් ලබයි.

එස්.බී ගේ ඉලක්කය හා ජවිපේ බිය

එස්.බීගේ සැබෑ ඉලක්කය නම් මෙවැනි පුහුණුවක් තුලින් ජෙවිපෙට බිලිනොවන සරසවි සිසුන් පරම්පරාවක් තනාගැනීමය. ජවිපෙට ඇති බියත් එයමය. තම අනාගත කාඩර් සංචිතය මිලිටරි සංචිතයක් වනවා දැකීම ඔවුනට ඉතා බියජනක කාරණයකි.

එහෙත් ජවිපෙ බිය යුතු නැත. කෙල්ලෙක් හොයාගන්නට රැග් කරලා ඒ අස්සේ අන්තරේ කොන්තරාත්තුවලට සෙට්වෙලා ජවිපේ පූර්ණකාලීනයන් වී ඇති මිනිසුන් අද ජවිපෙ නායකයන් වී ඇත.

ටිල්වින්? බිමල්? අනුර? ලාල්කාන්ත? මුන් එකෙකුටවත් නියම පෞරුශයක් තිබේද, නායකත්ව ගතිගුණ තිබේද? ඉස්ටේජ් ගැසීම හා පෝස්ටර් ඇඳීමට අමතරව වෙන ජීවන කුසලතා කිසිවක් තිබේද? නිවැරදි වැඩපිලිවක් සකසා ගැනීමට දර්ශණයක් තිබේද?

නැත?

අද ජවිපෙට කෙලවී ඇත්තේ විශ්වවිද්‍යාල දේශපාලනය තුලින් නායකයින් බිහිකරගන්නට යාම නිසාය. ජවිපෙ හැර පැනගිය, එවක ජවිපෙ පතාක යෝධයෙකු වුනු වීර්වංශ හොට්ටාගේ තුප්පහි වැඩපිලිවෙලින්ම ජවිපෙ නායකයින් බිහිකිරීමේ ව්‍යාපෘතියේ ආසාර්ථක භාවය පෙනෙයි. විමල් වැනි නිවටයෙකු මහා බලසම්පන්න නායකයෙකු බවට පත්වූයේ රොඩ්ඩන් ගොඩේ සිටි හොඳම වාචාලයා ඔහු වුනු නිසාය.

උද්ගෝසනයක් සංවිධානය කරගැනීමට, උගුර ලේ රහවෙනතෙක් කෑගැසීමට හෝ පොලීසිට ගල් ගසා ප්‍රකෝප කොට වෙඩිතබ්බවාගෙන වෙඩි තියෙනො කියා කෑගැසීමට හැර වෙන කිසිවක් කරන්නට මේ නායකයින් හට නොහැකිය.

ජවිපෙ ඉදිරියට එන්නට නම්, චන්ද දිනන්නට නම් හොඳ පෞරුශත්වයකින් හෙබි, මිනිසුන්ගේ විශ්වාසය දිනාගත හැකි, පිලිවෙලකට වැඩකරන නායකයින් බිහිකල යුතුය. එවැන්නවුන් හඳුනා ගැනීමට විශේෂ බඳවාගැනීමේ ව්‍යාපෘති ක්‍රියාත්මක කල යුතුය. දක්ශයන් සොයාගෙන, ඔවුන් පක්ශයේ ප්‍රතිපත්ති හා දර්ශණයට නම්මවාගෙන ඔවුන් නායකත්වයට ගෙන ඒමට දීර්ඝකාලීන වැඩ පිලිවලක් තිබිය යුතුය. කෙල්ලෙක් හොයාගන්නට බැරි හොට්ටන්ට පක්ශයෙන්ම ගෑනියෙකුත් හොයාදී, කසාදත් බන්දවා, ස්ටේජ් ගස්සවන්නට, පත්‍රිකා බෙදන්නට, උද්ගෝසන කරන්නට යැවීම පක්ශය නෝන්ජල් වෘශභයින්ගෙන් පුරවාගැනීමකි.

අවසාන නිර්ණයනය

මේ පුහුණු වැඩපිලිවෙල, හොඳින් සැලසුම් කොට, පසහුකම් සපයාගෙන, නිවැරදි සැලස්මකට කරන්නේනම් මුලුමහත් සරසවි ප්‍රජාවට මෙන්ම රටේ අනාගතයටද යහපත්ය. අනාගත උපාධිධාරීන් දේශපාකලයින්ට දෙතුන්වතාව රැවටී පාරවල්ගානේ රස්තියාදු නොවට පිරිසක් කිරීමේ අඩිතාලම මෙයින් දැමිය හැකිය.

මේනිසා උපාධි අපේක්ශක නවකයින් බිය නොවිය යුතුය. පහසුකම් නැතත් ගත හැකි යමක් ගෙන කශේරුකාවක් ඇති මිනිසුන් ලෙස විශ්වවිද්‍යාලයට ඇතුලුවෙන්න.

ජවිපෙද බිය නොවිය යුතුය. මේ පුහුණුවෙන් පසු දක්ශයන් එලියට එනු ඇත. උන් හොඳින් හඳුනාගෙන පක්ශයට ගෙන අනාගත නායකත්වය සඳහා පුහුණුකල යුතුය. එවිට එස්.බීගේ මාළු එස්.බී මතම තියා කැපිය හැකිය.

රාජපක්ශ රාජ්‍ය වංශය අවසන්කල හැකි දක්ශ නායකයින් රාජපක්ශලාගේ මේ පුහුණුව තුලින්ම බිහිකරගත යුතුය.

විරෝධතාවෙට දහනවදාහක්ම එන්න හිටියා, ඒත් නිවාඩු අනුමත වුනේ දහනවදෙනාටයි....

2011-05-23T15:34:00.000+05:30